مسرحية هنوم

مسرحية هنوم

(يفتح المسرح علي فيرونيكا و هي تلبس عباءة بيضاء بها بقع حمراء )

 

فيرو: اه ياني جسمي متكسر حاسة زي ما يكون مضروبة علقة سخنة .. انا صحيح انضربت في الدرس بس ميوجعش قوي كده.. اللله ايه اللي لبسني العباية البيضة  دي و ايه المكان الغريب ده .. اه يا دماغي صداع جامد .. و ايه اللي هناك ده شجرة  و ايه الشجر الغريب ده هو انا بحلم و لا ايه.

الشجرة: فيرو.. يا فيرو

 فيرو: مين اللي بينده

الشجرة : انا اللي بنده انت متعرفيش

فيرو:انت مين انا معرفكيش

الشجرة انت كمان متعرفنيش مش كفاية الناس نسيوني انت كمان نسيتيني

فيرو:بقولك معرفكيش

الشجرة : انا شجرة المسيحية الحقيقية

فيرو: اه فهمت.. دا ايع يارب الحلم البايخ ده .. و سيادتك بقي عايزة مني ايه

الشجرة : انا محتجاكي قوي

فيرو:بس انا معرفش حاجة عن المسيحية دا انا اخر مرة دخلت فيها الكنيسة لما والدي مات من يجي 3 سنين و انا في الاعدادية

الشجرة : و انا بطلب مساعدتك .. ارجوكي ساعديني انا خلاص ثماري كلها اتاكلت و مفضلش الا ال3 ثمار دول .. كل يوم يجي حارس الوادي و ياخد ثمرة لازم تلحقيني ارجوكي

فيرو: خلاص ما تبكيش انا هساعدك بس ازاي

الشجرة : انا هقولك انت لازم تلمي اخواتك في .. في ( و تصمت) بقولك ايه انا مش هقدر اكملك عشان حارس الوادي جاي .. نكمل كلامنا بعدين

فيرو: استني بس انا مش فاهمة أي حاجة.   ( يدخل حارس الوادي)

الحارس: بس هس كله يحاسب حارس الوادي و صل .. و النهاردة معاد القطف و ثمرة النهاردة هيه ... هية ( ثم يفاجا بفيرو) واو مين فيرو ايه الحلاوة و الجمال ده كله و ايه النيو لوك الجامد ده .. بصراحة مكنتش اتوقع اشوفك هنا بالسرعة دي

فيرو: مين حازم

الحارس انا صحيح حازم في كل  قراراتي بس انا مسميش حازم انا اسمي؟  اسمي ؟

فيرو: ايه يا عم انت نسيت اسمك و لا ايه

الحارس : لا دا انا بنقيلك الاسم اللي يليق علي حلاوتك و جمالك و رقتك

فيرو: بقولك ايه

الحارس: اامر يا جميل

فيرو: احنا فين

الحارس : احنا في الوادي

فيرو:  و ادي ايه انا مش فاهمة انت تقولي وادي و الشجرة تقولي وادي

الحارس : انت اتكلمتي مع الشجرة

فيرو : ايوة و فيها ايه يعني

الحارس: و قالتلك ايه اكيد كانت بتجيب في سرتي بكل شر

فيرو: يوووووة اسكت بقي الوقتي احنا في الوادي صح

الحارس : ايوة

فيرو: و الوادي دي له اسم صح

الحارس: ايوة

فيرو : و اسمة ايه بقي الوادي ده

الحارس: اسمه و ادي هنوم

فيرو: ايه هنوم يعني ايه هنوم دي من قلة الاسامي يعني

الحارس : هتعرفي كل حاجة في و قتها.. و الان سيداتي انساني  وسادتي حارس الوادي  هيقدم اعظم عرض في التاريخ .. و هو معاد القطف و ثمرة النهاردة هيه ثمرة الرجاء(و يقطف) يا سلام علي حلاوة و طعامة ثمرة الرجاء .. و دلوقتي محدش في الناس هيبقي عندة أي امل في الخلاص

فيرو: خلاص ايه ؟؟

الحارس : الخلاص اللي و عد بيه رب الجنود بس للي هيصبر للاخر و بما ان الناس اصابها الهم و الياس يبقي ثمرة الرجاء لازم تتقطع من شجرة المسيح

فيرو: يوووووووووه انا زهقت بقي انا عايز  اروح

الحارس : انا اللي هروح استريح اصلي بصراحة تعبت .. باي باي يا قطقوطة

فيرو: يا استاذ يا اخ

الشجرة: فيرو .. يا فيرو

فيرو: انت تاني عايزة ايه

الشجرة : اسمعي مفيش و قت لازم تسمعيني

فيرو: اتكلمي يا ستي

الشجرة : جمعي اخواتك في المسيح و عرفيهم ان ابواب الجحيم عمالة تكتر و توسع و ان مصير العالم  هيبقي زي ما انت شايفة كده لو ما فاقوش في الوقت المناسب .. و خلي بالك من طريقك لان حارس الوادي هيحاربك و هيحاول يمنعك بكل الطرق. (يدخل الحارس )

الحارس : انت مش هتبطلي كلام انا بقي هوديكي لاخر الوادي ..

