أسكتش اعدام

تفتح الستار على مشهد لكوبرى يصل بين مدينتين صغيرتين حيث يوجد في وسط الكوبرى بيت صغير يسكنبه اثناسيوس حارس الكوبرى واولاده

يخرج اثناسيوس وهويصل من العمر ثمانون عاما من البيت ويبدا بتنظيف الكوبرى واصلاح مابه من نقاط ضعف والاطمئنان عليه

اثناسيوس: من مئات السنين وانت صامد عمرك ماتعبت او مليت عمرك ماشكيت مفيش مره نسيت اللى ليك او اللى عليك وهتفضل صامد عمر الريح ماهايهزك من مكانك وهتفضل رمز من رموز الصمود

يخرج انطونيوس وهو شاب يصل اللى 25 عام

انطونيوس : صباح الخير ياوالدى

اثناسيوس: صباح الخير ياانطونيوس يابنى

انطونيوس : كنت بتكلم حد يا ابويا

اثناسيوس : لا يابنى اناكنت بكلم الامانه

انطونيوس: يضحك) ايه ياراجل ياعجوز انا ل ما اشوفك لوحدك الاقيك بتكلم الكوبرى

اثناسيوس: ان مكنتش هاكلم الكوبرى هاكلم مين يابنى ده عشرة عمر دانا ساعات لما بكون تعبان بقعد اشكيله همومى يابنى الكوبرى ده حياتى اللي انا عايشها ده الماضى والحاضر والمستقبل

انطونيوس : الماضى والحاضر والمستقبل؟

اثناسيوس: ايوه يابنى ده طريقنا الحى اللي بيوصل الناس لبر الامان عمره ماتعب ولا اشتكى عمره ماخد لكنه بيدى من ساعة ما ساعة ما بناه الامبراطور وجدك مرقس وهو زى مانت شايف صامد عمره ما اتغير

اثناسيوس : مانت يابويا علطول هنا ضحيت بحاجات كتير علشانه ضحيت بصحتك وبمالك وبكل حاجه علشانه

اثناسيوس : انت عارف يابنى انا مهما ان عملت مش هاقدر اوفى افضال الامبراطور علينا انت عارف يابنى جدك قبل مايموت وصانى وقالى الكوبرى امانه في رقبتك حافظ عليه يابنى ده تاريخك وقبل مايموت بلحظات قالى اثناسيوس اوعى تخونالامانه يا اثناسيوس قلتله انا مش ممكناعمل كده ياوالدى قالى وانامتاكد من كده يابنى

انطزنيوس ومن ساعتها وانت هنا ضيعت عمرك كله في حمايته ووقفت قدام الكل علشانه

اثناسيوس: طبعا يابنى الكوبرى ده تاريخنا تراثنا ومستعد ادافع عنه لاخر نقطه فى دمى

انطونيوس : يعنى انت ممكن تموت علشانه

اثناسيوس : لو كان الموت قدام الكوبرى هختار الموت يابنى انت عارف يا انطونيوس

انطونيوس:عارف ايه يابويا

اثناسيوس : انا اتعرض عليا اموال كتير ومناصب كتير اتعرض علياانى اكون وزير فى سبيل انى اسيب هنا بس انا رفضت عارف رفضت ليه

انطونيوس : اكيد طبعا علشان كلام جدى

اثناسيوس:مش كده وبس يابنى انا عشت هنا عمرى كله حسيت ان لو انا خرجت من هنا ممكن اموت

انطونيوسL(يسرع بعد الشر عليك ياوالدى)

اثناسيوس : انا بقيت عامل زى السمك اللي في الميه لوخرج من الميه هايموت علشان كده يابنى انا خدت عهدعلى نفسى انى اعيش لغاية ما اموت لان الخير لازم يستمر حتى لو الاشخاص انتهت

انطونيوس:يااااااااااااااااااه ياوالدى انا مش مصدق اللى سمعته هو بقى في حب واخلاص كده في الزمن ده انت عارف ياوالدى انا فعلا نفسى انى احمل الرساله معاك واكملها من بعدك

اثناسيوس : صحيح يابنى

انطونيوس : صحيح ياوالدى

(يحتضنان بعضهما بشده)

اثناسيوس: انا كان نفسى اسمعها منك من زمان يابنى قد ايه انت فرحتنى دلوقت

يدخل دوماديوس هووكرستين يتشاجران يبلغ دوماديوس من العمر 35 عاما وكرستين 30 عاما

دوماديوس : انتى كل يوم لازم تصحينى على الموال ده كل يوم لازمتفكرينى بالهم والغم اللى انا فيه

نرمين : هم وغم انا كلامى هم وغم يا دوماديوس كل ده علشان بقولك اهتم ببيتك شويه علشان بقولك نفسى احس بوجودك فى حياتى دا ان مكنش علشان خاطرى علشان خاطر ابنك اللي في بطنى

دوماديوس :كفايه بقى كفايه ابنكده انا مش عاوزه مش عاوزه يانرمين

نرمين : ايه انت بتقول ايه انت اكيد اتجننت (تبكى)

اثناسيوس : في ايه يا نرمين يا بنتى مالك

نرمين : مفيش حاجه ياعمى مفيش حاجه ( وهى تنظر لدوماديوس)

اثناسيوس :لا فيه عملتلهخا ايه تانى يادوماديوس

انطونيوس : اتكلم يادوماديوس ساكت ليه

دوماديوس: لو سمحت محدش يتدخل بينى وبين مراتى

نرمين :مراتك يااااااااااه لسه فاكر انى مراتك , مراتك اللي ناسيها طول اليوم لوحدها وهى تعبانه مراتك اللي بترجعلها كل يوم وش الصبح يا اخي يااخي دانا ساعات ببقي هاموت هاموت من الالم وببقى محتجالك جنبى ساعات بحس انى هاموت هنا ومحدش هايسال عنى

اثناسيوس : اوعى تقولى كده يابنتى واحنا رحنا فين احنا جنبك ومش ممكن نسيبك ابدا ان كان جوزك مستهتر ومش واخد باله منك فاخوكى وابوكى موجودين (وهو ينظر لدوماديوس)

