اسكتش اسعد اللة مسائكم من جديد

اسكتش اسعد اللة مسائكم من جديد

المذيعة :(ترتدى نظارات  كعب كوباية وتضع مكياج اوفر حبتين وترتدى تايير ذو الوان زاهية جدا)

المذيعة :صيادتى صاتى اهلا وسهلا بكم واسعد الله مساءكم من جديد فى اولى حلقاتة نرحب بجميع الصيادات اللى مشرفنى فى الاستديو اهلا وسهلا بيكم يا اختشي انتى وهى وطبعا بيان صلة القرابة بينى وبين سيد ابو حفيظة انا سوسن ام حفيظة  مرات سيد ابو حفيظة وكلمة فى سركم يا اختشي انتى وهى فكرة البرنامج دية فكرتى انا

المهم بقي ندخل فى صلب الموضوع الفترة اللى فاتت دية كان فية كذا موضوع يشغل الراى العام احنا بقي ملناش دعوة بيهم خالص احنا مالنا احنا ومال الكلاام الفراغ بتاع السياسة دا احنا هننزل فى وسط الشارع فى وسط جمهورنا ونشوف اية اللى بيشغل جمهورى من الصيدات مش الراى العام

وفى اولى حلقاتى احب انى ابقي بشرة خير والمسامح كريم واصالح بين اتنين اخوات متخانقين من زمان اووى وانا واعوذبالله من قولة انا اللى هصلح بينهم نرحب مع بعض بسعاد وعطيات

سعاد (ترتدى ايشارب وجلابية ) عطيات (ترتدى بنطلون وبلوزة )

المذيعة :اهلا وسهلا بيكى يا سعاد وعطيات

عطيات :اية سعاد وعطيات دية بقي اسمها عطيات وسعاد يا ابلة المذيعة 

سعاد :لا يا ابلة المذيعة انتى عندك حق وبعدين انتى متقوليش حاجة غلط انتى ست المذيعات ومتقوليش حاجة غلط ابدا

المذيعة بصوت منخفض ابتدينا :لا ونرحب بيكم يا عطيات وسعاد

المذيعة احنا هنسمع المشكلة من الطرفين نبتدى بالكبيرة سعاد : اية المشكلة

سعاد : بصي يا ابلة المذيعة احنا من عيلة غنية اوى اوى اوى المهم انى امى ماتت وهى بتولد الفقر دية عطيات وسبتنا لابويا لحم احمر المهم برضوة كام سنة كدة وابويا كمان مات ولما مات سبلنا فلوس كتير اووى فاحنا اتخنقنا عشان مش عارفين نقسم الميراث ازاى انا كنت عايزة اننا نجيب بنص الميراث كتاكيت ونربيها وبعدين ندبحها اهو مشروع يعنى نكبر بية ميراث باباى وبعدين نقسم النص التانى كل واحدة تعمل بيه اللى هى عايزاه ازاى وازاى بقي الهانم موافقتش

المذيعة :لية يا عطيات يا اختشي دا حتى مشروع الكتاكيت دا حلو هيكسب

عطيات :بصي بقي اولا انا مش فقر انا وهى تؤام اساسا مش مختلف زى ما انتى شايفة

تقاطعها سعاد وتقول :ايون تؤام اومال بس انا اتولدت الاول وامى ممتاتش وانتى اتولدتى بعدى بساعتين وانى ماتت تبقي فقر ولا مش فقر احنا نخلى الجمهور اللى زى الفل دا اللى يحكم

المذيعة :مش موضوعنا يا جماعة كملى يا عطيات

عطيات :المهم بقي اما ابويا مات انا  بلاش كتاكيت اصلى مبحبش الحيوانات وبعدين ما اديكى شايفة انفلونزا طيور وكتاكيت وخنزاير طب يعنى اموت قبل ما اتجوز انتى عارفة يا اختشي انا لوكنت مخطوبة او متجوزة كنت عادى بس يعنى اموت ويقولوا دية انتحرت عشان مش لاقية عريس    عندكيش عريس يا اختشي

المذيعة : اه انتى ممكن تخدى ابو حفيظة عادى معنديش اى مشاكل المهم وبعدين

عطيات : المهم انا بقي قولتلها اية احنا نفتح جنينة ونزرع ورد ونبيعة للعيال الحبيبة اللى على الكورنيش ويمكن نلهف عريسين من اى بنتين ماشين ابقي انا غلطانة اختشي

المذيعة : دية خايقة عليكى اسعاد البنية عايزة تجوزك

سعاد :ومييين قالى انا عايزة اتجوز انا مبسوطة كدة انا اتجوز واحد يقولى رايحة فين وجاية من فين واعمليلى اكل وروقى ومش عارف اية لا يا اختى مش عايزين