فيرو: يا حارس انت رايح فين

الحارس : هولع فيها بس يا خسارة شجرة المسيحية عمرها ما تتحرق الا ما ثنارها كلها تتقطف

فيرو: انا مش فاهمة أي حاجة انا عايزة امشى و افوق من هنا

( علي الجانب الاخر من المسرح كشاف علي و لد و بنت )

 

سامح : كريستين حبي الوحيد

كريستين: سامح .. انا مش متخيلة الدنيا من غيرك

سامح: و لا انا متخيل الدنيا من غيرك

 كريستين: انا نفسي اعيش باقي العمر و ياك

سامح : و ايه اللي مانعنا

كريستين: انا مسيحية و انت لا يعني ما ينفعش نتجوز

سامح : و هو المسيح عملك ايه يعني ما هو سابك انتو اخواتك تغرقوا في الفقر و المرض لكن معايا كل حاجة جاهزة الفلوس و اللبس و الاهم من دا كله جحبي ليكي بس كل المطلوب منك تسيبي المسيح عشان نقدر نتجوز

كريستين: و انا موافقة

سامح: خلاص بكرة نتقابل الساعة 12 باليل لما الكل ينام عند محطة القطر و من هناك هنسافر علي أي بلد نقضي فيها اجمل ايام حياتنا

 

فيرو: الله مش دا سامح اخو حازم حبي الاول و الخير و مين اللي حناك دي مش دي كريستين .. انا بشوفها علي طول في السوق 

 

( يدخل رئيس الوادي )

رئيس الوادي: مش هيسمعك يا فيرو .. لان اللي انت شوفتيه ده مش هنا اصلا

فيرو: مش هنا ازاي دول و اقفين قدامنا اهو

رئيس الوادي: اه بس المشهد ده ع الارض

فيرو: اومال انا فين و انت مين اصلا

رئيس الوادي: انت فين انت في بيتي و انا مين انا رئيس الوادي ده و ادي هنوم هو مكنش اسمه كده بس انا اللي سميته كده

فيرو: طيب هو انا بحلم و لا مت و لا ايه انا مشس فكرة أي حاجة اخر حاجة انا فاكراها .. اني طلعت مالدرس و كنت بتمشي انا و حازم  كنا بنتكلم عن حبنا عن مستقبلنا لدرجة اني سرحت و بعد كده انا مش فاكرة حاجة

رئيس الوادي: انت مش فاكرة لانك مسجونه هنا في الوادى  و انا كمان مش عايزك تفتكر مش عايزك تتالمي لكن لو عايزة تفتكري هفكرك .. بعد ما اتمشيتي انت و حازم .. و قعدتوا تتكلموا عن مستقبلكو ووعدك انه هتجوزك و بعدين ( صوت سيارة) .. وقفت عربية ميكروباس و تفتحت العربية و اتزقيتي فيها

فيرو: ايوة صح افتكرت

رئيس الوادي : و افتكرتي مين اللي زقك

فيرو: ايوة .... لا مش ممكن اللي زقني حازم طيب هو عمل كده ليه

ريس الوادي: اومال هو المفروض كان يعمل ايه اوعي تكوني فاكراه كان هيتجوزك بجد

فيرو: طيب ايه اللي حصل( تسجيل صوت فيرو حرام عليكوا سيبوني ).. انا عرفت ايه اللي حصل .. اللي حصل مصيبة ... كارثة .. و انا ندمانة  عليها .... لا انا مش ندمانة انا لازم انتقم

رئيس الوادي : و اللي يديكي اللي انت  عايزاه

فيرو: اديله عمري و روحي

رئيس الوادي : برافو يا فيرة و هو ده اللي انا عايزة .. بصي انت لو عايزة تنتقمي ليه طلب بسيط

فيرو: ايه هو؟

رئيس الوادي: نفسك تبقي ملكي ايه رايك موافقة

فيرو: و هو انا عندي حل تاني ( يدخل الحارس )

حارس الوادي: يا سيدي رئيس الوادي .. يا سيدي رئيس الوادي ..