دوماديوس : اسكتى بقى اسكتى لا وتسكتى ليه مانتى فرحانه وانا بتهان قدامك

اثناسيوس : وانا مش هاسكت يادوماديوس ابوك لازم يعرف كل حاجه

دوماديوس : بقولك ايه

اثناسيوس : اتكلمي يابنتى اتكلمى

نرمين : (بتردد)كل يوم يرجعلي وش الفجر وهو وهو (دوماديوس ينظر لها بحده )

اثناسيوس : وهوايه يابنتى اتكلمى

نرمين : وهو سكران ومش دارى بالدنيا اللي حواليه

اثناسيوس : ايه (يهتز وكانه يسقط فيسرع اليه انطونيوس)الكلام اللي بتقوله ده صحيح

دوماديوس : (ووجهه في الارض ) ايوه صحيح

اثناسيوس: (بحسره ) ليه ليه كده يابنى بقى دوماديوس ابن مرقس يعمل كده انت ليه بتعمل كده ناقصك ايه قولى

دوماديوس : ناقصنى ايه؟ انت اخر واحد يا ابويا تسالنى السوال ده لانك السبب في اللي احنا فيه دلوقت

اثناسيوس :انا

دوماديوس : ايوه انت انا عمرى ماحسيت انى بنى ادم ليا شعور وبحس عمرى ماحسيت بالامان حياتي كلها خوف ورعب انت عارف يا ابويا انك سبب تعاستى ايوه انت سبب تعاستى

اثناسيوس :ليه يابنى انا عملتلك ايه

دوماديوس : تمسكك بالكوبرى خلانا معدومين ضايعين مش عايشين زي الناس احنا يا ابويا عايشين عيشة الاموات

انطونيوس : اموات

دوماديوس : ايوه اموات احنا بنموت من الجوع الف مره ، بنموت من برد الليل اللى خلانا فقدنا احساسنا انتو عارفين انا مش عارف افرق بين صيف وشتا بين حر وبرد اللى انتوا مش عارفينه ان انا انتهيت انتهيت وانتوا مش حاسين انا كل اللى عاوزه انى اعيش حياتى زى بقية الناس البس زيهم اعيش زيهم مش اتمسك بكوبرى اخرته الانهيار

اثناسيوس : ياااااااااااااه انت جواك كل المراره دى يابنى وساكت يابنى يابنى ارجوك افهم متبصش للفلوس متبصش للعيشه ياما ناس عايشه وهى ميته بص للرساله يابنى بص للهدف انت رسالتك اعظم رساله في الوجود رسالة خير انت بتوصل الناس لبر الامان انت عارف يابنى اجرتك وفلوسك الحقيقيه هى فرحة الناس بوجود الكوبرى اللى انت متوقعله الانهيار

دوماديوس : شعارات شعارات شعارات كفايه بقى كفايه من الكلام اللي لا بيودى ولا بيجيب ومن امتى الناس بتاكل ولا بتشرب فوقو اصحو احنا متنا متنا ومش هانقوم تانى

انطونيوس : اهدا اهدا يا اخويا صدقنى ابوك عمره ماكدب عليك ابوك عنده حق فى كل اللى قاله ، احنا صحيح فقرا بس سعدا سعدا لاننا بنعمل خيرلاننا بنادى رساله حيه المدينه يادوماديوس من غير الكوبرى بتاعنا ولا تسوى يا اخويا صدقنى

اثناسيوس : صدقنى يابنى الكوبرى ده تاريخك تراثك افتخر لان بيه هترفع راسك لفوق طول عمرك ومن غيره هاتضيع يابنى افتكر كلامى كويس وعمرك ماهتندم

دوماديوس: يوووووووووووه كفايه بقي كفايه

نرمين: ياعمى دوماديوس مش هاتنغير مفيش فايده فيه هايفضل طول عمره كده

دوماديوس: اسكتى انتي سبب المصايب اللي انا فيها دلوقت انا مش عاوزك امشى امشى

نرمين : مش هامشى مش هامشى يادوماديوس ومش هاسكت اللا لما تفوق من الغيبوبه اللى انت فيها وهاتفوق يادوماديوس

دوماديوس مابقاش اللي انتي اللي هاتفوقيني(يصفعها بالقلم )

اثناسيوس : دوماديوس ايه اللي انت عملته ده

دوماديوس : انا هغور من وشكم واريحكم للابد (يخرج)

انطونيوس: نرمين انتى كويسه

اثناسيوس : متزعليش منه يابنتى دوماديوس طيب واكيد هايرجع ايوه هايرجع وهيصالحك

نرمين: انا مش مصدقه دوماديوس اول مره يمد ايديه عليا ياعمى ياعمى ده بيقولى ابنك مش عاوزه بيتبرى من ابنه من قبل مايشوف الدنيا

اثناسيوس : بيتبرى من ابنه ؟ يتبرى من مستقبل الكوبرى ده هو اللي هايكمل الطريق بعدنا هو اللي هايوصل الرساله

نرمين : ابنى انا ؟ (تمد يديها علي بطنها)

اثناسيوس: ايوه ابنك يابنتى

نرمين : يااااااااااااااااااااه الامل رجع من جديد

انطونيوس : طول ما الكوبرى وسطينا هانستمر ومحدش هايقدر يقرقنا

اثناسيوس :وهيفضل الخير جواك واحنا هانكون معاك ايوه معاك اجيالنا هاتكمل مسيرتنا من بعدنا وهاتستمر تقدم الخير للكل

نرمين: وانا بقدملك ابنى ليك علشان يخدمك طول عمره لانه بيك هايرفع راسه وسط الناس

انطونيوس: وهايرفع رايتنا ويكمل رسالتنا

اثناسيوس : رسالة الخير لكل شعب الامبراطوريه لاننا بيك ياكوبرى الخير عمرنا ماهيحصلنا تغيير لانك انت تاريخنا وعمرنا الجاى

انطونيوس :ومش هانسيبك لغاية النفس الاخير وبيك هنواجه اى مصير

يدخل الى المسرح شاول والى مدينة روما المتمرد على الامبراطور

شاول : ازيك يا اثناسيوس عامل ايه

انطونيوس : ادخلي جوه يانرمين انتى دلوقت

اثناسيوس : اهلا جلالة الملك

شاول :ايه يا اثناسيوس شايفك بتقولها من غير نفس الحق عليا انى جيت اطمن عليك طول عمرك قلبك اسود يا اثناسيوس

