مسرحية القصر

مسرحية القصر  

الفصل الاول

المشهد الاول

 

(يفتح الستار علي مشهد المتحف وهو عبارة عن قصر قديم وتم تحويله الي متحف ونجد بعض الاولاد يرسمون ومجموعة من السياح يدخلون مع مرشد )

 

مرشد : اهلا بيكم في قصر الملك واتمني انتكم تستمتعوا بزيارتكم للقصرالنهارده

سائح : ايه قصة القصر ده ؟

مرشد : القصر ده بناه ملك عظيم جدا وده كان ايام الحكم بتاعه وبعد كدة بقي متحف ومفتوح لاي حد يجي يشوفوا او يرسم فيه زي ما انتوا شيفين دلوقتي

 

( يقوم احد السياح بالتصوير )

المرشد : No Flash .. No Flash  ودلوقتي اتفضلوا اوريكم بقيت الاثار

 

(يخرجوا من الشمال )

دكتور : ايه ده؟

طالب وطالبة 1: ايه في ايه؟

دكتور : بتعملوا ايه ؟

طالبة1: بنرسم يادكتور

دكتور : بترسموا علي ايه؟

طالب  : ده ورق كانسون

دكتور : كانسون مين ؟ ده بالقعدة اللي قعدنها جنب بعض ديه بترسموا علي جواز مش ورق كانسون .. وريني شغلوكوا وريني

طالب  : اتفضل يادكتور

دكتور : من بعيد يابني مش ناقصة قرف وريحة وحشة.... ايه القرف اللي انت عامله ده .... صفر

طالب  : نعم ؟؟ لييه ؟

دكتور : هوة كدة

طالب  : طب خد وريني اعمل ايه ؟ ايه الغلط اللي فيها ؟ ( يمد ايده بالقلم )

دكتور : هوه انا هارسملك كمان ولا ايه ؟ ميل دراع التمثال شوية وهوة هايبقي كويس

طالب  : يبقي كويس ازاي هوه عنده دور برد وهايخف ؟

دكتور : انت هاتهزر معاية ؟ مش شايف حركة فيه .. عايز احس بالحركة بتاعته

طالب  : ده تمثال وثابت ابين حركة فيه ازاي؟ وكمان هوه كدة مظبوت

دكتور : اتصرف و كمان انت هاتعرف اكتر مني ؟

طالب  : لا طبعا يا دكتور انت الاستاذ وكلنا تلاميذك ( من تحت درسه )

دكتور : ايوة كدة ... وانتي عملتي ايه ؟

طالبة1: انااا .... ( تديه الاسكتش ) ربنا يستر

دكتور : وااااو شغلك تحفة

طالبة1: ميرسي يادكتور

دكتور : لا فعلا برافو يستاهل يتحط جنب اي لوحة من اللوح اللي هنا

طالبة1 : ربنا يخليك ليا يادكتور

طالب   : يادكتور ديه اللوحة فاضية

دكتور  : مالكش دعوة انت ... لا بجد شغلك واضح من قبل لما تبتديه 10 من 10 استمري يابنتي علي بال لما اشوف زميلتكم اللي هناك عاملة ايه

 

( يذهب للطابة الاخري )

دكتور  : واااو برافوو عليكي حلو قوي

طالبة2: ميرسي يادكتور

دكتور  : لا بجد برفوا

طالبة2: بس هية ديه يادكتور تترسم ازاي ؟

دكتور : وريني قلمك كدة

طالب  : شوفتي اهوه بيرسملها وانا يقولي من بعيد يبني مش ناقصه قرف

طالبة1: هانعمل ايه طيب ؟ اقولك ضفر شعرك هاهاها

طالب  : اضحكي انتي التانيه ماهي نقصاكي ... طب تصدقي مش هاجي جنب اللوحة ومش هاظبط حاجة واللي يحصل يحصل

طالبة1: طب اسكت اسكت واعمل نفسك شغال احسن ده شكله جي

طالب  : مش هاشتغل

طالبة1: طيب اسكت بقي

طالبة2: ايه ده يادكتور؟ حضرتك خلصتها كلها

دكتور : طبعا بس شغلك واضح فيها

طالبة2: بجد تعبت حضرتك معايا

دكتور : تعبك راحة ياحببتي

طالبة2: نعم؟

دكتور : احم انا نسيت احطلك الدرجة 10 من 10

طالبة2: ميرسييييي

 

(يرجع للطلبة التانيين)

دكتور: ها وريني عملتوا ايه ؟

طالب : احم

دكتور: اووه شفت لما ميلت دراع التمثال شويه زي ما انا قلتلك بقي احسن ازاي؟

طالبة1: ايه ؟؟

دكتور : كده ممكن اديك 2 من 10 علشان سمعت كلامي

طالب : طبعا يادكتور ده انت استاذنا واحنا كلنا تلامذتك

دكتور : طبعا ياابني وعلشان الكلمة الحلوة ديه هديك 5 من 10.. علي فكرة انت كنت ساقت وانا نجحتك كدة من عندي

طالب : هوة حضرتك امتي ممكن تديني امتياز

دكتور: ( يتخض ) امتياااز ؟؟ ( باستغراب ) .. بص يابني الامتياز للاه وانا ماجبتش جيد جدا ومفيش حد احسن من استاذه فاخرك معاية المقبول

طالبة1: يمهل ولا يهمل

امن2  : ايوة ..ايوه .. خلاص في الطريق ؟ .. حاضر تحت امرك يا فادي باشا .. تحت امرك ..... طب معلش ياجماعة علشان خلاص هانقفل

دكتور : طب يااولاد اشوفكوا بكرة في الكلية بقي

 

(يبدأ الامن في اخراج الكل من الباب اللي في النص )

امن3: ها المكان فضي؟

امن1: القاعات كلها فضيت

امن2: والصالة كمان فضيت

امن3: ايو يا أ/فادي مفيش حد في المتحف وكلنا مستعدين لاستقبال ضيوف حضرتك يافندم

امن1: ناس مين دول اللي هانستقبلهم؟

امن3: دول الجماعة المهمين اللي مستضفهم ا/ فادي في القصر

امن2: ياتري دول ملوك ولا رؤساء ولا ايه بالظبط علشان يبقوا مهمين؟

امن3: لا ده ولا ده بس ذي اي حد بيجي القصر ده بيكون مهم بالنسبة لينا كلنا

 

( يدخل فادي )

فادي : مساء الخير

امن1وامن2: مساء النور يافادي باشا

فادي: كل حاجة تمام ؟

امن3: كله تمام يا أ/فادي قاعات الاثار فضيت ووضبنا أوض الضيوف وكله تمام

فادي : ممم الناس دول اول مرة يجو هنا عايزكم تسبوهم يعملوا كل اللي هما عايزينه ومتجبروهمش علي حاجة ومتفرقوش في المعاملة بين اي واحد والتاني

امن1: حاضر دول هاينبسطوا قوي هنا ياباشا

 

( صوت من الخارج )

امن2: واضح انهم وصلوا

 

(يبدأ الكل يدخل )

 

امن3 : من هنا ياجماعة واالي معاه اي حاجة معدن يقلعها علشان الجهاز ميصفرش

سارة  : يصفرلي ليه ؟ هوة انا جاية اتعاكس؟

سامح : هايعاكسك علي ايه ؟ خشي يا سارة خشي بلاش فضايح

 

(يعدي الجميع ماعدا وحيد تصفر الالة)

امن1  : طلع اي مفاتيح , موبيل ,كاميرا

وحيد  : انا جي اتقلب هنا ولا ايه ؟ معيش حاجة من الحجات ديه

امن1  : طب هات شنتطك نفتشها

 

(يطلع سندوتش من الشنطة )

سامح  : ايه ده ؟ سندوتش ايه ده؟ وجبته منين؟

وحيد : ده سندوتش كفته اخدته من ساره ... تاخد حتة ؟

سامح  : اه هات

وحيد : لأ سائع ومش هايعجبك

امن2  : مفيش حاجة في الشنطة ... انت لابس حزام فيه حاجة معدن؟

وحيد : اه ... ورخصي سليمة كمان لو عايز تشوفها

امن2  : انت داخل لجنة مرور؟ اقلع الحزام

وحيد  : نعم ؟ البنطلون يقع

امن3  : معلش مش هايقع .. ديه اجراأت امن

وحيد : اشمعني البنات يعني .. اووف (يقلع الحزام )  .. اهوه

امن3  : الاجراأت ده بتمشي علي الكل مفيش فرق بين ولد او بنت

 

عادل: الصوت يااولاد ... الصوووووت

شادي: هوة الراجل ده مش هايهمد بقي ويبطل زعيق ولا ايه ؟

امير   : معلش يا شادي هوة شوية وهايهدا

شادي  : لا اصله لو مش هايبطل صوته العالي ده هابطلهوله

امير   : ايه يا شادي مش كل حاجه بالخناق والدراع لازم تهدي من نفسك شويه

شادى : الدنيا مش عايزه غير كدا .. القوه وانك متعتمدش علي اي حد ولا اي حاجه غير دماغك ودراعك

امير  : ايوه ماشي بس دا ميكونش كل اسلوبك في التعامل مع الناس ..

شادي : اممم والمفروض بقي ازاي اتعامل مع الناس يا استاذ امير

امير  : بالمحبه والجواب اللين في ايه في الانجيل بتقول الجواب اللين يصرف الغضب والكلام الموجع يهيج السخط .. لو حد ضايقك بالكلام وانت رديت عليه بطريقتك واتخانقت معاه ...

شادي : (يقاطعه ) حبيبي انا عارف كلامك كويس ومش مقتنع بيه لان بكل بساطه انت عايز تحولني لشخص ضعيف اي حد ممكن يجي عليه .. زيك يا استاذ امير

امير   : زيي ؟!

شادي : اه زيك انت مش شايف نفسك وشخصيتك عاملين ازاي قدام استاذ عادل ؟ بيفضل يزعق فيك وانت حتي مبتقدرش ترفع عينك فيه ... بلاش دي دا حتي مارتينا مراتك الناس كلهم بيقولوا .....

