مسابقات من انا ؟

من أنا

بصراحة انا مكنتش اعرف السيد المسيح خالص ولا عمرى شفته لان المكان اللى انا كنت فيه مكنش بيدخله ناس ابرار زى السيد المسيح وفى يوم كنت حاسس بحركة غريبه حراس بتجرى شمال ويمين والدنيا مقلوبه وبعدين سمعت اسمى قلت خلاص النهاية قربت ، لكن حصل حاجه غريبه ......... الشعب فضل يهتف علشانى مش ضدى وعاوزنى انا اللى اعيش ويسوع هو اللى يموت وفعلا سابونى فى اليوم ده وبعد مده بعيده كنت ماشى فى اورشليم سمعت واح من التلاميذ بيتكلم عن يسوع المصلوب وقفت اسمع بيقول ايه وعرفت ساعتها انه مش بس مات بدالى لكن ده مات بدال العالم كله ...................

عرفتو انا مين ...؟؟

الاجابة : باراباس

من أنا

انا بقى كنت قريبه قوى من قلب يسوع المصلوب وانا كمان كانت اخر حاجه لمست جسده الطاهر على عود الصليب .............. قال يعنى عاوزين يطمنوا ان يسوع المسيح مات ميعرفوش انه بموت غلب الموت ، ورغم انى كنت دليل على انه خلاص اسلم روحه ليد الاب لكن كان المكان اللى انا سيبته فى جسد يسوع المصلوب دليل على قيامته من الاموات ،،، عارفين ازاى !!؟؟

لما توما شك فى القيامه وقال انه مش راح يؤمن الا لو حط صباعه فى المكان اللى انا سيبته فى جسد المسيح المصلوب وفعلا امن توما بعد ما شاف ولمس مكانى ....................

اكيد عرفتونى .... الاجابة :- الحربة

من أنا

انا اى انسان يتحط فوقيه لازم ينزل ميت هوه كده القانون عند الرومان وكمان اللى بيتحط فوقيه لازم يكون عمل جريمه عظيمه جدا لدرجة ان العقاب هوه الاهانه والذل فوقيه .....

الافى اليوم ده ولاول مره يصعد فوقي انسان بار ، مش بس انسان ده ابن الله والحقيقه ان اللى عملوا مش ممكن يقدر يعمله غير اله متجسد لانه حولنى من علامة العار والخزى الى علامة النصره والخلاص .....

يا ترى عرفتوا انا مين ...؟؟

الاجابة :- الصــــليب

من انا

انا بقى طول عمرى مكانى فى الصحراء وطول عمر الناس بتخاف منى لان اللى يلمسنى لى لازم يتألم ويمكن يسيل دمه كمان ، انا اصل حكايتى من زمان من ايام ابونا ادم لما اخطأ وانا كنت صوره من صور العقاب لان ربنا قال لادم انى انا هاكون النبات اللى تنبته الارض عقاب لخطيته .......

وفى يوم جابونى مع اخوات كتير زييه وحطونا جنب بعض وفضلوا يضفروا فينا لحد ما بقى شكلنا رهيب ويخوف وعند حبيبى يسوع غرسونا وفضلت اصرخ واقول يا ناس ده هو اللى خالقنى ازاى اتسبب فى عذابه وألمه لكن محدش سمعنى وبسببى نزل الدم غزير من جبين الحبيب المصلوب يغسل ويغفر الذنوب يا ترى عرفتونى ......... ؟؟

الاجابة :- شوكة من اكليل الشوك & اكليل الشوك

من انا

انا كنت موجود يوم الصلب الرهيب جنب حبيبى يسوع وحالتى كانت تقريبا زى حالته لكن مع الفارق الكبير بينى وبينه اصل انا بصراحة استاهل كل اللى بيتعمل فيه لكن يسوع صلبوه ظلم وجابو كمان شهود زور لكن انا اخدت جزائى بالعدل على اعمالى وقلت لزميلى اللى كان جنبى من الناحيه التانيه قلت له احنا بعدل جوزينا لكن اللى وسطينا زنبه ايه ،

وبعدين قلت لربى والهى ماتسيبنيش خلينى معاك ، طمنى وقالى متخفش اليوم هاتكون ويايا فى الفردوس

عرفتوا انا مين ؟؟

الاجابة :- اللص اليمين

من انا

انا اخر مكان فى رحلة الصليب ، سابو يسوع عندى وحيد ما هو اصل مينفعش يفضل عندى غير يسوع المسيح لوحده ، لكن فى حاجه غريبه عملوها اليهود ولاول مرع بتحصل راحو للرومان ووصوهم جابوا الجنود وقدامى حطوهم ، هو اللى جوه عندى ده مين وليه منه خافين مش خلاص الموضوع انتهى ودايما النهايه بتكون عندى ، لكن المره دى كانت البدايه من عندى وهمه يومين وفى اليوم التالت اللى جوه عندى مبقاش موجود وكمان الباب مبقاش مقفول والناس كانوا خارجين داخلين اللى مش مصدق واللى مبسوط وسعيد وملايكه طالعين نازلين بيرنموا فرحنين اخرستوس انستى .... اليسوس انيستى .

عرفتونى انا مين ؟؟

الاجابة :- القبر المقدس

مسابقات من انا ؟