مسرحية الرب قريب

مسئول الموت .

كمال

المسئول .

كمال

المسئول

كمال

المسئول .

كمال .

المسئول .

كمال .

المسئول

كمال

المسئول

كمال .

الملاك .

كمال . . . .

الملاك . .

كمال

المسئول

كمال . .

الملاك

كمال

الملاك .

كمال .

الملاك

كمال

الملاك . . .

كمال .

الملاك

كمال

الملاك

كمال . .

الملاك

كمال . .

الملاك

كمال . . . .

الملاك

كمال .

الملاك

كمال .

الملاك

كمال

المسئول

الملاك

كمال

الملاك

كمال

الملاك .

الملاك

كمال

الملاك

كمال .

الملاك

كمال

الملاك

كمال

الملاك

كمال . .

المسئول

كمال

الملاك

كمال

الملاك

كمال .

الملاك .

كمال

الملاك

كمال

الملاك

كمال .

الملاك

كمال .

الملاك . .

كمال .

الملاك

كمال

الملاك

كمال

الملاك .

كمال

الملاك

كمال

الملاك .

المسئول

الملاك

كمال

الملاك

نيفه الجزار

عربى قهوجى

الجزار

عربى

الجزار

عربى

الجزار

عربى

الجزار .

عربى

الجزار

عربى

الجزار

دبوس

الجزار

دبوس

الجزار

دبوس

الجزار

دبوس

الجزار

دبوس

الجزار

دبوس

الجزار

دبوس .

الجزار

دبوس

الجزار

دبوس

الجزار .

دبوس

الجزار .

دبوس

الجزار

دبوس .

الجزار

دبوس

الجزار .

دبوس

الجزار

دبوس

الجزار

دبوس

الجزار . . . .

دبوس

الجزار

دبوس

الجزار .

دبوس

الجزار

دبوس

الجزار .

دبوس

الجزار

دبوس

الجزار

دبوس

الجزار

دبوس

الجزار

دبوس

الجزار

دبوس

الجزار

دبوس

الجزار

دبوس

الجزار

دبوس

مارلين

الجزار .

مارلين

الجزار

مارلين

الجزار .

مارلين

الجزار

مارلين .

الجزار

مارلين

الجزار

مارلين

الجزار

مارلين

الجزار

مارلين

الجزار

مارلين

الجزار

مارلين

الجزار

مارلين

ماركو

الجزار .

الجزار

دبوس

الجزار

ماركو

الجزار

ماركو

الجزار .

مارلين

الجزار

الخادم

الجزار

الخادم .

الجزار . .

الخادم .

مارلين

الخادم .

الجزار .

الخادم

الجزار

الخادم

الجزار

الخادم

الجزار

ماركو

الجزار

الجزار .

عربى

الجزار

ماركو

الجزار

عربى

كمال . .

اللمبى

كمال

اللمبى

كمال

اللمبى

كمال

اللمبى

كمال

اللمبى

كمال

اللمبى

كمال . .

كمال

الجزار

كمال

الجزار

كمال .

الجزار

كمال

الجزار

كمال

الجزار

كمال .

الجزار

كمال

الجزار

كمال

دبوس

الجزار

كمال

الجزار

كمال

الجزار .

كمال

الجزار

كمال

الجزار

المسئول

الجزار

المسئول

الجزار

المسئول

الجزار .

المسئول

الجزار

المسئول . .

الجزار

المسئول . .

الجزار

المسئول

الجزار

المسئول

دبوس

الجزار

مارلين

الجزار

مارلين

الجزار .

مارلين

الجزار

مارلين

الجزار .

مارلين

الجزار

مارلين

الجزار

عربى

كمال

الجزار

كمال

الجزار

دبوس

الجزار

كمال

الخادم

الجزار

الخادم

الجزار

الخادم .

الجزار

كمال

الخادم

الجزار

الخادم

الجزار

صوت

الخادم

الجزار

كمال .

كمال

الجزار

كمال

الجزار

دبوس .

كمال

الجزار

كمال

الجزار

كمال . .

الجزار

كمال

الجزار .

كمال

الجزار

كمال

الجزار

مارلين

الجزار

المسئول

الجزار

المسئول

الجزار

المسئول

الجزار

المسئول .

الجزار

المسئول .

الجزار

المسئول

الجزار .

المسئول

الجزار

كمال

دبوس

كمال

مايكل

مينا

مايكل

مينا

مايكل

مينا . . .

مايكل . . .

مينا . .

مايكل .

مينا

مايكل .

مينا

مايكل

كمال . . . . . .

المسئول . .

مايكل

سمير .

مايكل

هانى

سمير

مايكل

هانى

تامر

شريف .

تامر

شريف

تامر

شريف

تامر

شريف . .

تامر .

شريف .

تامر

كمال

شريف

تامر

شريف

تامر

شريف

تامر .

شريف

تامر

دينا

فادى

دينا

فادى

دينا

فادى .

دينا .

فادى .

دينا

فادى

دينا

فادى .

دينا

فادى

كمال

فادى

كمال

فادى

كمال .

دينا .

فادى

شريف

تامر

شريف

تامر

المسئول

شريف

المسئول

شريف

المسئول

شريف

المسئول

شريف

المسئول

شريف

المسئول

كمال

فادى . .

فادى

سمير

هانى

فادى

هانى

فادى

مايكل

هانى

فادى

سمير

مايكل

هانى

تامر

شريف

تامر .

شريف

كمال

سمير

مايكل

كمال

سمير

كمال

سمير

كمال

سمير

كمال

سمير

كمال

فادى

كمال .

فادى

كمال

المسئول

المسئول .

فادى .

المسئول . . .

فادى

المسئول

مايكل

مينا

مايكل

مينا .

مايكل

مينا .

صوت

كمال

سمير .

كمال

فادى

كمال . . .

فادى

كمال

المسئول

فادى

المسئول . .

فادى

مايكل

عماد

فادى

مايكل

كمال

فادى

كمال .

فادى

كمال

فادى

مايكل

كمال

عماد

جون

عماد

جون

عماد .

جون . . .

عماد

جون

عماد .

جون

عماد

جون

عماد .

جون

عماد .

جون

عماد

جون .

عماد

جون

عماد

ماجد

جون

ماجد .

عماد

جون

ماجد .

عماد

ماجد

جون

ماجد

عماد .

ماجد . . .

جون

ماجد

بيشوى

سامح

بيشوى

سامح .

بيشوى .

سامح .

بيشوى .

سامح .

بيشوى

سامح .

ماجد

بيشوى

ماجد

سامح

ماجد .

سامح

ماجد .

سامح

ماجد . . .

سامح

ماجد . . .

سامح

ماجد . . .

ممدوح

سامى

ممدوح

سامى

ممدوح

سامى

ممدوح

سامح

ممدوح

سامى

ممدوح

سامى

ممدوح

سامى

ممدوح

سامح

ممدوح

سامى .

ممدوح

سامى

ممدوح

سامى

ممدوح

سامى

ممدوح

ماجد

سامى

ماجد

ممدوح

ماجد

سامى

ماجد

ممدوح

ماجد

سامى

ماجد . . .

سامى

ماجد . . . .

سامى .

ماجد . .

كمال . . . .

كمال

الجميع

كمال

ماجد

كمال

ماجد

كمال .

ماجد

كمال

ماجد

كمال

ماجد

كمال

ماجد . . . . . .

كمال

ماجد . .

المشهد الاول

اسامه ماهر , مينا عطية , سامح مراد , كمال نبيل ( لم يرد احد ) الاستاذ كمال نبيل , الاستاذ كمال نبيل , انت يا اخينا مبترضش لية ؟؟

انت بتنادى عليا انا ؟؟

هو فى حد غيرك علشان انادى علية ؟ اهو قدامى اخر اسم فى الكشف , الاستاذ كمال نبيل , السن 28 سنة ...موظف فى مصلحـ........

ثوانى , ثوانى ... نادى الاسم تانى ...

الاستاذ كمال نبيل ..

شوف حضرتك , هنا الغلط , انا اسمى كمال نبيه مش كمال نبيل ... حضرتك غلطت.

يا استاذ, هنا مينفعش يبقى فيه غلط , هو انا هديك كارنية النادى , دة موت يا استاذ , و الموت مش لعب عيال , اتأكد كدة تلاقيك ناسى ولا حاجة ..

مش ممكن , دة اسمى اللى الناس كلها بينادونى بية , وادى الI.D. بتاعتى هتلاقى مكتوب فيها كمال نبيه مش كمال نبيل .

( يظهر علية الارتباك ) مش ممكن , دى عمرها ما حصلت , اكيد حصل لبس فى الموضوع , وانت اكيد جيت غلط , ممكن حضرتك تستنى ثوانى .

( يكلم نفسة ) هى دى بقة الاخرة ... طب ماهى زى الفل اهى , امال الناس خايفة منها لية على الاقل هنا كل واحد لية مكانة , لا فى مشاكل سكن ولا شغل ولا موصلات .

( يدخل المسئول ومعاة ملاك الموت )

هو دة يا فندم .....

( للمسئول ) هو مين دة يا باشا ...

اه , نسيت اعرفك , اقدم لك ملاك الموت ...

( بضحك و بدون استغراب او خوف) اهلا اهلا سعادة الباشا , حقيقى فرصة سعيدة جدا , هو فى اية بقى ؟؟؟

الظاهر يا استاذ كمال ان حصل لبس فى الامر , يظهر ان هما جابوك غلط هنا و الغلط دة نتيجة تشابة الاسماء , الموضوع فعلا خطير , اذاى تجيبوا واحد تانى , دى كارثة .

