اسكتش المحبة لا تسقط ابدا

الشاويش : انى كان مالى ومال الشغلانه دى النفر مننا عيتعب طول الشهر علشان

الكام ملطوش اللى عيقبضهم اخر كل شهر يلا معلش كله يهون علشان

السلام والمحبه يعمو عل الكفر كله اه بس الواحد لو كان عنده نجمتين

اهنه ولا اهنه كان سعاده البيه الضابط ده هو الشويش كان الواحد يشوفه

يقوله ياواد يا عادل اعمل ده ومتعملش دهي لا معلش وبعدين انى احسن

لى اشوف شغلى لحسن البيه زمانه جاى وادى محاضر ليله امبارح

1- جاموسه عويضه 2- جاموسه عويضه

3 -عويضه الجاموسه

ايه ده كل دى بلاغات علشان ضياع جاموسه عويضه هى جاموسه

عويضه تطلع مين ف البلد تكونش دى مرات جناب العمده ولاتكونش

مرات البيه المأمور ولا يمكن تكون عادى شخصيه هامه ف الكفر

ومحدش قالى .

الضابط: صباح الخير يا شاويش

الشاويش: صباح الخير يا جاموسه عويضه...ايه صباح الخير يا عادل بيا

الضابط : ايه دا يا شاويش جاى متاخر يعنى النهارده

الشاويش: انى برضك اللى جاى متاخر ولا انت اللى ناموسيتك كحلى

الضابط : ايه بتقول حاجه يا شاويش ؟

الشاويش: لع لع معاجولش

الضابط : انا هنا من الفجريه وانت مش دريان بحاجه من اللى بتحصل

الشاويش: هيكون ايه يعنى اللى حصل يعنى

الضابط : البلاغات نازله ترف من الصبح ف شخصيه ضايعه من الكفر

الشاويش: ايوه مانى دريت لما قريت البلاغات مش جاموسه عويضه بردك

الضابط : جاموسه عويضه مين يا شاويش وانا بقولك شخصيه من الكفر تقولى

جاموسه عويضه

الشاويش: ماهى بلاغات اهل الكفر هنا عن خاحات تايهه ايش جاموسه عويضه

وعجله الواد مراد وحاجات هايفه زى كده

الضابط : يا شاويش الشخصيه اللى ضايعه هى واحده اسمها محبه ساكنه فى

الشارع اللى فيه الفرن

الشاويش: وياترى مين صاحب البلاغات دى

الضابط : البلاغات دى مبعوته من مجهول

الشاويش: مجهول!؟....ايوه عرفتهم دول اكيد من برنامج الكاميره الخفيه ايوه مانى

عارفهم اكيد عيهزروا مع جناب سعادتك

الضابط : كاميره ايه وخفيه ايه يا شاويش الموضوع ده خطير واكيد اكيد وراه سر

والمشكل هان اللى بعت البلاغات هيرفع علينا قضيه لو ملقنهاش فى

خلال اسبوع وهيتهمنا بالتقصير

الشاويش: دى باين محبه اهم من جاموسه عويضه

الضابط : جاموسه ايه بس على العموم انا بعت المخبرين علشان يدورو على اى

خيط يوصلنا بحمبه دى

حلاوتهم: الحقونى ياناس انجدونى يا حكووومه ...صباح الخير الاول

الشاويش: صباح الخير ياختى ايه جايه ليه وعايزه ايه

حلاوتهم: انى جايه وعايزه اقدم بلاغ

الشاويش: وبلاغ ضد مين

حلاوتهم: بلاغى ضد اختى اتلفت منى متين جنيه "200"ج

قال ايه عايزه تعمل عمليه مستعجله لابنها البكرى ولحد دلوقتى مردتهمش

الشاويش: اصبرى عل اختك شويه واكيد هتردلك فلوسك

حلاوتهم: لع انى عايزهفلوسى مش هما فلوسى برده ...خلاص انى حره فيهم

الضابط : ده باين عليه يوم مش هيعدى من اوله.. افتحلها محضر يا شاويش وخد

اسمها وسنها وعنوانها

الشاويش: ها اسمك ايه