رئيس الوادي: عايز ايه.. قولي  يابني ايه الاخبار

الحارس: ثمرة الايمان جاهزة للاكل يا سيدي .. اكلت نصها و سايبلك نصها فيفتي فيفتي .. شوفت بقي انا بعزك ازاي

رئيس الوادي : هو دا الطبيعي يا صاحبي هو ده الطبيعي..و يبقي فاضل تاثمرة الاخيرة

الحارس: بس ثمرة المحبة مش سهل قطفها يا سيدي

رئيس الوادي : بس قريب قوي هيحصل يا صاحبي

( تغلق الستار و اشعار للتحزير عن انتهاء المحبة)

 

 

المنظر الثاني

( ديكور مستشفي و فيرو نائمة ... الدكتور خالد و الممرضة علي المسرح)

الممرضة : خير يا دكتور ايه الاخبار

خالد: النبض استقر و هية دلوقتي هادية

الممرضة: بجد يا دكتور البنت دي صعبانة علي قوى.. ربنا ينتقم منهم اللي عنلوا فيها كده

خالد: اىنت عايزة تفهميني يا انسة انها مرحتش معاهم بمزاجها دا ربنا بيحبها عشان عايشة لحد دلوقتي.. الا قوليلي معرفتوش حاجة عنها

الممرضة: احنا لقينا الموبايل ده معاها.. بس محدش عارف يفتحة عشان علية باسورد

خالد: و ريني كده (و يفتح الموبايل)

الممرضة: اللله انت شغلتة زاي

خالد : الباسورد من 5:1  دا اللي بيبقي في الموبايل اصلا هية مغيرتوش

الممرضة: طيب ما تدور حضرتك كده في الاسماء يمكن تلاقي رقم ابوها و لا اخوها و لا أي حد من اخلها

خالد: اهو مكتوب اخويا حبيبي( و يتصل) الووو

و جيه: مين معايا انت مين دا تيليفون اختي هي فين

خالد: اهدي بس يا استاذ اختك حصلها حادثة و هية في المستشفي عندنا و عايزينك تيجي تستلمها

و جيه: طيب اديني العنوان بسرعة

خالد: 13 شارع الخلاص الدور ال13

الممرضة : اكيد اخوها عيتالم قوي لما يعرف اللي جرالها

خالد: علي فكرة احنا المفروض نعمل محضر دلوقتي بس يفضل نستني لما اخوها ييجي

الممرضة : و احنا كده يا دكتور مش هنفضحها

خالد: بقولك ايه انت لسه جديدة في الشغلانة دي احنا لازم نعمل محضر عشان اللي عمل كده دا اذا كان فعلا غصب عنها يتعاقب

الممرضة : اكيد غصب عنها هو فيه و احدة تعمل كده في نفسها بمزاجها .. دي لسه عيلة  متعرفش أي حاجة في الدنيا( يدخل  و جيه)

و جيه اختي حبيبتي ايه اللي جرالك.. قولي يد دكتور ايه اللي حصل

خالد: انا مش عارف اقولهالك ازاي

و جية : اتكلم يا دكتور فيه ايه خضيتني

خالد: اختك فيه حد اتعدي عليها و غالبا اكتر من و احد

وجيه : ايه ايه اللي بتقوله ده مش ممكن يكون كلامك صح .. انا اختي يحصل فيها كده .. يا مصيبتي يا خرابي اعمل ايه بس يا رب مش كفاية الهم اللي فيه طول النهار في الشغل بعد كل ده يجرالي اللي جرالي

الممرضة اهدي بس يا استاذ معلش الحاجات دي بتحصل  انت عارف اننا في ايام صعبة اهم حاجة هيه بقت كويس و كلها شوية و تفوق

تفوق ايه بس عنها مفاقت يا ريتها كانت ماتت قبل ما يحصلي اللي حصلي ده ابص في وش الناس ازاي الوقتي .. جيراني يقولوا عليه ايه

الممرضة : جرام عليك يا استاذ و هيه ذنبها ايه

و جيه انا حزرتها بدل المرة مليون ما تتاخرش برة و ادي النتيجة مصيبة مالهاش حل(و تبدا فيرو في التحرك)

الممرضة دي بتتحرك اهي

خالد: حمدلله علي سلامتك

و جيه : فيرو قوليلي مين اللي عمل كده ( تظهر عليها علامات الصدمة)

الممرضة: بس ياحبيبتي متعيطيش ان شاء الله هتبقي كويسة

خالد: ابعتي هاتلي اتي حد من فسم الامراض النفسية بسرعة

الممرضة: حاضر يا دكتور

وجيه: اهدي بس يا فيرو . هية مالها بتعمل كده ليه

خالد: من اثر  الصدمة دي حالة و قتية و هتنتهي

فيرو: ابعدوا عني ابعدوا

الدكتورةساندي: ايه في ايه

خالد: انهيار عصبي يا دكتورة

ساندي: روحي هاتيلي الحقنة بسرعة( و تذهب لفيرو ) اهدي بس يا حبيبيتي

فيرو : ابعدي عني

الممرضة: الحقنة اهي (و يعطوها الحقنة)

فيرو : كلكوا هتموتوا فاهمين هتموتوا

ساندي: اكيد كلناه هنموت بس اهدي

فيرو : انتوا مش بس هعتموتوا دا انتوا هتعفنوا في الوادي و ريحتكوا هتتطلع و محدش هيطيقها ابدا( و تشم ملابس خالد)

