مسرحية انت مين؟

 

مسرحية انت مين ؟ 

	( تضاء الأنورا على مشاهد 1 وهو يمسك بمسدس وامامه مشاهد 2 على الارض (
مشاهد 1	ايه خايف تموت ؟؟
مشاهد 2	مستنى ايه ؟؟ متضرب
مشاهد 1	مش قبل ما اشوفك ندمان على كل اى عملته فيا وبتترجانى ارحمك
مشاهد 2	تبقى بتحلم
مشاهد 1	يعنى مش خايف ؟؟ مش ندمان
مشاهد 2	لو عايز تموتنى اتفضل انا قدامك ....
مشاهد 1	حتى وانت بينك وبين الموت لحظة مش عايز تعترف
	( تدخل مشاهدة 2 )
مشاهدة 2	شريف انت بتعمل ايه
مشاهد 1	انتى ايه الى جابك
مشاهدة 2	انت كده هتضيع نفسك حرام عليك
مشاهد 1	وانا لسه هضيع  ...... انا حياتى كده كده ضاعت .... يبقى على الاقل اخلص الدنيا منه
مشاهدة 2	مش هتستفاد حاجه ... سيبه لربنا .... سامحه ... ربنا عملنا نسامح
مشاهد 1	ربنا ؟؟؟ وهو كان فين ربنا لما حصلى كل الى حصلى ؟؟ ربنا كان فين لما حياتى اتدمرت
مشاهدة 2	معلش ياما ناس استحملت اكتر من الى حصلك بكتير
مشاهد 1	كتير ؟؟ محدش يقولى كتير ... مفيش كتير اكتر من الى حصلى محدش يقولى كتير
	(يدخل مقدم المسرحيه من وسط الجمهور )
المقدم	هو كتير بعقل ؟؟؟ ايه الى انتو بتعملوه ده ؟؟؟
	( يعود الممثلين الى طبيعتهم والمقدم يصعد الى المسرح )
مشاهد 1	ايه فى ايه
المقدم	انا الى فى ايه ؟؟ انتو مش شايفين روحكم وانتو بتمثلوا ... ايه جو امير الانتقام ده
مشاهد 2	واحنا يعنى بنجيب كلام من دماغنا ؟؟
مشاهده 1	مهو النص مكتوب فيه كده
مشاهد 2	واحنا ياما قلنا ان النص وحش
مشاهد 1	بس ملقناش نص غيره نعمله
مشاهدة 1	والحفله بتقرب ولازم نعمل مسرحيه
المقدم	انا معاكم بس بردو مش لدرجة الاداء الاوفر الى كنتو عاملينه ده
مشاهد 2	بينى وبينك معاك حق انا مكنتش طايق نفسى وانا بمثل
مشاهد 1	ولا انا ... مسدس بيتر ابن اختى ده مش مدخلنى فى المود خالص
مشاهدة 2	لا بس شفتنونى وانا داخله اقوله شريف .... – باداء مسرحى مبلغ فيه - انت كده هتضيع نفسك يا شريف
المقدم	كفايه هزار بقا .... هى ساره فين
مشاهدة 1	مجتش النهارده وكده كده دورها مش هيتعمل
المقدم	هى واخده دور ايه
مشاهد 1	دور اخت البطل الى بتتحرق فى البيت بتاعهم
المقدم	يا ساتر وعايزينها تيجى ؟؟
	( تدخل ساره )
مشاهدة 1	شامه ريحة تريقه على دورى
مشاهد 1	لا وانتى الصادقه دى ريحة شياط بعد ما اتحرقتى
مشاهدة 1	سكر ......
المقدم	سيبكم بقا من كل ده .... انا عندى ليكم مفاجاه
الجميع	خير ؟؟
المقدم	انا هرحمكم من النص الاوفر ده
الجميع	ازاى ؟؟
المقدم	جبتلكم نص جديد وحلو قوىىىىىىىىىىى
	( يحتفلون جميعا باصوات مختلفه )
مشاهد 1	اخيرا هرجع لبيتر المسدس
مشاهدة 1	اخيرا مش هتحرق تانى
مشاهد 2	والنص الجيد ايه نظامه
مشاهدة 2	فكرته ايه
مشاهد 2	كام شخصيه
مشاهدة 1	مدته قد ايه
مشاهد 1	ديكوراته كتير ؟
المقدم	واحده واحده هقولكم كل حاجه
الجميع	طيب يلااااااا
المقدم	النص الجديد بيتكلم هم قصة ايوب
	( يصدمون جميعا ويصمتون تماما وينظرون له )
المقدم	ايه مالكم فى ايه ؟؟
مشاهد 1	ايوب ايه ؟؟؟
مشاهده 1	ايه يا عم جو ابتدائى ده ؟؟
مشاهد 2	واحنا ناقصين صبر ؟؟
مشاهده 2	ايه فى ايه ؟؟ نعم ؟؟
المقدم	نعم انت ؟؟ القصه دى احنا حافظينها من صغرنا