امير   : كله الا كدا يا شادي مسمحلكش

شادي : ايه هتعمل ايه ؟ ( بتحدي )

عادل  : هوة مش انا قلت مش عايز صوت؟

شادي  : الكلام ده ليا انا ياعادل؟

عادل  : ايوه ليك ياشادي و اسمي استاذ عادل وانا المسؤول عنكم هنا و المفروض تسمع كلامي وتعمل لي احترام

امير  : خلاص يا جماعه حصل خير؟ فك عليهم شوية ياأ/عادل دول في رحلة

عادل : محدش طلب منك انك تتكلم دلوقتي ياامير واتفضلوا خشوا من غير صوت

فادي   : معلش ياجماعة علي الاجراأت ديه

مارتينا: بس ليه كل ده يعني؟ انا ماتعودتش علي النظام ده اوووف

فادي  : مفيش حد بيخش المكان ده يامرتينا ومعاه حاجة او بيطلع ومعاه حاجة ولازم ترضي باللي هايجيلك ان كان حلو او وحش

امل    : انت عرفت اسمها ازاي ؟

مارتينا: اكيد شاف مسرحية من مسرحياتي ما انا دايما بكون البطلة

فادي  : القصر ده كان بتاع والدي الملك ومفيش حد بيخشه غير بعد لما اعرف عنه كل حاجة قبل ما ييجي علشان كدة اعرفكم كلكم واحد واحد واعرف عنكم كل حاجة يعني ده شادي و ده سامح  و ده اخوه وحيد و ديه سارة ودول أ/عادل المسؤول عن الرحلة  وأ/امير المساعد بتاعه وانتي امل وعلي فكرة انا عجبني قوي دورك في المسرحية اللي فاتت ياامل

سارة  : شوفتي يا مارتينا عاجبه دور امل مع انها كانت حتيت كومبارس وماقالش حاجة علي دورك مع انك كنت البطلة .. حاجة تغيظ بجد (بخبث )

مارتينا: هو اكيد مشافش المسرحيه , اصلا من ساعة ما دخلت وهو متجاهلني تماما (بغيظ)

سارة  : بصي علي امل مصدقت .. هتموت وتاخد منك النجوميه

مارتينا: وتفتكري هتنجح ( باستختاف )

سارة  : لا طبعا احنا معندناش غير نجمه واحده .. انتي وبس

مارتينا: طبعا منا عارفه  

شادي  : يابنتي كفايه وبطلي توقعي الناس في بعض (موجها كلامه الي ساره)

سارة  : انا مبعملش حاجه

سامح : امل مالك سرحانه كدا ليه

امل    : سامح شكل التمثال اللي هناك ده غريب اوي

سامح  : اه وانتي طبعا اي حاجه غريبه ومختلفه بتعجبك

امل    : وانت جبت منين الكلام دا

سامح : من كتابات اللي علي الفيس .. بحسك علي طول في حاله ثوره مع نفسك ورافضه كل حاجه وبتشكي في اي حاجه وفي كلام اي حد

امل    : انا مبحبش المسلمات انا بحب الدلائل .. يعني متقوليش ان في حاجه اسمها معجزه او قديس ظهر لحد وشفاه او صوره بتنزل زيت او حتي لما تخافي ارشمي الصليب .. كل الكلام دا بالنسبالي مرفوض وعقلي مبيقبلوش .. تديني دليل مادي واشوفه بعيني اصدقه واؤمن بيه انما كلام مرسل نو مرفوض

سامح : كل عشان انا سالت علي التمثال الغريب دا .. (يمظر الى التمثال ) بس تصدقي هو فعلا فيه حاجه غريبه ( ينظر الى التمثال ويثبت نظره عليه )

عادل  : يلا ياجماعة علشان أ/فادي هايفرجنا علي الاثار اللي هنا

امير   : سامح ... سامح؟

عادل : سامح ( يزعق )

سامح : هاه؟

عادل  : ايه هانتفضل مستنينك كتير؟ يلا

سامح  : دا امل هي اللي بتعطلني

امل    : يابنى انت ايه ملكش لا صاحب ولا غالى بتبيع اي حد كدا

امير   : يعني انا بقالي ساعة بندهلك ولا انت هنا وهوة من كلمة واحدة رديت عليه وسبت فقرة الاعلانات اللي قبل الحلم؟ ... ما علينا

فادي  : ابدأ ؟

عادل  : اتفضل

فادي  : ديه اول قاعة وهية القاعة الرئيسية وبنشوف فيها هنا تمثال "داوود النبي"

ودا تمثال  " يوسف الصديق " و دا تمثال "سليمان "

امير   : وايه ده؟

فادي  : ده ؟ ده " خاتم الملك " ويعتبر من اهم الحاجات اللي هنا في المتحف لأنه خاتم المُلك .. وده من الذهب الخالص ويعتبر غالي جدا

مارتينا: واو ده وهمي

فادي  : وعقاب اي حد هايخده هايكون قاسي قوي

وحيد : هايكون عقابه ايه ؟

فادي  : هايكون عقابه ... الموت

امل    : الموت ؟؟

مارتينا: يامامي

فادي  : في المتحف ده من حققكوا تعملوا اي حاجة ماعدا انكوا تلمسوا الخاتم ده اوتقربوا من التمثال ده

امل    : هوة تمثال مين ده؟

سارة  : اه بتاع مين ده

امير   : هاتموتوا وتعرفوا؟

امل    : اه الفضول هاياكلنا

امير   : خليه ياكلكوا يمكن ياكل لسان سارة وتبطل اللوك لوك بتاعها

سارة  : الله بقي ياأ/امير

عادل   : ايه حكايت التمثال دا يا استاذ فادي ؟

فادي   : قصه التمثال وقصه الخاتم قصتين مرتبطين ببعض , القصه بتبدا ....

( المشهد صامد وتدريجيا يبدا الجميع بالنظر الي التمثال نظرات بخوف والابتعاد عنه )

 

فادي : ودلوقتي تعالوا اوريكم بقيت القاعات

 

(يخرج فادي وعادل )

ينظر الجميع الي الخاتم

""play back

امل     : "play back"كله كلام خرافه وقصص بيضحكوا بيه علي الجهله كلهم تماثيل .. بس الخاتم يجنن

امير    : "play back"هو دا اللي هيغير نظرت الناس ومارتينا ليا هياخليني كبير في نظرك وكبير في نظر الكل

مارتينا : "play back"الله مشوفتش خاتم في حلاوته واحده زيي محتاجه للخاتم دا

شادي  : "play back" خاتم القوه الخاتم دا ليا .. خاتم ميكونش لغير واحد قوي يستحقه

ساره  : "play back"الخاتم دا هو مصدر السعاده ..انا هبقي اسعد واحده في الدنيا لو اخدت الخاتم دا .. انا لوحد انا وبس

(كل شخص يخرج بعد انتهاء جملته)

 

سامح : وحيد ( ينظر وحيد للخاتم ) وحيد اوعي تكون بتفكر.... لا ياوحيد ارجوك

وحيد : لا ليه ؟

سامح : انت مسمعتش هوة قال ايه ؟

وحيد : طبعا سمعت خاتم الملك وغالي جدا يعني ناخدها ونبيعها وشوف هانعيش ازاي هانعيش زي الملوك يا سامح

سامح :  انت ده كل اللي سمعته ؟ انت بتفكر ازاي ؟ انت ماسمعتوش وهوة بيقول ان عقاب اللي هايسرقها هو الموت ؟ وهلاك الكل ؟

وحيد  : سمعت بس تفتكر ان الكلام ده صح ؟

سامح : اكيد صح امال هايكذب عالينا ليه ؟ ارجوك بلاش .. لو مش هامك نفسك فكر في الناس

وحيد : ناس؟؟ ناس مين ؟ من امتي وانا ليا علاقة بيهم ولا من امتي وهما بيهتموا بيا ولا بيحسوا بيا ؟.. انا من يوم لما عرفتهم وانا مش عارف انسجم معاهم حاسس انهم كلهم جروبات وشلل مقفلة علي بعض ومش عايزين حد زيادة عليهم .. وكل واحد منهم بيبصلي باستحقار اكيد علشان افقر منهم

سامح : يا وحيد ماتبصلهاش بالطريقة ديه ماانا اخوك اهوه وبيتعاملوا معايا عادي

وحيد : ماتحاولش ترجعني انا خلاص اخدت قراري

سامح : تعالي ياوحيد تعالي ربنا يهديك تعالي احسن هانتوه منهم

وحيد : هاجي دلوقتي لكن راجع تاني .. راجعلك وهاتكون ملكي وهغتني ومش هايهمني حد من الناس اللي بيستحكروني دول وهدوس عليهم كلهم كلهم كلهممم

 

الفصــــل الثانـــــي

 

(يبدا المشهد بصوت ضجه كبيره مع الاضاءه والمزيكا واصوات تكسير زجاج ويتحرك التمثال ويغلق ابواب القصر بأداء تمثيلي , ثم تضاءه اضاءه كامله على المسرح وهو فارغ)

 

 

عادل   : في ايه مين اللى صاحي تحت وكسرتوا ايه

(يدخل امير)

امير    : الكل نايم في اوضهم يا استاذ عادل

عادل   : امال في ايه

(تدخل مارتينا)

مارتينا: امير امير في ايه ؟ ايه اللي بيحصل

امير    : متخافيش يا مارتينا

(يدخل سامح)

سامح  : ايه الصوت العالي دا

امير    : فين اخوك

سامح  : معرفش انا لما سمعت الاصوات دي جيت جري على طول

(يدخل شادي)

شادي  : مين اللي نور النور دا كله ؟ وفي ازاز متكسر في كل حته

عادل   : (بعصبيه) يعني انت مش عارف في ايه ؟ اكيد انتوا السبب

شادي  : (بعصبيه اكتر) انت بتتكلم معايا كدا .. قولتلك ميت مره متزعق

عادل   : لما نرجع انا هعرف شغلي معاك

شادي  : هتعمل ايه يعني ولا تقدر تعمل اي حاجه

مارتينا: كفايه بقي حرام عليكوا احنا في ايه ولا ايه

(تصرخ ساره)

ساره   : الحقوني ... امل .. امل

(يخرج شادي وامير مسرعين ثم يدخلون – امل في حاله فقدان للوعي – وفي نفس الوقت هي مفتحه عينيها ولكن لا تتحرك)

ساره   : امل امل فوقي يا امل

سامح : حد معاه مايه او بيرفيوم

امير    : دي مبتنطقش هي كانت فين

ساره   : معرفش انا لما سمعت الاصوات والتكسير خرجت جرى من الاوضه مكانتش موجوده ووانا جايه هنا لقيتها واقفه ومديه وشها للحيطه نديت عليها مرديتش شديتها عشان تجرى معايا فوقعت على الارض

مارتينا: ايه ده انتوا صدقتوا ..  تلاقوها بتمثل عليكوا

شادي  : حد يطلب لنا دكتور

(عادل يحاول عمل اتصال من موبيله)

عادل   : مفيش شبكه

امير    : ولا انا

سامح  : يعني ايه ..