اثناسيوس : انا برضو قلبى اسود ياجناب الوالى

شاول : انا يا اثناسيوس مش عاوزك تزعل مني صدقني انا باصص لمصلحة المدينه ومش المدينه وبس لمصلحة الامبراطوريه كلها

انطونيوس : وايه هى مصلحة المدينه ياجناب الوالى

شاول : ياابنى والدك عارف كويس مصلحة المدينه فينلكن للاسف دماغه ناشفه حجر انا مش عارف جاب الدماغ الناشفه دي منين

اثناسيوس : وجنابك عاوزنى اللين دماغى صح

شاول : ايوه طبعا وده اكيد هايكون بمقابل

انطونيوس : فى ايه ياوالدى ايه اللى بيحصل هنا انا لازم افهم

اثناسيوس: ببساطه يابنى الوالى شاول عاوزنى ابقى خاين

انطونيوس : خاين ازاى ياوالدى

اثناسيوس : عاوزنى اخون الامانه اللي امنى عليها الملك وابويا قبل مايموت عاوزنى اهد الكوبرى اللى عمرى ضاع في حراسته

انطونيوس : ايه تهد الكوبرى اهو ده اللي مش ممكن يحصل ابدا

شاول :يظهر ان ابنك ورث نشوفية دماغك منك يا اثناسيوس بس مش ده موضوعنا انا جاى بعرض عرض وده عرض مايتفوتش

اثناسيوس : وفر عروضك لنفسك ياشاول الكوبرى مش هايتهد مهما حصل

انطونيوس : واوعى تفتكر ان مركزك ونفوذك هاتخوفنا احنا محدش هايفصلنا عن الكوبرى غير الموت

اثناسيوس : عارف يعنى ايه الموت ياشاول

شاول :يبقى احنا كده وصلنا مع بعض لطريق مسدود وزى ما قولت هايفصله الموت فكروا فكروا كويس ياولاد مرقس قبل ما النهايه تيجى

انطونيوس : نهاية ظلمك ياوالى روما

شاول : ظلمى سامع يا اثناسيوس انا لولا ابوك لكنت

اثناسيوس : كنت ايه ياجناب الوالى كنت ايه اتكلم

شاول : اوعو تفتكروا نفسكم اقويا انا ممكن اخلي جنودي تهد الكوبرى وانتوا واقفين عليه

اثناسيوس : متقدرش ياشاول ارضنا خارج سلطتك انك تعمل فيها حاجه

انطونيوس: متنساش اننا ارض محايده وانت دلوقت واقف على ارضنا

شاول : خلاص نسميها احتلال ويبقي احتلال من كله بقى

اثناسيوس : برضو مش هاتقدر ياشاول لان شعبك مش هايسكت وبعدين انت نسيت حاجه

شاول : ونسيت ايه بقى

انطونيوس :نسيت لعنة الملك اللي هاتحل علي أي حد يمس الكوبرى بسؤ حتي لوكنا احنا

انطونيوس: يعنى من جميع الجوانب الحق معانا لان ظلمك عمره ماهايكونله رجلين يمشي بيها علي ارض الحق ياشاول

شاول :انتوامش عارفين الكلام ده هايوديكم فين

اثناسيوس : لا انا عارف حدودى كويس ياشاول

انطونيوس: متهيالى جناب الوالى هو اللي اتخطى حدوده ونسي انه واقف علي ارضنا

شاول : هى وصلت لكده ماشى يا اثناسيوس انا هامشى بس هتندم علي كل كلمه قولتها ودلوقتى نقدر نقول ان الحرب بدات ومتنسوش في الحرب كل الطرق مشروعه (حرب) يخرج

انطونيوس : تفتكر هايعمل ايه ياوالدى

اثناسيوس : شاول ذكى هايفكر الف مره قبل مايخطى اى خطوه

انطونيوس : تفتكر ان في خطر علي الكوبرى يابويا

اثناسيوس :متخفش يابنى متخفش روح ابويا اللي بنته هتقدر تحافظ عليه وبعدين متنساش انه خايف من لعنة الملك

انطونيوس :انا مش عارف مش عارف الكوبرى ده تاعبهم فى ايه

اثناسيوس : انطونيوس يابنى لازم تعرف ان شاول خايف من اريوس ملك مدينة الاصلاح لحسن يهاجمه فى اى وقت عن طريق الكوبرى بتاعنا ويستولى علي مدينة روما واريوس برضو عنده نفس المخاوف

انطونيوس : طيب والكوبرى ذنبه ايه عملهم ايه

اثناسيوس : الناس دول يا انطونيوس يابنى بيكون الحرب مالك كل تفكيرهم عمرهم مافكروا في السلام هما لما فكروا في الكوبرى شافوه انه خطر عليهم لكن ماشافوش انه طريق امن بيوصل الناس ببعضهم

انطونيوس : طيب تفتكر يا ابويا انه ممكن يجي يوم من الايام يهاجم ملك التانى من خلال الكوبرى

اثناسيوس: مستحيل مستحيل يابنى الكوبرى ده اتبنى للخير مش للشر ابويا لما بناه بناه على انه حياه للناس مش علشان يبكون سبب موتهم

انطونيوس : بس ممكن يهاجم ملك التانى من الكوبرى

اثناسيوس : واحنا يابنى هنا بنعمل ايه على جثتى جندى واحد من جنود اى مدينه يعدى من هنا

انطونيوس : وافترض عدوا

اثناسيوس : ساعتها هتحل عليهم لعنة الملك

انطونيوس :ومين عرفنا ان موضوع اللعنه ده صحيح

اثناسيوس : ابويا اكدلى قبل مايموت يابنى ان الملك وضع لعنه لاى واحد يستخدمه للشروقالى هتقوم عليك حروب كبيره علشان تهده قالى لاوعى اوعى يا اثناسيوس تستسلم اوعى تسيب الكوبرى او تسلمهلهم وبعدها غمض عنيه ومات

انطونيوس :انا خايف عليك يابويا ارجوك ارجوك خلى بالك من نفسك لان كلام جدى بيتحقق الحروب زادت قولى الحبل بيضيق علينا وقرب يخنقنا