يا راجل هون عليك , المسألة بسيطة , جل من لا يسهو , انا مستعد اصهين وادخل معاك الاخرة , ماهو انا كدة كدة هادخلها وبعدين بينى و بينك انا شايف ان هنا احسن من الدنيا , دة انتوا هنا موفرين كل الامكانيات , ياراجل بلا دنيا بلا كلام فاضى , واذا كان على الراجل صاحب الاسم اللى فى الكشف فهو اكيد مش عارف حاجة ولو عرف , هيحمد ربنا على الغلط دة ... يا عم صهين ....

اصهين !!! هاقول اية , ماهو انت لسة طالع من الدنيا طازة , يابنى الصهينة و التنفيض دة عندكوا هناك لكن هنا مفيش حاجة اسمها صهينة ولا طناش ولا اشترى دماغك ولا مايكلش معايا الكلام دة ......

اووو .. هى المصطلحات الجديدة وصلتلكوا ؟؟؟ ( للمسئول ) عرفتوها منين ..؟؟

من على قهوة الملايكة ( ضاحكا ثم فجأة ) احترم نفسك .....

بس تصدق ياباشا انا زعلت منك , حقيقى زعلت منك , بقى تقول كل الكلام دة على اهل الدنيا فى الوقت اللى انا عايز اساعدك فية علشان اخرجك من الورطة دى ... يلا معلش ... امال انت ناوى تعمل اية ؟؟؟؟

انا هاطلب منك حاجة و اتمنى انك تعملها ..

حاجة اية يا باشا ؟؟؟

انا مقدميش غير انى ارجعك الارض بسرعة و اجيب الراجل التانى , كل اللى بطلبة منك , استنانى ثوانى من غير ما تعمل صوت لحد ما اجيلك ... لوسمحت ... ممكن ؟؟

يالهوى يا جدعان , بقى ملاك الموت اللى كل الناس بتخاف منة , بيترجانى انا .. طيب عشان خطرى كدة , اطلب كدة تانى ؟؟؟؟

مش وقت هزار .... ها قلت اية ؟؟؟

ارجع معاك الارض !!! بصراحة العملية دى هتقف عليا بخسارة ....

انت انسان غريب جدا , من اول لما جيت سلمت عليا و المسئول قالك انا مين , و بالرغم من كدة ماخفتش و لا اترعبت مع ان اى حد فى الارض لو جاب سيرتى ولا اسمى قدام حد , كل الناس هتقعد تقول ياساتر يارب من هنا لبكرة ... ودلوقتى باعرض عليك انى ارجعك تانى ودى فرصة عمرها ما حصلت لحد .. وانت بترفض , انت غريب جدااااا

اولا انا مخفتش منك علشان المفروض انى ميت , كان ممكن اخاف منك ذى ما بتقول لو انا كنت لسة على الارض , اما بخصوص انا مش عايز ارجع الارض و ان انا غريب جدا ذى ما بتقول , فالموضوع اسهل من كدة بكتييير ....

كمان اسهل من كدة و بكتييييرررر !!!!!

ايوة طبعا

ازاى ؟؟؟

مشكلة الانسان يا باشا ان هو ممكن يستحمل اى مكروة ممكن يجيلة فى حياتة الا الموت , الانسان بيفضل يعمل لدنيتة كأنة هيعيش فيها للابد لكن انة يموت , دة اللى ميقدرش يتخيلة , عارف لو واحد قال للتانى تصدق مش فلان مات , عارف هيرد علية يقول لية اية ؟؟

هيقول اية ؟؟

هيقول : ياساتر يارب .. دة كان معايا امبارح وكان سليم , كأنة عارف ان الموت مبيجيش للناس اللى صحتهم كويسة , او لانة كان معاة امبارح يبقى المفروض ما يمتش ... هو كدة , الموت ماينفعش فية غير ان الانسان يستغرب له .

مش شايف ان كلامك دة غريب شوية ؟؟؟

ولا غريب ولا حاجة , الانسان بيرفض انة يتفاجئ بالموت رغم انة محاصرة فى كل لحظة و بالرغم انة عارف برضة انة مالوش قواعد ولا قيود , فالموت ممكن يصيب المريض و السليم و الشاب و العجوز و اللى يستحق الموت و اللى ميستحقوش , هو دة بالظبط الموت عودنا انة يكون طايش , مجنون , الموت زائر مالوش ميعاد بيزورنا بسبب و من غير سبب , وكل مرة يزورنا فيها لازم نتعجب ....

يعنى انت عايز الناس تحب الموت !!!!!

مش تحبة , لكن تتعامل معاة على انة امر واقع و محتوم و انة حقيقة سهلة و بسيطة , عارف لو نتعامل معاة كدة ... كل واحد هيعيش مرتاح البال ....

طيب ممكن تحكيلى شوية عن نفسك , عايش الزاى , شغال اية , وقتك بتقضية اذاى ؟؟

باختصار انا شاب عندى 28 سنة, مهندس و بصراحة عايش حياتى بالطول و بالعرض , باعمل كل اللى نفسى فية .

هى المتعة فى نظرك ان الوحد يعيش بالطول و بالعرض و يعمل كل اللى نفسة فية ؟؟

طبعا .. ( للمسئول ) بزمتك فى احلى من كدة !!!!

يا بختك يا عم ........

غلط يا كمال انت بالشكل دة خسرت الدنيا و هتخسر معاها الفردوس ....

يعنى جت على شوية نار فى الجحيم ...

بالبساطة دى ... المسألة اصعب من اللى انت متخيلة بكتير ...

مش هتكون اصعب من الارض ....

حياتك على الارض مش اصعب من الجحيم و عذابة .... انا هديك فرصة العمر , هخليك تشوف الفردوس و الجحيم ....

( بعد النظر الى الفردوس و الجحيم )

ها .. اية رايك ؟ عايز تبقى فين ... فى الفردوس ولا الجحيم ؟؟؟

( يصرخ ) لاااااا فى الفردوس ...... بس بصراحة دى معادلة صعبة جدااا ...

لية صعبة , عيش بايمان المسيح و مارس الاسرار المقدسة , و عيش الكتاب المقدس .

طيب , انا عندى فكرة , لية متخليش الانسان ياخد خبر قبل ميعاد موتة بمدة , وتبقى المدة دى فرصة يصلح فيها اى حاجة وحشة عملها فى حياتة قبل كدة ,و يصلى و يقرب من ربنا

مدة قد اية مثلا ؟؟؟

يعنى .. ساعتين تلاتة .....

ياة سعتين تلاتة ... مش شايف انهم شوية حبتين ؟؟؟

يومين ... اسبوع .... شهر ....

على فكرة انت سببت لية قلق و ازعاج , و كمان اخرتنى عن ميعاد مهم قوى ...

بقى انا اللى سببتلك قلق و ازعاج .. ( للمسئول ) ياخدنى من الدنيا من غير وجه حق و يقولى قلق و ازعاج , تجيب لاهلى الحزن و النكد و تقولى قلق و ازعاج , يغرمنى تمن الكفن و اجرة الحانوتى و تقولى قلق و ازعاج ... يرضيك انت الكلام دة ؟؟؟

لا ميرضينيش ..... بقولك اسكت خالص ....

و بعدين ميعاد اية اللى بتقول علية مهم ؟؟

عندنا اجتماع مجلس ملايكة ...

ياسلام ... و يترى هتناقشوا فية اية ؟

انت مالك ... انا مش عارف اعمل معاك اية ...

بقولك اية يا باشا ... انت صعبت عليا .. روح انت الاجتماع و دخلنى الفردوس استناك هناك .. مش مهم خليها علية المرة دى ... انا هستحمل عشان خطرك ...

اية الحلاوة دى ... بتنكت ياخويا ... المشكلة مش فى الاجتماع وبس , انا لسة عندى شغل على الارض .. ولازم اخلصة , لكن مشكلتك عطلتنى ....

طيب قولى اية الشغلانة دى وانا ممكن اعملة بدالك و انت روح الحق اجتماعك ..

لا لا ... مينفعش .

قولى بس .. يمكن انجزهالك ... و على راى المثل : يوضع سرة فى اضعف خلقة .

يعنى ... فى كام روح واحد المفروض انزل اقبضها ....

ياساتر يارب , لا ياعم ماليش دعوة بالشغلانة دى , انا معرفش اعملها خالص , عايزنى ابقى قاتل .....

قاتل اية ... مين اللى جاب سيرة القتل فى موضوعنا , و بعدين المسألة اسهل من كدة بكتير

اعذرنى يا باشا , قبض ارواح غير قبض فلوس , و بعدين افرض بعد ما اخد ارواح الناس دى اهاليهم يصعبوا عليا ... لا يا عم ... فكك مننى ... الحوار دة معقرب ....

لا لا ... المسألة سهلة قوى .... انا هشرحلك كل حاجة ... انا هديك كشف فية اسامى الناس و اذاى هتموت و ميعاد موتها .... يعنى كل حاجة مترتبة تمام ..... و انا مش هنسالك الجميل دة ابدا ...

طيب بقول اية ... ما تسبنا من الورقة دى و نزلنى انت بس , و انا هنقى لك الناس اللى تستحق الموت فعلا ...

دة مش وقت هزار ...

اصل فية ناس تحت ... يستاهلوا يتولع فيهم بجاز .... سبنى بس انت و ملكش دعوة ..

التزم بالورقة اللى معاك ...

لازم يعنى ...

مينفعش غير انك تلتزم بالورقة اللى معاك ... الورقة مكتوبة على الكمبيوتر و الفونت رقم 30 ... يعنى الكلام واضح ... سامعنى ..