(يدخل وحيد مسرعا وهو راكضا)

شادي  : كنت فين

وحيد   : احنا واقعين في مشكله

ساره   : اكتر من اللي احنا فيه

(في هذا التوقيت يبدا مارتينا للتحرك في ذهول ناحيه مكان الخاتم )

وحيد   : احنا محبوسين

الكل    : محبوسين

شادي  : يعني ايه محبوسين

وحيد   : لما سمعت الاصوات جريت علي الباب فكرت ان دا زلزال وقلت القصر هيتهد .. لقيت كل الابواب مقفوله ومعرفتش افتحهم

عادل   : والشبابيك

وحيد   : انا دورت في كل الاماكن ..عن اى منفذ.. كله مقفول

مارتينا: ايه ده الخاتم؟؟؟  

امير    : خاتم ايه

ساره   : الخاتم اللى كان هنا راح فين

شادي  : والتمثال كمان

(تفوق امل)

ساره   : امل في ايه انتي كويسه ؟

عادل   : تقدرى تفهمينا انتي مالك وايه اللي حصل بالظبط

امل     : انا سمعت اصوات غريبه وصراخ ولما قومت مفزوعه الدنيا كانت ضلمه ومحستش بحاجه تاني

امير    : يعني محستيش بنفسك وانتي بتمشي

امل     : بمشي ؟؟ بمشي فين

سامح  : انتوا بتتكلموا في ايه احنا محبوسين هنا ومش عارفين نخرج ولا حتي في شبكه نتصل بحد

شادي  : الخاتم .. كل دا بسبب الخاتم

مارتينا: ايوه الخاتم اتسرق L

عادل   : والتمثال اللي كان هنا .. راح فين ؟

وحيد   : ايه دا كمان سرقناه

شادي  : لا

امير    : الخاتم لما اتسرق التمثال اتحرك

ساره   : زى ما فادي ما قالنا

امل     : كفايه هبل واشتغلات بقي .. انتوا بتصدقوا في الكلام الفاضي دا

سامح : دا مش كلام فاضي .. دا اللى حاصل دلوقتي

امل     : لا كلام فاضي .. الخاتم اتسرق (تنظر الى مارتينا)

مارتينا: وانتي بتبصيلي ليه .. مش يمكن انتي اللى سرقاه

امل     : انتي اكتر واحده كنتي هتموتي عليه

مارتينا: محصلش .. ولو هنتكلم بطريقتك وبتحاليلك المنطقية

          يبقى المفروض كلنا نتهمك انتي في سرقت الخاتم

امل     : واشمعني انا

مارتينا: لانك انتي الوحيدة اللى مكنتيش موجوده في مكانك ساعتها  ولما حسيتي انك هتتكشفي                           عملتي الحركتين بتوعك دول وقال ايه بتمشي وانتي نايمه

امل     : انتي بتقولي ايه .. انتي اللى سرقتي الخاتم وببتهمني انا بسرقته

عادل   : كفايه خالونا نعرف هنعمل ايه في المصيبه اللي انتوا حطونا فيها دا

شادي  : انت ليه كل حاجه ترميها علينا مانت معانا في القصر

عادل   : انت تلميحك تلميح سخيف

وحيد   : لا بيلمح ولا حاجه يا استاذ عادل

امير    : ارجوكم كفايه احنا هنموت هنا وانتوا بتتخانقوا

سامح : لان هو دا اساس المشكله يا استاذ امير .. الخاتم زى ما فادي قالنا لو اتسرق ولا اتحرك من مكانه دا هيخالي التمثال يتحرك ويتفك اسره

امل     : (مستهزئه) اسره

مارتينا: معناه ايه الكلام دا حد يفهمني

ساره   : هو فين استاذ فادي

(يدخل فادي ويتجهوا ناحيته في لهفه)

عادل   : في ايه يا استاذ فادي فهمنا ايه اللى بيحصل

فادي   : ليه مسمعتوش كلامي واخدتوا الخاتم

شادي  : اخدنا ولا ماخدناش عاوزين نعرف دلوقتي ايه اللى بيحصل ..

فادي   : زي ما قولتلكم وحظرتكم .. في حد منكم سرق الخاتم و دا رجع للتمثال قوته

امل     : قول كلام نفهمه ونعقله

مارتينا: استاذ فادي ممكن تشرحلنا مين اللي عمل كل دا

فادي   : التمثال

امير    : مين هو التمثال دا

سطانائيل: انا سطانائيل .. اكبر قائدي جيش المملكه,اللى كان بيحكمها الملك صاحب القصر دا

الكل       : التمثال

سطانائيل: انا قدامكم دلوقتي حقيقه.. اللى ظلمني هو اللى حكم عليا وحولني لتمثال

فادي      : انت اللى ظلمت نفسك

سطانائيل: كلامك مش صح .. دا الكلام اللى انتوا بتقولوه عشان تخبوا الحقيقه الكامله عن الناس       .. عشان تتعاطف مع اكبر ظلم حصل في التارخ

فادي     : وايه هي بقي الحقيقه

سطانائيل: من اول ما فتحت عنيا وانا كنت مع الملك قائد جيشه ومن اقرب المقربين ليه..

فادي       : "كنت خَاتِمُ الْكَمَالِ، مَلآنٌ حِكْمَةً وَكَامِلُ الْجَمَالِ.. كُنْتَ فِي عَدْنٍ جَنَّةِ اللهِ. كُلُّ حَجَرٍ كَرِيمٍ سِتَارَتُكَ "

سطانائيل: كل صلاحيات المملكه كانت في ايدي  فيما عدا حاجه واحده دي اللى كانت مستحيله حد يقربلها او حتي يفكر فيها هي خاتم العرش .. الخاتم اللى بيه تقدر تحكم وتصدر الاوامر .. تقدر تحكم بيه الناس ..

فادي   : "كنت الْكَرُوبُ الْمُنْبَسِطُ الْمُظَلِّلُ، وَأَقَمْتُكَ عَلَى جَبَلِ اللهِ الْمُقَدَّسِ كُنْتَ بَيْنَ حِجَارَةِ النَّارِ تَمَشَّيْتَ."

سطانائيل: الملك وحده هو اللى كانت مستحوز على كل الصلاحيات .. هو لوحده

فادي        : حسد الملك .. "كنت كَامِلٌ فِي طُرُقِكَ مِنْ يَوْمَ خُلِقْتَ حَتَّى وُجِدَ فِيكَ إِثْمٌ."

سطانائيل: من حقي احكم المملكه .. اذا كنت اقوي واحد فيها ..

فادي   : قال في نفسه "اصعد الى السماوات " ارفع كرسي فوق كواكب الله" اجلس على جبل الاجتماع" اصعد فوق مرتفعات السحاب" اصير مثل العلى"

سطانائيل: مكانش في حد في قوتي وحكمتي (هنا يتقدم شادي) .. من حقي اكون معروف ومشهور زى الملك انا استحق دا (هنا تتقدم مارتينا) من حقي أني أحس قدام الملك        بقوه شخصيتي كفايه بقي ضعف وذل (يتقدم امير)

فادي       : "قَدِ ارْتَفَعَ قَلْبُكَ لِبَهْجَتِكَ. أَفْسَدْتَ حِكْمَتَكَ لأَجْلِ بَهَائِكَ."

سطانائيل: من حقي أحس بالسعاده اللي بيحسها أي ملك وهو شايف ان الكل بيخدمه (تتقدم ساره) من حقي أني اكون المسيطر الوحيد علي كل ثروات المملكه حق تعبي في خدمه الملك (هنا يتقدم وحيد)وعلشان كده كان لازم أعمل اي حاجه أو ابيع اي حد حتي لو كان الملك نفسه علشان اوصل للعرش (هنا يتقدم سامح)

فادي         : "قَدْ نَجَّسْتَ مَقَادِسَكَ بِكَثْرَةِ آثَامِكَ بِظُلْمِ تِجَارَتِكَ"

سطانائيل: عملت انشاق في الجيش .. اقنعت تلت جيش الملك انهم ينضموا ليا ويحاربوا لاجلي عشان نحكم و نحارب الملك .. وفي المقابل جمع الملك قواته وجيشه وحاربني    وللاسف خسرت .. جردني من رتبة الجيش .. وعشان يعاقبي ويخاليني عبره للناس         حولني لتمثال

فادي   :  "سَأَطْرَحُكَ إِلَى الأَرْضِ، وَأَجْعَلُكَ أَمَامَ الْمُلُوكِ لِيَنْظُرُوا إِلَيْكَ ,,, فَيَتَحَيَّرُ مِنْكَ جَمِيعُ الَّذِينَ يَعْرِفُونَكَ بَيْنَ الشُّعُوبِ، وَتَكُونُ أَهْوَالاً وَلاَ تُوجَدُ بَعْدُ إِلَى الأَبَدِ"

سطانائيل: متهيالي كده الحكايه أتحكت بالشكل الصحيح .. خلي الناس تحكم عليا ولو لمره واحده صح بلاش توصلهم الحقيقه من وجهة نظرك انت بس .

فادي     : لأنك مخادع وعمرك ماكنت صادق .

سطانائيل: دا الوقت اللي هاخد فيه حقي من الملك ...  انتم مساجين حاليا اموات مستقبلا         الا اذا اختارتوا.... لو فضلتوا تسمعوا كلام فادي وتصدقوه يبقي بقيتوا اموات لكن اللي       هيختار حريته وعايز يخرج من هنا لازم يبقي معايا ,,وتاكدوا ان مفيش اي منفذ للخروج غير عن  طريقي ... انتم بقيتوا ملكي

عادل      : (بأنهيار) لا انا مش عاوز اتسجن انا مش عاوز أموت (يجري علي سطانائيل) أبوس أيدك خرجني انا مش معاهم خدهم كلهم بس سيبني .

سطانائيل: طيب وقصه فادي والملك

عادل      : ملك مين انا معرفش ملوك ولا انا تبع حد

سطانائيل: ايوه بس دول ولادك هتفرط فيهم وهتسيبهم

عادل      : انا ولادي في البيت لازم ارجعلهم .. ارجوك انا عايز اعيش لازم اربي ولادي

سطانائيل: طيب وياعيني الناس اللي محتاجالك وأملها فيك كبير انك تساعدها علي الخروج هتسيبها هتبيعهم كده ليا .