اثناسيوس : متخفش يابنى متخفش روح جدك معانا ، بس يابنى ان حصلتلى حاجه

انطونيوس: ارجوك يابويا متكملش متكملش انت هاتعيش ايوه هاتعيش (يحضنه)

اثناسيوس : ارجوك اسمعنى يابنى ان حصلتلى حاجه الكوبرى امانه فى رقبتك يا انطونيوس خلى بالك منه يابنى اوعى يجى اليوم عليك وتسلم للحروب اوعى يابنى خليك صامد اوعى حد يزعزعك من مكانك اوعى يا انطونيوس حد ياثر عليك تحت اى ظرف من الظروف فاهم يابنى

انطونيوس: فاهم يابويا بس انا من غيرك ولا حاجه انا سبتنى هاضيع هاموت انا قوتى بستمدها منك يا ابويا اوعى يابويا تسيبنى ابويا اوعى يابويا

اثناسيوس : بس الوقت ده لازم هايجى ان مكنش النهارده هايبقي بكره لازم تتعود على عدم وجودى معاك لاازم تتعلم تدير امورك بنفسك يابنى لان ايامك هتكون صعبه عاوزه الصخرالصلب اللي محدش يقدر يكسره وانا عاوزانطونيوس اصلب من الصخر فاهمنى

انطونيوس: اصلب من الصخر دانا ضعيف ضعيف ومش بعرف ادبر امور نفسي هادبر امور كوبرى واسره ومدينتين مش هاقدر استحمل

تدخل نرمين

نرمين : انت عارف انت ليه بتقول كده لانك لسه معرفتش قيمته كويس جرب كده وامشى فى طريق ضلمه هتلاقى رجلك بتتخبط وبتنهار لغاية ماتقع لكن ولع شمعه ايوه ولعها وخليها قدامك هتلاقيها بتنرشدك لبر الامان

اثناسيوس :والكوبرى بتاعنا شمعه ايوه شمعه تنور طريق اى ضال حط الشمعه قدامك يابنى وهترشدك ايوه هترشدك وهتوصلك للطريق الصح اهم حاجه انها تكون قدامك مش وراك يا انطونيوس

نرمين : يااااااااااااه كان نفسى دوماديوس يكون معانا دلوقت كان نفسى شمل العيله يتلم من تانى ونكون ايد واحده

اثناسيوس :دوماديوس ابنى راجع وقريب اوى هايرجع ويكون معانا لانه من دمنا ومستحيل يبعد عننا صحيح صحيح السحابه مشوشره على عينيه ومش عارف يشوف لكن بمرور الوقت هايشوف ويحس

نرمين : امتى بس امتى؟

اثناسيوس : قريب قوى قريب قوى يابنتى هايرجع وهاتشوفى ابن مرقس مش هايطول كتير هايرجع في اقرب وقت

يدخل اريوس ملك مدينة الاصلاح هو وجنوده وهو يبلغ من العمر حوالى 50 عاما

اريوس : انت ياراجل انت فين السور اللى امرتك تعمله هنا انا مش قولتلك انى هاجى المره اللىجايه الاقيه اتعمل

اثناسيوس : وانا قولتلك ان مفيش سور هايتبنى

اريوس : اه هنرجع تانى من اول وجديد يا اثناسيوس انا مش فهمتك ان الكوبرى ده خطر على المدينه واهلها

اثناسيوس : وانا قولتلك ان الكوبرى مفيش اى سور هايتبنى عليه وانت عارف ان ده مخالف لقوانين الملك

اريوس : كلام الملك ده يمشى عليك انت مش عليا انا المسئول عن حماية مدينة الاصلاح مش الملك فوق بقى فوق

انطونيوس : كلام والدى واضح وصريح قالك مش هانبنى سور هنا

اريوس : متدخلوش معايا فى تحدى ياولاد مرقس لانكم عارفين باشاره منى هاتكونو انتهيتوا انتوا مش عارفين انا مين

انطونيوس : احنا كل حد هايجيلنا هنا يقولنا انتوا مش عارفين انا مين احب اقولك ان احنا مش بنخاف من حد وان احنا هنا علشان ننفذ كلام الامبراطور اللى انت متمرد عليه يا والى مدينة الاصلاح واللي انت عارف انه ممكن يعمل ايه

اريوس : يابنى انت بتتكلم كلام كبير انت مش قده انصحه يا اثناسيوس انه يلزمحجدودى معايا

اثناسيوس : انا ابنى عارف حدوده فين ياجناب الوالى وعارف بيتكلم مع مين وازاى

اريوس : لا انت مش عارف ، مش عارف بيتكلم مع مين يا اثناسيوس وانا دلوقت هاعرفك انا مين يستل سيفه ويتجه نحوانطونيوس

اثناسيوس : انت هاتعمل ايه( يمسكوه حراسه)

انطونيوس : سبوه سبوه يقتلنى اقتلنى اقتلنى يا اريوس ها يالا وريني

اريوس : انا مش عاوز الوث سيفي بدمك القذر بس متفتكرش ان دورك خلص لا دورك انت بالذات معايا لسه هايبتدى

اثناسيوس : بص يا اريوس انت مش هاتقدر تمس شعره واحده منه لانك انت مش قد الملك وانت عارف كده كويس اما من ناحية السور فكلام الملك واضح وصريح ممنوع حدوث اى تغير فى السور ممكن يههد استقراره او يمنع رسالته اللي بياديها اظن الكلام مفهوم ومش محتاج توضيح

اريوس : وانا والى مدينة الاصلاح وبقولك سده فورا وده امر يا اثناسيوس

اثناسيوس : وانا مش باخد اوامري من حد غير الملك والملك عمره ماهايسمح بحاجه تحصل زى دي

اريوس : انت بتعصى اوامرى يا اثناسيوس بتعصى اوامر والى مدينة الاصلاح

اثناسيوس ده مش عصيان لاوامرك ده تنفيذ لاوامر الملك الكوبرى ده ارض محايده بينك وبين شاول ودى ارض الامبراطور ومتخضعش لحكم اى واحد فيكم واحنا مكلفين بحمايتها وانا نيابةعنهم كلهم بقولك مش هاتقدر تمس الكوبرى يا اريوس