مشاهده 1	ولما بقينا بنخدم بقينا نحكيها فى الفصول
مشاهده 2	وانت بقا جاي بعد كل ده عشان بردو تقولنا نحكى للناس قصة ايوب ؟
المقدم	انا معاكم فى الى بتقولوه بس بردو ده ميمنعش اننا ممكن ناخدها بطريقة جديده
الجميع	يووووووة
مشاهد 1	جديدة ايه وقديمة ايه يابنى احنا ممكن نسمعلك قصة ايوب بكل الى فيها
مشاهده 1	حرف حرف
مشاهد 2	تامل تامل
مشاهده 2	ايه ايه
المقدم	مش للدرجه دى يا جماعه
مشاهدة 1	بقا كده ؟؟ متيجو نوريه
	( ينظرون لبعضهم ويشيرون بعلامة الموافقه )
مشاهدة 1	تزيحه جانبا - تعالى بقا على جمب كده انزل اتفرج من تحت
الجميع	مش انت عايز قصة ايوب ... احنا هنحكيهالك
	(تـُسمع صوت موسيقى عربيه قديمه .. أقرب للموسيقى البدوية .. يقف الجميع فى الخلف ... ثم يدخل ايوب يسير فى هدوء وخشوع وهاهى راويـــة الأحداث)
مشاهده 1	يُحكى ياساده ياكرام .. أنه فى سالف العصر والأوان .. كان هناك عبدا صالحا إسمه إيوب ...
مشاهد 1	و قد أنعم الله على هذا العبد بالخير الوفير....
الجميع	( بنغمه حاسده ) الوفــــير أوى ...
	( ينظر إليهم أيوب ... بدهشة ...)
أيوب	إيه .. إحنا هانقر ولا إيه ... دا هما كلهم 7 تلاف م الغنم ..
الجميع	( مستكثرين) بـــــــس ....
أيوب	( خائفا من الحسد ) و 3 تلاف جمل ...
مشاهد 2	و دول هتأكلهم منين يا مسكين ...
أيوب	يعنى ... أهو ... فيه 500 فدان مليانين خير ربنا ...
الجميع	( ساخرين ) ياعينى ... صعبت علينا ...
أيوب	أهو كله لولادنا ... سبع ولاد و 3 بنات ...
الجميع	ربنا يبارك لك ويخلى ....
	( يتحرك أيوب بعيدا .. لتكمل الفتاه حديثها )
مشاهده 2	و رغم كل الخير دا كله .. أيوب ياناس كان من أبر الناس.
مشاهد 2	و ربنا كان بيتباهى بيه فى مـُـلـكــه ...
مشاهده 1	لكن الشيطان قال لربنا ...
( يدخل الشيطان فى وهو ينظر لهم فى خبث  )
الشيطان	وهو أيوب بيعبدك بالمجان ... ماهو علشان أديته من الخير الكتييييييييييير .... سيبنى إنت عليه و.. ووأنا هاخليه يبعد عنك خالص ..
مشاهده 1	و علشان حياتنا كلها إختبارات ..
مشاهد 1	ربنا سمح للشيطان.. يعمل اللى هو عاوزه فى أموال  أيوب وولاده..
مشاهده 2	و لإنه شيطان .. دمر كل الخير اللى أيوب كان عايش فيه ..
	( أضاءه  مره أخرى على أيوب .. ويسرع الجميع حوله )
الجميع	أيوب .... إلحق يا أيوب ...
أيوب	مالكم .... واقفين ليه ... إتفضلوا .. إرتاحوا ...
الجميع	مصيبه يا أيوب مصيبه ..
أيوب	ليه بس كده ... فيه إيه ... ما خير ربنا كتير و يزيد ...
الجميع	ما بقاش فيه إى خير يا أيوب ...
أيوب	قصدكم إيه ...؟؟؟
مشاهد 2	السبع تلاف راس غنم إتسرقوا ...
( يظهر الأنزعاج على إيوب ... لكنه يتماسك .. مرددا )
أيوب	الرب أعطى ... الرب أخذ ....
مشاهد 1	وكل البقر مات ...
( يهتز أيوب .. لكنه يتماسك ... مرددا ...)
أيوب	الرب أعطى .. الرب أخذ ...
مشاهده 1	و حتى الجمال .... كل الجمال إتنهبوا ...
( يزداد أيوب تماسكا .. مرددا ... )
أيوب	الرب أعطى .. والرب أخذ ...
الجميع	و  ولادك ....
أيوب	( صارخا ) لأ   .....
الجميع	و ولادك وقع عليهم البيت وماتوا ...
( ينهار أيوب تماما.. ممزقا ملابسه.. ساجدا على الأرض)