عادل     : أبيعهم مقابل اني اعيش ولو عاوز غيرهم أجيبلك غيرهم بس سيبني أخرج (يرتمي علي قدم سطانائيل ويقبلها)

سطانائيل: خلاص الصراحه صعبت عليا  علشان تعرف اد ايه انا قلبي حنين رغم قسوه الملك وظلمه ليا .. هسيبك تخرج بس لازم انا اللى اوصلك للباب بايدي علشان اضمن أنك خرجت ..  (موجها كلامه الى فادي) هنتقابل تاني يا فادي .. هنتقابل تاني (يضحك)

 

(يخرج سطانائيل مع عادل)

 

ساره : (بهستريا) مش معقول ... اللي بيحصل دا مش حقيقي مش حقيقي انا بحلم

مارتينا : امير انا خايفه اووي .. اتصرف خرجنا من هنا اعمل اي حاجه

امير : ماحنا كلنا هنا اهو يا مارتينا محدش عارف يخرج

مارتينا : يوووه انا ذهقت وقرفت من ضعفك ده

شادي : اهدوا خالونا نعرف نفكر

سامح : (موجها كلامه لوحيد في حديث جانبي بينهما) فلت استاذ عادل نفد بجلده

وحيد : انا مصدوم ازاى بعنا بالسهوله دي

سامح : عمل الصح

شادي : استاذ فادي فهمنا

فادي : عايزين تفهموا ايه

امير : الكلام اللى اتقال دا حقيقي صحيح احنا هنا محبوسين

فادي : ايوه

امل : احنا ذنبنا ايه يحصل فينا كل دا

ساره : انا ماخدش الخاتم ولا سرقته

(كل واحد بطريقه عشوائيه يقول "ولا انا ")

ساره : يبقي ليه .. ؟ ذنبنا ايه عشان نموت كل واحد عنده مشاكل ملهاش لا اول ولا اخر

فادي : الخاتم .. كل واحد منكم اشتهي الخاتم .. قولتلكم الخاتم دا ليه طابع خاص جوه القصر , من كل اللى موجود خظرتكم من الخاتم دا بالذات

امل : كفايه كلام والغاز بقي .. اكيد في طريقه نخرج بيها من هنا لازم نفكر لازم نشغل دماغنا

شادي : في فعلا طريق للخروج من هنا ؟

فادي : ايوه في .. السلاح الحاجه والوحيده اللى تضمن ليكم الخروج من هنا وتنتصروا بيها على سطانائيل

امل : سطانائيل مين ؟

سامح : التمثال

امل : ننتصر على التمثال ؟؟!! الكلام دا خرافي

وحيد : مقدمناش غيره .. احنا زي الغرقانين بنتعلق باي اشايه

امير : مظبوط .. احنا لازم ندور على السلاح .. لازم نخرج من هنا

امل : انا مش هتحرك من مكاني .. انا اصلا مش مقتنعه بالكلام دا .. انا مش هتعلق بالاشايه بتاعتكم لانها هتاخدي وهغرق

سامح : انت السبب في كل اللى احنا فيه دا (موجها كلامه الى فادي)

فادي : انا

شادي : ايوه انت مقولتناش ان كل دا هيحصل

فادي : انا قولتلكم وحظرتكم

امير : انت موضحتش ان الموضوع بالخطوره دي

فادي : انا قولتلكم كل اللى هيحصل

شادي : اللى حصل حصل ممكن تسيبنا بقي عشان نعرف نفكر في المصيبه اللى وقعنا فيها

وحيد : مظبوط اخرج وسيبنا

فادي : حاضر.. بس قبل ما اخرج عايز احظركم من سطانائيل .. قاوموه هيهرب منكم ...متدلوش مكان وسطكم .. ودورا على السلاح , سلاح الملك .. اللى هتقدروا تغلبوا بيه سطانائيل

(يخرج فادي)

شادي : شباب هنقسم نفسنا مجموعات امير ومارتينا دوروا في الاربع اوض اللي فوق ناحيه الشمال – سامح ووحيد في الاوض اللى في الناحيه اليمين – انا هدور في القاعات اللى في الناحيه دي – ساره في القاعتين اللى في الناحيه دي .. امل ؟؟ اخر كلام

امل : اتفضلوا انتوا دوروا على سلاحكم الخارق

(يخرج الجميع فيما عدا امل ثم يدخل سطانائيل)

 

مشهد التشخيص أمل

 

(تقف عند رؤيته)

سطانائيل: خايفه .. ( تفرك في يدها من الخوف والقلق ) ضفرك هيتكسر

امل         : ايه ؟(لا تسمعه من المره الاولي ) (تكسر ضفرها ) اااه .. ( تنظر له في تعجب )    انت ازاى عرفت ؟!!

سطانائيل: انا اعرف كل حاجه .. اعرف ماضيكي واعرف مستقبلك .. عارفه ايه اكتر اوقات كانت صعبه بالنسبالك  ؟؟ فاكره لما كنتي بتعيطي بحرقه عشان نفسك في حاجات كتيره ومكانتش بتتحقق ؟؟ عمرى ما انسي لما مامتك كانت محتاجه تعمل عمليه ومكانش معاكم فلوس .. ( تعطي له ظهرها دلاله انها لا تريد ان تسمع ) .. انتى السبب .. ايوه انتى السبب في موتها

امل        : اسكت

سطانائيل: كل الدكاتره اصروا ان العمليه مش هتنجح ... من الاشعات والتحاليل اللى اتعملت العلم قال ان عمليه بالخطوره دي مستحيل تنجح

امل         : كفايه

سطانائيل: مع ذلك اصريتي .. كان عندك رجاء , كان عندك امل ان هتحصل معجزه .. كلهم قالولك هتموت وانتى قولتي انك صليتي وهتحصل معجزه .. دمرتى اسرتك..موتى امك

امل         : مش عايزه اسمع

سطانائيل: وسجنتي ابوكي

امل         : ارجوك وطي صوتك محدش هنا يعرف

سطانائيل: ابوكي اللى مكانش معاه فلوس العمليه ... ولانه صدق كلامك و امن ان هتحصل المعجزه .. استلف فلوس العمليه ومضي علي نفسه شيكات ولما جه ميعاد الشيكات ومدفعش اتسجن

امل        : حرام عليك اسكت بقي

سطانائيل: عارفه ابوكي بيتعذب كل يوم ازاى وهو عارف انه بيقضي السنين اللى فضاله في الدنيا وهو في السجن والفضيحه قدام زمايله  في الشغل .. وجرانه,,,,, (مقاطعه )

امل         : ( بانهيار) اسكت بقي اسكت كفايه انا تعبت بتفكرني ليه

سطانائيل: انتى عمرك مانسيتي يا امل

امل        : انت عايز منى ايه

سطانائيل: انتى اللى عايزانى .. مش انا

امل        : انا مش عايزاك ولا عايزه اتكلم معاك

سطانائيل: شكل مكتوب عليكم الحبس .. انتى وابوكي كل واحد منكم في سجن .. محبوسين بسبب خرافات وكلام مش منطقي .. غلطي في حق ابوكي وبتغلطي في حق نفسك دلوقتي .. مع ان قدامك فرصه تاخدي حريتك وحرة باباكي كمان ... واهو يبقي صححتي اللى عملتيه زمان

امل       : بس عمرك ماهترجعلى امي

سطانائيل: نص العمي ولا العمى كله

امل         : ( بتفكير) وهاخد حريتي ازاى

سطانائيل: انتى نسيتي ان انا اللى حابسك هنا

امل         : وبابا هتخرجه ازاى

سطانائيل: انا هسدد عن باباكي كل الشيكات اللي عليه

امل        : (تفكر في كلامه )

سطانائيل: انا همشي

امل         : استني .. ايه المطلوب منى

سطانائيل: امنى .. بيا .. انا اللى هنقذ علتك من جديد هرجعكم تاني لبعض ... انتى معايا كسبانه .. هخاليكي ملكه على العالم .. هتقدرى تشوفي المستقبل .. حريتك وحياتك في ايدي ..ودا كلام من غير خرافات ولا معجزات ... امنى بيا يا امل .. اتبعيني .. هخاليكي تشوفي العالم بشكل جديد .. هتشوفيه بالوانه الحقيقه ..

امل        : ( تحرك راسها علامه على موافقتها )

سطانائيل: من النهارده انتى بقيتي ملكه .. خدي البسي دا

امل        : ايه دا

سطانائيل: دا العلامه .. انك بقيتي من اتباعي

)تلبس الطوق)

امل       : هخرج امتى ؟

سطانائيل: الموضوع محتاج ترتيبات واقرب وقت هتخرجي ..

 مشهد امير ومارتينا

 

( يدخل امير ومارتينا كل واحد من جانب المسرح )

مارتينا : امير ... لقيت حاجة عندك

امير   : لا ملقيتش .. انا دورت فى كل مكان مفيش اى أثر للسلاح اللى قال عليه فادى دا

مارتينا : طب وبعدين هنعمل ايه .. شكلها كدا مفيش سلاح ولا حاجة وكل دا وهم .. يعنى بندور على وهم .. سراب

امير : معقول يكون وهم ومفيش سلاح فعلا

مارتينا : ما انت شايف اهو دورنا فى كل حتة وملقناش اى حاجة ... هنتصرف ازاى دلوقتى

امير : مش عارف

مارتينا : يعنى ايه مش عارف ... يعنى انا ها افضل محبوسة هنا .. اتصرف

امير : ها اتصرف ازاى ... ها اعمل ايه يعنى

مارتينا : انت بتسالنى انا .. انا مراتك ومسئولة منك وانت المفروض تحمينى وتخرجنى من هنا

امير : وانا فى ايدى ايه يعنى اعمله ومعملتوش ... ما انتى شايفة كل الابواب والشبابيك مقفولة وكلنا اتحبسنا هنا

مارتينا : فى ايدك ايه تعمله ؟؟ فعلا ما اهو العيب مش عليك .. انا اللى غلطانة انى اتجوزت واحد ضعيف وسلبى زيك وشخصيته .........

امير : ( يزعق ) مارتينا .. انا مسمحلكيش تتكلمى معايا بالطريقة دى

مارتينا : تسمحلى ولا ما تسمحليش ... انا خلاص زهقت ... زهقت من ضعفك وسلبيتك .. زهقت من كلمة معرفش واللى تشوفيه اللي يعجبك ... اللى دايما على لسانك

امير : انا مش ضعيف .. واذا كنت بعملك اللى انتى عايزاه فدا علشان بحبك

مارتينا : بتحبنى .. تصدق اول مرة اعرف .. ويا ترى بقى ضعف شخصيتك قدم استاذ عادل .. اللى ما بتقدرش ترفع عينيك فيه دا تسميه ايه ... ايه بتحبه هو كمان

 

 امير : دا مش ضعف .. دا احترام

مارتينا : احترام .. هههه تصدق ضحكتنى .. دى اسمها حجة البليد .. ولو انت مش عارف دا ايه .. اقولك انا ... دا اسمه ضعف شخصية .. سلبية .. خوف وجبن ده كفاية اوي انى استحملت مرضك وانك واحد مبتخلفش يعنى حتى الحاجه الوحيدة اللى كل ست بتحلم بيها مش قادر تدهاني.

امير :  ( يقاطعها ) ما كفاية بقى يا شيخة .. انتى ايه .. حرام عليكى هو حتى مرضى بتزليني بيه  طول عمري بحاول ارضيكى وكل اللي انت شايفه فيا انى ضعيف وجبان ومريض.