حلاوتهم: انى اسمى حلاوتهم الحلو بنت عين اعيان الكفر كله

الشاويش: بطلى لت وعجن وردى عل كدا السؤال اسمك ايه

حلاوتهم: ما قلتلك يا شاويش محسوبتك اسمى حلاوتهم الحلو

الشاويش: ودا عايش ولا ميت

حلاوتهم: مات .. مات يا شاويش مات

الشاويش: اكيد لما شافك ماستحملش واتخض ومات على طول وسنك كام سنه؟

حلاوتهم: تدينى كام سنه كده يا شاويش

الشاويش: اقضى كدا انا اديكى ... تأبيده

حلاوتهم: تأبيده ايه يا شاويش تكونش شايف لى عريس

الشاويش: عريس ... عريس مين اللى ياخدك دا ربنا اللى ياخدك

سنك كام سنه يابت

حلاوتهم: احسبهم معايا كدا يا شاويش عشره ف الايد وعشرع ف الرجل واللى

معايا عشر اخوات والكلام ده من عشر سنين فاتوا

الشاويش: عشر اخوات وعشره فاتوا

حلاوتهم: لع يا شاويش عاقولك من عشر سنين فاتوا

الشاويش: يعنى ... انتى سنك 44 سنه وعنوانك ايه

حلاوتهم: انى الاول كنت ساكنه مع اختى وبعد العركه سكنت ف بيتى الملك عقبال

املتك ف شارع الفرن

الضابط : ايه انتى بتقولى ايه سامنه ف شارع الفرن ؟ طيب انتى تعرفى واحده

اسمها محبه كانت ساكنه ف الشارع ده ؟

حلاوتهم: محبه ... محبه... ايوا انى افتكرت دى كانت وليه كويسه خالص وكانت

من شهرين لما فكرت اشتكى اختى عندكم يا حكومه اصلها كانت شاهده

ساعه الاتفاق ةقالت انها رايحه للدكتور ومن ساعتها ماحدش شافها

الضابط : وايه اسم الدكتور دا .؟

حلاوتهم: اسمه ايه يابت يا حلاوتهم اسمه ايه

الشاويش: ماتفتكرى يابت

حلاوتهم: ايوه افتكرت اسمه الدكتور مجدى اصله دكتور جديد ف الكفر ومحبه

كانت بتروحله دايماً ومعاها العيانين الفقراء علشان بيكشف عليهم ببلاش

وهو ساكن ف نفس الشارع

الضابط :طاب تقدرى تروحى يا حلاوتهم واحنا هنعرف موضوع فلوسك

حلاوتهم: ماشى انى هروح دلوقتى وارجوك يا سعاده البيه ترجعلى فلوسى

ماشى سلامات

الشاويش: سلامات ياختى ماسلامتش ليه

الضابط : واضح ان الدكتور مجدى له دخل بموضوع ضياع اللى اسمها محبه

وحلاوتهم بتقول ان محبه كانت بتزوره دايماً

الشاويش: اكيد فى نافوخ سيادتك خطه

الضابط : ايوه احنا هنروح للدكتور مجدى بس مش بهيئتنا دى

الشاويش: ايوه فهمتك .. يعنى هنروحله مستنكرين يعنى انا الضابط وانت الشاويش

الضابط : ايه بس النباهه دى يا شاويش طبعاً لأ . انته تروح على انك اخو محبه

واسمك سلامه وسيب الباقى عليه

الشاويش: امرك يا عادل بيه

الضابط : اما اشو فاخرتها معاك يا دكتور مجدى ولا انتى يا حلاوتهم

الدكتور : الدكاتره خيبتها السبت والاحد وانا خيبتى ماوردت عل حد

بعد شهرين ... شهرين ولا عيان ف العيادهناس جهله . فين ... فين ايام

زمان لما كانت العياده مليانه ناس جهله تعبى 5 سنين ابتدائى و3 اعدادى

و3 ثانوى و6 سنين طب وسنه امتياز وسنتين تكليف ف توشكا وف الاخر

العيادهفاضيه ناس جهله صحيح . حتى الواد التمرجى طفش من العياده

(( صوت صوت حد يطرق الباب ويظهر الدكتور انه بيتكلم ف التليفون ))

