مسرحية شمسك لن تغيب

 

مسرحية "شمسك لن تغيب"

نجيب محفوظ

الفصل الاول

المشهد الاول

نهار داخلي في احد المنازل (بيت المغتربات)

يفتح الستار علي رنين جرس التليفون ..ثم تدخل الخادمة ... 

سوزي	ايوة ..حاضر ..انا جاية اهو ..مالك متسربع علي ايه ؟
نرمين	هي الدنيا حاتطير ..آلو ..ايوة هنا بيت المغتربات ..حضرتك مين ؟ ..مامة سلوي ..مامة سلوي مين ؟ اسم حضرتك مش موجود عندنا ...اه ..مش حضرتك ..حضرتك قصدك سلوي بنتك ..لما حضرتك تبقي مامة سلوي ...وسلوي تبقي بنت حضرتك ..انا دخلي ايه في الموضوع ؟ ياريت حضرتك تخلصي علشان انا ما عنديش وقت ..اه حضرتك بتطمني علي سولي اذا كانت وصلت بالسلامة ولا لسه ..يا ستي سلوي لسه ما وصلتش ...ولما توصل بالسلامة حأبقي اخليها تكلمك علشان تطمنك (تغلق السماعة فجأة ..ثم تكمل في حديث مع نفسها ...
سوزي	ماتقرفوناش بقي ..خلينا نشوف شغلنا غسيل وكنس ومكوي وطبيخ ..كله فوق دماغي لوحدي كأن مافيش غيري في البيت ده ..سبع صنايع والبخت ضايع غيرش بس هي القراية والكتابة ..الحاجتين دول بس هما اللي مش بأعرف اعملهم ..اعمل ايه بقي ..اهلي ما علمونيش الحق يتقال هما حاولوا ..لكن انا اللي ما بفهمش لما بأحاول افهم بأتعب ..علشان كده قالوا لي احسن حاجة نسيبك كده زي ما انت ..واللي اهله ما علموهوش ..الزمن هو اللي يعلمه
	(يرن جرس الباب ..
سوزي	ايوه جاية حاضر ..اهلا وسلها ..حمد الله علي السلامة ..(تدخل سلوي وسارة)..طبعا عايزين مفتاح الاوضة ..شيلو شنطكم وتعالوا ورايا ..
سلوي	فيه ايه يا سوزي ؟ مالك ؟ مش طايقة تتكلمي معانا
ماري	ليه ؟ احنا ضايقناك في حاجة
سوزي	لا يا حبيبتي ماحدش ضايقني ..ولاحد يقدر يضايقني ..انا اللي شكلي كده ..ما هو اصل حضراتكم ناس فايقة ورايقة ..ومافيش حاجة علي بالكم ..عايزيني اقعد احكي معاكم ..والحكاية والرواية ...وازيكم عاملين ايه ؟ ..عملتم ايه في الصيف اتفسحتم وانبستطم ؟ مش هوده اللي انتوا عايزينه ؟ مش فاضية انا يا ماما للكلام ده (فاضية انا بقي للكلام ده؟)
سارة	لا ..ده انت اخلاقك بقيت صعبة قوي ..
سوزي	هو كده ..ومافيش غير كده ..عاجبكم علي كده عاجبكم ..ول مش عاجبكم اخبطوا راسكم في الحيط..
سلوي	انت ما كنتيش كده السنة اللي فاتت ..
سوزي	نعمل ايه بقي ؟ الزمن وحش ..الفلوس غيرتني عيشتي ارتاحت خلصي يا اختي انت وهي ..انتوا حاتصاحبوني ولا ايه ؟ شنطكم وتعالوا ورايا ..علي فكرة ..قبل ما انسي ..مامتك اتصلت يا سلوي ..وعايزك تتصلي بيها علشان تطمنيها ..
سلوي	شكرا يا سوزي ..انا حأكلمها
سارة	ايه اللي حصل نغيب 3 شهور ..نرجع نلاقي حالها اتشقلب
سلوي	احنا لازن نعذرها هي اكيد مضغوطة ..شغل البيت كله عليها ..حاتلاقيها منين ولا منين
سارة	علي رأيك .ده الواحد لما بيتخنق ..ما بيبقاش طايق يشوف حد قدامه ..المهم ..انت عالمة ايه ..وعملت ايه في الصيف؟
سلوي	انا الحمد لله كويسة ..وكانش عندي وقت فراغ في الصيف لاني اشتغلت
سارة	بتتكلمي جد ..انت عارفة ان انا كمان اشتغلت ..
سلوي	بابا طلع معاش ..ومعاشه يدوب بيكفينا بالعافية ..وطلبات اخواتي ما بتخلصش ..كان لازم حد فينا يساعد وبما اني انا الكبيرة ..يبقي لازم انا اللي اشتغل ..
سارة	انا بقي لقيت نفسي زهقانة ..الايام كلها بقيت شبه بعضها ..حسيت بحالة ملل ..فقررت اشتغل وصديقيني لما اشتغلت ..لاقيت نفسي في الشغل
سلوي	انا لولا ظروف بابا ..ما كنتش اشتغلت
سارة	انت عارفة ان انا اكتشفت ان الشغل ده مهم جدا ..عرفت ازاي اتعامل مع الناس ..واخذت خبرة ..
	(يرن جرس الباب ..فتأتي سوزي لتفتح الباب ..
سوزي	ايوة حاضر ..جاية ..
	(تدخل ايريني)
ايريني	اهلا ..أزيكم
سلوي	ازيك يا ايريني ..وحمد الله علي سلامتك ..
ايريني	الله يسلمك
سارة	ازيك يا ايريني ..عاملة ايه ؟
ايريني	خليك في حالك ..
سلوي	ايه يا بنتي مالك ..جري لك ايه ؟
ايريني	ازيك ..‘املة ايه ؟ ..اخبارك ايه ؟ خلاص ..حاتتصاحبوا علي ولا ايه ؟ ياربي بقي ..نفسي اخلص السنتين اللي باقيين لي في البيت ده علي خير ..وارتاح بقي منهم ..مش عايزة اشفوهم
سارة	فيه ايه يا بنتي ..حد عملك حاجة الحقي علينا ان احنا بنتطمن عليك ..
ايريني	يا ماما انا مش فاضية للكلام ده عملتي ايه في الصيف ؟ عملتي new look غيرتي تسريحة شعرك ..روحتي marina ولا الغردقة ..كل ده كلام ناس فاضية زيكم ..لكن انا ما عنديشوقت للكلام الفاضي ده ..انا اول ما بأخلص امتحانات ..بأروح اجيب كتب السنة اللي جاية ..واقعد اقرا واذاكر ..
سلوي	بتعملي اليه ؟
ايريني	بأجيب الكتب ..واقعد اقرا واذاكر..