أيوب	عريان خرجت من بطن أمى .. وعريان أعود الى هناك .. الرب أعطى ... الرب أخذ ... فليكن أسم الرب مباركا ...
( إظلام على أيوب ... وإضاءه على المجموعه ..)
الجميع	شايفين ... فعلا ... نعم العبد أيوب ... رغم كل اللى حصل له ... بس لسه عبد صالح ...
مشاهده 1	و إنتوا شوفتوا حاجه ... دا لسه ...
مشاهد 1	ربنا بيتباهى بأيوب أكتر و أكتر ...
مشاهده 2	لكن الشيطان ما سكتش ... راح لربنا وقاله ...
الشيطان	ماهو لسه عبد صالح ... علشان لسه بصحته ... سيبنى بس على جسمه .. وأنا أخليه يبعد عنك ...
مشاهده 2	و سمح له ربنا بجسم أيوب ...
مشاهد 1	الشيطان اللعين صاب أيوب بأبشع الأمراض ..
مشاهده 1	تقرحات فى جسمه ...
	( يبتعد الجميع عن ايوب خوفا منه ...)
الجميع	( متفرقون ) يا ساتر يارب ... حاسب ياعم ..
مشاهد 2	و كان طول اليوم .. ما بيبطلش هرش ..
الجميع	( متفرقون ) إجرى يا جدع .. و  دا كمان جربان ..
مشاهد 1	جسمه من كتر الهرش ... كان كله دم ...
	( يهرب الجميع من هذا أيضا ...)
الجميع	( متفرقون ) يــيـــه .. و بعدين بقى ...
مشاهده 1	ومع كل ده .. أيوب كان هادى.. وحتى عابد.. وساجد لربه.
مشاهد 1	عمر الخير الكتير اللى راح ماهزه...
مشاهده 2	و لا حتى موت ولاده و بناته هده ...
مشاهد 2	ولا كل الأمراض اللى صابته قللت من رضاه وحبه ..
الجميع	إنما بقى لو عايزين تعرفوا بجد اللى كان أقسى من كل دول عليه ...
مشاهدة 1	و إيه اللى خلاه يتعب و يضعف ....
مشاهدة 2	و أيه اللى خلاه يقول لربنا ...
الجميع	ليه يارب .... ليه عملت فيا كده ...
مشاهد 1	تعالوا شوفوا اللى تعب أيوب أكتر من الشيطان والمصايب والأمراض ...
	( يتراجع الجميع للخلف ... بينما يظهر أيوب فى حاله  مرضيه سيئه ... يحك جسمه بشده ... تدخل عليه .. زوجته .. وما أن يرها ... يسرع إليها .. مستنجدا .. )
أيوب	إلحقينى
زوجة أيوب	خير حصل ايه ... فى مصيبه تانى
أيوب	جمسى مولع نار ... القروح ملت كل جسمى والدم مش بيقف
زوجة أيوب	وايه الجديد .... مهو ده حالنا ليل ونهار
أيوب	طيب ... تعالى ... تعالى بسرعه .. أهرشى لى فى كل جسمى ...
زوجة أيوب	بقرف وإشمئزاز- إيه ده .... إبعد عنى .. هى ناقصه  ..
أيوب	قرف ... هى دى اخرتها .....
زوجة أيوب	امال اقولك ايه بس انت مش شايف نفسك دنا مبقتش عارفه اكل ... ولا اكل ايه يا حسرة واحنا بقا حيلتنا اكل ولا شرب دحنا بقينا ولا الشحاتين
أيوب	الزوجه الصالحه تقف مع جوزها فى السراء والضراء ... فى الصحه والمرض ...
زوجة أيوب	الصحه والمرض ... مش الجرب  والفقر والذل والحرمان من كل حاجه – تبكى حتى ولادى – طيب انت ربنا بيعاقبك انا زنبى ايه ... تحرم من ولادى ليه ... اعيش مذلوله بعد ما كنت ست الكل ليه ؟؟ ليه ؟؟ ...
أيوب	زى ما بنشكر ربنا على الخير  ... لازم نشكره على كل حاجه ..
زوجة أيوب	نشكره على إيه .. على الخير اللى راح .. ولا ( باكية ) ولا على ولادك اللى ماتوا ... تقدر تقولى ربنا فين ؟؟ تفتكر انه سامعك اصلا ... طيب لو سامعك عمل فيك كده ليه ... ولو شايفك فى حالتك دى سايبك ليه .. ماهو يا يشفيك يا ياخدك ... إنت عايش ليه ... ماتدعى ربنا إنه ياخدك زى ماخد ولادك .... ادى ربنا انه ياخدك بقا ويريحنى ويريحك