مارتينا : ولازم تفضل حياتك كلها تحاول ترضيني انت اصلا مكونتش تحلم تتجوز واحدة زيى .. علشان تفكر ترضينى او مترضنيش.

امير : ما تبطلى بقى طريقتك دى ... انا استحملتك كتيرررر ... بس انتى مفيش فايدة فيكى ... مش شايفة الا نفسك وبس ... انانية ومبتفكريش الا فى نفسك.

مارتينا : وعايزنى اشوف مين تانى يا استاذ امير ... اشوفك انت مثلا ... اشوف شخص وجودى معاه بيوقعنى .. بينزلنى لتحت بدل ما يعلينى ويطلعنى لفوق انا نفسي فى واحد قوى لي كلمة الناس كلها بتحترمه وتعمله الف حساب انا غلطت لما اخترتك انا كان لازم اتجوز واحد زي شادي

امير : اخرسي ( وبيرفع ايده )

مارتينا : انت بترفع ايديك عليا يا امير؟ وايوه لو مسمعتش كويس فانا بقولك تاني شادي يا امير

امير : هى وصلت لكدا يا مارتينا وصلت انك تتمنى حد غيري لا و بكل بجاحه انك تيجي وتقوليلي فى وشي  انتي السبب فى هدم حياتنا فى كل مشكلنا وكل ده بسبب غرورك وطموحك المريض حتى  اللى احنا فيها دلوقتى انتى السبب فيه.

مارتينا : انا

امير : ايوة انتى .. انتى اللى اصريتى اننا نيجى الرحلة دى ... انا ما كونتش موافق ودا ليه ... علشان يقولوا النجمة راحت ... النجمة جت .. النجمة عملت

مارتينا : ايوة نجمة يا امير نجمة غصب عنك ... وها افضل نجمة طول عمرى ... واحب افكرك ان نجوميتى دى ... هى اللى خليتك تعجب بيا وتجري ورايا وتموت علشان تتجوزنى

امير : ولما انتى شيفانى وحش اوى كدا ... ليه وافقتى انك تتجوزينى

مارتينا : كنت فاكرة انك لما تحققلى كل اللى انا عايزاه وترضينى ... ان هى دى السعادة

 بس للاسف مكونتش اعرف انك ضعيف اوى كدا ... انا معرفش كان فين عقلى لما وفقت اتجوزك .. يا ريتنى ما كنت شوفتك ولا اتجوزتك

امير : دا انا اللى غلط لما فكرت اتجوز واحدة زيك ... يا ريتنى ما كنت اتجوزتك

 

 

                                     ( يدخل سطانائيل )   

سطانائيل : ايووووة .. يا ريتنى .. دى الكلمة الوحيدة اللى دايما ترجعنا لورا .. ونكتشف اننا مشينا فى الطريق الغلط

مارتينا : ايه دا انت دخلت هنا ازاي

امير : انت ايه اللى جابك هنا

مارتينا : لا انا مش عايزة اموت .. انا عايزة اخرج من هنا

سطانائيل : انا جاى علشان اساعدكم .. علشان اريحكم .. انتوا بقيتوا حبايبى واصحابى .. انا عايز اساعدكم

مارتينا : بجد هتساعدنا طيب ازاي ؟

سطانائيل : ارشدكم لطريق الصح وارجعكم عن اختياركم الغلط .. مش لية كنتوا بتقولوا يا ريتنى

امير : انت عايز ايه بالظبط

سطانائيل : عايز اخفف عنك .. عايز اشيل الحمل معاك .. انا عارف انها ما كنتش تنفعك وجوازك كان غلطة

مارتينا : غلطة

سطانائيل : ايوة غلطة ... انسان ضعيف ما يستهلكيش .. مش مقدر نجوميتك وطموحك .. انتى نجمة وتستهلى واحد قوى .. عظيم يرفعك لفوق .. يملى عينك وتتباهى بيه قدام كل الناس .. لكن دا ضعيف .. جبان .. ولو فضلتى معاه .. ها يوقعك وينزلك لسابع ارض

امير : بس انا مش ضعيف .. مش ضعيف

سطانائيل : ما انا عارف انك مش ضعيف .. بالعكس انت طيب وحنين وبتحترم اللى حواليك وتقدرهم .. بس للاسف مفيش حد فاهم كدا ... مفيش حد حاسس بيك غيرى انا بس .. اصلى زيك مظلوم وسط الناس .. لكن هى ... مغرورة .. انانية .. ما بتحبش الا نفسها .. متنفعكش .. عمرها ما ها تحس بيك ولا تقدرك

مارتينا : انت عندك حق .. هو شخص سلبى ووجودى معاه هيضيعنى .. بس خلاص فات الاوان ... اتجوزته واللى كان كان .. مفيش حل

 

سطانائيل : انا عندى الحل ... الانفصال

امير : الانفصال .. انفصل عن مارتينا .. ازاى يعنى

سطانائيل : طبعا لازم تنفصل هو انت لسة بتفكر ... انت مش شايف بتعملك ازاى ولا طريقة كلامها ليك قدام الناس .. لاااا فى تقدير ولا احترام .. انت لازم اللى تتجوزها تكون مطيعة .. تقدرك وتحترمك .. تحسسك انك احسن راجل فى الدنيا .. مالى عينيها وقلبها

مارتينا : ايوة ... بس

سطانائيل : ما بسش ولا حاجة ... مفيش وقت للتفكير .. انتى وافقى وخليكى معايا وانا ها اجيبلك الشخص القوى ... اللى هيرعاكى ويحميكى ويملى عينيكى ... ومش بس كدا .. دا هيرفعك اكتر ويعلى نجوميتك ويخليكى اسعد انسانة فى الدنيا ... وانتى عارفانى بحب النجومية والشهرة والظهور .. يعنى معايا ها تبقى اعظم نجمة .. ها .. قولتى ايه

مارتينا وامير : موافقة .. موافق

سطانائيل : فاضل حاجة صغيرة اوووى

مارتينا : ايه هى

سطانائيل : ها تلبسوا الطوق دا علشان تقدروا تستمتعوا بالحرية .. ولما تيجوا تخرجوا من القصر واتباعى يشوفوا الطوق فى رقبتكم .. هيطلعوكوا عالطول من الباب ومحدش تانى يقدر يقف قدام حريتكم وساعدتكم ( يلبسهم الطوق )

مارتينا : اخيرا ها ابقى اعظم نجمة ... ها ابقى حرة

امير : محدش هيقدر يستضعفنى تانى ... خلاص بقيت قوووى

سطانائيل : هههههه ... النجومية ... القوة ... هههههه

 مشهد سارة

 

ساره ( وهيا متجهه للمسرح ) : أيه ده مفيش حد هنا وشكلهم ملقوش السلاح هما دورو في كل حته ماعدا هنا انا هدور هنا يااااه لو لقيت السلاح هبقي حره وأسيبهم هنا ياكلو في بعض في القصر الكئيب ده خليهم يحسو بقي شويه اللي انا فيه .

سطانائيل : انا حاسس بيكي

ساره : ايه ده التمثال

سطانائيل : مابلاش كلمة التمثال ده شيلي الكلفه مابينا وخلينا اصحاب

ساره : أصحاب معاك انت !!!

سطانائيل : وليه لأ بما اني اكتر واحد حاسس بيكي          مش أحسن من أصحابك اللي كرهوكي من كتر ما بتوقعي بينهم ولا شادي اللي كل ما يشوفك يقولك يا سوسه ههها أسف أسف خلاص ماتزعليش تعرفي انتي تعتبري بتعيشي نسخه طبقه الاصل من المأساه اللي انا عايشها.

ساره : نسخه طبق الاصل ازاي يعني .

سطانائيل : أنتي مثلا أصحابك كرهوكي وحكمو عليكي من غير ما يعرفو ولا يسألو انتي بتعملي كده ليه محسوش بالتعاسه والكئابه والحزن اللي عشتي فيها طول حياتك من صغرك بسبب معامله أبوكي وفي المقابل كان كل اللي حواليكي سعيد ومبسوط  ولما جيتي تحققي العدل ويدوقو من اللي دوقتيه بقيتي غلط وملعونه .

ساره : كفايه بقي مش عاوز اسمعك .

سطانائيل : لا لازم تسمعي علشان تعرفي ان احنا اد ايه مظلومين

ساره : أحنا

سطانائيل : أيوه أحنا ما انا كمان أتظلمت الملك حكم عليا أعيش في كئابه وحزن أبدي  ظلمني وفي المقابل ولاده كلهم عايشين في فرح وسعاده أشمعني هما وانا لا مع انهم بيعملو اللي بعمله وأكتر كمان ويوم ما حبيت يدوقو اللي انا بدوقو اتقال عليا ملعون شوفتي بقي اد ايه احنا مظلومين .

ساره : انت عندك حق انا تعبت أتخنقت من الحزن والكأبه اللي انا غرقانه فيهم وشايفه كل اللي حواليا مبسوط وسعيد اشمعني هما .

سطانائيل : صح أشمعني هما هيا ده المعادله اللي لازم تتحقق علشان كده لازم تحطي ايدي في ايدك علشان نحقق العدل .

ساره : ايدي في ايدك بس بس .

سطانائيل : هو أيه حكايتكم كل ما اكلم حد يقولي بس عاوزه الحريه يعني السعاده الابديه ولا أشوف حد غيرك .

ساره : لا لا متشوفش حد انا موافقه علي اي حاجه بس فاقد الشئ لا يعطيه ازاي انت مش سعيد وهتديني السعاده .

سطانائيل : جدعه أحب فيكي ذكائك انا هديكي الحريه اللي هيا بوابه السعاده هدهالك لوحدك انتي بس

ساره : والمقابل

سطانائيل : سامح ووحيد

ساره : مين سامح ووحيد لا مش ممكن

سطانائيل : أنتي هتمثلي ما انتي كده كده بتكرهيهم كلهم أشمعني هما سعدا وانتي لا ايييه موافقه .

ساره : موافقه

سطانائيل : حلو قوي فاضل بس حاجه صغيره

ساره : ايه هيا

سطانائيل : تلبسي الطوق ده علشان اعرف انك جاده في كلامك وعلشان كمان لما تنفذي وعدك تقدري تطلعي من القصر لأن اتباعي مش هيطلعوكي من ابواب القصر الا لما يشوفوكي لابسه الطوق ( ويلبسها الطوق )

ساره : الحريه والسعاده ياااااه

سطانائيل : ههههها الحريه والسعاده يا ساره ههههها الحريه والسعاده ...