الممرضة ايناس: ايه يا دكتور  خالد انت ما استحمتش بقالك فترة و لا ايه

خالد: لو سمحتي يا مدام احنا هنهرج و لا ايه

ايناس: خلاص يا عم حقك عليه بقولك ايه يا دكتورة هو انت مش مدياها الحقنة قدامي

ساندي: ايوة و المفروض تكون في سابع نو مة دلوقتي (يقترب و جيه من فيرو)

وجيه: فيرو حبيبتي امسكي ايدي و تعالي نامي استريحي

فيرو: انا مش فيرو انا لوسي فاهمين لوسي

خالد: انت غيرتي اسمك و لا ايه

فيرو:  لا دا اسمي من زمان ... ومان قوي خلوا بالكوا فاضل ثمرة و احدة بس و تموتوا كلكو ( و يغمي عليها)

و جيه: فيرو فيرو شيلوا مهايا يا جماعة )   ( يطفا النور ثم يضاء علي و جيه و هو يصلي)

   

 

وجيه : ليه يا رب اللي بيحصلي ده انا عغملت ايه في دنيتي غلط عشان يجرالي كده .. اختي ضاعت و مستقبلي ضاع .. ابص في و ش الناس ازاي بعد اللي حصل .. يا رب ساعدني .. انا عارف اني قصرت في حقك كتير .. بس اختي زنبها ايه .. دي كل اللي فاضلي بعد امي و ابويا لما متوا

فيرو : اه ..اه و جيه

وجيه : فيرو .. انت فوقتي

فيرو : انا فين و ايه اللي جابني هنا .. اه يا دماغي

وجيه: مالك يا فيرو ..

فيرو : صداع و اصوات .. و حاسة ان جلدي كله بيولع .. الحقني يا  و جيه حاجة ماشية في جسمي ( و ترتعش ) و تقول هذة الجملة (هودا بيتكم يترك لكم خرابا)  باليونانية

وجيه : انت بتقولي ايه .. اهدي

تدخل ساندي: فيه ايه

وجيه : الحقيني يا دكتورة هيه بتعمل كده ليه

ساندي : ايه اللغة دي شكلها كده يوناني استني كده ( وتسجل ما تقول )

وجيه : انت بتعملي ايه ..

ساندي: بسجل اللي بتقوله

وجيه :انا بقولك الحقيها.. و انت بتسجلي

ساندي: انا هديها الحقنة اهو(و تعطيها الحقنة)

و جيه: و بعدين هنعمل ايه

ساندي : انا هبعت التسجيل ده لواحد صديقي بيتكلم يوناني زي العربي كده بالظبط و هو هيعرفنا .. ( و تخرج  )

و جيه : استني بس .. يا رب ايه بس اللي بيجري ده ( تسجيل صوت لبعض ايات الكتب المقدس باليوناني و العربي)

تدخل ساندي و هي تمسك ورقة : مش معقول ..

و جيه: فيه ايه و ريني .. انا مش فاهم حاجة ,, هوذا بيتكم يترك لكم خرابا؟؟ يعني ايه

ساندي: دي ايه من الكتب المقدس

و جيه : يعني ايه

ساندي: اختك قالت ايه مالكتابي المقدس بلغة مش مفهومة بالنسبالها

و جيه : مش فاهم

ساندي: بص علم النفس و الطب النفسي بيقف عاجر قدم الحالات دي .. بس انا كانسانة مسيحية بقولك علاج اختك مش عندي و لا عند أي دكتور نفسي تاني

وجيه : ممكن تفهميني واحدة و احدة لاني بجد اتبرجلت

ساندي: المرضي اللي بيقولوا ايات مالكتاب المقدس بلغات مش معروغة بالنسبالهم بيبقوا ممسوسين من ؟

وجيه: من ايه

ساندي: روح شريرة و فغي حالة اختك الروح دي قوية لانها بتقول الايات معكوسة

وجيه : و بعدين ايه الحل ..

ساندي : حل اختك عند ابونا متي .. متيجي نروحلة و هو يشوفلنا حل

وجيه : يعني ما فيش حل تاني بدل الفضايح دي

ساندي : صدقني هو دا الحل الوحيد ( يالله بينا و يخرجوا )

 

رئيس الوادي (لوسي): فيرو يا فيرو

فيرو :  مين اللي بينادي

لوسي: انا رئيس الوادي انا رئيس العالم  .. شوفتي يا فيرو عايزين يفرقونا عن بعض ازاي

فيرو : انا مش ممكن اسيبك ابدا.. انت اللي مخفف عني المي و رافع عني عاري بعد اللي حصلي

لوسي: يعني هتتمسكي بي

فيرو : طبعا و هو في حد تاني ممكن اتمسك بيه غيرك

لوسي : بس خلي بالك هتتعبي و تتالمي الم مش ممكن يتحمله بشر

فيرو : اكيد انت هترفع عني المي

لوسي: اكيد و مش بس كده .. دا انا هديكي قوة رهيبة .. عمرك ما حسيتي بيها قبل كده

فيرو : و انا مش هخيب ظنك ابدا

ــــــــــــــــــــــ

صوت حازم: فيرونيكا اجمل نسانة قابلتها في حياتي و سهل انسانة كانت ليه في حياتي

فيرو : مين حازم انت فين و  بتتلكلم منين

حازم : انا هنا جوة قلبك و بتكلم من عقلك و فكرك.. انا جوة راسك و مش هتقدري تتخلصي مني ابدا