( لنفسة ) انا على الاقل لازم اعمل حاجة اساعد بيها الناس دى ....

بتقول حاجة ....

لا لا ... انا براجع الاسماء بس .....

بقولك اية ... انا عاوزك تراقبة كويس قوى , تخلى بالك منة لحسن انا مش مطمن لية ... واذا لقيتك بيعمل حاجة عكس اللى اتفقنا علية ... طبعا انت عارف تعمل اية ...

متخفش يا باشا ...... كل تمام باذن الله ...

خلاص يا كمال ... ربنا معاك .

اوك ..... موبايلات بقى ..... سلام

قشطة ..... سلام

بـــــــــــــــــلاك

المشهد الثانى

تفتح الستار على حارة ابوح بها قهوة و محل جزارة

صباح الخير يا معلم عربى ...

معلم نيفة ملك اللحمة صباح الفل ياسيد المعلمين ... اية الاخبار يا معلمه ..

لا انا واخد على خاطرى منك شوية ..

لية كفالله الشر بس .. اية اللى حصل ...

الترابيزات الزيادة اللى انت حاططهم برة فى الحارة ... قفلوا مدخل الحارة خالص ..

وفيها اية بس يا معلم .. احنا بنسترزق ..

ياسيدى استرزق برحتك لكن مش على حسابى ... يا عربى ...

وانا جيت على حسابك اذاى بس يا معلم ؟؟؟

تريسيكل اللحمة اللى بيجبلى اللحمة معاة مش عارف يخش الحارة بسبب الترابيزات بتاعتك وانت مايرضيكش يا معلم عربى ان حالى يتوقف ... ولا اية ؟؟

معاك حق يا معلم نيفة , انا من بكرة هشيلهم ., راضى كدة يا معلم ؟؟؟

ماشى يا عربى .... اجرى هاتلى واحد شاى فى الخمسينة ... بس بسرعة ...

من عنيا يا معلم ...

ازيك ياد يا دبوس .... شفيت اللحمة ياض .....

من بدرى يا معلم ...

بعت حاجة يلة .؟؟؟؟

لا يا معلم ما بعتش حاجة ...

هو اية الحكاية ... الناس بطلت تاكل لحمة ولا اية ؟؟

انا من رايى يا معلم ان احنا نغير النشاط ..

اغير النشاط !!!!!! و اشتغل اية ؟؟؟ غساله ؟؟؟

ياريت يا معلم .. اصل انا محتاج حد يغسلى الهدمتين بتوعى .....

بتقول اية ياض ؟؟؟؟

انا بقول يا علم ان احنا نفتح مطعم كتكاكى

مطعم اية يا ميشو ؟؟؟

كتكاكى يا معلم ...

كتكاكى .... دة انا اللى باين عليك هكتكتك انهاردة ... اية كتكاكى دى ياض ؟؟

كتكاكى دى حاجة كبيييرة قوى زى الجتوة و طعمها حلو قوىىىى و الناس بتقف عليها بالدور .....

هو اية الجاتوة دة ياض ....؟؟؟ لانشووه ه

لا يا معلم ..... صحابى الكدابين بيقولوا عليها فراخ ... لكن هى فته بالليه ....

وانت كلتها قبل كدة ياض ؟؟؟

لا يا معلم .....

امال بتفتى لية .... يلا ياض بلاش غلبة , روح هاتلى الجورنال وقولى اخبار الدنيا اية النهاردة ....

( يمسك الجورنال بالمقلوب ) مصر هى قدوة العالم العربى فى .........

قدوة ؟؟؟ اية قدوة دى .... انت ياض مبتفهمش و كمان مبتعرفش تقرأ كمان ... هات ورينى ( يمسكة بالمقلوب ) .... تصدق انت فعلا مبتفهمش ....

لية بس يا معلم ؟؟؟

اسمها ندوة يا بنى ادم .......

ماشى يا معلم , ( لنفسة ) دة انت فتاى فتى .. الجورنال مشقلب اساسا , تحب ابتديلك باية يا معلم ... سياسة , اقتصاد , تجارة , تلفزيون ولا حظك اليوم ولا الرياضة يا معلم ؟؟؟

لا .. ابتدى بالسياسة ... السياسة اه ...

استمرار الانتفاضة الفلسطينية

اموووووت و اعرف العيال دى بتجيب حجارة منين ؟؟ بقالهم 50 سنة بيزقلوا الناس بالطوب ... اية تانى ياض ؟

براءة كلينتون من قضية مونيكا ...

بتتكلم جد ؟؟؟

ايون يا معلم ... دة اللى مكتوب قدامى اهو ...

طب تصدق .. انا كنت عارف ان الراجل دة هيطلع براءة ....

ياسلاااااام ...... و عرفت اذاى ... يا معلم يا ابو المعلمه ....

تعجبنى , انا احب اللى يسألنى فى السياسة , حكم السياسة فن و اخلاص و مفهومية و التلات حاجات دول متلاقيهمش الا فيا انا ... انا بس , بص ياض , ساعة وقوع الجريمة , كلينتو كان فى بيتة بيقيل شوية , و العربية اللى اتعملت بيها الحادثة كانت متغير نمرها , و اللى عرفتة كمان من الحمصانى انتيمى .. ان هما لقوا فصمة على شباك القتيلة , الفصمة دى بقى مطلعتش فصمة كلينتو , و القانون بقى فى الحتة دى واضح و صريح ...

انهى حته فيهم ؟؟؟

حتة الفصمة

و بيقول اية القانون ؟

بيقول : يبقى الحال زى ما هوه و على المتضرر يجى قهوة عربى يشرب كبايتين شاى و الموضوع يخلص ودى .... فهمت لية بقى كلينتو طلع براءة ....

يا سلام .... اية الحلاوة دى .... يا معلم يا كايدهم يا ابو المفهومية ....

خشلى بقى على الاقتصاد

ماشى يا معلم , بيقلك : بدء التنفيذ فى المرحلة الثانية من مشروع انوشكا

اهو انا بقى احب المشاريع الحلوة دى , المفروض الشعب كلة يشارك فى التنمية ... انا عن نفسى ناويت اشارك .

هتشارك ازاى يا معلم ؟؟

ناوى افتح محل جزارة هناك ... وهو كلة عشان هيون انوشكا ..

100 فل عليك يا معلمه

اقرأ كدة الراضة .. حكم صحتى تعبانة اليومين دول و عاوز العب رياضة .. اقرأ

فوز الاهلى على الزمالك ...

عادى ... اقرا حظك اليوم

هو انت برج اية يا معلم ....

ياد اقرا يله ....

ايوة يا معلم قولى برجك اية ....

يعنى اية برجك اية ؟

لازم يا معلم علشان اقولك حظك اية النهاردة , لازم تقولى برجك اية ....

هو امبارح كان الخميس ... شوف انت بقى يبقى برجى اية ....

هو امبارح كان الخميس .؟؟؟

ايون ...

مدام امبارح الخميس , يبقى انت برج الطور يا معلم ...

ايون ....

حدث سعيد فى انتظارك اليوم ...

( صوت من الخارج لزوجة المعلم مارلين )

هو فين .... هو فين انا هخرب بيتة ..... هو فين .....

( لنفسة ضاحكا ) بركاتك يا مبروك ,,, مارلين مراتى , حبيبة كلبى من الننى ....فى اية يا مارلين ...؟؟

بقى ياراجل بتمشى مع ستات .....

الكلام دة مش مظبوط .....

هو اية اللى مش مظبوط ...

انا مش راجل ..... قصدى ... انا مش بمشى مع ستات غيرك يا مرلين ..... دا انتى حبيبتى .. و شيلك فى سووة قلبى من جوة ...

يسلام , انا انتيمتى فرجينيا شافيتك بعنيها ...

يعنى انتى تصدقى فرجينيا و تكدبى حبيبك نيفة .... دة انا بحبك ...

يسلام عليك ... بس لو مكنتش بحبك و بدوب فى هواك ..... ها قلى ... تحب تاكل اية على الغدا ...

انتى تحبى اية يا مارلين ؟؟

يوه ياراجل , انا من امتى بختار الاكل

لا اختارى النهاردة

و اشمعنى انهاردة ؟

اصل النهاردة بيقولك فى حدث سعيد هيحصل ...

اة بالحق ... نسيت اقولك .. ان الواد ماركو سقط امبارح فى الابتدائية

شفت الفقر بتاعك ياض ...

اسكت يا معلم , اما انا حلمت حتة حلم امبارح , الهى يارب يجعلة من نصيبنا ...

قولى كدة يا مارلين و فرحينى ...

خير الله ما اجعله خير يا خويا ان بيتنا اللى احنا ساكنين فية ... مليان هيصة و تراب كتييير

وهو التراب فى الحلم معناه اية يا مرلين ؟؟؟

معناة طولة العمر لينا يا اخويا ....

هو الطراب معناه طولة العمر يا مارلين ؟؟؟

طبعا يا اخويا ... مش كان فية هيصة .... امال اية ...

(صوت ماركو ابن الجزار من الخارج )

يا بابا .... يا بابا ..... يا بابا .....

اهو الواد دة بقى ... دوناً عن اخواتة كلهم ... بحس انة بنبوناية قلبى .... نسمة , رقيييييق , متحسش بية .... تحطة على الجرح يطيب ....

(يدخل ماركو و فى ايدة كيس شبسى عائلى ......)

ماركو حبيبى

( ينط ماركو على ابوة و يوقعة و يعمل تثبيت اكتاف .. )

انحينحينات ...... انحينحينات ....

بتقول اية يا معلم ....