سارة	ده انت جبارة
سلوي	ده انت مستحيلة يا ماما ..ده انا ما بأصدق اخلص امتحانات ..علشان استريح من القراية والمذاكرة والهم ..ده انا مش بأبقي طايقة اقرا الجرنال تقومي تقولي ان انت بتذاكري للسنة اللي جاية انت حالة خاصة hopless case
سارة	انت ظاهرة تستحق الدراسة
ايريني	ان اما طلبتش رايكم في ..انتم احرار في رايكم تعصروه او تشربوا ميته
سارة	انت مكانك مش معانا يا ماما ...انت جيتي هنا غلط احنا مش قدك ..ولا يمكن نكون زيك
ايريني	انتو مين يا ماما ..علشان تكونوا قدي او تحاولوا تبقو زي ..انتوا تولوا تبقو زي انتوا لو كنتم زي ما كنش ده بقي حالكم
سارة	ومالوا بقي حالنا ..بنشد في شعرنا ولا بنجري ورا عربية الرش
سلوي	لا وانت الصادقة ..بنكلم نفسنا ..وبنمش واحنا نايمين
ايريني	اهو ده اللي انتوا فالحين فيه تتريأوا وبس لكن تعملوا حاجة في حياتكم طبعا لا
سارة	انت اللي عايشة جوة نفسك ..وقافلة علي حياتك ومش عايزة تعرفي حد ..او حد يعرفك ..اطلعي بره نفسك شوية .زواتعرفي علي الناس..واختاري منهم اصدقاء ..تأمنيهم علي سرك ويأمنوك علي سرهم ..صدقيني ..الحياة حلوة ..وتستحق ان احنا نعيشها (موسيقي)
	(تخرج سارة وسلوي وايريني ثم يرن جرس الباب فتدخل راندا ورانيا وتستقبلهم سوزي
رانيا	هاي …
راندا	Good morning
سوزي	اهلا بطنط والامورة ..انتم فاكرين نفسكم في الي AVC ولا Nile T.V. اصحي يا ماما انتي وهي ..ده بيت المغرتبات ..يعني تكلموني بلغةاقدر افهمها ..علشان اقدر ارد عليكم ..معلهش سامحوني تعليمي علي قدي ..اعمل ايه بقي ..اهلي ما علمونيش
رانيا	ايه يا ماما الفزع اللي انت عاملاه ده كل ده علشان good morning  , hi
	احنا متأسفين ..استريحت ..كده اوكيه ..
سوزي	مش باين .
راندا	ياي ..الدنيا حر ..حر ..حاجة فظيعة فظيعة
رانيا	وضبتي لي الاوضة ..علشان عايزة اخد الـ SHOWAR بتاعي
سوزي	اوضة ايه يا رانيا هانم ..انا وضبتلك الجناح الخاص بحضرتك ..وبراندا هانم ..fool boord اقامة كاملة ..فطار غدا ..عشا حمام سباحة ..جاكوزي ..صالة جيم ..شاشة سينما ...dvd  كل اللي انت بتحملي بيه ..احلام حضرتك اوامر
رانيا	طب يللا ..شيلي الشنطة وتعالي ورايا ..
سوزي	ايه يا طنط ..انت صدفت نفسك ولا ايه ..شنطتك حضرتك اللي حاتشيليها ...واي اوضة فاضية ...حاتقعدي فيها ..
راندا	ايه ده ده ...احنا دايما بناخد الاوضة اللي عالبحر ..علشان الي ؟؟؟؟؟؟
رانيا	يعني ايه اي اوضة فاضية ..انا بقي لي سنتين قاعدة في الاوضة اللي تبطل علي البحر ..ومش حأغيرها انا اللي اخترتها بنفسي ..وما فيش حد ثاني حايقعد فيها ..امال انا بأدفع لكم تبرعات ليه ..
سوزي	الكلام ده  هناك ..عندك ..في البيت ..لكن هنا القرارات اللي بتمشي علي الكل ..تمشي عليك ..زيك زيهم ..انت مش احسن منهم في حاجة ..
رانيا	لا يا ماما ..انا حسن ..لاني اغني منهم كلهم واي حاجة ممكن اشتريها بالفلوس انت نفسك ممكن اشتريك بالفلوس .. (موسيقي)
سوزي	جربي كده ..حاولي علشان اوريك ان فلوسك ممكن تشتري بها شنطة فستان ..بنطلون ..عربية ..لكن انا ..لا فلوسك ولا فلوس العالم تقدر تشتريني ..
راندا	ما تضايقيش نفسك ..انت حاتحرقي دمك علي ايه ..احنا حانطلع فوق ...وحانقعد في الاوضة اللي متعودين نقعد فيها كل سنة ..واللي مش عاجبه ..يخبط دماغه في الحيط
سوزي	اه ..ده لو لاقتوها فاضية
راندا	فاضية ولا مليانة ..احنا ما بتفرقش معانا ..ولو مليانة ..سهل قوي انا احنا نفضيها والي حايقف قدامنا ..ذنبه علي جنبه ..هو اللي حايجني علي نفسه .. (موسيقي وتخرج رانيا وراندا ثم تدخل سلوي وسارة )
سلوي	انت عارفة انا نفسي فيايه بعد ما نخلص السنة السنة الاخيرة اللي فاضلة لنا ..
سارة	الاول قولي يارب علشان السنة دي تخلص علي خير ..
سلوي	يارب السنة دي تخلص علي خير ...نفسي اول ما خلص الكلية اسافر بره ..اعيش في عالم جديد ..أتعرف علي ناس جداد ..انسي بقي الناس اللي عشت طول عمري معاهم ..اودع الهم والفقر..
سارة	احلام اليقظة دي لازم تفوقي منها ..علاج المشاكل ما يبقاش بالهروب منها ..لو اعتبرنا الفقر في حالتك مشكلة يبقي لازم تواجهيها وتنتصري عليها ..مش تهربي منها ..
سلوي	كلام نظري ..لا بيودي ولا بيجيب ..واللي ايده في الميه مش زي اللي ايده في النار
سارة	صدقيني ده مش كلام نظري ..لما تتخرجي من الكلية بتقدير كويس يبقي انت كده هزمتي الفقر وما سمحتيلوش يأثر علي مستقبلك ولما تحققي نفسك في الحياة العملية وتلاقي نفسك في الشغلة اللي بتشتغليها ..يبقي انت انتصرت علي الفقر ..وما سمحتيلوش يحطم حياتك ..
سلوي	صدقيني يا سارة انت اللي بتحلمي ..انا مهما ذاكرت وجيبت تقدير كويس ..ولو حتي طلعت الاولي علي الدفعة ..مش حألاقي شغل ..شغل يعني واسطة ..واول سؤال بيسألهولك صاحب اي شغل انت واسطتك مين ؟ وانت عارفاني ...بابا ماكنش وزير ..ولا جدو كان باشا ...وحتي لو لقيت واسطة يبقي لازم ادفع له قد كده علشان يلاقي لي شغلانة كويسة هو هو ده شعار الزمن اللي احنا عايشين فيه شيلني واشيلك ..تراعيني قيراط اراعيك قيراطين ..