فيرو : لوعندك الجراة .. تيجي قدمي و تواجهني و انا كنت سلبت منك حياتك زي ما سلبت مني ارادتي

حازم : انا معملتش فيكي اجة غصب عنك .. اتن جيتي معايا بمزاجك بارادتك

فيرو :انت بني ادم واطي و خاين

حازم: معنديش مشكلة اني اكون يهوذا بس خلي بالك يا فيرو انت مش المسيح

ــــــــــــ

لوسي: شوفتي الحال و صل بيكي لفين

فيرو :قلبي قايد نار و نفسي اولع في الدنيا كلها

لوسي :اخوكي نسي الولاعة بتاعته وو لعي زي ما انت عايزة ولعي

فيرو : ايوة صح عندك حق ( و تاخد الولاعة و قبل ان تقم بحرق المكان تدخل الممرضة) يوه هيه مش عايزة تشتغل ليه

ايناس: انت بتعملي ايه حاسبي هتولعي في الدنيا

فيرو : سيبيني سيبيني

ايناس: اهدي انت مالك بتعملي كده ليه (و تكرر الكلام )

فيرو: انت بتعملي كده ليه

ايناس : بس بقي اسكتي

فيرو : بس بقي اسكتي

ايناس : يووووووووه

فيرو : يوووووووووه

ايناس: بطلي تكرري الكلام

فيرو: بطلي تكرري الكلام... و ايه المشكلة لما اكرر الكلام ماهو كلنا بغبغنات .. فاهمة . كلنا بنكرر من غير ما نفهم و نخلي الناس تقرر من غير ما نحسبب بغبغنات فاهمة (و تصرخ)

ايناس : فاهمة خلاص كلنا بغبغنات .. تعالي بس اقعدي استريحي

 فيرو : انا مش عيانة  انا قويه

ايناس: ماشي اهدي بس يا فيرو و اقعدي

فيرو : قولتلكوا انا مش فيرو انا لوسي .. فيرو ماتت كلنا هنموت كلنا هنتحرق في الوادي شايفة بصي نار نار اهي هناك هتحرق كل الناس و انت كمان هتتحرقي

ايناس : بطلي تخريف هو انا عملت حاجة عشان اتحرق

فيرو :لوسي عارف انت عملتي ايه  لوسي عارف الحقيقة .. عملتي ايه في اقرب الناس اليكي علتي ايه في ابوكي .. اهه يا نوسه؟

ايناس : عملت ايه يعني ..

فيرو : انت عارفة عملتي ايه انت قتلتيه يا نوسه

ايناس : انت بتتكلمي عن ايه انا مش عارفة أي حاجة عن الموضوع ده

فيرو : ما تخافيش متعيطش انا مش هقول لحد طيب ماانا عارف من زمان و مقلتش لحد

ايناس: صدقيني انا مكنتش عايزة اعمل كدهى . بس هو اللي اجبرني .. هو اللي عمل مني الوحش اللي انا عليه دلوقتي انت عارفة كان بيعمل ايه

فيرو : كان بيبعمل يه كان بيضربك يعني

ايناس ايوة كان بيضربني انا و امي .. و مش بس كده دا كان ........(و تصمت ثم تبكي)

فيرو : بس متعيطيش تعلي في حصني اعتبريني زي اختك تحبي اديكي الحقنة زي ما بتديهالي

ايناس : لا الحقن لا انا بخاف مالحقن

فيرو : الحقنة الحقنة الحقنة ... ( و تصرخ بشدة اه )

ايناس: ايه في ايه..

فيرو : اديني انت الحقنة.. بسرعة (ثم يغمي عليها )

ايناس : يووووه ل شويه اشيل و انيم ع السرير هيه شغلانة

(يدخل الكاهن  متي و الاخ و ساندي)

 

و جيه : ايه اللي حصل

ايناس انا اديتها مهدئات كتير  اصلها قعدت تصرخ و تخرف

متي اهدي بس يا استاذ و جيه و صلي و ربنا هيحلها (تبدا فيرو في قول الجملة المعتادة)

ايناس : لا بجد حرام اللي بيحصل ده انا مش قادرة استحمل انا خارجة من هنا

ساندي: و بعدين يا ابونا هنعمل ايه ( تقوم فيرو)

فيرو: الاب متي هنا يا نهار ابيض يا نهار احمر

متي: اسكت يا عدو المسيح .. اخرس يا امير الظلام

فيرو : اسكت هههههههه و انت بقي اللي هنسكتني يا متي

متي : يمسك الصليب

فيرو : ابعده عني ابعدوه عني

متي لما اقلولك تسكت يبقي تسكت

فيرو: نار نار

وجيه: هيه مالها يا ابونا

فيرو : انت مش عارف انا بصرخ ليه دا الصليب الصليب

ساندي : مش معقول كده انا لازم اديها حاجة تهديها (و تخرج الحقنة)