 

( إظلام على أيوب و زوجته .... و أضاءه على المجموعه ... التى تتقدم  للأمام ... )
المجموعه	ودى كانت أول طعنات السكين جوا حشا أيوب ...
مشاهد 1	ما هو الوجع لما يجى م القريب ولا الحبيب ..
مشاهده 2	بيكون أقسى من كل الأوجاع  ..
مشاهد 2	دا غير وجع الصحاب ياناس ...
المجموعه	تعالوا شوفوا الصحاب عملوا إيه فى أيوب ...
( إظلام على المجموعه .... وأضاءه على أيوب الذى يظهر جالسا .... بينما يدخل عليه أصدقائه الثلاثه ....)
صديق 1	إزيك يا أيوب ....
صديق 2	عامل إيه دلوقت ...
صديق 1	ياترى لسه صابر ...
أيوب	أ  ألخير نقبل من الله ... والشر لا نقبل ....
صديق 1	بس تفتكر ربنا عمل معاك كده ليه ...
صديق 2	إحنا أكبر ناس فى البلد ...
صديق 1	و ياما شوفنا .. وياما عرفنا ...
صديق 2	و من كتر الحاجات اللى حصلت حوالينا ...
صديق 1	بقينا عارفين أن ربنا لما بيغضب على حد ...
صديق 2	بيعمل فيه نفس اللى حصل معاك ...
أيوب	قصدكم إيه .... إن .... ربنا غضبان عليا ...
الأثنين	طبعا ... ودى عاوزه كلام ....
صديق 1	الخير اللى كان عندك و راح ....
صديق 2	ولادك اللى ماتوا ...
صديق 1	صحتك اللى هلكت ...
الأثنين	كل دا مالوش غير معنى واحد ....
أيوب	إن ربنا غضبان عليا .... طب ليه ....؟   نعم العبد أنا ...
صديق 1	ما تصدقش ... ما أحنا كمان   كنا فاكرينك كده ...
صديق 2	إنما العبد الشرير هو اللى ربنا بيغضب عليه ...
صديق 1	العبد الشرير ... هو اللى ربنا بيعاقبه ....
الأثنين	أعترف يا أيوب .... إعترف ...
أيوب	أعترف بإيه ... ما أنا عايش معاكم طول عمرى ... شوفتم عليا إيه ... ؟
صديق 1	ياما ناس كتير بيكونوا قدام الناس عاملين أخيار ...
صديق 2	إنما من وراهم ...
الأثنين	أشرار ....
إيوب	أنا ....؟؟؟؟؟
صديق 1	إعترف يا أيوب ....   ( يدور الثلاثه حوله )
صديق 1	إنت شرير يا أيوب ....
صديق 2	إنت شرير يا أيوب ...
صديق 1	إنت شرير يا أيوب ...
الأثنين	إنت شرير يا أيوب ....
إيوب	( يتحرك أيوب ... ناظرا للسماء ... مبتعدا عنهم ... مع أظلام عليهم ... إلا من بؤرة ضوء على إيوب .... الذى يبدو عليه التشويش .. وكأن بداخله بركان من المشاعر )     طب فين الذنب اللى عملته.. دانا طول عمرى بعمل أوامرك .. بعمل اللى قلت عليه ... وأبعد عن اللى نهيت عنه .... يبقى ليه ...( بغضب ) ليه أنا .. الدنيا مليانه مجرمين .. مليانه عصاه .. و ليه تعاقبنى أنا ... دانا كنت دايما بقول( متباه بإنكسار و سخريه) الكامل أن ..العابد أنا .. نعم العبد أنا ... ليه .. ( بقوه ) فهمنى ... أنت ماخلقتنيش علشان الحيره .. أنت خلقتنى .. وأنت ربى .. أنا عبدك يبقى لازم تفهمنى .. ليه اللى حصل لى ده .. ليه.. انت ربى ؟؟ انت الهى ؟؟... انت مين ؟؟ قولى انت مين ... انت مين ؟؟
( إظلام على أيوب ... وعودة المجموعه ... بالإضاءه ...)
مشاهد 1   مشاهدة 1   مشاهد 2   مشاهدة 2	و آآآآآآه ..... أأأأأه من وجــع الصحــاب ..   آآه من وجع الكلام ..   وكل حرف فى كل كلمه لما يتحول طلقة رصاص ..  وهو دا اللى تعب أيوب ياناس ...
المجموعه	و هو دا اللى تــعـبــنــا كـلـنـا .. … قــســوة قــلــوبــنــا على بـعـضـنـا ..   ( يـوجــه الكــلام للجــمــهـــور )
مشاهد 1	كل واحد عين نفسه قاضى ...
مشاهد 2	كل واحد نصب نفسه واعظ ...
مشاهدة 1 الجميع مشاهدة 2 الجميع	الكل ماسك فى إيده ميزان العدل وهو مايل ... الكل فاكر نفسه كامل وهو ناقص .... ولو مش مصدقنا ... تعالوا معانا نبص على روحنا .. و ما تـتـخـضـــوش ..... * إظـــــلام *