المذيعة : طيب وبعدين عملتوا اية

سعاد :قسمنا الفلوس قسمة الحق طبعا يا استاذة

عطيات : يا كدااابة قسمة الحق برضوة

سعاد : اه انا الكبيرة بساعتين يبقي اخد قدك مرتين

عطيات : لية بقي انشاء الله اومال لو كنتى اكبر منى بسنتين كنتى عملتى اية

سعاد بصوت منخفض : ياريت كنت اديتك 2 جنية واخدت الباقى

المذيعة : طيب يعنى الموضوع كله خلاف على الاموال اه من الاموال اللى تفرق الاخوات _اه من الاموال اللى تفرق المسافات (دا انا عليا جمل انا عليا جمل متسقفولى على البوقين دول انتوا جايين تعملوا اية اساسا )

المذيعة : طيب المهم انتوا عارفين انتوا فكرتونى بمين ؟

سعاد وعطيات :بمين يا ابلة

المذيعة :بالانبا انطونيوس والانبا بولا تعرفوا قصتهم ولا متعرفوش

عطيات : انا اعرفها طبعا

سعاد :امممممم انا اكيد عارفاها بس تلاقيها فى حتة مستخبية فى مخى قولى كدة وانا هفتكر

عطيات : هههه مستخبية فى مخك انتى عندك اصلا مخ

سعاد: بت انا اختك الكبيرة بس بدل ما اقوملك

المذيعة : ادة بس انا بكلم اطفال

المذيعة المهم :الانبا انطونيوس دا كان من عيلة غنية اوى فى اسكندرية (هو انا مالى انهاردة عاملة اشعر يا اختى عليا وانا بقول شعر )

وكان عندة اخت اصغر منه وباباه مات وسبلهم فلوس كتير اوى المهم الانبا انطونيوس دخل مرة الكنيسة وسمع ابونا بيقول (ان اردت ان تكون كاملا فاذهب وبع كل مالكواعط الفقراء  وتعال اتبعنى ) الانبا انطونيوس سمع الاية دية اكن ربنا مبيكلمش حد فى الكنيسة غيرة وعمل كدة فعلا

سعاد وعطيات :واخته ؟؟؟؟

المذيعة : هو قال لاختة انا هاخد نصيبى وادية للفقرا واروح اترهبن انا واديكى نصيبك اخته قالتلة لا انت ودينى اى دير للعذارى انا كمان عايزة اعمل زيك وفعلا وداها لدير للعذارى وراح هو يترهبن

سعاد : اه افتكرت اهو هو مش لما كان فى الصحرا وواحدة نزلت تغسل رجليها فالانبا انطونيوس قالها مينفعش كدة قالتلة انت لو كنت راهب بجد كنت دخلت فى الصحرا الجوانية مش هنا وراح دخل فعلا

المذيعة : صح برافو هو كدة بالظبط

عطيات : اووووف دا طلعت بتفهم اهو

سعاد : طيب احكى كدة قصة الانبا بولا يمكن افتكرها

المذيعة : اما بقي الانبا بولا فدة كان شبهكم اوى هو كان عنده اخ وباباة برضوة مات وسبلهم فلوس كتير فاخوة الكبير طمع فى الفلوس وقالة ان الكبير نصيبى يبقي الكتير وانت  الصغير نصيبك يبقي القليل (انا عليا جمل

عطيات : اااااه زى ناااااااااااس هنا طماعة

سعاد : قصدك اية يا بت انتى صدقينى هعملها معاكى احنا نقوم نقسم البنات دية فريقتين فرقة تبعى وفرقة تبعك ونشوف مين اللى هيكسب

المذيعة : اية دول عليهم اقساط قصدى يعنى لسة مخدوش فلوسهم يا جماعة احنا جايين نصلح يخربتكوا هتبوظوا اول حلقة فى البرنامج

سعاد وعطيات: خلاص كملى

المذيعة : المهم بقي الانبا بولا قرر انه ياخد اخوة ويورحوا لقاضى هو يحكم بينهم فعلا هو هما راحوا وهما فى الطريق لقوا جنازة واحد غنى اوى ومعروف اوى فالانبا بولا وقف شوية وفكر ولقى انه الراجل الميت دا مخدش اى حاجة من فلوسة الكتير دية معاه فقال لاخوة خلاص انا مش عايز فلوس

سعاد تقاطع المذيعة : انا يا ابلة انا يا ابلة افتكرت مش بعدين هو راح للصحرا وقعد اكتر من 80 سنة مشفش وش بنى ادم وكان الغراب بيجبولة كل يوم نص رغيف عشان ياكل