متي: مالوش لازمة كل ده في الغاضي

فيرو : انت هتدي الحقنة دي لمين يا دكتورة

ساندي: ليكي

فيرو : طيب ما تديها لوجيه اصله عيان و لا اقولك اديها لابونا اصله بيموت في النوم في العسل

متي: بس يا شيطان يا لعين اخرس ( و يمسك الصليب)

فيرو : اوعي تفتكر ان الصليب هيخرجني هو بيوجع بس .. و يعدين هما سابزا كل الكهنة و الرهبان و كل الناس و جايبينك انت يا متي عشان تخرجني... انت و لا حاجة انت ضعيف

متي: اسكت يا شرير انا اامرك باسم ربنا و الهنا يسوع المسيح انك

فيرو : هشششششششش  اسكت انت اتكلمت كتير و دا و قتي اني اتكلم انت متستاهلش اسم يسوع متستهلوش تبقوا مسيحين انتوا تستاهلوا تموتوا

متي : المسيح و عدنا بالخلاص و ادانا الغلبة علي ابليس

فيرو: تصدق محدش ناداني بالاسم ده من زمان 

ساندي: انا خايفة قوي يا ابونا .. دي بتقول محدش ناداني بالاسم د من زمان

فيرو : لازم تخافي .. دا شئ طبيعي بالنسبة للبني ادمين .. انتوا لاتولدتوا جبناء و الجبن دا بيظهر دايما في المسيحيين

متي :اسكت و قولي اسمك

فيرو : ما انت لسه قايله .. انا اسمي لوسي

وجيه : ايه حكاية لوسي دي يا ابونا

متي اسمك ايه يا عدو لمسيح

فيرو : ( يتغير الصوت انا لوسيفر رئيس وادي هنوم انا رئيس العالم)

متي: انت كداب ابليس مسجون في الجحيم متقيد و اللي حايسة المسيح..

فيرو : و تفتكر اناي هفضل محبوس كتير لا انت و لا غيرك هيقدر يخرجني مالجسم ده انا مبسوط هنا

متي : باسميسوع المسيح الاله الحق اخرج منه

فيرو : متي نسيت اللي عملته زمان وانت شاب قبل ما تبقي خدام ليسوع .. انت نجست نفسك ز دنست هيكل ربنا خطية الزنا مش ممكن تتنسي

متي: بس انا توبت و اعترفت ..

فيرو : حاسس بالندم معلش

متي : انا ... انا ...(و يبكي)

وجيه : ابونا ملك

متي فعلا انا مستحقش النعمة دي انا خاطي

فيرو : بتعيط ليه يا ابونا لوسي غلبتني غلبتك ليه ياابونا علشان عروستي ضاعت

ساندي : اسكتي بقي انت ما بتهمديش ( امسكها معايا)

وجيه : حاضر( ويحقنوها و تنام)

ساندي: ابونا انت كويس اجيبلك حاجة تشربها

متي : لا انا مش عايز حاجة انا عايزكوا تسيبوني لوحدي شويه معلش ارجوكوا

و جيه : حاضر يا ابونا .. يلله بينا نخرج( و يخرجوا يجلس الكاهن ليصلي)

متي: يا رب يا يسوع المسيح ساعدني انا حالسس اني ضعيف ارجوك يا رب متتخلاش عني انت يا رب و عدتنا بالخلاص و عدتنا اننا هندوس الحيات و العقارب وهنغلب عدو الله الشرير انا تعبان قوي انا عارف اني بقصر في حقك كتير و في خدمتك انا مش بطلب منك اني اخرج الشرير ده من البنت المسكينة دي لكن ساعدني دلني و اديني علامة .. عرفني طريقك فهمني حقوقك ..احنا في ضيقة و محتاجينلك

(نور شديد و صوت الملاك) قوم يا متي ربنا سمه صلاتك اللي هيخرج الشيطان هو عم مكاري قيم الكنيسة

متي : شكرا ليك يا رب .. شكرا ليك يا رب( يدخل و جيه)

وجيه : ايه يا ابونا خير

متي ربنا اراد انه يرفع عن اختك اللي هيه فيه

وجيه : بجد طيب ازتي

متي : اللي هيحرج الشيطان هو عم مكاري قيم الكنيسة

وجيه : ايه ازاي

متي: يابني دي حكمته يالله بينا متضيعش و قت  ( و يخرجوا و ظلام تام ثم نور علي جانب المسرح)

 

المنظر الاخير

مكاري يصلي)