انطونيوس : وخلى بالك يا اريوس احنا اخر ناس تخاف من تهديدك اوعي تفتكر ان تهديدك او نفوذك ممكن يجيب معانا نتيجه

اريوس : بقى كده انا هاعتبر نفسى مسمعتش الكلام ده وهاعتبر نفسي ان مجيتش هنا اصلا بس هاجى الاقى الكوبرى مهدود مش مسدود يا اثناسيوس وان جيت المره الجايه لقيته مش مهدود هاتشوفوا الوش التانى لاريوس ويا ويلكم من وشى التانى

اثناسيوس : اخر ماعندك اعمله الكوبرى مش هايتهد

اريوس : طيب انا هاكتفى المره دى بتحزير بس ياعينى هايكون تحزير قاسى (يستل سيفه ويقطع ايد اثناسيوس )

اثناسيوس :اااااااااااااااااااااااااااااااااااه

نرمين :تصرخ ابويااااااااااا

انطونيوس : ابويا ابويا

اريوس : المره دى قطع ايد المره الجايه رقبه يا انطونيوس رقبه سامعنى لان لسه متخلقش اللي هايقفغ قدام اريوس ومش هاتكون رقبتك انت بس عيلتككلها معاك وياسلام لما تتعلق روسكم في المدينه ويتفرج عليها الناس كلها ويعيطوا ويقولوا خسارتك يا اثناسيوس كنت راجل عبيط انت وولادك ههههههههههه

انطونيوس : اخرج من ارضنا اخرج مش عاوزين نشوفك يالا اخرج

اريوس : ماشى يا انطونيوس انا هاخرج بس راجع تاني راجع وهايكون الكوبرى بتاعكم ده جوه البحيره ان مكنش بالذوق هايكون يالقوه الجبريه وان مكنش بايديك هايكون بتروس وسيوف جنودى ياتريت يكون كلامى واضح ومفهوم زى كلام الملك بتاعكم (حرب ) اه نسيت انتوا شعاركم السلام سلام(يخرج)

انطونيوس: قطعولك ايديك يا ابويا قطعولك ايديك ايد الظلم اتمدت بالشر علي اشرف وانضف ايدين في الكون ايد الظلم قطعت ايد الرحمه احنا عايشين فين حد يقولى احنا عايشين فين مدينة وحوش ده الوحوش مش بتعمل كده ياخساره ياخساره يا انسان مبقيتش انسان بقيت افظع من الوحوش

نرمين فوق ياعمى فوق رد علينا ارجوك فوق ياعمى فوق

اثناسيوس : ايد الظلم يابنى عمرها ماتقدر توقف ايد الرحمه ايد الشر عمرها ماتقدر توقف ايد الخير يابنى قومنى يابنى صحيح ان احنا بقينا وحوش وحيات بس متنساش ان لسه النسور فى شجاعتها موجوده والحمام بسلامه بيطير لازم نتغير لازم نغير الكون لازم يتغير لازم كل الناس تعرف الحقيقه لازم تعرف انهم مخدوعين باوهام مالهاش علاقه بالواقع لازم يصحوا لازم يفوقوا

انطونيوس : قصتنا ياوالدى قصه معروفه ابتدت من ولادة بطل في ارض مافيهاش بطوله الارض دى كانت منتهيه من عهد الطفوله كان جاى عليها الزمن كانها اسطوره من اساطير الزمن الماضى اللي لا ليه عمل ولا مقوله تنفع حد فى زمن كله بؤس وشعب شايل من الهموم حموله

نرمين : وفجاه وفى وسط التعب والالامات وسط الزل والاهانات اتولد بطل من السما نزل لقي الشعب في موجه كانت مدمراه نزل يكلم الشعب لقى الشعب واقف متحير مش عارف يعمل حاجه لانه اتعود انه يكون مسيرشعب اتعود انه يكون في نظر نفسه صغير قام وقف في وسط الشعب وقاله لازم تتغير قال سيبنا في حالنا ماحنا ساكتين راضيين بحالنا وعايشين ...........................شايفين حزننا بعنينا وساكتين احب اقولك ان انت جيت في زمن المستحيل ايوه احنا بقينا فى زمن المستحيل يا اثناسيوس

اثناسيوس: لا احنا مش فى زمن المستحيل بصوا شوفوا تاريخكم شوفوا عظم تراثكم شايف جبروته والكل بيحاربوه وهو واقف صامد الكل عاوزين ينزعوا قلبنا من جوه جسمنا ويقطعوه ويرموه من غير رحمه او خوف

انطونيوس: يعنى خلاص نسلملهم الكوبرى ونمشى نرميلهم قلبنا ونقولهم دوسوا عليه براحتكم

اثناسيوس : بالرغم من قوة الظلم وقسوته بس انا شايف قوة العدل بتنموا وتكبر شايف نصرة الحق بتقول انا جايه استنونى استنونى واوعوا تسلموا للظلم

انطونيوس : هو فين الحق ده انا مش شايف اى حق

نرمين : الحق موجود والخير كمان موجود والعدل واضح وظاهر زى القمر فى عتمة الليل

انطونيوس : بس للاسف احنا مش شايفينه مش حاسينه هو فين

اثناسيوس : هايجى اليوم اللى تشوفه وتحسه يابنى اصبر اصبر يا انطونيوس

نرمين: وهايجى اليوم اللى هايرجع فيه دوماديوس دوماديوس اللى الضباب عمى عينه وخلاه مش شايف قدامه خلاه مش حاسس بالدنيا ومافيها

اثناسيوس : ودماديوس راجع ايوه راجع ابن مرقس لايمكن يتخلى عن ابوه

يهتز الكوبرى بشده

انطونيوس : ايه الصوت ده

نرمين : ده شاول وجنوده جايين احنا لازم ناخد عم اثناسيوس وندخل جوه

اثناسيوس :انا مش هاتحرك من مكانى

انطونيوس : يات ابويا يا ابويا انت تعبان تعالى ندخل ونطلع على سطح البيت ونشوف اللى بيحصل من فوق تعالى معايا يابويا

اثناسيوس : انا مش هاسيب هنا مش هاسيب هنا

انطونيوس انت عارف انمحدش هايقدر يعمل للكوبرى حاجه علشان اللعنه ارجوك تعالى معايا

يدخل الملك وجنوده ومعه الساحره سوسنا

شاول :ااسمعى بقى انا جبتك هنا علشان تاشوفيلى حل علشان اخلص وارتاح من كابوس اثناسيوس اللى عاملهولى ده

