اسكتش احد المخلع

 

اسكتش احد المخلع

 

مريض بركة بيت حسدا

يطلع المذيع ويقول :-

المذيع :- صباح الخير عليكم واهلا بيكم على قناة ( خنقتونا )

جائنا البيان التالى من وزارة الداخلية بيقول : ( ان فى اورشليم عند باب الضان بركة بيسموها النالس بالعبرانية بيت حسدا

وبيقول البيان اللى جالنا ان هناك امور غريبة بتحصل هناك ولسة معرفوش حاجة عنها لحد دلوقتى

ومعانا اتصال من مراسلنا ( فادى اشاعات )

المذيع :- الو الو ايوة يا فادى

فادى اشاعات :- الو ايوة يا استاذ كيرلس احنا دلوقتى عند بركة بيت حسدا وفى هناك اخبار بتقول ان هناك كائنات فضائية بتنزل هنا المكان ولسة انا مش عارف دة كلام صح ولا غلط

المذيع :- كائنات فضائية ارجوك يا ( اشاعات ) اتأكد من الخبر دة لان اعزائنا المشاهدين على نار ووافينا باهم الاخبار

أشاعات :- أهو أهو ابتدى البخار يملا المكان وأبتدى الكائن الغريب يظهر

اللة اللة !!!! دة طلع ملاك شكلة مرهب اوى اوى رايح ناحية البركة وعمال يقلب المية فيها وأحنا بنصور كل اللى بيحصل دلوقتى

المذيع :- الو الو وانقطع الاتصال مع فادى اشاعات ودلوقتى بنتصل بمراسلتنا ( لاميس الرغاية )

الو الو يا رغاية ممكن توصفى لينا الحال دلوقتى عندك عامل ازاى

الرغاية :- الو يا استاذ كيرلس لما جية الملاك وقلب المية فى البركة مش عارفة اقول اية أحنا هنصورلك اللى بيحصل وبدون تعليق

المشهد التانى

واحد بينادى على صاحبة عشان يشيلة وينزلة البركة واول ما يرمية يطلع مبلول ويقول :-

( انا اتشافيت

واللى ينزل وراة ميحصلش فية حاجة )

الرغاية :- الو الو زى محنا شوفنا ان اول واحد بينزل البركة هو اللى بيتشفى بس

المذيع :- شكر لاميس الرغاية

وهناوفيكم باهم الاخبار

الو الو ومعانا مرة تانية فادى اشاعات

اشاعات :- احنا شايفين واحد شايل السرير بتاعة فرحان اوى اوى منظر عجيب جدا جدا

المذيع :- صور يا فادى بسرعة

اليهود :- وقف يا راجل اية اللى انت عاملة دة ميصحش تشيل سريرك عشان انهاردة يو السبت يعنى يوم الرب وميصحش تعمل فية اى حاجة او اى شغل انت كدة بتنقض يوم الرب

وابتدوا يتخنقوا معاة

فتدخل لاميس الرغاية

الرغاية :- ممكن نعرف انت لية عامل كدة

الراجل :- انا كنت مشلول بقالى 38 سنة مش قادر ااتحرك من مكانى لحد ما انهاردة جالى انسان وسألنى انت عايز تشفى فقولتلة

انا نفسى فقالى

قوم احمل سريرك وامشى

فلقيت نفسى اتشافيت وحسيت الضعف فى جسمى بقا قوة لدرجة انى اقدر اشيل السرير بتعاى زى ما انتم شايفين

الرغاية :-- مين اللى شافااك ومين الانسان دة

الراجل :- انا معرفوش

الرغاية :- وهكذا اعزائنا المشاهدين هنبتدى نبحث عن الراجل العجيب دة وهنوافيكم باهم الاخبار

( بعد كدة يختفى الراجل )

المذيع :- وهكذا اعزائنا المشاهدين يا ترى مين الشخص العجيب دة

( يطلع من وراة فجأة الراجل ويقولة فى فرحة وصوت عالى )

يا استاذ كيرلس يا استاذ كيرلس انا عرفت الراجل

المذيع :- عرفتة ازاى

الراجل :- لما رحت الهيكل قابلتة وقالى

وعنية ملايانة حب وعطف عجيب اوى اوى

( انت اهو اتشافيت اوعى ترجع تعمل الشر تانى )

وعرفت ان اسمة يسوع

يسوع هو اللى شفانى

انا فرحان اوى اوى

المذيع :- اد اية الرب يسوع دة قوتة عجيبة اوى اوى وقلبة حنين اوىاوى

لو عايز مش بس حد يشفيك بل كمان يديك قوة كبيرة

انا بدعوك مفيش غير الرب يسوع يقدر يعمل معاك كدة .

 لتنزيل الاسكتش للطباعة بصيغة ال word

 أضغط هنا