 

 

 

 

 

 

 

 

 

اللوحــه الثانيــــــه

==================

{ قبل فتح الستار ... يُسمع صوت هبوط طائرات ... وصوت المذيعه الداخليه للمطار تتحدث ... }

 

ص. المذيعه	تعلن شركة طيران دريم عن تأخر قيام رحلتها رقم (تغنيها)  07775000.. ( تعود لتتحدث بأسلوب جاد) وذلك لسوء الأحوال الجويه .... شكرا .... ( ثم يتكرر التنبيه باللغة الإنجليزيه ) دريم إير لاين سورى ....
	( يتلاشى الصوت تدريجيا .... مع فتح الستاره على لافته مكتوب عليها (  خطوط  طيران دريم ) حيث هناك عدد كبير من الشباب و الفتيات يقفون فى طابورين ... واحد للشباب والثانى للفتيات ... الجميع فى حالة تزاحم وتشاجر ... )
شاب 1	إيه ده ... يعنى  إيه الطياره هتتأخر ...
فتاه 1	حرام عليكم أحنا واقفين من إمبارح ...
شاب 2	أنتِ من أمبارح .. أنا بقالى أسبوع مستنى ..
فتاه2	دى رابع طياره تتعطل ...
شاب 3	دا حنا دافعين فلوس ياجدعان ... إيه ده ..
فتاه 3	أنا هارفع قضيه على الشركه دى .. دى مش معامله خالص.
شاب 1   فتاه 1	عندك حق يا أنسه ... وأنا هاشهد معاكى ..( يغمز بعيني)  تيجى نرجع ..   ( تنظر للشاب المعاكس ) مش هانخلص أحنا م الملل ده ... كفايه  بقى ... إرحمونا ....
فتاه 3	أوف ... هاتخنق ... حر ... حر .. مافيش ( بالفرنسيه) أير كونديسون  ولا إيه ...
شاب 3	( ريفى مستغربا) كونجستال ؟؟ ايوه عارفه ده بتاع البرد  ... ليه ... لا يكون حد عيان ولا  .. لا تكون جت له أنفلونزا الطيور ...
	( و بمجرد سماع كلمة  أنفلونزا ..  يصاب المكان بحاله من الهرج و المرج .. و الجميع يجرى يمينا و يسارا ... مع تضارب شديد فى الأضاءه )
أصوات متعدده للجميع	-         أنفلونزا الطيو ... -         اجرى ياجدع .. -         حاسب .. -         ابعد عنى .. -         إبعدى إنت .. -         وشك بعيد .. -         آه يارجلى ... -         فين الكمامه ... -         إنت اللى قمامه ... -         حاسب ... -         كله يخبى وشه ....
الموظف	( يصرخ بقوه فى الجميع ) بس إنت وهو وهى  .... بس..
	( يتوقف الجميع عن الجرى والخوف والهلع ... لنجدهم جميعا وقد وضعوا كمامات على الوجوه ... يبتعد كل منهم عن الآخر فى خوف  وفزع ..... )