سوسنا: انا شخصيا اشك ان فى لعنه من الاساس لكن هانشوف

شاول: انا عاوز فى خلال دقايق يكون الكوبرى ده جوه البحيره باى طريقه هو وبيت اثناسيوس بكل اللى فيه ان عملتى كده اطلبى اللى انت عاوزاه هايكون بين ايديكي

سوسنا :امرا وطاعه ياجلالة الملك لحظات والكوبرى هايكون جوه البحيره

تصب الساحره بعض الخلطات السحريه علي الكوبرى فيهتزاهتزازات شديده ولكنه لايسقط

ينزعج الواقفون جميعا

شاول : يعني موقعش ياسوسنا ياساحرة روما

تنزعج الساحره ثم تصب بعض الخلطات السحريه الاخرى وتصبها علي الكوبرى فيهتز اهتزازا شديدا ولكنه لم يسقط

تفتح الطالع وتنظر اليه

شاول :فى ايه سحرك مش جايب نتيجه معاهم ساسوسنا ولا دانتى اكبر ساحره في روما

سوسنا : اللعنه دى اقوى من اى سحر انه يقدر عليها ا

شاول يعنى ايبه الكوبرىمش هايتهد ؟(بفزع)

سوسنا:هو فى حل واحد

شاول: (بلهفه ) ايه هو الحقينى بيه بسرعه

سوسنا : الطالع بيقول ان الكوبرى مش هايتهد غير بالدم

شاول : دم يعنى ايه وضحى كلامك اكتر انا مش فاهمحاجه

سوسنا : لو عاوز الكوبرى يقع يبقى

شاول يبقى ايه ايه اتكلمى

سوسنا : الكوبرى ده مش هاتتفك لعنته غير بموت اسناسيوس ولازم دم اثناسيوس يسيل علي ارضه

شاول : ( ايه)

سوسنا : انت سمعتنىكويس يامولاى ده الحل اللوحيد اللي هايهد الكوبرى ويريحك

شاول : بس كده الشعب ممكن يثور عليا لانه بيحب اثناسيوس

سوسنا : ده الحل الوحيد وبعدين انت كده كده كنت هاتقتله لما تهد الكوبرى لان الكوبرى كان هايقع بيهم في البحيره

شاول : ايوه بس مكنتش هاقتله بايدى

سوسنا ومين قال انك هاتقتله بايدك احنا هانخلى واحدمن الجنود هو اللي يقتله وبكد تبقي ملوثتش ايدك بدمه

شاول :جنودى طيب ماكده الشعب برضو هايثور عليا

سوسنا :ساعتها نبقى نقول انه منشق عنالولايه وكان عميل لاريوس ويصدر عليه حكم الاعدام وتبقى جلالتك بره الموضوع يا والى روما

شاول : وتفتكرى الشعب هايصدق

سوسنا : طبعا يا جناب الوالى انت والى روما وكلمتك مسموعه عند الكل

شاول : تفتكرى ياسوسنا

سوسنا:طبعا ياجناب الوالى

شاول : وبكده يبقى ضربنا عصفورين بحجر قتلنا اثناسيوس وهدينا الكوبرى في وقت واحد بدون اى خساير

سوسنا : وترتاحمن اريوس وتهديده

شاول : بس الموضوع ده عاوز تخطيطوترتيب ميخرش الميه

سوسنا : سيب التخطيطوالترتيب عليا المهم دلوقت اننا نرجع القصر ونفكر ازاى هالنخلص منه

شاول : عندكحق يالا بينا

سوسنا : يالا بينا ياجناب الوالى

يخرجون المنزل

انطونيوس : سمعت اللى قالوه يا ابويا

اثناسيوس : ايوه سمعت يابنى(بزهول )

انطونيوس : طيب وهاتنعمل ايه دول خلاص ناويين يقتلوك

اثناسيوس : انا مش خايف من الموت يابنى

نرمين : هو صحيح لو دمك سال على الكوبرى اللعنه هاتتفك

اثناسيوس: كلام فارغ يابنتى انا دمى سال من شويه ولعنة الملك زي ماهى لسه ملازمه الكوبرى

انطونيوس: اهرب يابويا اهرب واحنا هانقعد هنا مكانك ارجوك

اثناسيوس : ليه كده يابنى عاوز ابوك على اخر الزمن يبقى جبان وخاين للامانه

انطونيوس : وحياتك

اثناسيوس : فدى الامانه يابنى انا شرف ليا ان دمى يسيل علي الكوبرى ده اللي عشت فيه احلى ايام حياتى وزكرياتى المهم دلوقت اسمعني انا مش هاوصيك يا انطونيوس الكوبرى امانه في رقبتك يابنى ولما اموت ادفنى على الكوبرى هنا هاكون مرتاح يابنى

انطونيوس : ابويا متقولش كده ارجوك ارجوك متقولش كده انت هاتعيش ايوه هاتعيش هاتعيش يا ابويا غصب عن اى حد هتعيش غصب عني وعن واى حد هتعيش القوه بالذوق هتعيش يسابويا هتعيش انت بتقول ايه انت شمعتنا المنوره لينا في العتمه مين هاينورلنا مين هايصبرنا مين هايقوينا

اثناسيوس: يابنى ارجوك مفيش وقت زمانهم جايين ارجوك اوعدنى يا اانطونيوس اوعدنى يابنى

انطونيوس : اوعدك ازاى يا ابويا وانت هاتعيش انت هاتكمل يا اثناسيوس هاتكمل حراستك للكوبرى ده سنين طويله

اثناسيوس : طيب اوعدنى ان مت انك تاخد بالك من الكوبرى ماتسيبهوش ابدا اوعى تتخلى عنه في يوممن الايام يابنى خلي بالكمن اخوك ومراة اخوك والطفل اللى جاى ربوه ربوه على محبة الكوبرى علموه ازاى يحرسه علموه ازاى يكون قلبه عليه علموه ازاى يكون قوى وسط الشدايد علموه ازاى يكون صلب ميتكسرش