المذيعة   : صح جدا برافو

سعاد : ايون ايون افتكرت حتى الترنيمة بتقول ( حتى لمسة واحدة الارض  لا تستحق لمسة واحدة من رجليك الارض لا تستحق)

المذيعة : الله حلوة الترنيمة دية اوى بس يا ترى تعرفوا احنا لية علطول بنقول الانبا بولا والانبا انطونيوس مع بعض

سعاد : انا الصراحة معرفش

عطيات :احم احم بصي انا عارفة بس مش فاكرة

المذيعة : انا هقولكوا :فى يوم الانبا انطونيوس وهو قاعد فى الصحرا افتكر انه اقدم واحد موجود فى الصحرا عشان هو كان بقالة سني كتير اوى كان قاعد فى الصحرا ومش بيشوف ناس المهم فراح ظهرله ملاك وقاله لا فى انسان بار اوى بقالة اكتر من 80 سنة مشفش وش بنى ادموالعالم ميستحقش حتى لمسة من رجله  وراح الملاك قاله انا هوديك للانسان دا المهم الملاك ارشدة لمكان الانبا بولا فعلا وصل لمغارة الانبا بولا واول ما الانبا بولا شافة ناداه باسمة وقعدوا يتكلموا كتير فى ربنا ومحبتة وجه وقت الغدا والمرة دية جه الملاك معاه رغيف كامل مش نص رغيف والانبا بولا قاله انا عرفت دلوقتى انك رجل الله وقاله كمان ان انا قربت اسافر عايز منك خدمة انك تروح تجبلى الثوب بتاع الانبا اثناسيوس وتكفنى بيه الانبا انطونيوس طبعا سمع الكلام وراح جاب له ثوب الانبا اثناسيوس وهو راجع لقى ملايكة شايلة روح الانبا بولا وطالعة لفوق ولما وصل عندة لاقاة ساجد على الارض هو افتكرة بيصلى استنى شوية كتير مقمش فراح شافاه لاقاه انة مات وفعلا لابسة لبس الانبا اثناسيوس وفجاة لقى اسدين جم

سعاد وعطيات باستغراب : ادة كانوا عايزين يكلوهم

المذيعة : لاطبعا دول قديسين عظيمين لا دا ربنا بعتهم عشان يحفروا قبر الانبا بولا ولغاية دلوقتى محدش يعرف القبر دا فين ومحدش لقى جسد الانبا بولا والانبا انطونيوس رجع مغارنة وادة لبس الانبا بولا اللى هو عبارة عن خيش للانبا اثناسيوس وطبعا دا كان بركة كبيرة للناس كلها وكان بيعمل معجزات كتير والانبا اثناسيوس كان بيلبسة فى الاعياد

ها لسة برضوة هتفضلوا متخانقين

سعاد : لا انا اسفة يا اختشي لو عايزة نفتح جنينة ماشي ولو عايزة تخدى فلوسي كلها ماشي برضوة انا بحبك اوى بجد وبعدين ما انتى شايفة ماليش حد غيرك

عطيات :لا انا اللى اسفة يا اختى انتى الكبيرة واحنا كدة كدة متجوزناش ولا هنتجوز باين الرجالة ماتوا فى الحرب ومالناش غير بعض خلاص احنا نفتح مشروع كتاكيت او خدى فلوسي كلها فداكى يا اختى

سعاد:لا ...لا ينفع ابدا عليا الطلاق لنفتح جنينة ورد

عطيات: لا طبعا انتى الكبيرة وهنفنح كتاكيت

سعاد:لا لا ورد يمكن نتجوز

عطيات : لا انا نفسي اتسدت ومش عايزة اتجوز نفتح كتاكيت

المذيعة :خلاص انا جاتلى فكرة زى ما انتوا شايفين الاموال بتعمل اية بين الاخوات انا معنديش اخوات اية رايكم اخدها انا

سعاد وعطيات : ماشي

المذيعة : بجد طب الفلوسات يطلعوا كام ؟

سعاد:50 تلاف جنية

المذيعة : دا شكل البرنامج دا وشة حلو علينا ماشي انا هنقذكوا من الخناق واخد الفلوس

عطيات: انتى طيبة اوى يا ابلة

المذيعة : اه ما انا واخدة بالى

المذيعة : تشرفنا بكم معنا الليلة ومع حلقة اخرى و50 تلاف اخرى واسعد الله مساءكم من جديد عدتوا بالعافية اموووووووووووووه  

 

 لتنزيل الاسكتش للطباعة بصيغة ال word

 أضغط هنا