مشهد سامح ووحيد

 

يدخل وحيد على ساره حزين ومكتاب

ساره : ايه يا وحيد مالك زعلان ليه

وحيد : انا تعبت خلاص احنا اتحكم عالينا بلموت ومستحيل نخرج من هنا..هنا مكان كئيب ومظلم وحتى السلاح الى فادى قلنا ندور عاليه شكله حاجه وهميه ومش موجوده

ساره : لا الخروج من هنا مش مستحيل ولا حاجه فى طريقه تانيه فى الخروج

وحيد : انتى بتتكلمى بجد يا ساره ولا انتى كمان بتضحكى عاليا.... ايه ده ايه الطوق الى فى رقبتك ده

ساره : ده ... دا

سطانائيل : دا طوق الحياه

وحيد : ايه ده انت مين .. وعايز منى ايه 

سطانئيل : انا الوحيد الى اقدر اخرجك من هنا

وحيد : بجد ولا انت كمان بتضحك عاليا

ساره : لا يا وحيد متخفش  ... فعلا هو الوحيد الى معاه الطريقه الوحيد للخروج 

وحيد : حاضر هعمل كل الى تقول عاليه ... انت تامر . هروح انادى لسامح وجايلك حالا

ساره : خليك انت انا هروح اشوفه فين

سطانئيل : انت شايف ان وجود سامح معاك هيبسطك بره ..(وحيد يتقدم بالرد ... يقاطعه الشيطان ). بالعكس انا شايف ان اخوك ده منكد عاليك حياتك ومتميز عنك.. كل الناس بتحبه الا انت لوحدك وملكش لا صاحب ولا شله

وحيد : بس ده اخويا

سطانائيل : هو لو كان بيحبك كان عمل الى عمله             

وحيد : اخويا عمل ايه

سطانائيل : سامح هو الى سرق الخاتم وبيقول للناس كلها انى انت الى سرقته عالشان ينفد هو من عملته

وحيد : طول عمره سامح كده بيبيع اى حد حتى اخوه .... ده لا اخويا ولا اعرفه

 

سطانائيل : شوفت ... بس انا عالشان عارف انك مظلم وانا مش بحب الظلم ... هديلك فرصه انك تخرج من هنا وتحقق كل احلامك

وحيد : بجد ... ازاى

سطانائيل : تلبس الطوق ده وتبقى تبعى ... وسعاتها بس تقدر تخرج من هنا وتعمل كل الى نفسك فيه.. والناس كلها تحبك وتبقى اغنى واحد فى العالم 

وحيد : انا موافق  .. ( يلبس الطوق بفرح ) ويخرج وهو يقول اخيرا هيكون ليا قيمه وسط الناس

سطانائيل  : مبروك عاليك الحريه يا وحيد بيه ههههههههههههه

يدخل سامح جرى غاضب

سامح : وحيد .... انت يا وحيد

سطانائيل : وطى صوتك ... صوتك عالى

سامح : انت مين ... التمثال

سطانائيل : برضو تمثال .... ماشى يا سيدى تمثال تمثال .. بس انا الوحيد الى معايا مفتاح خروجك من هنا.. ابقى ايه بقى 

سامح : تبقى ايه

سطنائيل : ابقى سيد هذا المكان

سامح : لا يعطيه اهتمام .... وينادى على وحيد

سطانائيل : انت عايز ايه من وحيد ... بعد مورطكم الورطه دى

سامح : ايه انت بتقول ايه

سطانائيل : ايوه وحيد هو الى سرق الخاتم عالشان ضعغفه وحكم عاليكم بالسجن هنا . فكر فى نفسه وبس حتى اخوه .. اخوه .. باعه عالشان يعيش هو

سامح : انت كداب

سطانائيل : خلاص روح شوفه فين ... هو خلاص باعكم وبقى تبعى عالشان يعيش فى الحريه

سامح : يبقى فعلا زى ما ساره قالتلى ان وحيد سرق الخاتم وهيهرب هو لوحد .... الانانى

سطانائيل : شوفت بقى ... هو فكر فى مصلحته .. بس انا ممكن اخرجك انت  واخلى اخوك هنا 

سامح : ماشى وانا تحت امرك بس الله يخليك خرجنى من هنا

سطانائيل : بس عالشان تخرج من هنا لازم تلبس ده

سامح : ايه ده

سطانائيل : ده الطوق الى هيخرجك من هنا .. المفتاح الوحيد للحياه الحلوه

سامح : ماشى البس الطوق

سطانائيل : طيب واخوك 

سامح : اخويا ايه وبتاع ايه انا المهم عندى ان انا اخرج من هنا .. ابقى حر .. اعوض فقرى وهزيمتى  .. انا هلبس الطوق ده

سطانائيل : بس خد بالك هتلبس الطوق ده هتبقى تحت امرى وتسمع كلامى لحد مخرجك من هنا

وحيد : انا من دلوقتى اعتبرنى خدامك .. ورهن اشارتك ( ويلبسه سطانائيل الطوق )

سطانائيل : مبروك عاليك الحريه .. والغنى .. هههههههههههههههه

. 

مشهد شادي

 

شادي ( يدخل متكلما) : انتم يا جدعان من ساعه ما وزعتكم مسمعتش حد بينده ويقول لقيت السلاح .. شكل لا في سلاح ولا حاجه وشكلنا كلنا كده لبسنا في الحيط .

سطانائيل  : لالالالا محبش شادي اللي بيفكرني بنفسي لانه رمز القوه يقول كده .

شادي : أيه ده هوا انت هنا ( بنبره خوف بسيطه جدا )

سطانائيل : أسف أصل لقيت نفسي زهقان قولت أجي احكي معاك شويه ده ان مكنش يضايقك و ....

شادي : بص بقي الشويتين اللي عملتهم من شويه دول مش هيدخلو عليا انا مش زيهم مبخفش ومش هخاف لاني بصراحه مش باقي علي حاجه وقلبي ميت .

سطانائيل : صح  انت صح قلبك ميت ( يقترب منه وينظر بحده في عينيه ويضع أذنه علي قلبه ) انت مكدبتش عليا لأني بصراحه مبحبش الكدابين .

شادي ( بنبره تردد وهروب ) : قصدك أيه انا مش فاهم منك حاجه .

سطانائيل : لا انت فاهم بس انا هوضحلك أكتر علشان انتي حبيبي بس شادي انت لا قوي ولا حاجه أنت أجبن واضعف مما تتخيل .

شادي : انت بتقول أيه أنت ...

سطانائيل : ايوه كله ده غطا وهم علشان محدش يعرف حقيقتك من ساعه ما عرفت ان انت تعبان وعندك مشاكل خطيره في قلبك وممكن تموت في اي لحظه بس انت مردتش تسلم للحقيقه ده وبدأت تقنع الناس ونفسك انك لسه في قوتك علشان محبتش انهم يشوفوك وانت ضعيف .ميت . انت هوا ولا حاجه .

شادي : انت أزاي تتكلم معايا كده ( بنبره غضب )

سطانائيل ( بنبره غضب أعلي ويمسك شادي من عنقه ويخضعه له ) : انت نسيت نفسك ولا أيه انا سطانائيل رئيس العالم ده وانت عبد عندي . حته مسجون ده انا بكلمه امحيك من علي وش الارض .. ده تواضع مني اني واقف بكلمك وخصوصا بعد عملتك السودا اللي عملتها . ( يترك عنقه ويبتعد عنه )

شادي ( بتردد ) : عملة أيه مش فاهم .

سطانائيل ( بغضب هستيري )  : هترجع تكدب تاني . هتخليني فعلا أزعل منك مش كفايه انك انت اللي سرقت الخاتم وانا ساكت ومش راضي اعاقبك علي اللي عملته ده ولا حتي أفضحك ده رد الجميل أه منكم يا بشر ملاعين .

شادي ( بخوف ) : لا مخدتش حاجه

سطانائيل : لا خدت وتحب أقولك السبب كمان كنت فاكر انك لما تاخد الخاتم هيديك قوه ويعوض تعب قلبك وتبقي قوي . مسيطر .

شادي : أه خدته وملكش عندي حاجه الخاتم حقي مينفعش اكون ضعيف علشان تعرف تعيش في الغابه لازم تكون قوي .

سطانائيل : وانت فهمتني غلط انا مش عاوز الخاتم ولا يهمني انا عاوزك انت

شادي : أيه انا ؟؟

سطانائيل : شادي الخاتم ده ملهوش اي لازمه معاك ولا ليه اي تأثير طول ما انا مش راضي عليك .

شادي : يعني ايه

سطانائيل : يعني القوه والسيطره اللي انت عاوزها انا ممكن ادهالك وأضعاف أضعافها بكل سهوله بس لما انا أعوز مش لما انت تعوز.

شادي : فهمتك .. طيب وطلباتك .

سطانائيل : انا مفيش أطيب من قلبي أنا مليش طلبات انت اللي عاوز وانا علشان بحبك هلبي طلباتك وكل اللي طالبه انك تكون معايا من رجالتي المخلصين الاقويا وساعتها هيكون معاك كل حاجه تتمناها الحريه والقوه والسيطره

شادي : بسسسس

سطانائيل : مفيش بس رجالتي مبحبش يكونو مترددين يا أه يا لأ واختار حالا

شادي : أه موافق

سطانائيل : هو ده شادي اللي أعرفه ودلوقتي لازم تلبس الطوق ده علشان لما أعوزك أعرف ألاقيك بسهوله وكل اللي يشوفك يعرف انك من رجالتي ويخاف منك .  ( ويلبسه الطوق علي مزيكا وشادي كعطي له ظهره )

شادي : انا نفذت أهو وانت نفذ وعدك .

سطانائيل : هههههههههههههههها لما أنا أعوذ يا شادي لما أنا أعوذ .

شادي : سطانائيل ..سطانائيل لالالالاااااا

( هذا المشهد بعد تشخيص شادي وصراخه )

( يدخل الجميع بسرعه من كل ناحيه )

امل : شادي مالك

مارتينا : أيه حصل

أمير : شادي أهدي .. أيه اللي في رقبتك ده  ... أنت قابلت التمثال

شادي : أه زيي زيكم التمثال ضحك علينا وبقينا عبيد عنده 

أمير : يعني أيه .. كله طلع وهم ..