نرمين : جده هايعلمه ايوه هايعيش ويعلمه داحنا من غيرك ولا حاجه اوعى اوعى تموت اوعى تسيبنا وسط الريح للتيار يودى فيناويجيب زى ماهوعاوز

يدخل دوماديوس

دوماديوس : ابويا ابويا( وهويجرى)

اثناسيوس : فى ايه يابنى كنت فين ومجيتش ليه من بدرى

دوماديوس مش مهم دلوقتى المهم انك لازم تهرب بسرعه

اثناسيوس : ليه يابنى حصل ايه

دوماديوس : خدابوك واهرب بسرعه يا انطونيوس جنود الملك جاين يقتلوه

انطونيوس: جنود اريوس وعرفت الكلام ده ازاى

دوماديوس : وانا فى شوارع المدينه قابلنى جندى صاحبى من جنود الوالاى اريوس وقالى الملك اصدر امر بقتل ابوك وهد الكبرى وهيتحرك دلوقت علشان ينفز الامر

انطونيوس : انت متاكد من الكلام اللى بتقوله ده

دوماديوس : ايوه انتو لازم تهربه بسرعه وانا هستنى هنا على الكبرى

اثانسيوس : اهدا يابنى احنا مش ممكن نسيب هنا مهما حصل

دوماديوس : دول هيقتلوك

اثانسيوس : يقتلونا يقطعونا يعملوا اخر ماعندهم لكنانا مش هاسيب هنا

دوماديوس : ابويا انت ايه اللي بتقوله ده دول عددهم كبير ومش هيكون عندهم رحمه مش هايسبوك تعيش انت لازم تهرب

اثناسيوس: ان عشت هاعيش هنا وان مت هاموت برضو وانا هنا

انطونيوس : ابوك خلاص يادوماديوس اختار طريقه الدور والباقى علينا احنا اللى طريقنا مش واضحاله معالم

دوماديوس : انطونيوس حاول تقنعه ابوك ممكن يروح ممنا هايتقتل ارجوك اقنعهانه يهرب

انطونيوس : ابوك اختار الحياه ، اختار الكوبرى وهو حياة الناس وانا اخترت الحياه معاه ومش ممكن اسيب هنا ، ان متنا هانموت واحنامع بعض يا ابويا هانموت علي الارض اللي شافت زكرايتنا واحلامنا شافت طفولتنا وشبابنا شهدت عل ولا دتنا وهى اللي هاتشهد عل موتنا

نرمين: معلش يابني بقى متزعلش منى كان نفسى اشوفك كان نفسي تطلع زيهم وتدافع علي الكوبرى بروحك لكن انا اخترت اموت مع جدك وعمك بس متزعلش امك هاتموت بشرف هاتموت وهي بتدافع عن اعز ماليها وهى حياة اللي حواليها

اثناسيوس: لا يابنتى ابنك اللي في بطنك ده هو المستقبل مستقبل تاريخناوعقيدتنا ولازم يكون حد من بعدنا هو اللي يستلم الرايه

دوماديويس:انتوا اكيد اتجننتوا ، ايوه اتجننتوا لانكم مش عارفينايه اللي هايحصل الناس دول معندهمش رحمه مش هايسبوكم في حالكم هايقتلوكم دول جنود بسيوف وتروس ودروع جايه عليناى وتقولولى رايه وعقيده احنا هانموت ، نموت ، نموت طيب وهاتفرق ايه ماحنا عايشين ميتين كنا مدفونين بالحياه وسط الفقر والظلم ولما نموت برضو هانندفن وسط تراب بس انا مش هاعيش ميت واموت وانا ميت لا لا انا مش هاموت انا لازم احاول ومش هاستسلم للظلم

يدخل اريوس وجنوده الي المسرح

اريوس : ودلوقتى جه ميعاد الحلقه الاخيره من مسلسل الظلم اللي كان الاخ دوماديوس بيحكي عنه من شويه والحلقه الاخيره من القصه الممله دى هو الاعدام خلاص حكم الاعدام ولازم يتنفز عليكم وعلي الكوبرى بتاعكم والحكم هايتنفز يعنى هايتنفز

دوماديوس :اعدام؟

اريوس : ايوه اعدام ايه عندك اعتراض على الحكم انتوا عارفين انتوا صعبانين عليا اوى بس الفرصه كانت قدامكم وانتوا رفضتوها

انطونيوس : ولو قعدت لمية سنه قدام برضو الفرصه هاتكون مرفوضه

اريوس :اسيتنى استني ياحبيبي لسه دورك جاى معايا

دوماديوس : ياجناب الوالى احنا ممكن نتفاهم

اثناسيوس : اسكت يادوماديوس اللى هو جاى علشانه مش هايحصل حتى لو متنا ودمنا سال علي الارض دى\

اريوس : عجيبه يا اخى حتي وانت هاتموت بتعاند انت ايه صخر اصم صلب مش بيتكسر بس جه اليوم اللي بقيت فيه تحت رحمتى

اثناسيوس : انا عمرى ماهكون تحت رحمتك ولا انت ولا غيرك يا اريوس

اريوس: اهمد يا اخى بقى انت مش بتتهد ابدا ولا على ايه كلها دقايق وسيفي هايهمدك للاابد انا مش صعبان عليا غير الولد اللي في بطن المسكينه دي اللي هايموت ظلم

نرمين : انا اخر واحده تستني من واحد زيك رحمه او عطف

انطونيوس: عشنا وشفنا اليوم اللى اريوس بيتكلم فيه عن الظلم

اثناسيوس : اوعى تفتكر ان سيفك وجنودك اللى معاك دول خوفونا او حركو شعره واحده من راسنا

انطونيوس:واوعى تفتكر انك لو قتلتنا تبقى انتصرت علينا تبقي بتحلم يا اريوس

اريوس : غالبا الحلم بيتحول لحقيقه وحلمى انى اخلص منكم انتوا والكوبرى بتاعكم واهو الحلم زى مانتوا شايفين بيتحقق

نرمين : انت ممكن تكون صورتلك نفسك انك هتقدر تخلص مننا ومن الكوبرى يمكن ان احنا هانموت هنا لكن عمرك عمرك يا اريوس ماهتقدر تمس الكوبرى

اريوس : يظهر انى ضيعت معاكم وقت كتير في الكلام اللي مالهوش فايده ياحراس نفذوا حكم الاعدام