سارة	كلامك ده ..مش معناه ان احنا نيأس ...ونحط ايدينا علي خدنا ونقعد نعيط ..نقول اصل الظروف ..اصل اهالينا ناس فقرا علي قد حالهم ..لازم نحاول ...وبعدين انت ناسية حاجة مهمة جدا ..ودي اهم حاجة ..فين وجود ربنا في الموضوع ..لازم نحس بوجود ربنا في حياتنا ..فيه فرق بين انا ربنا يكون موجود بينك وبين اي مشكلة تواجهك في حياتك ...وبين ان المشكلة هي اللي تكون موجودة بينك وبين ربنا ..انت اللي لازم تختاري وتحددي (موسيقي ، ثم تدخل ايريني)
ايريني	ايه جيتوا وخلاص ..قعدتوا ومش عايزين تتحركوا ..ما عندكوش كلية ولا ايه ؟
سلوي	ارحمينا يا ايريني ..النهاردة اول يوم ..حد بيروح الكلية من اول يوم ولا حتي من اول اسبوع ؟
ايريني	انا بأروح الكلية من اول يوم ..مش فاهمة ايه الغريب في كده ..هو مش فيه سكاشن ومحاضرات؟
سارة	يا ايريني انت طالبة مثالية ..لكن احنا ناس علي قد حالنا ..انت بتذاكري علشان تجيبي تقدير لكن احنا بنذاكر نخلص ونتخرج ..
ايريني	يعني من الاخر ..ماحدش منكم حاييجي معايا الكلية ..ادي دقني لو واحدة فيكم فلحت
سلوي	احنا عندنا امل كبير فيك ان انت اللي حاتحسني صورتنا
ايريني	احسن صورتكم قدام نفسكم ؟ ولا قدام الناس ؟
سلوي	احنا مش محتاجين حد يحسن صورتنا قدام نفسنا لاننا عارفين كويس ...لكن المهم الناس ..
ايريني	انا بأحاول انقذ اللي باقي من ماء الوجه ..يمكن ينصلح حالكم ويطمر فيكم
سارة	ايريني vave a nice day
سلوي	ايريني .زخللي بالك من نفسك ..وما تتأخريش هاه (موسيقي، تدخل رانيا وراندا)
رانيا	هاي ..ازيكم ..
سارة	الحمد لله كويسين ..وانتوا عاملين ايه ؟
رانيا	الحاجات دي لاقيناها في اوضتنا ياريت ..لو تعرفوا دي حاجات مين تقولوا لهم ييجوا يلموها بدل ما نرميها لهم في الشارع
سلوي	الحاجات دي حاجاتنا احنا (موسيقي)
رانيا	ولما هي حاجاتكم بتحطوها في اوضتنا ليه ..انتوا عارفين كويس ان الاوضة دي ما بيقعدش فيها حد غيرنا ..
راندا	مش عارفة ليه دايما بتحقدوا علينا ؟ نفسكم تأخدوا كل حاجة في ايدينا ..
رانيا	لو نفسكم تبقوا زينا ..تأكدوا ان ده مش حا يحصل لانه ما ينعش ..احنا حاجة ..وانتوا حاجة ثانية خالص
راندا	احلموا علي قدكم ..واعرفوا كويس انتوا مين ..,احنا مين
رانيا	ولو عايزين تلعبوا مع الكبار ...لازم علي الاقل تبقوا قدهم ..وانتوا مش قدنا ..خليكو بعيد عنا ..بدل ما تعزعلوا منا ..
سارة	احنا سايبينك تعملي كبيرة بمزاجنا لكن انت عارفة كويس حقيقة نفسك
سلوي	فلوس ..فلوس ..فلوس ..كل حاجة بقيت فلوس معاك فلوس يبقي معاك قوة ونفوذ معاكيش يبقي مايلزمكيش ..وانا معاييش .زيبقي ما يستأهلش اعيش ..حتي الحلم ..مش من حقي احلم ..ازاي احلم وانا معاييش قولوا لي ازاي دي تبقي حياة ..لما اتحرم من ابسط حقوقي ..لما ما اقدرش احلم علشان معاييش تمن الحلم ..الي زي ما كنش لازم يتعلم ..حايفيد بإيه العلام الفصل الثاني (نهار خارجي في احدي الكليات
منال	دماغي قرب ينفجر ..مش خلاص قادرة اقرا تصدق يانا اي حاجة ..ومش عارفة اركز وما فهمتش ولا كلمة من المحاضرة ...
شيرين	شكلك مرهقة ..اول ما شفتك الصبح ..قلت دي اكيد تعبانة
منال	بقالي يومين ما نمتش ..مش لاحقه اخلص المناهج..
شيرين	ما هو ده اللي مجنني ..نبقي بنذاكر من اول السنة ..وبرضه مش ملاحقين نخلص انا نفسي اعرف اللي لسه باديين يذاكروا بيعملوا ايه ؟ اكيد بيكلموا نفسهم
هبه	هي شباب ..عالين ايه ؟ كله bono بقول لكم ايه ..انا النهاردة علامية سهرة تجنن وعازماكم انتم الاثنين ..طبعا عرافين عنوان الفيلا ..أول ما تدخلوا حاتلاقووا اساميكم في الـReception منال وشيرين ...مش حأكد عليكو اها ه ..باي بقي ..بيننا موبايلات ..
شيرين	ايه الحالة دي ؟
منال	هم يضحك ..وهم يبكي
شيرين	تعالي يا ماما هنا ..انت رايحة فين مش تعرفي راينا في الفيلم اللي انت قولتيه من حبه ده
هبه	رايكم معروف طبعا جايين ..حأستناكم اكيد ..حأزعل لو ما جيتوش ..اوعوا تكونوا بتفكروا تسهروا في مكان تاني ..
منال	نسهر ايه ؟ ومكان ايه ؟ انت فاقدة الوعي والزمن ؟ هو حضرتك مش معانا في الكلية ولا ايه ؟ ما فيش حد قالك ان الترم فاضل عليه اسبوعين بس ..
هبه	شكلكم كده مش عايزين تيجو وحاتزعلوني منكم ..
شيرين	دي حاتجنني ..نقول لها فيه ترم كمان اسبوعين ..تقول لنا حاتزعلوني منكم ..ما تزعلي ولا تنفلقي ..واللا انشاء الله حتي تخبطي دماغك في الحيط
منال	هبه يا حبيبتي ..تسمحي لي اسألك سؤال ؟
هبه	Of corse اتفضلي
منال	هي ماما مش عايشة معاكم في البيت ؟
هبه	طبعا عايشة معانا
منال	امال ايه بقي ؟
هبه	عادي
منال	اه ..ماما عادي ..مش تقولي كده من الصبح ..