مكاري: ايها الرب اله القات الذي تهتز عند ذكر اسمه الجبال .. الذي تخضع له البحار و كل وحوش الارض .. اشكرك .. اشكرك لانك منحتني نعمة الوجود .. اشكرك لانني احيا برجائي فيك و املي ان باتي اليوم و تاتي الساعة لالقاك و ارتمي في حضنك و احس بدفئ حبك . امرتني ان اترك العالم و اعيش معك في الخلاء و استجبت لك ثم امرتني ان اترك خلوتي و اعود للعالم و قد فعلت .. أي مهمة كتبتها لي في حياتي .. كيغ سيتمجد اسمك علي يدي و انا انسان ضعيف خاطئ اجبني يا الهي اعطني علامة

الملاك(صوت) السلام لك يا ابي مكاريوس

مكاري: و لك السلام يا رئيس جند الله

الملاك ربنا اراد انك تكمل مهمتك هيجيلك راجل دلوقتي مع ابونا متي روح معاهم  وربنا يدبر (يطرق الباب)

مكاري ايوة حاضر .. اهلا بيكوا انا جاهز ثواني(و ياهخذ صورة المسيح و يخرج معهم)

اضاءة علي المسرح كله علي و جيه

 

وجيه: انا تعبت قوي قلبي اتحرق و الحزن ملاة مكش قارد اتحمل .. سامحني يا رب .. انا عارف اني نسيتك كتير نسيت طريقك رفضت كلمتك  اتجاهلت حكمتك .. ارحمني يا رب اشفي اختي انا مسامحها بس مش مسامح نفسي حاسس ان انا لسبب في اللي جرالها ده .. لا ايوة انا السبب

فيرو: نار مولعة الوادي بيتحرق مثمرة المحبة بتتاكل .. ثمرة المحبة بتموت .. شجرة المسيح بتتحرق .. نار في الوادي و الوادي اسمه هنوم و  الدنيا مالها لزوم و ايه هيدوم غير الهموم .. كلنا هنموت و الوقت هيفوت مفيش خلاص

وجيه: فيرو مالك .. متخافيش انا جنبك

فيرو: امير الظلام من سجنه اتحل و مفيش حل مفيش حل (و تصرخ)(يدخل خالد و ساندي)

ساندي : في ايه ايه الصويت ده

وجيه معرفش يا دكتورة عماله تخرف في الكلام

خالد: يا اخ و جيه دي بتعمل كده عشان تصعب عليكوا و محدش يعاقبها .. خايفة من اخوها  (تقف فيرو)

فيرو: لوسي ما بيختافش ز بعدين انت اخر واحد تتكلم ع الخوف  دا انت بتخاف مالفيران

ساندي : ايه ده هيه عرفت منين

خالد: توقع يا دكتورة

فيرو: ها ها ها توقع .. و المكان الحلو الجميل اللي انت لسه جاي منه دلوقتي برضوا توقع .. خمرة و مخدرات و خطية ,, مليان مالمتع اللي موفرها للبني ادمين

ساندي : انت لسه بتروح الاماكن دي

خالد: بس بقي كفايه انتوا خنقتوني انتوا ايه ما بتتهدوش

ساندي: احنا مين

خالد: المسيحيين.. ارحمونا بقي عاملين فيها كويسين و نتوا كلكوا بلاوي

فيرو: الدكتور انكشف علي حقيقته .. (وتضحك)

خالد: اسكتي بقي انت ما بتتهديش ( و يحاول مسكها من شعرهافتضربه) انت بتضربيني (و يطرق الباب)

وجيه: مين

متي: افتح يا وجيه

وجيه : ابونا انت فين تعالي شوف اللي انا فيه

(يدخل مكاري و معاه صورة المسيح المغطاه بالقماش)

مكاري: مساء الخير

فيرو: مين الراجل اللي شبه الستارة البيضة ده

وجيه : بس عيب يا فيرو

مكاري: سيبها يا اخ و جيه

ساندي: تشرب ايه يا ابونا و انت يا اخ مكاري

مكاري : شكرا يا دكتورة مش هقدر اشرب حاجة

ساندي: لا لازم تشرب يا ايناس ...(تدخل ايناس)

ايناس : ايوة يا دكتورة

ساندي: عصير للخ مكاري بسرعة و لابونا

ايناس : حاضر

فيرو: لابسلي ابيض في ابيض انا مبحبش الابيض انا بحب الاسود و الاحمر .. الاسود عشان لون الضلمة و الاحمر عشان لون الدم .. و سيادتك مخبي و شك ليه(و تنزع الشال)

فيرو: مكاريوس ايه للي جايبك هنا سايب مكانك و جاي ليه

مكاري : و مين اللي بيكلمني دلوقتي لوسي ولا فيرو

فيرو: احن الاتنين

مكاري: انا عايز لوسي

فيرو: عايز ايه يا مكاريوس اظن انت جاي عشان تخرجني صح

مكاري: صح و بقوة المسيح هتخرج

فيرو: بس خلي بالك انا مش هخرج لان هيه عايزاني

  مكاري : هيه مين

فيرو: فيرونيكا عروستي

مكاري: لا مظنش

فيرو: هيه دي الحقيقة يا مكاري تحب اخليها تكلمك

مكاري : يا ريت

فيرو: انت مين

مكاري : انا صديق

فيرو: بس انا مليش اصحاب  الناس كلها بتكرهني

مكاري: لا يا فيرو انت غلطانة ااخوكي بيحبك و ابونا بيحبك (تدخل الممرضه)