الدكتور : اه زبون الوو انا الدكتور مجدى ايه عاوز تعمل عمليه . تعمل عمليه ايه ؟

عمليه المصران الاعور هو ايه اللى خلاه اعور ؟ عل العموم العمليه تكلم

50 جنيه وعل فكرا انتا لو جبت حد معاك علشان تعمله عمليه هعملك

خصم بدلاً من 100 جنيه هاخد 75 جنيه فانت روح اى كفر وشوف حد

ايوه مين

حرم العمده: انى حرم جناب العمده

الدكتور : اهلاً اهلاً ازيك يا حرم جناب العمده وازاى العمده كدا واهل البلد مش

كويسين

حرم العمده: كويسين !! كويسين كيف يعنى وانتا فاتح عياده حدانه ف الكفر

الدكتور : مش كفايا دكتور مثقف زيى رضى يفتح عياده ف كفر زى دا

حرم العمده: عتقولى مثقف برضك بقى ده كلام برضك يا دكتور يا مثقف ابعتلك

الواد رزق الاسبوع ال فات يقولك عندى انفلونزا تكتبلو عل مناديل هاندى

وتقولى مثقف

الدكتور : اكيد هو ال غبى ومبيفهمش كويس

حرم العمده: طيب ومرات الواد توفيق الى ولدتها من اسبوعين فاتو ونسيت الفوضه

ف بطنها

الدكتور : انا كنت متكل عل الواد التانى يجيبها ف ايده وهو جاى

حرم العمده: بقى ده كلام برضك يا دكتور بص خدها نصيحه منى وذاكر تانى ف

كتبك . لحسن وحيات شنب جوزى العمده اجيب دكتور تانى مكانك اهنه

ف الكفر

الدكتور : لا لا خلاص مش هتسمعى عنى غير كل خير

حرم العمده: مع السلامه ولما نشوف

الدكتور : مع السلامه ناس جهله

حرم العمده: ايه بتقول حاجه يا دكتور ؟

الدكتور : لا مابقولش حاجه

حرم العمده: طيب مع السلامه

الدكتور : ناس جهله صحيح ايش فهمهم هما ف الطب

الشاويش: صباح الخير يا دكتور

الدكتور : صباح الخير يا اخويا .هلوو . هلوو انت عايز ايه انت كمان

الشاويش: سلامه

الدكتور : خلاص مع السلامه الباب من هنا

الشاويش: لع لع انى اسمى سلامه محب فاضل اخو محبه هل متكونش فاكرها

الدكتور : ايوه محبه دى كانت طيبه هو انت جاى من عندها ولا ايه

الشاويش: لع انا كنت مسافر لما رجعت سالت عنها قالولى اسال عنها الدكتور

مجدى

الدكتور : بس انا بقالى شهرين مشفتهاش

الشاويش: كيف ده ! دى كانت بتبعتلى وتقولى انها دايماً بتذورك

الدكتور : صحيح بس انا مشفتهاش من شهرين من يوم ... من يوم

الشاويش: من يوم ايه يا دكتور احكى

الدكتور : من يوم ما زعلت منى اخر مره

الشاويش: زعلت!؟ زعلت من ايه يا دكتور ؟

الدكتور : اصلى بصراحه يا سلامه اختك زودتها خالص

الشاويش: كيف دا يا دكتور

الدكتور : اصلها عماله تجيبلى عيانين فقراء اكشفلهم ببلاش

الشاويش: وفيها ايه اعتبرهم العشور بتوعك

الدكتور : يعنى انا كنت باخد 5 سنين ابتدائى و3 سنين اعدادى و3 سنين ثانوى و6

سنين طب وسنه امتياز وسنتين تكلفه توشكا علشان اكشف ببلاش

الشاويش: يعنى الفقراء نسيتهم خالص من حساباتك طيب ودلوقتى هتاكل منين