شيرين	ممكن سؤال لو سمحت ؟
هبه	اتفضلي
شيرين	بابا عايش معاكم في البيت ..ولا مسافر بره؟
هبه	طبعا ..عايش معانا ..
شيرين	امال ايه ؟
هبه	عادي
شيرين	بابا كمان عادي لأ ..ده انتم عيلة لذيذة بشكل ... (موسيقي ، تدخل هالة وهند ثم ميرا ...)
هالة	حاجة تجنن ..نفسي افهم حاجة واحدة بس ..الدكتور يعمل كتاب ..نييجي نذاكر منه نلاقيه صعب ومش مفهوم ..نرجع لورق المحاضرات ..نلاقي الدكتور مش قايل كل حاجة في المحاضرة
هند	واللي يحرق الدم ..لما نييجي نذاكر من ورق الكورس ..نلاقي الدكتور بيجيب الاسئلة من بره المنهج الموجود في ورق الكورس يضيع لنا التقدير
	(تدخل ميرا)
ميرا	حاجة تقرف ..ولا الكتاب نافع ..ولا ورق المحاضرات نافع ..ولا ورق الكورس نافع..
هند	يا ماما الحكاية حكاية بيزنس الدكتور بيعمل الكتاب علشان يبيع منه كام الف نسخة ..بعيش بثمنهم ..ولما المعيد ينزل ورق الكورس ..كتاب الدكتور مش بيبيع ..لان ورق الكورس بيبقي واضح ومفهوم ورخيص ..يقوم الدكتور ينتقم من المعيد لانه السبب في ان كتابه ما باعش زي ما هو عايز ..فيجيب الاسئلة من بره ورق الكورس ..او لما يلاقي الاجابة مش من كتابه ..لكن من ورق الكورس يضيع علينا التقدير ..
هالة	وطبعا الضحية في الصراع الازلي الابدي اللي بين الدكاترة والمعيدين ..هما الطلبة الغلابة المساكين ..اللي لازم يتشروا الكتاب ..ويحضروا المحاضرات والسكاشن علشان يكتبوا ويسجلوا كل كلمة بيقولها الدكتور ..وفي الاخر يلاقوا نفسهم مش فاهمين اي حاجة ..فيضطروا يأخدوا كورس ..وفي النهاية الدكتور بيكسب ..والمعيد بيكسب ..واحنا بقي يا عيني علينا يا قلبى علينا ...احنا و حظنا .. يا نعدى السنة .. يا نعيد السنة .. اه .. يا قلبى يا كتاكت .. ياما انت شايل و ساكت ..
ميرا	اوعوا تفتكروا ان كل ده بفايدة فى الاخر ..صدقونى مافيش فايدة .. حاتتخرجوا و حاتقعدوا فى بيوتكم .. تقمعوا البامية .. و تخرطوا الملوخية .. و تفصصوا الثوم .. و تقشروا البصل .. و فى الاخر حاتقولوا ياريتنا ما اتخرجنا .. و لا يوم من ايام الكلية ...
هند	علشان كده انا مابقيتش فارقة معايا .. انا مش فارقة معايا .. اجيب تقدير .. ما اجيش .. اتخرج السنة دى .. اتخرج السنة الجاية .. ما اتخرجش اصلا .. كله محصل بعضه .. كده و لا كده انا باشتغل فى الاعلانات .. و اول ما وشى حايتعرف .. حاتلاقينى باصور فيديو كليب يتعرض على كل الفضائيات .. اول ما الناس تعرفنى اكثر .. حاتلاقينى بامثل فى السينما .. فيلم و الثانى و ابقى نجمة .. و صورى و اخبارى تملأ الجرايد و المجلات .. و المذيعات يجروا ورايا علشان يسجلوا معايا احاديث تتعرض تتذاع على القنوات الارضية و الفضائية ..
هالة	عل فكرة .. زمان لو حد سمعك بتقولى الكلام ده كان ممكن يقول عليك مجنونة .. لكن النهاردة الحلم اللى بتحلمى بيه ممكن يتحقق فى يوم و ليلة .. فى غمضة عين لو حبيتى دلوقتى اى حد ممكن يبقى اى حاجة .. طالما معاه فلوس يقدر يكون زى ما هو عايز .. خلاص .. مابقاش فيه ثوابت .. الكل بيتغير و اللى لسه فاضل فى مكانه .. متمسك بالماضى و بحلمه القديم .. الناس يتدوس عليه و بتعدى و بيفضل عايش لوحده .. ما بيلاقيش حد يهتم بيه او يسال عليه .. الكل بيسابق الزمن علشان يوصل للى هو عايزه .. و لما يوصل مابيفكرش و ما بيسالش نفسه هو تعب و لا ماتعبش .. كافح و لا ماكافحش ظلم .مين داس على مين علشان يعدى و يوصل .
راندا	انا مش قادرة اصدق اللى بيحصل لنا ده .. الاوضة اللى احنا قاعدين فيها مليانة نموس و دبان و انا لا عارفة انام لا بالليل و لا بالنهار .. دى مش عيشة دى .. ياريتنا ماكنا اتحدينا سلوى و سارة .. اهى المديرة تاسونى لما سمعت باللى عملناه معاهم .. لما رمينا لهم شنطهم برة الاوضة صممت انها ترجع لهم حقهم .. و تديهم الاوضة اللى احنا متعودين نقعد فيها كل سنة .. و رميتنا فى الاوضة الكئيبة اللى مالهاش اى لازمة ...
رانيا	اوعى تفتكرى ان انا حاسكت لهم على اللى عملوه فينا .. انا مش حاستريح و لا يهدالى بال الا لما انتقم منهم و ارد لهم الالم المين .. انا اللى طول عمرى بامر و انهى .. و اتحكم فى الكبير قبل الصغير .. و ماحدش بيقدر يرفض لى طلب .. اجى هنا الاقى اثنين عيال .. عايزين يمشوا كلامهم على .. هما اللى جابوه لنفسهم .. ذنبهم على جنبهم .. يتحملوا بقى اللى حايجرى لهم .. الحرب بدات .. و مافيش تراجع و لا استسلام .. موسيقى تدخل حنان ثم سالى
حنان	ياه .. تصدقوا ان النادى اتغير كتير عن السنة اللى فاتت .. بقى لى .. زمان ماجيتش .. لدرجة انى مش عارفة انا فين دلوقتى .. ياترى ده ملعب الجولف و لا ملعب الكروكيه ..
سالى	ده ملعب التنس يا رايقة .. لا و انت الصادقة .. فيه ايه يا حنان .. هو احنا مش متفقين ان احنا نتقابل فى الكلية النهاردة ..
حنان	مين اللى متفقين ؟!
سالى	انا و انت ..
حنان	انا مش فاكرة انى اتفقت مع حد ..
سالى	اه .. ده الزهايمر بدا يشتغل ..