و ايناس بتحبك 

فيرو:  بس الراجل دا بيكرهني

مكاري: لا دا ميعرفكيش علي حقيقتك و ميعرفش المسيح بجد

فيرو: المسيح نسيني ... عشان كده انا بحب رئيس الوادي و هتجوزه .. لوسيفر هو عريسي دا بنالي بيت في الوادي

مكاري : انت غلطانة يا فيرو المسيح بيحيبك يسوع زعلان عشانك و الدليل اهو بصي( و يرفع الستار من علي الصورة فتبكي الصورة دم)

بصي بيبكي  عشانك دم .. تعالي المسيه شوفي دموعة اللي اتحوت للون الاحمر عشانك

فيرو: انا مش مصدقه المسيح زعلان عشاني بس لوسي مقاليش كده

مكاري : دا كداب و هو من اول الزمان كده .. ارفضي الشيطان يا فيرو ارجعي للمسيح

فيرو:  انا ...... انا ........(و تتغير) لا فيرو دي بتاعتي و محدش هياخدها ابدا

مكاري: اخرس يا عدو المسيح.. انا اامرك باسم رب الجنود ربنا يسوع المسيح اللي غلبك علي الصليب و بقوة الصليب تسيب فيرونيكا عروس المسيح

فيرو:  لا دي عرستي انا

مكاري  باسم ربنا يسوع و الماء المقدس هرش 3 مرات و هنفخ 3 نفخات و تخرج في الحال

(المرة الاولي)

فيرو: اه هخرج بسي قبل ما هخرج لازم تعرفوا ان زماني قرب و النهاية قربت .. المسيح حكم كتير و جه دوري

(المرة الثانية)

فيرو:  اه هحرقلكوا الكنايس ههدملكوا النفوس .. الكنيسة ضعيفة

(المرة الثالثة)

مكاري : الكنيسة قوية بايماننا الشة الثالثة  الاخيرة اخرج منها

فيرو: صرخة عظيمة و يغمي عليها

وجيه: فيرو .. فيرو

فيرو: اخويا و جيه ..

ايناس: اشربي شويه ميه

ساندي: مش معقول .. يا عم مكاري

مكاري: انا الراهب مكاريوس و اكملت مهمتي في العالم و دلوقتي لازم ارجع تاني الدير

متي : بركتك يا ابونا

خالد: حي هو رب الجنود حي هو الاله الحقيقي اله المسيحيين فعلا انتوا صح

ساندي: خلاص خليك مع المسيح .. خليك معانا

خالد:  اهلي يموتوني مقدرش مقدرش انا ماشي و مش راجع تاني..

ايناس : انا نفسي ابقي مسيحية يا ابونا

مكاري : طريق ربنا ميتوهش .. يا ايونا متي ايناس من دلوقتي بنتك عمدها و علمها .. و متنشغلش بحاجات المفروض تكون ثانوية في حياةا الكاهن .. افتقد و دور علي و لاد ربنا اللي بيصرخوا و محتاجين مساعدة

متي : فعلا نا كنت مقصر عشانكده مقدرتش اخرج الشيطان انا ضعيف

مكاري : لا احنا اقوياء بالمسيح .. بس دي مواهب يا ابونا ... اما انت يا فيرو مش عارف اقزلك ايه

فيرو : متقولش اللي عمله معايا المسيح ميكفينيش اعيش باقي حياتي ليه .. بس انا عايزة اعرف .. ايه هو وادي هنوم

مكاري: هنوم مكان ع الارض مكان نجس و ملعون و النار قايدة فيه 24 ساعة رمز للعذاب الابدي قال المسيح عنه جهنم . بحيرة النار و الكبريت ..

جزء من الجحيم موجود ع الارض و ممكن يكون موجود جوانا زي ما حصل معاكي

فيرو:  فعلا يا ابونا مظنش ان فيه حد يقدر يتحمل اللي شوفته

وجيه: اما انا بقي هروح الكنيسة اعترف و اتناول و اعيش مع المسيح مش هخلي أي حاجة تمنعني عنه

مكاري: حي هو الرب القدوس.. الذي تفوق حكمته عقول البشر ... دايما ابليس بيحاول يقنعنا ان مفيش خلاص و بيعمينا عن الحقيقة .. بيعمينا عن  الخلاص الحقيقة الوحيدة الي ممكن تكون موجودة في الزمن ده لازم نتوب لانه اقترب ملكوت الله و برة

توبوا لانه اقترب ملكوت الليه وبرة .. الطرق صعب و طويل بس الوصول لنهايتة مش مستحيل

 لتنزيل الاسكتش للطباعة بصيغة ال word

 أضغط هنا