ساره :  والسعاده ؟

وحيد : والفلوس ؟

مارتينا : والشهره ؟

أمل : ومشاكلي اللي هيحلها ؟

سامح : وأخرتها يعني كلنا خلاص اتحبسنا هنا

امير : بس هو طلع استاذ عادل من القصر وأداله حريته

أمل : ومن امتي الحدايه بتحدف كتاكيت وانت ايه ضمنك أنه طلعه مش ممكن يكون موته ( وتجلس علي الارض )

ساره : موته لالالالا حرام ... ليه بيحصل فينا كده .. ليه ليه ( وتجلس علي الارض )

سامح : امل معاها حق احنا خلاص هنموت هنا ( ويجلس علي الارض )

مارتينا : كفايه بقي أنا تعبت انا مش ممكن أقضي بقيه حياتي محبوسه هنا انا حاسه اني بموت بالبطئ (ويجلس علي الارض )

وحيد : من ناحيه هتموتي كلنا خلاص هنموت بس هيا مسئلة وقت  ( ويجلس علي الارض )

شادي : أحنا خلاص محبوسين وميتين ( ويجلس علي الارض )

أمير : يا خساره هي دي نهايتنا ( ويجلس علي الارض )

(يدخل فادي )

فادي : انتوا كدا حققتوا اللى انتوا عايزينه .. اخدتوا حريتكم .. مشاكلكم اتحلت ..مرتاحين

ساره : احنا مكناش نعرف

فادي ( مقاطعا ) : انا حذرتكم منه وقولتلكم انه مخادع كذاب مش صادق .. باعلكم الوهم ..باعلكم شعارات وكلام معسول ..  باعلكم حرية مزيفه .. والمقابل هو انتوا .. سلمتوله حياتكم وافكاركم , ومشيتوا وراه في كل افكاركم .. استغل ضعفكم ومشاكلكم .. مع ان الحل موجود بس انتوا اللى مش عايزين تدورا ولا تتعبوا .. عايزين حلول لكل مشاكلكم من غير مجهود وادي النتيجه .. محلش مشاكلكم بالعكس دا زودها .. اسركم وحولكم لعبيد عنده

مارتينا : احنا مشاكلنا صعبه وملهاش حل

وحيد : اذا كنا لقينا حد هيحللنا كل مشاكلنا وكمان هيدينا حريتنا ليه منكونش معاه

فادي : وفعلا مشاكلك اتحلت ؟؟ .. فعلا اخدت حريتك ؟؟

شادي : احنا دورنا على السلاح اللى قولتلنا عليه وملقناش حاجه

فادي : انتوا مدورتوش يا شادي .. انتوا استسهلتوا .. هربتوا من الضعف اللى جواكم وجريتوا ورا امانى ووعود

امير : احنا محدش حاسس بينا .. وكان لازم هنعمل كدا اول ما نلاقي اللى يحس بينا يفهمنا

سامح : احنا محبوسين .. محبوسين وعايزين نخرج من هنا باي شكل واي طريقه

امل : كل واحد منا عنده مشاكل وعقد تهد جبال .. نفوسنا تايهه عايز مكان ترتاح فيه

ساره : نفسنا في حاجه تفرحنا .. حتي ولو فرحه مؤقته

فادي : ربنا لما خلقنا مكانش هدفه ابدا انه يخالينا تعسى او مضايقين بالعكس ربنا عايزنا فرحنين .. نفرح ونفرحه بينا .. ربنا بيحبنا جدا وعمر ما في حد بيحب حد ويتمني يشوفه مضايق او مخنوق .. بس الضيق اللى بيحصل سببه الرئيسي احنا .. تتعدد بقي الاسباب الكتيره بس السبب الرئيسي لكده هو بعدنا وانفصالنا عن ربنا

-         مارتينا : لا مش صحيح ..احنا ليل نهار فى الكنيسه ..و مع ذلك عمرى ما ارتحت معاه

-         أمير : ايوه و طول النهار بتدور ازاى تذلني و تجرحني

ربنا خلق ادم وحبه جدا ومن كتر حبه مرضيش انه يكون لوحده .. اخد ضلع من ادم وخلق حوا عشان تبقي معين وسند لادم .. وهو دا اللى ربنا عايزه خلقنا راجلا وامرأه عشان في وقت المشاكل نسند و نكمل بعض منكونش اعداء وند لبعض ... كانوا عايشين حياة جميله كلها راحه في جنه عدن ، بس الحياه دي اتغيرت ودخلوا في حياة تانيه كلها شقاء وتعب .. هل دي كانت اراده الله ؟؟

-         سامح: اممال ايه هيا ارادة الله ...

-         وحيد : و ايه ارادته فى البهدله اللى احنا فيها دى

الله اللى خلق كل اشكال الراحه للانسان قبل ما يخلقه .. اللى غير الحياه الجميله والعشره الحلوه مع ربنا هما ادم وحوا بسبب طمعهم بسبب عدم تنفذهم لوصايا الله .. عدو الخير خدعهم اداهم اماني ووعود وهميه .. واتردوا من جنه عدن .. من الراحه اللى ربنا اختارهالهم للتعب اللى هما اختاروه لنفسهم ... بعد وقت عرفوا وحسوا انهم غلطوا في حق نفسهم وفي حق ربنا اللى حبهم من قلبه .. عرفوا ان دايما كل اختيارات الله صالحه , هي احسن اختيار اجمل اختيار .. اتاكدوا ان السعاده الحقيقه هي مع الله في علاقتهم بيه في عشرتهم معاه .. مش في سلطه ولا قوه .. مش في فلوس ولا ثروات ..

-         شادى :  ازاى السعاده مش فى القوه ..و ليه ماتقولش ان نصيبنا احنا اللى المفروض نختاره بأيدينا

مفيش اي قوه في الدنيا غير قوة علاقة الانسان بالله .. مصدر القوه الوحيد هو الله .. فاذا كانت نفوسنا مرتبط بالله لن تقوي علينا اي قوه اخري .. مهما ان كان ضعفك الناس تشوفه قوه في كلامك من تعاملاتك في صدقك من شجاعتك في انصاف الحق ..

-         أمل : و لما هو مصدر القوة .. هو فينه فى حياتنا .. ليه حاسه انه مش حاسس بينا ولا همه اللى احنا فيه.

ربنا عارف بكل مشاكلكم بكل ضعفكم بكل اوجاعكم .. مخلقناش عشان نكون لوحدنا في العالم هو معانا في كل يوم وكل لحظه بس هو دايما واقف جنبك مستنيك .. مستني تنادي عليه عشان يكون معاك ويساعدك .. عينه عليك مركزه في عنيك مستني الخطوه الاولي منك وللاسف بينجرح .. بينجرح مننا مرتين مره لانه شايفك بتتالم بتتعذب والمره التانيه لانك خزلته كان فاكر ان عند اول مشكله هتقابلك هترجي عليه وتترمي في حضنه وتقوله احميني انا محتاجلك حليلي مشاكلي وشيل اوجاعي .. بس احنا بنفكر بعقلنا بنرفض مساعته بنرد ايده اللى مامدوده دايما بالمساعده ..وغير كدا والاصعب بنلوم عليه في كل اللى بيحصل ويوصل الموضوع لدرجه اننا ننساه ونفقد الثقه فيه نجحده (او نخرجه) من حياتنا .

-         سارة : اومال نلوم على مين ... مش هو اللى فى ايده كل حاجه .. يبقي هو كمان اللى سمح بكل اللى بيحصل ده والتعاسه اللي احنا فيها

الله غير مجرب بالشرور .. بس بيكون ليه حكمه وتدبير من الضيق .. عايزنا نطلع من الضيقه بخبره بعلاقه قويه معاه .. بحب وثقه متبادله .. عشره جميله مع اختبار حقيقي لقوه وحب الله ليا .والعشره الجميله ده اللي بتحول أي حزن وألم لسعاده و السعاده الحقيقيه كمان هي انك تحس وتشوف السعادة في عنين كل اللى حواليك و عمرك ما تبني سعادتك على تعاست الاخرين .. اتاكدوا ان النصيب الصالح اللى ربنا اختارهولهم

امل : يعني هنقدر نخرج من هنا .. ونتحرر من العبوديه اللى احنا بقينا فيها

فادي : هتقدروا .. لازم يكون عندكم رجاء وامل .. ربنا خلقنا احرار وليس عبيدا .. احنا في حرب والحرب دي ربنا عايزنا نخرج منها احرار منتصرين ...

شادي : والحرب دي محتاجه اسلحه

فادي : اكيد طبعا وانا قولتلكم دوروا على السلاح عشان تنتصروا على عدو الخير

سامح : ايوه فين السلاح دا احنا دورنا في كل مكان ملقناش حاجه

فادي : دورتوا في كل مكان

مارتينا : احنا مخلناش حته مدورناش فيها

امير : لا .. لسه في مكان

ساره : فين المكان دا قولنا عليه واحنا ندور فيه

امير : القبو اللي تحت .. احنا منزلنهوش خالص ولا حته فكرنا فيه

وحيد : ماهو مستحيل يكون السلاح الحاجه المهمه دي اللى هنحارب بيها موجوده في المكان المهجور دا

امل  : ياسيدي خالينا نجرب

سامح : صح .. ياله بينا يا شباب

( يبداوا في التحرك ويوقفهم فادي)

فادي : قبل ما تنزلوا تحت .. في حاجه هقولهالكم .. خاليكم مع بعض على طول .. طول مانتوا اخوات حققيقن خايفين على بعض بتشجعوا بعض بتسندوا وبتكملوا ضعف بعض طول ماتنتصروا في حربكم على عدو الخير زى ما انتصر عليه ابوكم السماوي .. الملك

واخر حاجه .. قاوموه فيهرب منكم .. لا تسمعوا له .. ولا تعطوا له مكان وسطكم.. والبسوا سلاح الله الكامل و فتشوا في الكتب تجدوا فيها الحياه الابديه

 

(يخرج الجميع )

 

 

 

 

 

 

 

 

 

 

 

 

 

 

 

 

المشهد الاخير

 

وحيد : المكان ضلمة اوي

امل :والجو ساقع جدا

مارتينا : انا خايفه اوي يا امير المكان شكله مرعب جدا

امير : متخافيش يا مارتينا

سامح : معقوله فعلا ممكن نلاقي السلاح هنا

شادي : خالوا بالكم وانتوا ماشيين

ساره : المكان كله كراكيب وكراتين

وحيد : وفي صناديق مقفله

امير : انا خايف ان ميكونش هنا كمان في حاجه

سامح :انا مش عايز افضل هنا طول عمري

امل : كلنا زيك لو فضلنا هنا اكتر من كدا هنموت

شادي : يا جماعه احنا قلبنا القصر حته حته مفيش مكان تاني مدورناش فيه غير القبو هو دا المكان الوحيد

ساره : ومتنسوش هو دا المكان اللى فادي تقريبا لمحلنا عليه

(يظهر سطانائيل )

سطانائيل :انتوا بتعملوا هنا ايه

(يخافوا من ظهوره )*2

سامح : محدش يرد عليه متنسوش كلام فادي

سطانائيل : فادي ... فادي مين

(ينظروا لبعضهم البعض في تعجب )

مارتينا : فادي صاحب القصر دا

سطانائيل : القصر دا ...!! مين فادي دا

وحيد : فادي اللى واجهك وحكالنا قصتك

 ساره : عرفنا حقيقتك

شادي :فادي اللى رجعنا عن طريقك اللى كله هلاك

سطانائيل : انتوا اتجننتوا .. مفيش حد هنا اسمه فادي والقصر دا ملكي ... انا اعرف كل واحد هنا كويس

امير : يعني ايه

سطانائيل :يعني المكان مهجور مفهوش هنا حد غيري وغيركم

ساره : ازاى يعني احنا قابلناه وكان معانا لسه فوق وهو اللى قالنا ان هنا في سلاح وهيساعدنا اننا نخرج من هنا

سطانائيل : سلاح ايه وتخرجوا من هنا ايه انتوا مقابلتوش اللى بتقولوا عليه دا

سامح : يعني ايه ؟

امير : متصدقوش

امل : انت كذاب مستحيل فادي موجود

سطانائيل : وانتي ليه متاكده كدا

مارتينا : لانه كان لسه معانا وهو اللى قلنا ان السلاح موجود هنا

سطانائيل : سلاح ايه

مارتينا : السلاح اللى هيخالينا ننتصر عليك

سطانائيل : اممم .. ولما فادي اللى بتقولوا عليه دا عارف ان في سلاح هنا ليه منزلش هو بنفسه يجيبه

( صمت )

سطانائيل : طيب بلاش دي انتوا بتقولوا ان القصر دا بتاع واحد اسمه فادي وهو عارف ازاى يخرجكم ... ليه مخرجكمش من هنا ؟؟ وليه سابكم طول الوقت دا محبوسين وتعبانين وبتدوروا في مكان مفهوش غير كراكيب ..