حنان	بقولك ايه ؟! .. هو انت مش لسه من شوية كنت بتقولى ان احنا حانتقابل فى الكلية النهاردة ..
سالى	ايوه .. انا لسه قايلة الكلام ده .. الحمد لله .. اخيرا افتكرت ..
حنان	و لما احنا حانتقابل فى الكلية .. ايه اللى جابك النادى ..
سالى	يادى النهار اللى مش فايت .. هو اليوم شكله باين من اوله .. اموت و اعرف نوعه ايه المشروب اللى بتشربيه ..
حنان	ايه ده ؟! .. انت عرفت منين ان انا باشرب ؟! .. هو انا باين على حاجة ؟!!!
سالى	ما هو مش معقول تكونى ماقورة .. و معلية الدماغ .. و مش عارفة ان انت فى الكلية .. و فاكرة ان انت فى النادى .. و تيجى فى الاخر و تقنعينى ان انت مش شاربة .. انت اكيد شاربة حاجة ..
حنان	لا .. لا .. اوعى تفكيرك يروح لبعيد ..انا اخرى دوا الكوحة ده ..
سالى	ايه ده يا حنان .. انت عيانة و انا ما اعرفش .. من امتى و انت تعبانة .. تحبى اتصل لك بدكتور .. و لا تحبى اوصلك للبيت .. فى البيت عندك .. مايعرفوش .. تحبى اتصل لك بيهم .. و هما ييجوا ياخدوك .. قول لى اعمل لك ايه .. و انا تحت امرك ..
حنان	ايه يا ماما الرعب اللى انت عاملاه ده .. انا كويسة و مش تعبانة و مش باشتكى من اى مرض .. اهدى بقى و اتطمنى خالص ..
سالى	امال ايه الدوا اللى فى ايديك ده ؟!
حنان	اللى فى ايديا ده دوا كحة .. تعالى .. قربى علشان افهمك .. مالك .. خايفة ليه .. ما تخافيش انا مش afnermal .. صدقينى .. بصى يا ستى .. انا علشان اذاكر .. لازم ابقى مركزة .. وعشان اركز لازم اصحصح .. و عشان اصحصح لازم اشرب لى ازازة من الدوا ده حاتقولى لى امال فين القهوة و الشاى .. حاقولك ده كان زمان .. دلوقتى كام بقى من الازازة دى و كله بيبقى تمام ..
سالى	اللى بتعمليه فى نفسك ده انتحار .. ده هروب من الواقع .. اكيد فيه 100 طريقة تخليكى تصحصحى .. بدل ما تدمنى شرب دوا الكحة اللى بتقولى عليه ده .. ده ..
حنان	ايوه .. باهرب من الواقع .. و عارفة ان اللى باعمله ده انتحار بطىء .. لكن انا عايزة حد فيكوا يقول لى : فيه ايه فى الواقع جميل ؟! .. يخلينى اتمسك بيه و ما اهربش منه .. كل يوم ارجع البيت .. الاقيهم بيتخانقوا مع بعض .. مافيش يوم يعدى من غير لما يتخانقوا و غالبا الخناقة بتكون على شىء تافه .. و اليوم اللى مابيتخانقوش فيه باعرف انهم عيانيين تعبانيين عيشه تخنق .. خناق و زعيق على الفاضية و على المليانة .. لما خلاص ما بقيتش اطيق اقعد فى البيت .. اى مكان ثانى ارحم بكتير من جو الاكتئاب اللى انا عايشة فيه .. و اوعى تفتكرى ان حد فيهم بيهتم بى .. او بيسال على .. و لا على بالهم .. كانهم نسيوا انى عايشة معاهم اصلا .. علشان كده انا باهرب .. و حافضل اهرب .. و حاتعلق باى اشاية تخلينى على طول طايرة فى السحاب .. و مش عايزة اعرف ايه اللى بيحصل حواليا .. تدخل غادة
غادة	حنان .. اخيرا لاقيتك .. انت فين ؟
حنان	انا موجودة هنا
غادة	ده انا قلبت عليك الكلية .. مافيش مكان ما دورتش عليك فيه ..
حنان	ما انا قدامك اهو .. ايه ؟! .. مش شايفانى
غادة	بقالك اسبوعين لا حس و لا خبر .. لا بتييجى الكورس .. و لا بتتصلى بالتليفون .. فيه ايه بقى .. مالك ؟! .. بتذاكرى لوحدك و لا ايه ؟! .. شكلك كده ناوية تعدى السنة دى ..
حنان	مين اللى يذاكر !!! .. و مين اللى يعدى !!! .. انت مجنونة يابنتى و لا ايه ؟! .. انا بقى لى 8 سنين فى الكلية دى .. و عمرى ماذاكرت لوحدى .. طول عمرى و انا باذاكر معاكم .. حاجى السنة دى و اذاكر لوحدى .. تصدقى ان انتوا واحشتينى قوى ..
غادة	انت كمان يا حنان واحشانى وواحشة الشلة قوى ده حتى المذاكرة من غيرك مالهاش طعم ..
حنان	بقولك ايه !! .. ايه الجديد عندك ؟! ..
غادة	عندى ليك دوا كحة لسة نازل طازة .. بق واحد منه .. و كله يبقى اوكيه ..
حنان	يعنى من الاخر دماغى حاتبقى فى السحاب و الصراصير اللى بتقرص فى دماغى اخيرا حاتطلع ..
غادة	جربى .. و اكيد حاتدعى لى .. الدوا ده ماركة ودع اهلك .. انت وراك حاجة دلوقتى
حنان	لا ماوراييش ..
غادة	طب ما تياللا بينا مستنيا ايه ؟! ..
سالى	بلاش يا حنان ..
حنان	بقول لك ايه يا سالى .. دماغك .. هاه ..
سالى	اسمعى كلامى يا حنان .. و بلاش تروحى معاها
حنان	يوه بقى .. انزلى من على ودانى .. و خليك فى حالك .. مالكيش دعوة بى .. موسيقى
رانيا	تصدقى ان انا جت لى فكرة ماتخطرش على بال الجن الازرق
راندا	قولى لى ايه اللى بيدور فى دماغك .. علشان انت لما بتفكرى انا باقلق ..
سحر	صباح الخير يا شباب .. ماحدش فيكوا شاف سلوى و سارة النهاردة ؟ ..
رانيا	ما تشوفيش و حش ..
راندا	عايزاهم فى ايه ؟! ..
سحر	فى خبر يهمهم .. عايزة اقولهم عليه ..
راندا	لو فيه حاجة مهمة .. قولى لنا و احنا ممكن نقول لهم .. ما هما للاسف ساكنين معانا
سحر	انا افضل اقول لهم بنفسى ..
رانيا	ماتضايقيش نفسك اهم جم .. يا ريتنا افتكرنا حاجة ليها قيمة .. اهم عندك .. قولى لهم بقى براحتك .