( ماركو بيقوم من على ابوة )

عاوز اية يا فشتى .....

هات جنية يا بابا ...

وماله يا حبيبى ... هتجيب بية اية ؟؟

هجيب كشرى يا بابا ...

جدع يا ماركو ( لزوجتة ) انا عاوز الواد يتغذى ... الواد خاسس يجى 5 جرام ... صحتة مش عجبانى ...

الحسد يا اخويا ....

لا لا لا ... ابقى ارقيه يا مارلين ....

( يمر علية خادم من الكنيسه )

صباح الخير يا معلم ...

اهلا ....

اية يا معلم ... بقالك كتير قوى مابتجيش الكنيسة انت و المدام , دة حتى الاولاد مش بشوفهم فى مدارس الاحد ...

اصلى بصراحه مش فاضى اليومين دول , و بعدين الواد ماركو اخر مرة وهو فى مدارس الاحد جاع , و ملقاش حاجة ياكلها و الاستاذ مرضاش يخرجة , فكل ايد الاستاذ , و من ساعتها و جايلة اسهال .. و انا بصراحة قلت له مايروحش تانى

ايوة يا معلم بس انت عارف ان دة دلع الولاد مع استاذهم , و ياما حصلت قبل كدة واحنا اطفال , يا ما كلنا اساتذة ولا جلناش اسهال ولا حاجة ... سيبك من كلام العيال دة ...

بس انا بقى يا خويا مش مستغنية عن ولادى ...

يا معلم مرواح الكنيسة لازم للاطفال فى السن دة لان مدارس الاحد و الكنيسة , هما اللى هيكونوا الشخصية الصحيحة للطفل فى السن دة .

اهو انا بقى ميغظنيش غير كلام الانتخابات دة ... ياعم كلمنى كلام سلس .. كلام شعبى .. كلمنى بالهجايص .. ولا اقولك , هانبقى نيجى ... مع الف سلامة يابا ...

يا معلم , ابونا عاوز يشوفكوا النهاردة الساعه 12 و ياريت تيجوا كلكوا تقابلوة ..

لا , انا فى الوقت دة عندى طلبية لحمه جديدة ...

طب انا برضة يا معلم ها ابقى اعدى عليكوا تانى الساعة 12 الا 10 يمكن تيجوا معايا ..

ما قولنا مشغول ...

برضة هعدى عليك الساعة 12 الا10 ... سلام و نعمه ...

و عليكم ...

( يدخل ماركو بجردل كشرى )

بابا .. هاتلى عناب يا بابا ....

بس كدة يا كوكو ... تعالى معايا , يا عربى , عربببببى , كباية عناب هنا لكوكو ..

( فى اثناء الحديث يدخل ماركو القهوة و يسمع صوت تكسير شديد ... )

سبحان الله يا عربى , الواد دة دونا عن كل اخواته تحس فية بالادب , تحس انة نسمه طيرة , عصفور بيرفرف فى السما .....

ايوة يا معلم انا سامع صوت تكسير فى القهوة جوة

يا اخى سيب الواد يلعب ...

( يخرج ماركو و فى يدة جركن عناب , و فمه مليان لون احمر ... )

شربت يا كوكو ؟؟؟

ايوة يا بابا ..

تشكر يا عربى ..

العفو يا معلم ( لنفسة ) انا باينى هعزل من الحارة كلها ....

( يرجع المعلم الى دكانة و يدخل كمال و من خلفه يتبعة المسئول )

ايوة هى دى حارة ابوح وراق العرب , ادى رقم 10 هنك , وادى محل الجزارة , اكيد دة بقى المعلم نيفه , هايل يا كمال , هتعمل اية ... هتنفذ المهمه ولا لا ؟؟؟ هتوافق ان انسان يشوف نفس مصيرك اللى انت شفتة ؟؟؟ اعمل اية .. الساعة قربت على 12 , هتعمل اية ؟

( يدخل بلطجى قصير مثل الاطفال الى المسرح , و فى حالة سكر شديدة و يصطدم بكمال)

مش تفتح يا اعمى ..

انا برضة اللى افتح !!!

و كمان بترض عليا ... لم نفسك ياض و شوف بتكلم مين ...

الم نفسى ... لية بس الغلط دة !!!

بقولك مترضش عليا لحسن اموتك هنا .....

هاهاها ... هأو أو أاااااااووو ... انت تموتنى انا ...

طبعا اموتك .... انت متسمعش عن عباس اللمبى ... دة انا اموتك ...

طيب ابعد عن طريقى لحسن ...... طيب ... روح يا حبيبى اشترى مصاصه ..

ماتقدرش ....

يا واد دة انا لو نفخت .. هطيرك .... طيب ... روح يابابا ... انا اسف حقق عليا ...

ايوة كدة ...

( يجلس كمال على القهوة و يكمل حديثه )

ها يا كمال الساعه قربت على 12 ... انا مش ممكن اسيب الناس دى كلها تموت ... انا لازم اعمل حاجة ...ها ناوى تعمل اية ؟ طب اروح اقولهم ان البيت هايقع الساعه 12 , محدش هيصدقنى ... طب اعمل اية بس .. ؟... ايوه لقيتها .......

( يذهب الى المعلم نيفه )

صباح الخير يا معلم ...

صباح الفل يا بيه , بتلو ولا كندوز ؟؟؟

لا يا معلم , لاده ولا دة , انا مهندس من الحى ...

يا فتاح يا عليم يا رزاق يا كريم , انتوا كل يوم تبعتولى واحد , نعم يا سيدى , خير ؟؟؟

بصراحة , احنا بعد ابحاث و دراسات مكثفه اكتشفنا ان بيت حضرتك ايل للسقوط ولازم تخليه دلوقتى حالاً ...

و بعدين ...

وبعدين اية , انا بقولك ان البيت هايقع ولازم تخليه دلوقتى حالا ..

قصدى ان انتوا مش ناويين تتقوا ربنا بقى , بقالكم 18 سنة بتقولوا كدة و البيت حديد ..

ايوة يا معلم , بس النهاردة كوم و الـ18 سنة اللى فاتوا كوم تانى خالص ...

ماشى , حضرلى ياد يا دبوس ... نص كيلو كبد و كلاوى من عندك ....

ايه .. نص كيلو بس ... قصدى لازم تخلى البيت دلوقتى , البيت هيطربق على دماغك و دماغ عيالك ...

انت شايف كدة يعنى ....

طبعا يا معلم ...

حضرلى يابنى نص فلتو من عندك تانى ....

يا معلم ارجوك ... صدقنى البيت هيقع ولازم تسيبة انتا و عيلتك ..

معلمى .... ما تديله نص كيلو بمبار ....

بتقول اية .؟؟؟ بمبار .... بمبار يا وله .... اسمه كرواسون يا جاهل ...

يا معلم ارجوك افهمنى حرام عليك ... البيت قرب يقع ... خاف على ولادك يا اخى ...

انت ابتديت تقلقنى ...

يا معلم لازم تخلى البيت ...

كدة يعنى ؟؟ طيب .. انا هخلى البيت , استنى بس 5 دقايق على القهوة عقبال ما اطلع اقول للعيال و امهم ..

الحمد لله , بس مش اكتر من 5 دقايق ...

ماشى .... ماشى ...

( يذهب كمال الى القهوة بينما المسئول يراقب الموقف من بعيد )

الحمد لله , كان هيضيع هو و مراته و عياله ...

اما حاجة غريبة على الصبح .... لما اطلع اقول لمارلين .....

صباح الخير يا معلم ... مش انت برضة المعلم نيفه اللى ساكن فى البيت دة ؟

ايوة .. اى خدمه؟؟

الف الف مبروك يا معلم ..

مبروك على اية ؟؟؟

اذاى معرفتش ؟؟ دة العالم كلة عرف اللى حصل ...

العالم كلة عرف اللى حصل ... اية هو الخبر نزل على الانتربت ... ما تتكلم , هو مين حضرتك بالظبط ؟؟

انا مهندس من الحى ...

تااانى ... ياسيدى خلاص ... خلاص ... هطلع اخد العيال و امهم و امشى ...

لا يا معلم , انت فهمت غلط , انا جاى اقولك ان بعد ابحاث و دراسات مستفيضه , اكتشفنا ان بيت حضرتك اقوى بيت فى مصر وعلشان المناسبه السعيدة دى , قرر الحى انه يديك جائزة نوفل للصرف الصحى , اتفضل حضرتك , طوبة دهب ...

امال اية الكلام اللى انا سمعتوا قبل كدة , من البشمهندس اللى قبلك ؟؟؟؟

سيبك من كلامه , انا بقولك احدث الاراء و الاستكشافات الحديثه , و حضرتك انشاء الله قريب جدا , فيه لجنه فنيه خاصه جايه من السنبلاويين علشان يدرسوا البيت , لانه يقال ان بيت حضرتك فى متانه هرم الحاج منقرع , الف الف مبروك يا معلم ...

الله يبارك فيك ...

طيب استأذن انا ....

طب كباية شاى طيب ....

لا لا مالوش لزوم ... الف مبروك يا معلم ..

مبروك يا معلم نيفه ..

الله يبارك فيك ياة ...

فى اية يا معلم ؟؟؟

مبروك يا مارلين ... كسبنا جايزة نوفل فى الصرف الصحى ...

جايزة اية يا معلم ؟؟؟

جايزة نوفل يا مارلين , يعنى انا كدة بقيت زى الفنان نجيب عبد الرحيم بالظبط ... يعنى هبطل السجاير و اكون انسان جديد ....

( تزغد ) و اية هى الجايزة يا معلم ؟؟؟

اهه يا مارلين ... طوبة ..