الدكتور : يعنى هو انا من غير الفقراء مش هقدر اكل ؟

الشاويش: يا دكتور الفقراء دول اخوات ربنا يسوع ال بيتعمل معاهم كأنه اتعمل معا

ربنا يسوع

الضابط : صباح الخير يا دكتور

الدكتور : صباح الخير يا سيدى

الشاويش: اهو عيان فقير جايلك هتعالجو ولا هتردو ؟

الدكتور : خلاص يا سلامه هعالجه ... ها عندك ايه ؟

الضابط : تعبان وهزلان وحاسس انى مش زى الاول

الدكتور : عندك دم ؟

الضابط : بتشتمنى يا دكتور؟ الله يسامحك

الدكتور : انا اقصد عندك دم ف البول ؟

الضابط : حاجه زى كدا

الدكتور : تبقا بلهارسيا يا جاهل . دى اخرت الاستحمام ف الترعه شوف يا سلامه

اهو كلهم جهله

الشاويش: معلش يا دكتور مهو جايلك علشان يتعلم بردك

الدكتور : هو انا فتحها محو اميه

الضابط : يعنى ايه هو انا مش هنفع تانى ؟

الدكتور : لا مش هتنفع تانى يا جاهل علشان تسمعو الكلام تانى مره

الشاويش: يا دكتور تواضع لاحسن انى ممكن اجبلك مثال من الكليه بتاعتك واوريك

انك ولا حاجه

الدكتور : وايه المثال ده بقى يا سي سلامه يا جاهل انت

الشاويش: الجمجم ال كن عتذكر عليها تقدر تقولى دى بتاعت واحد غنى ولا فقير يا

دكتور الواحد منا مش عيبقالو غير عمله

الضابط : رد يا مجدى

الدكتور : ايه مجدى كدا حاف ؟

الشاويش: رد كويس عل حضره البيه

الدكتور : وايه لزوم التمثليه البيخه دى ؟

الشاويش: البيه مستنكر علشان عايز يعرف ايه سبب اختفاء محبه واهو عرف خلاص

الدكتور : وايه السبب بقى ؟

الضابط : انت يا مجدى يالى المفروض تعالج الناس وتراعيهم . الغنى تعامله كويس

وبلطف ... والفقير تشتمه علشان البلهارسيه .

الدكتور : انا بفهمه الصح علشان هو جاهل

الشاويش: دا بدل ما تخفف عنهم وتشيل وجعهم واديك طفشت اختى محبه

الضابط : ف ايه يا شاويش انتا لسه عايش الدور ؟

الشاويش: لا يا عادل بيه بس ال عايز يعيش المسيحيه لازمن يخلى المحبه ديه اخته

واخوه واختى كل حاجه ف حياتى وبما انى اخو محبه بطلب من سيادتك

انك تامر بالقبض عل الدكتور مجدى

الضابط : ودا اله يحصل انا بأمرك يا شاويش انك تقبض عل مجدى

الدكتور : انا برئ يا حضره الضابط برئ .. توبه .... توبه خلاص هعالج الناس

كلهم ببلاش ومش هتكبر عل حد تانى

الضابط : ابقى قول الكلام دا ف الكراكون يا حبيبى وانتا يا شاويش ابقى هات

حلاوتهم معاك

الشاويش: اتفضل يا دكتور اتفضل معايا ياللى قعدت سنتين ف توشكا

الدكتور : انا الدكتور مجدى 5 سنين ابتدائى و3 سنين اعدادى و3 سنين ثانوى و6

سنين طب وسنه امتياز وسنتين

الشاويش: وسنتين تكليف ف الكراكون انجر قدامى

القاضى : بسم ملك الملوك ورب الارباب تفتح الجلسه ... النيابه تتفضل .