سحر	مبروك يا سارة .. مبروك يا سلوى ..
سارة	خير ؟! ..
سلوى	فيه ايه ؟! .. هى النتيجة طلعت قبل ما نمتحن و لا ايه ؟! ..
سحر	طبعا لا .. قريت اسمكم فى الكشف اللى فيه اسامى الناس اللى حايسافروا اوروبا السنة دى فى بعثة التبادل الثقافى ..
سارة	كان قلبى حاسس ان لسة فيه حاجات حلوة كتير .. تستاهل ان احنا نعيش علشانها .. علشان تصدقينى لما اقولك ان الحياة زى ما بتكسر .. اكيد بييجى يوم و تضحك .. ربنا عمره ما بينسى تعبنا .. و فى اللحظة المناسبة اللى بيختارها بتدبيرة .. بيقول لنا انه موجود و انه فاكرنا و مش بينسانا .. "ناسينا"
سلوى	انا مش مصدقة نفسى .. الحلم اللى كان فى يوم من الايام خيال .. بقى حقيقة حاسافر اوروبا لمدة شهر كامل .. اشكرك يارب اكيد انت شايفنا و سامعنا و حاسس بينا .. و عارف احتياجاتنا ..
راندا     رانيا	انت سامعة اللى انا سامعاه .. انا برج من دماغى حايطير .. اكيد انا باحلم .. سلوى و سارة حايسافروا اوروبا .. ليه .. فيه ايه ؟! .. حصل ايه فى الدنيا ؟! .. فيهم ايه احسن مننا ؟! .. انا كل يوم باكرهم اكتر من اليوم اللى قبله .. هما اللى جابوه لنفسهم .. يستاهلوا كل اللى حايجرى لهم يا خسارة مش حايلحقوا يتهنوا بالسفرية .. احنا لازم ننفذ الفكرة اللى فى دماغى باسرع ما يمكن .. لازم نخطط لها كويس علشان ما يبقاش فيه اى احتمال للفشل ..
راندا	قرينى اللى بيدور فى دماغك .. علشان انا خلاص مش طايقة نفسى .. و عايزة انتقم منهم باى شكل .. النهاردة قبل بكرة ..
رانيا	حنان .. اللى دايما دماغك فى السحاب .. بتاخد كورسات فى كل المواد .. فيه كورس منهم بتاخده مع دكتور المادة بنفسه .. و طبعا ما فيش حد يعرف لان ممنوع الدكتور يدى كورسات المهم .. للدكتور ده عنده استعداد يبيع ضميره علشان الفلوس .. احنا بقى حانلعب على الحكاية دى .. حانخلى حنان تزغلل عينيه بالفلوس .. علشان يسرب لنا اسئلة الامتحان ..
راندا	طب ما هو كده الدكتور هو اللى حا يتاذى .. يبقى احنا كسبنا ايه ؟! ..
رانيا	مش الدكتور لوحده اللى حايتاذى .. لان حنان لما حاتجيب لنا اسئلة الامتحان حاناخدها و نخبيها فى شنطة سلوى و سارة .. من غير ماحد يعرف او ياخد خبر .. و لا من شاف و لا من درى .. الكلام ده يوم الامتحان الصبح .. فى الوقت نفسه قبل الامتحان بيوم حانكون مبلغين العميد ان الامتحان اتسرب .. و نبعت له نسخة من الاسئلة .. و نقول له ان احنا جيبناها من سلوى و سارة .. لانهم هما اللى سربوا اسئلة الامتحان ..
راندا	يا سلام على دماغك .. استاذة و رئيسة قسم .. ده انت ابليس يقول لك يا استاذى .. دماغك ده كله شر كده .. مافيهوش مكان واحد للخير ؟! ..
رانيا	ياللا .. مش خسارة فى طيبة قلبهم .. بقول لك ايه مش وقت هزار دلوقتى .. دورك فى الفيلم ده كله .. ان انت تقنعى حنان انها تنفذ الخطة زى ما رسمناها بالضبط .. من غير ما تغلط غلطة واحدة .. لان الغلطة معناها نهايتك و نهايتى ..
راندا	ما بلاش انا ! .. حنان دى حاتتعبنى .. علشان افهمها لازم افوقها الاول .. و دى مابتفوقش ابدا .. فاقدة الوعى و الزمن على طول ..
رانيا	انت اللى تعرفيها وليك كلام معاها .. و انت اللى حاتعرفى تاثرى عليها و تملى دماغها و تقنعيها ..
راندا	ما هى المشكلة فى دماغها .. لو تفوق حبه .. يبقى مافيش مشكلة .. انا حاحول و امرى لله ..
	(تذهب راندا لتتحدث مع حنان وتحاول ان تقنعها ثم يكملون بصوت عالي )
راندا	فهمتيني في ليلتك اللي مش باين لها آخر دي ..ولا ايه ظروفك
حنان	ايه يا ماما انت فاكرة ان انا ما بأفهمش ولا ايه ؟
راندا	لا العفو ..انا للي ما بفاهمش
حنان	انا كل مشكلتي بس ..ان انا بأنسي
راندا	ارجوك ..انا في عرضك ..ركزي علشان ما تنسيش علشان انت لو نسيت احنا كلنا حانتشرد
حنان	ما تقلقيش خالص ..انا عايزاك تطمني انا حأنام كويس ..وحأعمل دماغ ..وكله حا يبقي في الـ ok
راندا	اه يا خوفي منك ..انت بتنامي كام ساعة في اليوم يا حنان ..
حنان	في العادي يعني 14: 20 ساعة
راندا	سلمت امري لله فيك يا حنان ..أنا خايفة تكوني اصلا نايمة دلوقتي وفاكرة ان الكلام اللي اتفقنا عليه من حبه ده حلم ..فوقي يا حنان شكلك مش حاتستريحي الا لما تودينا كلنا ورا الشمس
حنان	انا صاحية ومركزة وفاهمة ومستوعبة كل كلمة انت قولتيها لي ..اتطمني بقي الخطة ما تتنفذ زي ما نت عايزة
راندا	عارفة يا حنان ..لو الخطة دي اتنفذت زي ما انا عايزة ..حاداي لك قد اللي الدكتور حا يأخده ..مبسوطة يا ستي ..