طوبه !!! ياما جاب الغراب لامه ...

امه !! ماشى يا مارلين , اقعدى كدة كسرى مقاديفى , دة بدل ما تتفشخرى بيه فى وسط الحته .... كدة ....

معلش يا معلم بهزر معاك ..

و انا بموت فى هزارك الرخم دة ..... يله روحى كملى طبيخ لحسن مصارينى بتنعر ...

عنيا يا معلم ....

يا عربى ... كباية شاى معاك ....

حاضر يا معلم ....

( كمال على القهوة محدثا نفسة )

هو ماله اتاخر لية ؟ دة قالى 5 دقايق ..... و بعدين , البيت قرب يقع ....

( يذهب له )

مساء الخير يا معلم ... ماجيتش لية ؟؟ الوقت بيجرى ...

ولاااااا , انا مش طايقك ياااه , غور من وشى الساعه دى بدل ما اعملها معاك ...

ارجوك يا معلم , انت لازم تخلى البيت ...

قلت لك غور من وشى ,, لحسن اعمل وشك فتة شورمة لحمة ,و بالتومية كمان....

ما تمشى ياض من هنا بدل ما اتهور عليك ...

هات الساطور يله ...

خلاص خلاص , انا ماشى ...

( فى اثناء ذلك يدخل الخادم )

مساء الخير يا معلم ...

يوووه , هو انتوا بتيجوا مرة واحدة ؟؟ نعم يا سيدى عاوز ايه ؟؟

ها يا معلم , انا جيت فى الميعاد اهه , مش هتيجى معايا انت و العيال و الاولاد ؟؟

ما انا قلتلك , جيالى طلبية لحمة و مش فاضى ..

يا معلم , الكنيسة اهم من اللحمة و البفتيك , ربنا اهم من اى حاجه , ربنا بيمدلك ايدة و بيقولك تعالى انا عاوزك ...

الكلام دة بقى اللى مبحبوش ....

يا غبى روح معاة ,,,, بعد شويه هتضرب نفسك بالجزمه ... هاتروح فى داهية ( لنفسه )

طيب يا معلم ماينفعش تأجل الطلبيه شوية و تيجى معايا ...

لا يا حبيبى ماينفعش ...

طيب يا معلم ما ينفعش تخلى الصبى يستلم الطلبيه بدالك .... ...

لا يا حبيبى مينفعش و غور من وشى الساعه دى ..

( صمت على المسرح و صوت خارجى )

وان سمعتم صوته فلا تقسوا قلوبكم

كدة يا معلم ....

يلا مع الف سلامة ... ورينى جمال خطوتك ...

يا غبى ... مصمم تموت ... طب اعمل اية بس .. الوقت بيجرى ... ايوة ..... مفيش غير كدة ....

( يقلع الجاكت و يلبس نظارة شمس و مايك )

صباح الخير يا معلم ....

صباح الفل مين حضرتك ؟؟؟

احنا برنامج كلام من دهب ....

( باكياً ) استاذ طااااارررق ...

انا مش شايف يا معلم ... انا اتعميت , اتعميت يا معلم ... انا محتاج عمليه ضرورى و فلوس ...

تحب تشترك معايا فى البرنامج ؟؟؟

طبعاً طبعاً يا استاذ طارق ...

السئوال بيقول , صفار البيضة اضفراً ولا اصفرون ....؟؟؟

الاجابة : بس ..... او تش .....

بس او تش ... مبروك يا معلم ... انت الوحيد اللى عرفت الاجابة الصحيحه ... مبروك يا معلم كسب معانا غساله فول اوتوماتيك ... ولازم تيجى تستلمها دلوقتى من عند سور الحديقة الدوليه انت و المدام و الاولاد ...

بتتكلم بجد يا استاذ طارق ؟؟؟

طبعا يا معلم ... .

طيب حضرتك استنانى ثوانى على القهوة عقبال ما اطلع اجيب العيال و المدام و نيجى معاك ..

بس متتاخرش يا معلم لحسن الغساله تروح ....

لا ... ثوانى بس و انزل انا و الولاد و امهم ..

ماشى يا معلم ....

يا مارلين .. كسبنا غساله من كلام من دهب ...

بتتكلم جد يا معلم ... الف مبروك ... مش قلتلك يا اخويا , انا حلمتلك حلم حلو ...

يله بسرعه لبسى العيال ...

( لنفسه ) كدة برضه يا كمال , ماشى ماشى ...

مساء الخير يا فندم ..

نعم يا سيدى امرك ....

هو مش حضرتك المعلم نيفة ابو ليه صاحب البيت دة ...؟

اه ... خير ... فى حاجه ؟؟؟

مبروك يا معلم ...

مبروك على اية ..

احنا برنامج فى بيتنا نجم و بهنى حضرتك , و احب ابشرك ان كابتن ابو تريكة و حسام حسن ... جايين يصوروا فى بيت حضرتك النهاردة الساعه 12

مش ممكن ... ابو تركة و حسام حسن ....

انا احب اقولك يا معلم ان كابتن ابو تريكه و كابتن حسام , اختاروا بيتك من ضمن مليون بيت علشان يصوروا فيه .

صدقنى انا كنت متوقع ...

اطلع بقى دلوقتى حالا لبس العيال و وضب البيت لحسن الكباتن على وصول ...

طب بقول اية , استاذ طارق علام جالى من شوية وقالى ان انا كسبت عساله فول اتوماتيك ولازم اروح استلمها دلوقتى من عند سور الحديقة الدوليه و انا بصراحه عاوز الغساله ..

ما تقلقش يا معلم , الغساله جايه معانا و احنا جايين ...اطلع انت بس و وضب البيت ..

.... هواااااا

المعلم منزلش لية ..... دة البيت ناقص ليه دقتين و يقع ... واد يا دبوس المعلم فين ؟؟

طلع فوق و مش نازل غير بعد ما يخلص برنامج الكابتن ابو تريكه و حسام حسن ....

ايه .... بتقول ايه ....طلع و مش نازل ..... يلاااااااا هوى ....

بــــــــــــــــــلاك

المشهد الثالث

( تفتح الستار على حفله و مدعويين فى مكان كبير و توجد ترابيزات )

يا ابنى ما تقعد شوية , انا مش فاهم بس انت خايف من اية ؟؟؟

مش عارف انا خايف من اية .... يعنى مش عارف ... اللى احنا فيه دة غلط

و ايه بس الغلط فى كدة ؟؟؟

و كمان بتعمل مش فاهم و بتسأل و براءة الاطفال فى عينيك ... ياض بطل تمثيل ..

ليه بس دة كله .... عشان اية ؟؟؟

عشان مفيش حاجه صح فى المكان دة ... انت عارف ان دى حفله نجاح فادى ... و فادى دة واد مش مظبوط ... ابوة و امه سايبنلوا البلد و عايشين برة ... و كل شهر يبعتولوا فلوس تكفى شعب الصومال ... تفتكر بقى ... الحفله دى هيعملوا فيها اية ؟؟؟ هيصلوا صلاه نص الليل .. شكرا للرب على انه نجح فادى ...!!!!

يا ابنى انت غاوى عقد و خلاص .... ما تبطل بقى .. دة انت واد فظيع ... فيها اية يعنى لما نهيص حبتين .... هو كله كدة قبطى الحان صلاه صوم .... فكها شويه ... و بعدين ..احنا قاعدين بنتفرج .... مش هنعمل اى حاجه تانى ... نتفرج بس ... ها قلت ايه يا معقد افندى ...

قلت ان كلامى و مبادئى مش هغيرها " وفى مجلس المستهزئين لم تجلس " انا مش هفضل فى المكان دة دقيقه تانى .. كفايه انى صدقت كلامك و جيت معاك لما قلتلى دة اجتماع صله ... الله يسامحك يا شيخ ...

يا سيدى اسمع كلامى و مش هتندم ... الحفلة دى مليانه اكل ... قعد و كل ... كل بس ... الحفله دى مش هتتكرر تانى .. لان فادى عمرة ما هيعرف نجاح تانى ....

اسمع انت كلامى علشان خطرى , يلا نمشى من هنا ...

بقولك اية ... انا مش همشى من هنا , انت عاوز صحابى فى الكليه يقولوا عليا اية ... عيل صغير ... لا يا عم يفتح الله ...

كدة .... طيب ... انا عملت اللى عليا .... انا ماشى .... سلام ....

مع السلامه ....واد معقد .. دماغه نشفه قوى .... لما اروح اقف مع الشله ...

( فى اثناء ذلك يدخل كمال )

هى دى بقى الحفله , و المفروض ان اللى عليه الدور دلوقتى هو مايكل مكرم , يا ترى يا كمال هتعمل اية ؟ هتقدر تنقذه ولا هتفشل ذى اللى حصل مع المعلم نيفه الجزار , غبى , كان مصمم انه يبقى جوة البيت الساعه 12 بالرغم من كل اللى عملته علشان انقذه و افهمه , بس انا لا يمكن استسلم المره دى , انا لازم انقذ الواد دة من الموت , ايوة بس هنقذه اذاى ؟؟ الورقه بتقول ان الواد هيموت نتيجه الوجبه اللى هايكلها فى الحفله هتكون مسممه , يبقى الحل الوحيد انى الاقيه و احاول امشيه من الحفله , و اذا معرفتش الاقيه ... يبقى امشى الحفله كلها ... المهم انى مخليهوش ياكل خالص ..