الضابط : سيدى القاضى اليوم نجتمع ف قضيه منذ ادم وحتى المجئ التانى قضيتنا

اليوم هيا قضيت القلب الخالى من سكن المجنى عليها سيدى القاضى لقد

فوجئنا زات صباح البلاغات ترد علينا باختفاء شخصيه ف ظروف

غامضه وكان علينا ان نجدها بأى وسيله . سيدى القاضى ان المتهمين

الماسلين امام عدالتكم سبتت التحريات انهما المتهمين ف اختفاء محبه

ولذالك الب القصاص منهما ليكونان عبره لغيرهم فى كل عصر . وشكراً

القاضى : شكرا للنيابه والاندور الدفاع ... واضح انه مفيش حد عايز يدافع عنكم

.نسمع اقوالكم ونبتدى بحلاوتهم الحلو

حلاوتهم: يا سيادته القاضى انى جايه من هنى انى واحده جاهله ومعرفشى حاجه

ف موضوع محبه دى واصل

الضابط : يدى القاضى . المتهمه تحاول المراوغه

حلاوتهم: يالهوى عليكى يا حلاوتهم عمالين يتهمو فيكى وانتى غلبانى

القاضى : اتكلمى كويس يا حلاوتهم والاهحبسك تعرف ايه عن محبه ؟

حلاوتهم: كل ال اعرفه يا بيه انه محبه كانت بتزورنا كتير وزمان كانت تاكل معانا

من صحن واحد

الضابط : سيدى القاضى وضح لديكم انه محبه كانت موجوده يوم الاتفاق بين

حلاوتهم واختها ثم رحلت غاضبه من حلاوهم

القاضى : ايه رايك ف الكلام دا يا حلاوتهم

حلاوتهم: انا كل ال قلته يا بيه انه محبه سابتنا ومشيت . لكن مقلتش انها زعلت

القاضى : عندك اقوال تانى يا حلاوتهم

حلاوتهم: لع يا بيه

القاضى : دلوقتى نسمع كلام مجدى

الدكتور : اسمى الدكتور مجدى

القاضى : مفيش القاب قدام القانون

الضابط : سيادت القاضى مثبت لديكم انه محبه كانت عل علاقه طيبه بالدكتور

مجدى . وكانت دائما للزياره له

القاضى : ايه رايك ف الكلام دا يا مجدى

الدكتور : صح وموافق وابصم بالعشره

حلاوتهم: ايه دا يا دكتور متثقف وبتبصم بالعشره وانى جاهله وببصم بصابع واحد

القاضى : اقعدى ساكته يا حلاوتهم بدلاً ما احبسك

حلاوتهم: امرك يا بيه

الضابط : سيدى القاضى مثبت انه محبه غادرت عياده الدكتور مجدى وهيا غاضبه

بعد رفض مجدى علاج احد المرضى

القاضى : ايه رايك ف الكلام دا يا مجدى

الدكتور : يا سياده القاضى مهو انى لازم اخد اجر علشان اقدر اعيش

القاضى : هل لديك اقوال اخره

الدكتور : لا يا سياده القاضى

الضابط : كما رأيت يا سياده القاضى حلاوتهم تسببت ف اختفاء محبه بسبب عدم

صبرها عل اختها وايضاً الدكتور مجدى عندما رفض معالجه المرضى

مجاناً ولهذا اطلب من عدالتكم انزال اقصى العقوبه عليها حتى يكونو

عبره عل مر العصور . وشكراً

القاضى : حكمه المحكمه حضورياً عل المتهمين حلاوتهم الحلو ومجدى كامل ف

سجن الموت ...

محبه : لا لا يا سياده القاضى ارجع ف حكمك

القاضى : مين انتى علشان تخلى المحكمه ترجع فى حكمها

محبه : انا ... المجنى عليها ال ياما قاصت من جراح المحبين من ادم الى ابد

الابديين لو قلت اسمى يبقى سلام بملأ قلبك ولو عمرى يبقا من قبل ادم

ملوش بدايا ولا نهايا انا ... انا محبه يا سيادت القاضى

القاضى : انتى محبه ؟ كنتى فين ؟ هربتى ليه ؟ حد خطفك ؟

محبه : هربت ... هربت لان المكان المفهوش محبه متقعدش فيه محبه وال

خطفنى هو ال خلقنى . هربت وبعدت وبعدت البلاغات ضد الناس . دى

يمكن يفوقو

القاضى : طيب قوليلى مين الناس دول لحسن يوقولو انه احنا بنفترى عليهم

محبه : حاضر ... حاضر يا سيادته القاضى ال قاعد هناك دا الدكتور مجدى هو

صحيح انه دكتور شاطر وذكى وحقيقى انه ايد ربنا بتكمل معاه

الدكتور : شوفت يا سياده القاضى انا مظلوم

محبه : الكلام دا كان لحد شهرين فاتو قبل ما تتكبر عل الناس

الدكتور : انا مش بتكبر ولا حاجه هما ال جهله ومش بيسمعوا الكلام انا ... انا

الدكتور مجدى 5 سنين ابتدائى و 3 سنين اعدادى و3 سنين ثانوى و6

سنين طب وسنه امتياز وسنتين ف توشكا . انا ...

محبه : مشكلتك انك قلتها الانا او بمعنى اخر الكبرياء وده من الد اعداء المحبه .

بتتكبر عل الناس ليه انتا احن منهم ف ايه

القاضى : عندك رد تقوله يا مجدى ؟

الدكتور : لا يا سياده القاضى

حلاوتهم: طيب قوليلى بقى الدكتور مجدى راجل مثقف وبيتكبر عل الناس امام انى

جاهله وعمريش اتكبرت عل حد بتهمينى ليه

محبه : انتى يا حلاوتهم مشكلتك هيا الفلوس والكتاب بيقول انه المال اصل كل

الشرور انتى مقدرتيش تصبرى عل اختك لحد متردلك الفلوس

حلاوتهم: فلوسى فلوسى وانى عايزاها انتى شريكتى ؟

القاضى : عندك رد تانى تقوليه يا حلاتهم

حلاوتهم: لا لا يا سيادت القاضى

الضابط : سيدى القاضى اعتقد بعد حضور محبه وسماع اقوالها اصبح كل شى

واضح امام عدالتكم

القاضى : اذاً حكمه المحكمه حضورياً عل المتهمين

محبه : لا يا سيادت القاضى ارجع ف حكمك

القاضى : امال ايه القصاص العادل عل ال عملوه ؟

محبه : انا بطلب منك يا سيادت القاضى انك تأمرهم انى اعيش فى قلوبهم هيكون

ف بلاغ ضد كل واحد فيهم وانت بتتعدى عل احوالى ليه وانت بتحقد على

ليه وانت وانت يا سياده القاضى المحبه لا تسقط ابداً

القاضى : اذاً حكمه المحكمه حضورياً بسجن محبه مدى الحياه فيه سجن القلوب

اسكتش المحبة لا تسقط ابدا