حنان	طالما فيها فلوس ..يبقي ما تقلقيش علي الدكتور حا يتسجن ..يعني حايتسجن
	(تدخل هبة)
هبة	هاي شباب  comment allez vous? Ca marche?  كله ماشي ؟
حنان	مين دي ؟ معانا دي في الكلية ؟
راندا	ايوة معانا في الكلية ..بقول لك ايه ؟ ما تشغليش بالك انت بالحاجات دي ركزي في الاهم ..وفكري كويس في اللي انا قولتهولك
حنان	يعني اقعد وافكر
راندا	حاتعملي ايه ؟
حنان	حاقعد علشان افكر
راندا	مش هنا يا ماما ..في البيت تقعدي براحتك وتفكري براحتك ..مع السلامة ..باي
هبة	ايه ده ..امال فين الشباب
راندا	اهم جايين وراك
هبة	هاي شباب ..عندي ليكم خبر يجنن شركة السياحة بتاعة بابي ..مطلعة السنة دي رحلة لايطاليا 7 ايام بـ 5آلاف جنيه بس ..hotel 5stars half bard
سارة	وايه اللي يجنن في الخبر ده ..عادي يعني
هبة	اللي يجنن ويطيرالعقل ان فيه defle informidal في الـ hotel  اللي حاننزل فيه وفي نفس الاسبوع اللي حانكون فيه في ايطاليا تخيلو 3 بيوت ازياء حايقدموا 3 عروض ازياء في 3 ايام ورا بعض christion dior , gres saint Laurent , kenze مش بذمتكوا حاجة تجنن
رانيا	بصراحة هي حاجة تجنن
سلوي	بصراحة يا هبة انت اللي تجنني وعلي العموم احتمال نتقابل في ايطاليا في بعثة التبادل الثقافي ..
هبة	بقول لكم ايه بقي ..تسافروا اوروبا ما تسافروش اوروبا ..انتوا حاتيجوا معايا ايطاليا ..يعني حاتيجوا معايا ايطاليا
سارة	يا هبة الكلام ده لسه بدري عليه نخلص الامتحانات الاول ..ونتطمن ان احنا جاوبنا كويس ..واللي يشوفه ربنا هو اللي حايكون
راندا	علي رايك ..ده انا حتي قلبي مقبوض ..وعندي كرشة نفس وحاسة ان السنة دي مش حاتمر علي خير .. (موسيقي) المشاهد الخارجية 4 مشاهد (تدخل شيرين وهالة)
شيرين	سمعت اللي حصل لسلوي وسارة
هالة	ايوه سمعت ..لكن مش مصدقة اللي سمعته
شيرين	سلوي وسارة يعملوا اللي عملوه ده
هالة	انا كمان لا يمكن اصدق ان فيه علامات استفهام كتير حوالين الموضوع مش مفهومة ومش لا قيالها اجابة ..يعني مثلا : ايه السبب اللي يخليهم يسربوا اسئلة الامتحان ..اللي بيعمل حاجة زي كده لازم يكون فاشل وما فيش قدامه الا انه يسرق الاسئلة علشان ينجح وكلنا عارفين ان سلوي وسارة بيذاكروا كويس بينجحوا كل سنة من اول مرة يعني مش محتاجين اصلا يسرقوا علشان ينجحوا ...وفيه حاجة مهمة لازم تكون واضحة قدام عينينا ومش لازم ننساها ..سلوي وسارة ارتبوا في الكنيسة ..واللي يتربي في الكنيسة بيكون امين قدام ربنا وقدام نفسه ..واحنا نعرفهم كويس ونعرف انهم لا يمكن يفكروا في حاجة زي كده اصلا
شيرين	وكمان فيه غموض واضح في الموضوع لان اسئلة الامتحان لما بتتسرب ..بتوصل لعدد كبير من الطلبة ..لكن الغريب انهم لما دوروا لاقوها مع سلوي وسارة بس ..يعني ما فيش حد في الدفعة وصل له الاسئلة غيرهم وهو معقول اللي يسرب اسئلة الامتحان يشيلها في الشنطة ..وييجي بيها الكلية ..وكمان يدخل بيها لجنة الامتحان ..
هالة	حاسة ان فيه حد مدبرلهم مؤامرة علشان ينتقم منهم
شيرين	كل الظورف بتأكد ان فيه حاجة غلط في الموضوع يا تري الحقيقة فين ..ومين اللي ليه مصلحة ان سلوي وسارة يتأذوا ..
هالة	احنا مش لازم نقف ونتفرج ..لا يمكن نسكت علي الظلم ..اللي حصل لسلوي وسارة ممكن يحصل لاي واحدة فينا ..لازم نساعدهم ..لازم نعرف الحقيقة
	(تدخل رانيا وراندا)
راندا	اخيرا اتحقق حلمنا ..وقدرنا نخلص من سلوي وسارة ..الاوضة بتاعتنا حاترجع لنا ومش حايقدروا يسافروا اوروبا تصدقي بجد .زانهم صعبانين علي
رانيا	ما يصعبش عليك غالي ..احنا يا ماحذرناهم وقولنا لهم مالكوش دعوة بينا ..هما للي ما سمعوش كلامنا وصمموا يتحدونا ..ما يعرفوش ان اللي بيقف قدام القطار ..القطر بيدوسه وبيتهيألي كده ان الرسالة وصلت لكل اللي معانا في البيت وفي الكلية ...
راندا	طبعا يا بنتي ..الرسالة وصت للكل ..واي واحدة بعد كده حاتفكر انها تتحدانا او تقف قدامنا ..حاتعرف ان مصيرها في النهاية حايكون زي سلوي وسارة ...يا ويله اللي حايفكر ..مجرد تفكير انه يقف في طريقنا هو اللي حايجني علي نفسه .. (موسيقي) (تدخل سلوي وسارة)
سلوي	انا ياما قلت لك ..ما كنش لازم اجي هنا ..مكاني مش هنا ..مكاني هناك ..وسط اهلي وسط الناس اللي بيشتغلو ليل مع نهار علشان يقدروا يعيشوا ..الناس اللي مش قادرين يلاقوا حق الدواء ..وبيموتوا من غير ما حد يحس بيهم ..قولتي لي لأ ..دراستك وكليتك هما مستقبلك هما مستقبلك الحقيقي ..كانت النتيجة ايه ؟ اهو مستقبلي ومستقبلك ضاعوا ..وحانسيب الكلية بفضيحة حاتفضل عايشة معانا طول حياتنا ..تقدري تقولي لي استفادنا ايه من التعليم ؟ لازم تقتنعي وتصدقي زي ..انا الفلوس ..الفلوس وبس هي المستقبل الحقيقي ..واللي يقول غير كده يبقي بيضحك علي نفسه ...
سارة	انت عارفة كويس ان اللي حصل لنا ده مؤامرة احنا ماكناش دخل فيها ..احنا عمرنا ما فكرنا نأخد حق مش من حقنا او حاجة في ايد غيرنا ما هياش حاجتنا ..الكل عارف ان احنا ما نفكرش حتي مجرد تفكير انا حنا نعمل حاجة زي كده
سلوي	ما حدش يعرف ان احنا مظلومين ..غير انا وانت ..الناس مالهاش غير الظاهر ..وانت بنفسك شوفتي ان نظراتهم لينا كلها اتهامات ..الناس ما بيرحموش حد ..ما بيصدقوا يلاقوا حد يقع علشان يشمتوا فيه وبعدين تعالي هنا فهميني انت دايما تقول لي ان ربنا موجود ..ما هو اكيد ربنا شايف اللي حصل لنا وعارف ان احنا اتظلمنا ..ليه مش بيدافع عننا و مش بيبين براءتنا ..