( يبدأ كمال فى البحث عن مايكل و فى اثناء ذلك يدخل المسئول )

كدة برضه يا كمال , كل دة يطلع منك , انا قلبى كان حاسس و مكنت مطمن ليك , بس اللى محيرنى , هو ليه غير اتفاقه مع ملاك الموت , تلاقيه دلوقتى بيدور على مايكل مكرم , و هيحاول ينقذه , لكن دة بعدك يا كمال , انا مش هسيبك ...

مساء الفل يا رجاله عاملين اية ...

تمام يا مان ,,, النهاردة ليله ولا الف ليله ... اكل و شرب و حاجات اصفرا و دخان ازرق ... و هنعمل احلى دماغ ...

انا يا عم ... اكل اه ... لكن اشرب .... لا

لاااااااازم تشرب ...

لية بس ... دى الحاجات دى بتخلى الواحد يعمل دماغ

انا عامل دماغ مذاكرة و مش ناقص

لااااااااااااا زم تعمل دماغ ......

( يتنقل الحديث الى اتنين اخرين )

اية يا شريف , ايه الاخبار , عملت اية مع صحبتك اللى اسمها فيفيان ...؟؟

يا عمى ماتفكرنيش , قال ايه زعلت منى لما قلتلها تعالى معايا الرحله بتاعت راس سدر اللى منظماها الكليه ...

و زعلت ليه ؟

قال ايه .. بتقولى انها ما ينفعش تطلع رحلات قال ...

هى البنات اتجننت ولا ايه ؟؟

اقلها , دى مش رحله ط... دى زى ما تقولى كدة خلوة , خلوة روحيه ...

خلوة روحيه !!! اذاى يعنى ...

خلوى روحيه ... لانها هتختلى بروحها ... و هتقعد مع الطبيعه و الجو الجميل و انا باخد خلوتى الروحيه ... و بعيد عنها كمان .... و فى الاستراحه ما بين الشوطين ... نتكلم مع بعض ...

ايه ياض الحلاوة دى ... طب البت و هتشتغلها و هتصدقك ... لكن انا .. هتشتغلنى انا كمان ... دة انت شيطان .... ...

طب اعمل ايه بس ..اصل انا من النوع العاطفى ... و محتاج احس بالحنان ... دة انا طول الليل مش بعرف انام .. و اقعد اسمع اغنيه سيد الحنانه يا حنانه انتى ....

دة ايه الحنيه دى كلها ... حوش حوش ... حبة حنان وقعوا منك .... يا حنين ....

يا ترى انت فين يا مايكل ...

( فى اثناء ذلك يتابع حديث شريف و تامر )

قولى .. هو ايه بروجرام الحفله النهاردة ...

ابدا ... بيقولك فادى جايب مغنى ... و احتمال ... شو روسى ....

الحمد لله ... الحمد لله ....

ايه مالك مبسوط ليه ...

اصلى عمرى ما اكلت الشو الروسى دة ....

اكلت ... هاهاها ..... دة انت طلعت مليكش فى حاجه خالص .... الشو الروسى اكل ... هاهاها .... الشو الروسى دة ... نوع من انواع العصائر يا جاهل ....

يسلام .... دة انت واد صايع بصحيح .... طيب و هنتعشى امتى على كدة ؟؟

العشا بعد الفقرة الغنائيه ..

( ينتقل الزووم الى شخص يتكلم فى الموبيل و يتابع معه كمال )

قولى يا فادى , انت هتيجى تكلم ماما امته .؟؟

اكلم مين !!!!

تكلم ماما ...

و اكلم ماما ليه ؟؟

انت مش قلت لى ان انت هتيجى تطلبنى منها ؟؟؟؟

و اطلبك منها ليه , منا لسه طالبك فى الموبيل و اديكى رديتى عليا ... اعوز ايه تانى اكتر من كدة ؟؟؟؟

دمك تقيل , يعنى ايه , انت كنت بتضحك عليا ؟؟؟؟ طيب , انا مخصماك و مش طالعه الرحله معاك ...

لااااا ... انا كنت بهزر معاكى .. هو بس المشكله ان بابا مسافر , اول ما يرجع من السفر ربنا هيسهلها ...

هو باباك مسافر ؟؟؟

ايوة مسافر ...

هو مسافر فين ؟؟

اه, هو مسافر بيستطلع حركة الكثبان الرمليه فى صحراء دمشق , و جاى بعد 3 سنين , او 5 ...

ايه ... 3 سنين ... او 5 ...

متخافيش ... هيعدوا هوا ... مادام احنا مع بعض يبقى متخافيش من حاجه ..

ازيك يا رامى ... انت م عارفنى .. صح ...

ثوانى يا حبيبتى .. حضرتك مين ؟؟؟

انا زميل ولدك اللى فى صحراء دمشق ...

ايه ... هأو أو أاااووو .... ( يتذكر دينا و يكتم السماعات بايده )

هو بيقلك ان حركة الكثبان الرمليه اخر تمام و بيقولك انة رجع من شهرين و حمض فى البيت و بيقلك هتلو ذبادى و انت مروح ...

اه يا كداب ... بتضحك عليا و تقولى راجع كمان 3 سنين وهو بقالو شهرين نفسة فى الذبادى و انت منفضله ...

يا دينا اسمعينى ...

هى الفقرة الغنائيه لسة مجاتش ولا ايه ....

لا لسه ..

هو مين اللى جاى يغنى النهاردة ...

مش عارف , بس انت عارف فادى و مفاجاته ..

هو المفروض فى فقرة غنائيه دلوقتى ...

اه المفروض ..

و ياترى مين اللى هيغنى ؟؟

انا متهيألى مايكل جاكسون ... اكيد هيجيبه ...

و سعتك بتسمع مايكل جاكسون ؟؟

امااال .. دة انا حافظ كل اغانيه و رقصاته كمان ...

يسلام يسلام .. و ايه اكتر اغنيه بتعجب حضرتك ؟؟؟

غلطه و ندمان عليها ...

غلطه و ندمان عليها !!!! انا فخور بيك فعلا ..

مرسى ..

انا فعلا فخور بيك ... ربنا يوفقك ... عن اذنكم ..

الوقت بيجرى و انا مش لاقى مايكل لحد دلوقتى ...

( يخرج كمال و يتبعه المسئول و يدخل فادى بعد ما خلص تليفونه مع دينا )

اذيكم يا جماعه ... انشاء الله تكونوا مبسوطين ... انا عامل الحفله دى فى جنينه الفيلا و جايب مغنى و هيصه و اكل و شرب , علشان انا اخيرا نجحت فى الاعداديه .. اتمنى ان كله يستمتع ...

( يذهب ينضم الى شلة هانى و سمير و مايكل )

ايه الاخبار يا رجاله ؟؟

كله تمام .... و هنعمل احلى دماغ و هنغنى ...

لااااااا زم نغنى ....

نغنى بس ... و نرقص كمان ...

لااااااازم نرقص

ايه يا مايكل .. انت مش ناوى تعمل دماغ ... علشان تنبسط ...

لا يا عم .. انا اكل بس .... و هكون مبسوط ...

لااااازم تنبسط ....

طيب ... انا هروح اعمل تليفون ...

و احنا هندخل جوة نخلص اللى معانا و نيجى , تعاله يا مايكل .. تعالى بس ...

بس مش هشرب حاجة ... و متضغطوش عليا علشان ممكن اضعف و اشرب ...

لاااااازم تشرب .....

( ينتقل الزوم الى تامر و شريف )

و انت عامل ايه فى الكليه .....

ابدا ... لسه متخانك مع دكتور اول امبارح ..

دكتور واحد .... دكتور واحد بس .... ليه كدة .. انت مستواك قل ... فين ايام زمان ... لما كان الواحد بيفطر بخناقه و يتعشه بخناقه ....

خلاص احنا كبرنا بقى ... لكن متخفش ... الاجيال الجديده جايه .. و بقوه ...

(يرجع سمير و هانى و مايكل و هما دايخين من تاثير المخدرات و يدخل كمال و المسئول)

اعمل ايه بس يا ربى ... ايوة ... مفيش غير كدة

مساء الخير يا كابتن ... ايه الاخبار ...

سلاااام .... احلى سلام ... عنيا .... عنيا بتحبك ... و قلبى .... قلبى بيحبك برضه ....

لااااازم تشرب ... خخخخخخ

الله يخليك .. هو ايه اخبار فادى و الحفله بتاعته ....

مش عارف .... اصلى لسه مرحتهاش .... لما اروحها ابقى اتصل بيك اقولك هى فين ...

طيب هايل جدا ... هات موبايلك بقى ...

خد ... 012.....

لا .. هاته كله ..... انا هعرف اتعامل ... هو نمرة موبيل فادى متسجله عندك ؟؟

اه ....

و نمرة موبايلك متسجله عنده ؟

لاااا .... هو صباعى مش بيقف مكانه لييييه .....

طيب ..... جايلك تانى ...

الو ... فادى ابنى حبيبى , انا ابوك يا ابنى ...

ايوة يا بابا ... عامل ايه ...

عامل عيشه يا ابنى ... البنك فى سوسرا ضحك عليه الريان و خد كل فلوسة و فلوسى و انا جاى كمان 3 دقايق ... فضى البيت ... مشى الناس كلها ....

يا خبر ابيض .... حاضر يا بابا سلام ...

يا جماعه انا مضطر الغى الحفله ... لحسن بابا جاى و لازم افضى البيت ...

الحمد لله .... ( ثم يخرج )

كده يا كمال ... ماشى ...

( يذهب الى فادى )

فادى بيه .... انا متقال عبده متقال , سكرتير باباك الخاص .. و احب ابشرك ان باباك بعت فاكس دلوقتى بيقول ... رجع الحفله تانى .. لان هو هيطلع على القطب الجنوبى ...