 في الحقيقه مفيش حد هنا اسمه فادي .. دا وهم مش موجود في الحقيقه  .. موجود بس جوه عقولكم ..عقلكم هيئ ليكم شخصيه اسمه فادي .. وقالكم ان هو دا المرشد والمخلص

شادي : هو قالنا انك مخادع وهتلعب بينا

سطانائيل : طيب نادوا عليه .. ولو موجود يظهر لنا ويجي

الجميع : استاذ فادي .. استاذ فادي ( ينظروا لبعض في دهشه )

سطانائيل :انتوا بتضيعوا وقتكم ... مفيش حد هنا اسمه فادي

وحيد : ازاااى .. دا قصره واحنا جاينله رحله وهو اللى وصفلنا المكان بنفسه

سطانائيل : مين اللى قال كدا

ساره : ودي كمان هتشكك فيها

سطانائيل :انتوا جايين بدعوه مني انا شخصيا

امير : بدعوه منك

انا كنت عامل اعلان اللى عنده احلام وطموحات .. اللى عايز حياه احسن من حياته .. اللى بيدور على الفلوس .. الشهره .. القوه .. الراحه ... السعاده ... حل لكل المشاكل يبعتلي وانا احلهاله .. ولما انتوا شوفتوا الاعلان اتصلتوا بيا وانا بعت دعوه شخصيه لكل واحد منكم .. وهتلاقوا الدعوات معاكم باسم كل واحد فيكم

وحيد : مستحيل

سطانائيل : دوروا بنفسكم وشوفو

( يبدؤا يدوروا في جيوبهم )

شادي : مستحيل .. دعوه خاصه .. الى السيد شادي يعقوب لحضور

( تسرح امل ) *3

امل : في حاجه غلط

سامح : من اجل تحقيق احلامك

ساره : وان تكون الزياره بكامل ارادتك

سامح :انا مش مصدق عنيا

امل : في حاجه غلط

شادي : يعني احنا بيتهيئلنا بنحلم (بتعجب واستنكار)

امل : فادي قالنا محدش يسمع كلامه

مارتينا : وقال انه مخادع (تبدا في معنوياتهم في الارتفاع)

وحيد : وقال انه كذاب (تبدا في معنوياتهم في الارتفاع)

امير : وقال اننا لازم نكون مع بعض (تبدا في معنوياتهم في الارتفاع)

(بلاي بالك لكلام فادي)

..و قاوموه فيهرب منكم .. لا تسمعوا له ... والبسوا سلاح الله الكامل و فتشوا في الكتب تجدوا فيها الحياه الابديه ولا تعطوا له مكان وسطكم

(يتجمعوا كاكتله واحده )

الجميع :ولا تعطوا له مكان وسطكم (Freeze) 

 )مشهد عكسي (Reverse

(black )

وحيد : المكان ضلمه اوي

امل :والجو ساقع جدا

مارتينا : انا خايفه اوي يا امير المكان شكله مرعب جدا

امير : متخافيش يا مارتينا

سامح : معقوله فعلا ممكن نلاقي السلاح هنا

شادي : خالوا بالكم وانتوا ماشيين

ساره : المكان كله كراكيب وكراتين

وحيد : وفي صناديق مقفله

امير : انا خايف ان ميكونش هنا كمان في حاجه

سامح :انا مش عايز افضل هنا طول عمري

امل : كلنا زيك لو فضلنا هنا اكتر من كدا هنموت

شادي : يا جماعه احنا قلبنا القصر حته حته مفيش مكان تاني مدورناش فيه غير القبو هو دا المكان الوحيد

ساره : ومتنسوش هو دا المكان اللى فادي تقريبا لمحلنا عليه

(يظهر سطانائيل )

سطانائيل :انتوا بتعملوا هنا ايه

(يخافوا من ظهوره )

سامح : محدش يرد عليه متنسوش كلام فادي

سطانائيل : فادي المخادع

مارتينا : لا فادي مش مخادع، يالا بسرعة اتحركوا مفيش وقت.

سطانائيل : مش هتلاقوا اللي بتدورا عليه

وحيد : وانت عارف احنا بندور على ايه ؟

سطانائيل : مانتوا عارفين انا عارف كل حاجه ... حد يقولي هو مخاليكم تنزلوا المكان الغريب دا ليه ... ايه اللي ممكن تلاقيه في مكان زي دا

امل : هو بيقول ان حريتنا هنا

سطانائيل : لا يا امل انتي اكتر واحده عارفه ان حريتكم معايا

شادي : متتكلميش معاه يا امل

سطانائيل : ليه انتوا مخاصمني

امير : دوروا يا جماعه .. بسرعه

سطانائيل : موجها كلامه ايه شادي دا بقي بيديك اوامر كنت فاكرك اقوي من كدا .. انخدعت فيك يا شادي

(شادي يبدا يستمع له)

سامح : شاادي

سطانائيل (بعصبيه ): انتوا بتضعوا وقتكم هناااا  

ساره : انا حاسه ان دايخه هيغمي عليا

سطانائيل : حرام عليكم البنت هتموت منكم في المكان دا

امير : لازم نلاقي السلاح

وحيد : ساامح وحيد تعالي شيل دي معايا

(ياتي اليه سامح ويحاول شيل شئ ثقيل)

سطانائيل : ( بتكرار) ضعااف ضعااف ضعاااف انتوا اقل من انكم تعملوا حاجه

(بعد ان يزيحوا الشئ الثقيل يبحثوا ولم يجدوا شي تحته)

وحيد : برضو مفيش السلاح

سطانائيل : مفيش اي سلاح هناااا

ساره : هنلاقيه وهنخرج من هنا

سطانائيل : القصر ملكي .. محدش هيخرج منه غير بامري انا

أمل : انت كذاب

سامح : ياما وعدتنا بالحريه

سطانائيل : واديتهالكم

سامح : حريه زايفه

( تتحرك مارتينا ناحيه صندوق وتفتحه )

شادي : لفيت حوالين رقبينا طوق الزل والعبوديه

سطانائيل : دي الحريه

امير : عبوديه الحريه .. حولتنا عبيد لشهوتنا وضعفنا .. حولتنا عبيد لاوهامك

مارتينا : ( تجد كتاب ) كتاب الحياه

(ينظر لها سطانائيل)

سطانائيل : هتموتواااا

امير : افتحي يا مارتينا الكتاب

مارتينا : الرب نوري وخلاصي من اخاف

(ينفتح الطوق )

مارتينا : الطوق .. الطوق اتفتح

امل : مش معقول

سطانائيل : سيبي اللي في ايدك دا

امل : كملي يا مارتينا

سطانائيل : مفيش اي قوه تقدر تخرجكم من هنا.. 

مارتينا : اَلرَّبُّ نُورِي وَخَلاَصِي، مِمَّنْ أَخَافُ؟

سامح : الرَّبُّ حِصْنُ حَيَاتِي، مِمَّنْ أَرْتَعِبُ؟

وحيد : عِنْدَ مَا اقْتَرَبَ إِلَيَّ الأَشْرَارُ لِيَأْكُلُوا لَحْمِي

ساره : مُضَايِقِيَّ وَأَعْدَائِي عَثَرُوا وَسَقَطُوا

امير : إِنْ نَزَلَ عَلَيَّ جَيْشٌ لاَ يَخَافُ قَلْبِي

شادي: وَاحِدَةً سَأَلْتُ مِنَ الرَّبِّ وَإِيَّاهَا أَلْتَمِسُ

امل : إِنْ قَامَتْ عَلَيَّ حَرْبٌ فَفِي ذلِكَ أَنَا مُطْمَئِنٌّ

(في هذا الوقت يذهب امير الي الصندوق ويجد صليبا)

سطانائيل : (يقول معها الايه ) "ففي ذلك انا مطمئن..... برضو ملكي بتوعي (بسخريه )

امير : انا لقيت السلاح

(ويقترب من سطانائيل ولكن ويده مرتعشه )

يخدعهم سطانائيل انه تاثر من الصليب ثم يضحك ويضرب يده المرتعشه فيقع منه الصليب ويحاول سامح ان يمسك الصليب بعد ان وقع علي الارض يجري عليه سطانائيل فيدفعه على الارض قبل الوصول الي الصليب

الصليب يكون اقرب الي امل تمسك الصليب بخوف وعدم ثقه ويدها مرتعشه

سطانائيل : امل انتي اكتر واحده عارفه ان الكلام دا وهم مش حقيقه انت هتصدقي الكلام اللي كانوا بيقولوهولك زمان .. دا خشب ميقدرش يعملي حاجه .. اهو بصي  (يقترب سطانائيل من الصليب ويضع جبهته عليه ولم يتاثر) (يضحك بصوتا علي سخريه )

في هذا الوقت ينزل فادي الي القبو يلتفت سطانائيل فيجد فادي رافع الصليب في وجهه

فادي : باسم ملك الملوك ورب الارباب .. باسم يسوع المسيح مخلص العالم

الذي جعل لنا سلطان ان ندوس الحياة والعقارب وكل قوات العدو

في هذا الوقت يمسك شادي الصليب وكلهم واحد تلو الاخر يضع يده علي كتف شادي " مثل الشبكه "

يتحول سطانائيل الى تمثال