سارة	ربنا سمح بالتجربة دي تحصل لنا ..علشان نبطل نعتمد علي نفسنا ..ونقول احنا نقدر نعمل ونخلي ونسوي ..المسيح احيانا بيقطع كل الخيوط اللي بتربطنا بالناس اللي بنحبهم ...علشان ما يفضلناش غي رخيط واحد بس ..الخيط ده بيكون الخيط الوحيد اللي بيربطنا بيه .. لازم نرفع عينينا وقلوبنا للسماء ..ونقول له احنا محتاجين نسلم حياتنا ليك ..محتاجين ان انت تمد ايديك وتوهبنا الحياة الحقيقية ...احنا من غيرك تايهين لكننا واثقين فيك ..ان انت ح تملئ قلوبنا ايمان بيك صدقيني ربنا موجود دايما موجود فاكرنا ..ولا يمكن ينسانا "لقد نقشتكم علي كفي" "من يمسكم يمس حدقة عيني " " لا تخف لاني معك" "لا اهملك لا اتركك" واليكم ايها لامتقوم اسمي تشرق شمس البر ..والشفاء في اجنحتها" الليل دايما طويل ..وبيتهيألنا ان امالهوش اخر لكن دايما الفجر بيطلع في معياده ..والشمس بتشرق في ميعادها ..الحقيقة لازم حا تتعرف وشمس المسيح لايمكن تغيب ..صدقيني شمس المسيح لا يمكن تغيب ... (ترتيلة)
الرواي	تمر الايام بدون ان يستيقط ضمير رانيا وراندا ..فقد يسمح الله بتجربة ابناؤه ..ولكن عندما يلجأ اليه الابناء ..ويرفعون عيونهم وقلوبهم نحوه وهم قائلين : نحن لا نعرف ماذا نفعل ولكن نحوك اعيننا ..يتحنن قلب الله عليهم ...ويستجيب لدموعهم وصلواتهم وطلباتهم ...فقد حدث مالم يكن في الحسبان لقد استيقط ضمير حنان .
حنان	خلاص ...كفاية ..انا حأتجنن ...دماغي حايطير ..انا لو فضلت علي الحال ده ..اكيد حايحصلي حاجة 3 اسابيع بحالهم عينيا ما دقتش فيهم طعم النوم مش قادرة انام ...كل ما احاول انام الاقي صورتهم قدام عينيا ...انا عايزة حد اتكلم معاه حد يسمعني فيه حد سامعني ..انا عايزة حد يسمعني
كريستين	فيه ايه يا بنتي ؟ مالك ..؟ عاملة قلق علي الصبح ليه ؟ انت من امتي بتفوقي قدصي بتقومي الصبح بدري؟
حنان	انا ما نمتش اصلا ..علشان اقوم
كريستين	ويا تري ما متيش ليه ؟ اوعي تقولي لي ان انت بتفكري ..حنان انا عارفاك كويس ..وعارفة ان دماغك فاضية وما فيهاش اي حاجة ومافيش اي حاجة في الحياة ممكت تشغل دماغك ..ولو العالم كه قام من حواليك حاتقولي وانا مالي ...اياكش العالم كله يولع ...المهم عندك دماغك ..ودماغك دايما في السحاب ..
حنان	الكلام ده كان زمان
كريستين	الكلام ده كان زمان ؟ ليه ؟ ايه اللي حصل في الدنيا
حنان	اللي حصل انني طول عمري عايشة بعيد عن ربنا ..وفي حياتي عملت حاجات كتير غلط تبعدني عن ربنا ..لكن عمري ما ظلمت حد وعمري مأذيت حد ...من 3 اسابيع ضعفت واتفقت مع راندا ورانيا انا حنا ننتقم من سلوي وسارة كنت فاكرة ان الحكاية اخرها ان سلوي وسارة حايتحرموا من دخول الامتحان سنتين وبس وبعد كده يرجعوا الكلية عادي ..لكن لما سمعت انهم اترفدوا ..حسيت بالذنب اللي انا عملته ..
كريستين	انت قصدك تقولي ان انت
حنان	ايوه انا اللي عملتها انا اللي سربت اسئلة الامتحان ..وراندا ورانيا خدوها مني وحطوها في شنطة سلوي وسارة ..وهما اللي بلغوا العميد ان الامتحان اتسرف وان سلوي وسارة هما اللي سربوا اسئلة الامتحان
كريستين	كان قلبي حاسس انهم مظلومين
حنان	ومن يوميها ..من يوم عرفت ان سلوي وسارة اترفدوا ...حياتي اتغيرت 180 درجة ..قلق وخوف طول الوقت ..(حياتي اتحولت لجحيم)مش عارفة انام ..كل ما اغمض عينيا اشوفهم قدامي ..كأنهم في سجن ..واقفين ورا قضبان ..نظرات عينيهم لي بتقتلني ..ما فيش علي لسانهم غير كلمة واحدة ربنا يسامحك ..ربنا يسامحك ..ربنايسامحك ..مش قاردة انسي منظرهم ...كل ما افتكرهم بأتعب باتألم وبأحس ان فيه حد بيخنقني ..حياتي اتحولت لجحيم ..كابوس عايشة فيه طلو الوقت وعلشن استريح منه ما فيش غير حل واحد قرار اخذته النهارده الصبح ومش حارجع فيه ...الجواب ده في اعتراف مني بخط ايدي بأحكي فيه كل اللي حصل بالتفصيل ..وانا بنفسي اللي حاسلمه للعميد ..علشان الحقيقة تبان ..وتظهر براءة سلوة وسارة ..سلوي وسارة مظلومين ..صدقوني سلوي وسارة مظلومين .. (موسيقي)
سارة	مبروك يا سلوي
سلوي	مبروك يا سارة
	انا مش مصدقة نفسي ..الحقيقة اتعرفت والعميد لغي قرار الرفد ..والناس كلهم عرفوا ان احنا مظلومين في الاول كان نفسي اسيب الكلية علشان اشتغل واجد فلوس ...لكن لما ترفدت ..حسيت اني مظلومة ..وساعتها بس عرفت قيمة الدراسة ...صحيح ...الواحد ما بيعرفش قيمة الحاجة اللي بين ايديه ..الا لما بتضيع منه ...
سارة	علشان تصدقيني لما اقول لك ان ربنا موجود ..ودايما فاكرنا ..ولا يمكن ينسانا - اهي الشمس طلعت ...والناس كلهم شافوا النور بعيونهم وبقلوبهم . . - علشان تتأكدي بنفسك ...والعالم كله يتأكد ان شمس المسيح لا يمكن تغيب...  لتنزيل المسرحية للطباعة بصيغة ال word  أضغط هنا