هيييهههه خلاص يا جماعه كله يرجع مكانه ... الحفله لسه موجودة ... ( للمسئول ) بس هو ليه هيروح القطب الجنوبى ؟؟؟

زى ما انت عارف ان باباك صاحب اكبر مصانع الكلينيكس فى العالم , و جاله خبر ان الناس فى القطب الجنوبى بعفيه شويه و جالهم برد و زكام و رشح ... فطلبوا كل مخزون الكلينكس اللى عنده فى الفريزر ... وانت عارف حضرتك ان صفقه زى دى , تكسبه 17 او 18 مليون دولار ...

ياااه .... دة على كدة مش جاى ولا السنه الجايه .... شكرا يا متر ...

سلام يافادى بيه

(صوت جرس موبايل, ثبات على المسرح و زووم على مايكل )

الو مين معايا ؟؟

انا مينا يا مايكل ...

ايوة يا مينا , عاوز ايه ....؟؟؟

من الشارع .... انا مش قادر اسيبك هناك فى الفيلا ... و مستنيك فى الشارع برة ... ارجوك يا مايكل تعالى ..

مش هقدر ...

مايكل مال صوتك ... انت تعبان ... ولا شربت حاجه من اللى بيشربوها عندك ؟؟؟ يا مايكل اعقل ... اطلع برة المكان دة ... ارجوك ... رد عليا .. يا مايكل ... الوووو

( يقفل السكه فى وشه , و ثبات لكل من على المسرح و زووم على مايكل )

وان سمعتم صوته فلا تقصوا قلوبكم ....

( يدخل كمال )

ايه دة ؟؟ هيه الناس مروحتش ليه ؟؟؟ بقولك ايه ... هى الناس مروحتش ليه ؟؟

اصل , اصل , ابو فادى جاله عقد عمل فى القطب الشمالى و هيكسب من وراة 7 جنيه و نص ...

اعمل ايه بس يا ربى ؟؟؟؟ ايوة لقيتها .... الو ايوة يا فادى .... انا ابوك يا ابنى ...

بابا ... مبروك عليك الصفقه يا بابا

الله يبارك فيك يا ابنى .. بص يا فادى اسمعنى كويس ... انا لما رحت القطب الشمالى , بعتولى الناس بتوع لندن علشان ساعه بيج بن وقفت .و مش عارفين يصلحوها , و طلع العيب ان فيه ترس وقع ... و الترس دة عندى زيه فى البيت , فكمان 5 دقايق و اجى البيت ..... مشى كل اللى عندك كلهم ...

حاضر يابابا ....

يا جماعه ... انا اسف خالص .. مضطر الغى الحفله .... اسف يا جماعه ...

الحمد لله ... ( و يخرج )

كده برضه يا كمال .... ماشى ....

فادى بيه ... فاكرنى ....

طبعا ... انت سكرتير بابا ...

احب ابشرك ... منسوب اللبن بتاع ابقار باباك اللى فى نيوزيلاندة .. زاد جدا ,,,,و باباك طلع على نيوزيلانده علشان يحلب البقر هناك قبل ما اللبن يقطع ... و بيقولك ... كمل حفلتك و ابدا البوفيه ....

هييههههييهه ..... يا جماعه ..... الحفله شغاله .... كله مكانه ...

فادىىى ... انا جعان قوى و عاوز اكل

لااااااازم ناكل خخخخخخخخ

طيب بصوا , البوفيه قدامه نص ساعه .. ادخلو انتو كلوا براحتكوا ....

طيب ... لحسن وقعين من الجوع ....

هو الناس ممشيتش ليه ؟؟؟ انا هروح اكلم فادى و خلاص ... انا زهقت منه ....

يا فادى .... انت ممشتش الناس ليه ؟؟

و امشيهم ليه ؟؟؟ بابا مش جاى , راح نيوزيلانده يحلب البقر ....

يوووه ... بص يا فادى .... من الاخر لازم كله يمشى ... الاكل مسموم وكل الناس هتموت لو كلته ....

يا خبر ابيض ...... دة مايكل بياكل جوة ....

مايكل ... مايكل مين ؟؟؟

مايكل مكرم ....

الحقونىىىىى ....

يلهوااااااىىىىىى

بــــــــــــلاك

المشهد الرابع

( تفتح الستار على حوش كنيسه و مجموعه متفرقه من الاصدقاء )

ايه الاخبار يا جون ... عامل ايه ؟؟؟؟

تمام الحمد لله .... انت ايه اخبارك يا عماد ... ؟؟

ذى الفل ... ها ... ناوي تعمل ايه يوم العيد ؟؟؟

لسه مش عارف ... بس ادينى عمال ادور على مكان حلو نروحه ...

قشطه ..... انا نفسى نروح ملاهى كوكى بارك .... ولا نروح اى حمام سباحه ... المهم ننبسط مع بعض ...

كوكى بارك ... ايه الحلاوة دى يا واد ... حدش شاف جمالك ... كوكى بارك ايه يا تافه انت , و كمان ننبسط مع بعض !!! ما احنا فى وش بعض ليل نهار .. و زهقانين من بعض , و اليوم دة هو اللى هيخلينا ننبسط مع بعض !! لا يا حبيبى .... انا فى دماغى حاجه تانيه خاااالص ..

قول يا ابليس ... دماغك فيها سم هارى انا عارف ... ها ...

انا بضور على صاله ديسكو ....

يلهوااااااااااى .... صاله ديسكو .... سامحنى يا رب .... ايه ... هننحرف ... و على كدة صاله الديسكو دى بكام ؟؟؟؟

يعنى فى حدود 150 او 200 جنيه ...

بس دة كتير قوى ...

ايوة بس ... هتشوف اللى عمرك ما شفته فى حياتك كلها ...

ايوة بس لو الحكايه على كدة ... منا ممكن اجيبك تتفرج معايا على روتانا سينيما , و مش بس هتشوف اللى عمرك ما شفته ... دة انتا كمان مش هتقدر تغمض عنيك ...

يا عم ارحمنى ..... التليفزيون حاجة و الطبيعى حاجه تانيه ....

يبنى بلاش الكلام دة ... احنا مش بتوع ديسكو .... احنا بتوع كلام .... كلام و بس ... لكن فعل ... مفيش ...

لا ... انا زهقت من الكلام .... المره دى .... فعل ...

كدة .... يعنى مفيش فايدة ....

ايوة مفيش فايدة ... انا من بكرة هدور على صالة ديسكو و هحجز فيها كمان ...و انت ناوى تيجى معايا ولا لا ...

انت اتجننت ..... انا مقدرش اسيبك تضيع نفسك لوحدك ... انا جاى معاك طبعا ...

قشطه ....

يا نعيش عيشه فل ... يا نموت احنا الكل ...

صباح الخير يا رجاله ...

اهلا ماجد .. عامل ايه ...

تمام نشكر ربنا ... , انا جاى افكركوا بميعاد القداس بتاع العيد .. و كمان ميعاد الحفلة يوم العيد بليل الساعه 7 ... لازم تيجوا ...

لا مش هينفع ... اصل احنا رايحين الد.....

اسكت يا عبيط متوديناش فى داهيه ...

دهية ايه ... انتوا برضه بتخبوا على ماجد حاجه ؟؟؟ رايحين فين ... لو فى حفله احسن فى كنيسه تانيه .. انا ممكن اجى معاكوا ...

هو الصراحه احنا رايحين حفله ... لكن فين ... هو دة السؤال ...

قولى انت يا جون ... رايحين فين ... انا عارف انك عمرك ما كدبت عليا ..

بص يا ماجد ... من الاخر .. احنا رايحين صالة ديسكو ..

صاله ديسكو .. ليه بس ... بقى حد يسيب الكنيسه , و يروح ديسكو ؟؟؟؟ ليه بس كدة ...

احنا خلاص اتخنقنا ... كل صحابنا بيعملوا كدة ... ليه احنا منعملش زيهم ؟؟؟ هو احنا عيال ؟؟ لا دة احنا كبار قوى ... و رجاله قوى قوى ..

يا سيدى انتوا رجاله و كبار و كل حاجه ... لكن مش معنى كدة انكم تعملوا حاجه غلط علشان تثبتوا انكم رجاله .... بلاش الديسكو دة , الحاجات دى مش لينا ... مش بتاعت ولاد ربنا ... , انتوا متعرفوش بكرة ممكن يحصل اية .. محدش عارف هيموت امتى .. اعمل لاخرتك ... متبقاش زى العذارى الجاهلات ...

ابتدينا الكلام اللى يغيظ ... بقولك ايه .... انا عندى صداع .. و لازم امشى .... يله يا عماد

استنوا بس .... استنو بس ... ( يخرج وراهم )

( يتنقل الكلام الى شخصين اخرين )

ايه اخبارك يا مان ... و ايه اخبار الدنيا معاك ...

اسكت .... دة انا لسه جاى من حتة خناقه ....

و اتخانقت ليه .... ايه اللى حصل ؟؟؟

ابدا .. كنا بنلعب كورة تبع مهرجان الكنيسه ... و الحكم محسبش جون ... فرحت انا و فريقى مسكناه عجناه ....

يااه .... هما كانوا جايبين حكم من برة علشان يحكم ... للدرجه دى .. المتش كان مهم ... ايه كنتوا بتلعبوا على كاس مركز شباب القللى ولا ايه ...

لا يا عم .... ى حتى بطوله تعبانه ... و الحكم دة لا من برة و لا حاجة .... دة استاذ من اساتذة الكنيسه ....

يا خبر ابيض .... انتوا ضربتوا استاذ الكنيسة ..... جدعان جدعان ... ايوة كدة خليهم يعرفوا ان العيال الصغيرة ورمت ... قصدى كبرت ...