يدخل شاول وجنوده

شاول : اخر ماكنت اتوقعه انى الاقيك هنا يا اريوس

اريوس : مين شاول

شاول : ايوه شاول ايه مفاجاه انك تشوفنى هنا بقي كده ياصديقي مش تعزمنى علي الحفله اللي انت عاملها دي

اريوس : كدهاقدر اقول ان جميع الاطراف اكتملت وجه الوقت اللي هيتحاسب فيه الكل من حساب اريوس العسير كان نفسي ياشاول دورك يستني شويه بس مش عاوزك تنسى ان انت اللي جيت برجليك

شاول: (يضحك ضحكة سخريه )طول عمرك دمك خفيف يااريوس احب اقولبك ان دورك جاى بس مش دلوقتى انا جاى هنا علشان اصفى حسابى مع الراجل المجنون ده

اريوس : يبقي احنا هنا هدفنا واحد ياصديقي وهو ان اثناسيوس والكوبرى ينتهوا الى الابد

شاول : اول مره تتكلم كلام يدخل دماغى يا اريوس

اثناسيوس: شاول واريوس اللى عمرهم ما اتفقوا جه اليوم اللي اتفقوا فيه علي هد الكوبرى بس احب ابلغكم ان ده كله احلام في خيالكم ومش هاتحقق

اريوس : الحلم بقى دلوقت انك تبقى انت والكوبرى بتاعك على ارض الوجود

شاول : حكم الاعدام عليك وعلي الكوبرى امر محتوم ولازم يتنفز

دوماديوس : انا مش هاسمح اننا نكون لعبه في ايديكم القزره دى

شاول : وانت مين يا صعلوك علشان تسمح ولا متسمحش احنا هنا اللي نقرر وبس

اريوس :معلش ياصديقي اصله مصدوم مش مدرك اللي بيحصله

دوماديوس : لاانا مدرك اللي بقوله كويس قوى ياولاة الظلموالهوان ومش هانكون اللعبه اللي هاتحركوها بايديكم وقت مانتوا عاوزين

شاول : انت بتخرف بتقول ايه

دوماديوس :اللي سمعتوه ياكلاب السلطه

شاول : يصرخ (اقتلوهم)

يسحب دوماديوس عصات ليدافع عن نفسه فيقتلوه

اثناسيوس :(يصرخ) ابنىىىىىىىىىى

نرمين : (تصرخ)دوماديوووووووووووووووس

يسمع صوت صراخ طفل صغير يبكي

اثناسيوس : دوماديوس قوم يابنى ارجوك قوم كلم ابوك قوم يابنى قوم قوم شوف ابنك ابنك اللى اتنولد اول مانت موت يابنى دوماديوس دوماديوس (ينهار في البكاء)

انطونيوس : اخويا اخويا ارجوك متموتش موتموتش يا اخويا قوم قوم ابنك ابنك بيعيط يادوماديوس ابنك بيعيط يا اخويا قفوم يا اخويا سكته قوم شوفه قوم بصله قوم خدنى انا وهو في حضنك

خدنى في حضنك يا اخويا زي زمان فاكر فاكر يا اخويا لما كنا بنلعب علي الكوبري فاكر لما كنت بعيط وكنت بتاخدنى في حضنك وتهديني فاكر كلامنا فاكر زكرياتنا قوم يا اخويا علشان نكمل المشوار قوم يا اخويا علشاننكمل حياتنا مع بعض ارجوك ارجوك يا اخويا متسبنيش قتلتوه قتلتوه ياظلمه يالللمفيش في قلوبكم رحمه يتمتوا ابن لسه ماشافش الدنيا حرمتوه من ابوه حرمتوه من حنانه وعطفه العمر كله انتوا ايه قلوبكم عميا مش بتشوف قدامها حرام عليكم حرام

نرمين تقوم وتنزل الي زوجها

نرمين : خلاص مت مت يادوماديوس لا دوماديوس ماماتش ايوه دوماديوس مامتش دوماديوس حى ايوه حى هو بس نايم هايقوم دلوقتي وهايكلمنا انا عارفه هونايم دوماديوس دوماديوس قوووووووووووم( تصرخ) قوم افرح بابنك قوم شوفه ده شبهك شبهك يبادوماديوس قوم خد ابنك في حضنك قوم خد ابنك في حضنك دوماديوس

تتجمع الناس من حولهم ولكن الجنود يمنعوهم

اثناسيوس : افتخروا ياناس افتخروا بدوماديوس افتخروا باول دم يسيل علي الكوبرى افتخروا بابنى افتخر يابنى بابوك ابوكماتوهو بيدافع عن الحق ابوك دمه سال علشان الرساله ايوه انت مت يادوماديوس علشان الرساله والرساله وصلت يابنى دلوقتى انا بفتخر في وسط الناس ان دوماديوس ابن مرقس مات علشان يوصل الرساله دوماديوس ابن مرقس مات علشان يوصل الرساله

تحمل نرمين ابنها

نرمين افتخر بابوك يابنى ايوه افتخر بابوك افتخر بدمه اللي سال علشان يحميك ويحميني يحمى تاريخك تراثك اللي عاوزيبن ياخدوه منك يابنى عاوزين يسلبوه منك وانت لسه في اللفه

اريوس :ما كفايه بقى كفايه ماكان كده كده هايموت معاكم بس هى كانت مسالة وقت هو سبقكم وانتوا هاتحصلوه

شاول: وبعدين متخافوش انتوا خلاص هاتحصلوه دلوقت

جميع الجنود : اعدااااااااااااااام

شاول : تقدم بتنفيذ حكم الاعدام

تتقدم الفرقتان من الناحيتين لتنفذ الحكم واولهم شاول واريوس وعندما يصلان اليهم ينفتح الكوبرى فيسقطون جميعهم ويبقي اثناسيوس وانطونيوس ونرمين وابنها علي الكوبري فيحمل اثناسيوس الولد ويتبعه نمرمينوانطونيوس

الجميع : دوماديوس مات علشا ن يوصل الرساله

دوماديوس مات علشان يوصل الرساله دوماديوس مات علشان يوصل الرساله

تمت بحمد الله

مع تمنياتى بعرض شيق

المؤلف : مايكل عازر