اسكتش الجمل الصغير وأصدقاء السوء

اسكتش الجمل الصغير وأصدقاء السوء

 

" يبدأ الاسكتش بصوت خافي من خلف المسرح لحوار بين الاب والابن "

الاب :- ايه يابني بقالي فترة شايفك متغير .

الابن :- متغير ايه يابابا انا كويس اهو .

الاب :- لا متغير انا شايف انك بقيت تتاخر كتير بره البيت .

الابن :- يا بابا ااااااا .

الاب :- ايه مش هو ده الي بيحصل مش بس كده ، انت كمان اهملت مذكرتك وبقيت تتكلم كتير في التليفون مع اصحابك .

الابن :- يا بابا انا خلاص زهقت من البيت والقاعدة في البيت انا عايز اعيش زي اصحابي اخرج واللعب واتفسح .

الاب :- يابني انا مقلتلقش انك تتحبس في البيت بس اختار اختار اصحابك علشان تعرف تعيش صح .

الابن :- يا بابا متخفش انا اصحابي كويسين .

الاب :- كويسين  ... طيب انا عايز احكيلك حكاية يمكن يوصلك الي انا عايزه كان مرة في ....

" هنا يبدا دخول العرائس ونبدا بالجمل .. "

الجمل :-  " بيكلم نفسه"  ياااااااااااااااااااااه ده انا تعبان اوي وزهقان انا هاقعد ارتاح تحت الشجر دي .

الغراب :- ايه ده ازيك ياجمل انت مالك انت تعبان ولا ايه .

الجمل :- اه اصل انا اشتغلت كتير وشلت كتير اوي انهارده هتعبت .

الغراب :- اااه  ده انت لو عايش معانا مش هتتعب كده .

الجمل :- ازي .

الغراب :- اصل احنا في الغابة عايشين بحرية ناكل في اي وقت ونام وقت مانحب ونلعب ونجري زي ماحنا عايزين  ، تحب تجرب تايجي معايا .

الجمل :- اجرب " بقولها وهو بيفكر " اه احب اجرب .

الغراب :- انا هاطير وانت اجري ورايا وانا هواريك الحياة بجد شكلها ايه " يبدا يختفي الغراب من المسره وهو بيقول "

يلا يلا بسرعة.

الجمل :-  " وهو كمان بيختفي من علي المسرح " طيب يلا انا جاي اهو  بس بطي شوية انت سريع اوي .

الغراب :-  " بعد شوية صغيرين يظهر الغراب علي المسرح ويقول" تتتاااه تتاه تتاتاه احنا خلاص وصلنا ياجمل الجماميل .

الجمل :- هو ده سكنك  " بقول وهو بينظر حوليه " امال ايه ده .

الغراب :-  ده بيت الاسد صاحبنا .

الجمل :- " بيقول وهو لسه بينظر حوله " امال مين دول .

الغراب :- دول اصحابي الباقين هاعرفك عاليهم .

" ويبدا يظهر الشخصيتين الاخرين الثعلب والذئب "

الغراب :- ده الثعلب مكرور .

الجمل :- اهلا مكرور.

الغراب :- وده الذئب كركور.

الجمل :- اهلا كركور.

الثعلب والذئب :- اهلا بيك في بيتك الجديد " بيقولها بمكر "

الجمل :- شكرا ياصحابي .

الغراب و الثعلب والذئب :- تعالي يلا ياجمل نلعب مع بعض .

الجمل :- اه ياريت يلا  " بيقولها بفرح ".

" هنا تخرج العرائس ويبدا الصوت من  خلف المسرح "

الاب :- قعدو يلعبوا وانبسط الجمل جدا جدا بالحياة دي وفضل علي كده كذا يوم لغاية .

" هنا يبدا صوت العرائس من الداخل الثعلب والغراب والذئب  ( بيتكلموا وهما مضايقين "

الغراب والثعلب والذئب :- ياجمل انت ياجمل انت فين " ويظهروا علي المسرح"

الجمل :-  " يظهر بعديهم علي المسرح "  نعم انا اهو انت مالكم كده مالكم مضايقين .

الثعلب :- اصل الاسد صاحبنا  اتخانق مع فيل من الي ساكنين جامبينا والاسد اتعور جامد وهو في بيته مش قادر يتحرك .

الجمل :- ياحرام امته حصل ده .

الغراب :- من شوية هتيجي معانا ياجمل نذوره.

الجمل :- طبعا هاروح معاكم ده صاحبنا .

" يخرج العرائس من علي المسرح ويبدا صوت من خلف المسرح "

الابن :- ايه يابا ما اهم اصحابه كويسين معاه.

الاب :- لا ما انا مقلتلقش ان الاسد جعان ومش قادر يطلع يصطاد وهما اتفقوا مع بعض ان يخلو الجمل يقدم نفسة اكل لصاحبة الاسد الي يما كتير اكله  تعالي بس شوف الاصاب مش كويسين عاملو ايه مع صاحبهم الغلبان .

الابن :- طيب يا بابا كمل .

"يظهر صوت من الخلف  "

الاسد :- اه اه انا تعبان وجعان اوي  " بيقولها بتعب "

" هنا يبداو يظهرو "

الغراب :- الف سلامة عليك ياملك الغابة ياريتني كنت انا خدني انا وكلني انت كتير جبتلنا اكل.

الثعلب :- لا يامولاي كلني انا الغراب جسمه صغير وكله عضم ومش هيشبعك .

الذئب :- لا يامولاي كلني انا  الثعلب لحمه وحش .

الغراب و الثعلب والذئب :- كل اي حد فينا يامولاي انت كتير اكلتنا واحنا اصحابك ولازم نساعدك.

الجمل :-  " بيتكلم بقلق " استنو ياجماعة هو انا مش صاحبكم ولا ايه كلني انا يا اسد انا لحمي حلو وانت اكلتني كتير .

الغراب والثعلب والذئب :- اه صح يامولاي كل الجمل هو لحمه حلو وهايكفيك .

" هنا يظر صوت من خلف المسرح وتختفي العرائس من علي المسرح "

الابن :- ايه ده يا بابا وهيكلو بجد .

الاب :- امال انت مفكر ايه يابني الصديق الوحش مش هايخاف علي صاحبه وممكن يضيع الي معاه.

الابن :- نعم " بقولها وهو بفكر وسرحان بصوت  خوف "

الاب :- ايوه يابني راح قام بسرعة الاسد والثعلب والذئب والغراب وهجموا علي الجمل الصغير الغلبان وكلوه وكان الجمل ضاحية لاصدقاء السوء  ، علشان كده انا خايف عليك من الاصحاب الوحشين الي انت تعرفهم ، ده حتي الكتاب المقدس بيقول ( لم اجلس مع اناس السوء ومع الماكرين لا ادخل ).

الابن :- عندك حق يا بابا ومتزعلش مني يابابا انا مش هاعمل كده تاني .

 

                                               

 لتنزيل الاسكتش للطباعة بصيغة ال word

 أضغط هنا