امال ... دحنا رجاله ... و وقفنا وقفه رجاله ... دة انا كنت ناوى اجيبله الواد سلومه الاقرع من على القهوة .. لكن صعب عليا .. قلت بلاش برضه ... احنا مسيحيين زى بعض ..

يسلاااااااممم .... على حنية قلبك و حطفك .... حنين .... احن من الام على ولادها ...

تقول ايه ... انا عيبى كدة ... انى حنين ... و عطوف ... اعطف على كل الناس و احب كل الناس ...

( يدخل ماجد )

صباح الخير يا رجاله ... عاملين ايه ؟؟

صباح النور يا ماجد ... عامل ايه, تمام ..

نشكر ربنا .... ايه يا سامح مش بتصبح عليا ليه ؟؟

اصل انا عارف انت جاى ليه ... اكيد جاى توعظنى على اللى عملته ...

و مين قال انى جاى اوعظك ... انا جاى اعاتبك .. عتاب مابين اخ و اخوة .... ينفع اللى انته عملته دة يا سامح ...

ما هو اللى غلطان ...

تقوم تمد ايدك على واحد اكبر منك ... اعتبرة زى اخوك الكبير ولا زى ابوك ... يعنى انت لو كان ليك اخ و فى مكان الخادم دة ... كنت هتعمل ايه ؟؟؟

دة انا كنت اقطع اللى ضربه ...

طيب , يعنى تقبلها على غيرك و متقبلهاش على نفسك ؟؟ يا حبيبى ... لازم تعرف حاجة مهمه ... ان الدنيا دى زى ارض ... و الانسان ذى الفلاح ... لو ذرعت ورد و ياسمين ... هتطرح ليك فل و ياسمين ... ولو زرعت شوك ... هيطرح شوك ...و انت اول واحد هتتعور منه ..

قصدك ايه ..

قصدى ان من السها ان الواحد يخلى الناس تخاف منه , لكن صعب قوى يخلى الناس تحبه .. بكرة ... هتندم على اى كلمه وحشة قاتها فى حد ... يا حبيبى ... احنا كلنا عيلتك ... وفى وقت الشده هنكون جنبك ... يله تعالى معايا ...تعالى طيب خاطر الراجل اللى زعلان منك .. يلا ....

لا مش ممكن .. لازم هو اللى يجى يعتذر ....

بلاش نشفان دماغ ... تعالى بس لما افهمك ..., انت ضامن تعيش كمان ساعه ؟؟ طبعا لا ... يبقى اعمل لاخرتك ... سامح الناس و متزعلش حد منك ..محدش عارف هيموت امتى .. واللى قدامك النهاردة ممكن ماتشوفوش بكرة ... اسمع كلامى بس و تعالى معايا ..تعالى بس ...

( يخرج الثلاثه )

ايه يا عم مالك مضايق ليه .....

انا خلااااص زهقت من الكنيسه دى ..

ليه بس ..؟؟؟

كل حاجه فيها ممنوع ..حتى الاختلاط ممنوع ....

قول كدة بقى .... يبقى انت مضايق ن كدة ...

ايوة مضايق من كدة ... احنا الكنيسه الوحيدة اللى مفهاش اختلاط ...

طيب وبعدين ...

انا عمال افكر فى حاجه ....

بتفكر فى ايه ...

انا فى بنت معايا فى الكليه .. و اديتنى دعوة بتاعت مسرحيه ...

و المسرحيه دى فين ...

فى كنيسة طبعا ...

ايوة انا عارف فى كنيسة ... اسمها ايه ..

هى اسمها غريب شويه ....

ايوة ايه ؟؟

اسمها كنيسة ... كنيسة .. الخمسينيين ...

ايه دى ... دى بتفتح كل يوم خمسين من كل شهر يعنى ولا ايه ؟؟

يا سيدى انشلا ما بتفتحش غير سعتين ... انا مالى ... انا هروح اتعرف على كام بنت ..و اكون جروب كله بنات ...

تصدق كدة عيب .....

ليه بس ...

تكون الجروب لوحدك ... و تسيب حبيبك هنا بيهش فى الدبان ....

انت عاوز تيجى ؟؟؟؟

ايه يا خويا ... اجى .... لا طبعا .. انا ممكن اتعرف على بنات , لكن اجى ... طبعا لا

ماينفعش ... طب على الاقل احضر معايا المسرحيه بتاعتهم ...

لو على المسرحيه ماشى .....

( يدخل ماجد )

صباح الخير يا رجاله ... عاملين ايه ؟؟

صباح النور يا ماجد ...

ايه مالكم ... مكشرين و مضايقين .... ايه .. حد زعلكم ... ؟؟

ايوة ...

مين ..؟؟

الكنيسة ....

يا راجل حرام عليك ... بقى الكنيسة بتزعل حد ....

طبعا ...

اية بس اللى حصل ... احكيلى ...

مفيش اختلاط و كل ما نقف مع بنت ... ممنوع ... ممنوع ... زهقت ...

طيب و فيها ايه ... انت جاى الكنيسة عشان ايه ؟؟؟ يا حبيبى الكنيسة دى مكان للصلاه ... اساس الكنيسة هو الصلاه ... و الكنيسه بتعمل مدارس احد علشان تعلمك الكتاب المقدس ... انت بقى يا حبيبى جاى الكنيسة ليه .؟؟؟ علشان تصلى و تتعلم ,ولا عشان تتعرف و تخرج و تعمل غرميات ...

مين قال كدة ... هو عشان عاوز اكون صداقات يبقى باعمل غرميات ؟؟؟

لا طبعا ... لكن مش دة المكان المناسب ... عندك الكليه ... ممكن تتعرف على زميله ليك .. بطبيعه الحال انكم فى سكشن واحد و بتسألوا بعض على الماده العلميه اللى بتخدوها ... صدقنى يا حبيبى ... انت عارف و انا عارف .. ان مفيش صداقه بين ولد و بنت ... الشيطان بيستغل اى شئ علشان يعثرك .و يوقعك فى الخطيه .. حتى لو انت مش نيتك حاجة وحشه او غلط .... لكن ... عدو الخير مش بيسيب حد ...

طب و انا ايه اللى يجبرنى على كدة ... انا هاروح كنيسة الخمسينيين دى ... و هناك فيها كلمة ربنا و فيها اختلاط كمان ...

انت كدة بتبيع مسيحك بالرخيص قوى ... انت عارف مين الخمسينيين دول .... يا حبيبى ... محدش عارف هيعيش قد اية ... بلاش تضيع ابديتك و تبيع مسيحك عشان حاجه ملهاش تمن ... صدقنى يا حبيبى ... انا هفهمك ...

( يدخل كمال )

و بعدين يا كمال ... المعلم نيفة .. و قلنا امرنا لله ... لكن مايكل كمان .... يااه ... انا لازم اعمل حاجة .... للى الدور عليه ... ايوة .. اسمه ماجد سمير ... لكن غريبه .... مش مكتوب فى الورقه هو هيموت اذاى .... وبعدين بقى يا ربى ... طب انا اعمل ايو و امنعه عن ايه اذا كنت مش عارف هيموت اذاى .. كل اللى عارفة ان اسمه ماجد سمير و هيموت كمان نص ساعه .... مفيش غير حل واحد ....

صباح الخير يا جماعه ...

صباح النور ,,

انا بدور على واحد هنا اسمه ماجد سمير .... تعرفوة ...؟؟

انا ماجد سمير ... خير فى حاجة ؟؟

ممكن كلمه على جنب ؟؟؟

طبعا ممكن ... عن اذنكوا يا حبايبى .. نبقى نكمل كلامنا بعدين ... خير يا استاذ ...

بص ... انا مش هلف و ادور عليك .... انا هقولك خبر هيزعلك ... لكن .. انا اسف .. لازم اقولك ... لازم تعرف ..

لا متخفش ... انا مش ممكن ازعل من حد ... قولى فى ايه ...

بصراحه ... بصراحه ... انت هتموت .... هتموت كمان نص ساعه ...

ههه ...

ايه دة ... انت مش خايف ... دة انت حتى متخضتش ... هو فى ايه ...

انا متخضتش ,,,,, لانى عارف ...

عارف ايه ... انا مش اهم حاجة ... انا هتجنن

... انا هفهمك ... انا يا سيدى ...مريض ...عندى كانسر فى المخ ... و عارف ان ايامى معدودة على الارض ...و من ساعة ما عرفت الخبر ... شكرت ربنا كتير . انه اختارنى للصليب دة ... ... انا ميهمنيش المرض ... انا بحب يسوع .. وكنت كل يوم باتعامل مع عيلتى و اصحابى و كل الناس .. على ان اليوم دة هو اخر يوم ليا على الارض ... لان محدش عارف اخرته امتى ... لذلك مفرقش معايا ولا همنى المرض دة .... لانى بحب يسوع ... و لانى هفضل احب الناس و اقولهم و افكرهم بالحاجه اللى ديما ينسوها ... لحد ما اموت ...

و ايه هى الحاجه دى ؟؟؟

لو كان العمر ثابتا و هذا العالم مؤبدا .. لكانت لكى يا نفسى حجه واضحه ... هفضل اصرخ باعلى صوتى .. ,,,, خلى بالكوا كلكوا ..... العريس قرب يجى ..... الحقوا توبوا .... قبل ما الباب يتقفل ,,.. الرب قريب .... الرب اتى ... الرب قريب ... الرب اتى ..

بــــلاك +++++ تـــــمـــــــــــــت

مسرحية الرب قريب