الموظف	جننتونى حرام عليكم ... إنتوا إيه .. مجانين ... جميع صالات المطار معقمه .. وإنتوا كلكم إتكشف عليكم ... خايفين من إيه بقى ....
	( لازالوا يرتدون الكمامات .. يتباعد كل منهم عن الآخر..)
شاب 3	ماهو ... ماهو مافيش حاجه مضمونه اليومين دول ..
فتاه 3	أنا جالى المصل من سويسرا ... بس برضه NO .. NO
الموظف	و أنا مالى ... إنتوا هاتجننونى ... ( يكاد ينصرف )
الجميع	طب و الطياره ....
الموظف	العطل على المطار كله .. و كلها ساعتين تلاته و تسافروا..
الجميع	ساعتين .... تلاته ...
الموظف	و يمكن أكتر ...
الجميع	و يمكن أكتر ....
الموظف	و اللى مش عاجبه عنده حل من الأتنين ... يا أما ياخد فلوسه ويرجع ...
الجميع	يا إمــــا ....؟؟؟
الموظف	يقعد شاطر ... و يستنظر ... ها ... قلتوا إيه ....؟؟
الجميع	( بسخريه و زهق ) هـانـسـتـنــظــر ...
	( يخرج الموظف ... بينما لازال الجميع يتحرك فى حاله من الترقب و الخوف المتبادل ... فلا زالت الكمامات على الوجوه ..  تهدأ الإضاءه قليلا ...  وفى أداء حركى ضاحك .. يحاول البعض التقرب من الآخر ... لكنه يفاجأ بتهرب الأخر منه .. الجميع خائف ... الجميع قلق ... يترقب ... و أثناء ذلك .. يدخل عليهم فى بؤرة ضوء..عامل النظافه التابع للمطار.. يظهر عليه كبر عمره .. الذى يقارب الستين .. يرتدى زى  عمال النظافه .. فى يده مكنسة طويله و جاروف بيد طويله  ويجر سلة مهملات على عجلات .. ينظر إليهم .. يتابعهم من بعيد .. يتعجب من حالهم .. ينادى عليهم من بعيد .. )
عم صابر	إنتوا ما عرفتوش ....
	( تتوقف حالة التحرك والكر والفر .. ينظرون إليه )
عم صابر	مش قالوا أن الكمامات مليانه أنفلونزا ...
	( وفى حركه آلـيـه جماعيه يقومون بخلع الكمامات وألقائها أرضا .. بل ويبتعدون عنها خوفا منها ... ليضحك عم صابر ... ويتحرك بمكنسته و جاروفه .. جامعا ما ألقوه ... )
عم صابر	أهو كده ... شـُـطار ... مش ناقصين كمان أن الخوف من المرض يبعد بينا ... كفايه إحنا بُعاد أصلا عن بعض ..
شاب3	( يكتشف مزاح صابر) بتهرق إنت إياك ... تصدق إنك راجل ماسخ ...
	( يتحرك صابر الى الكمامات التى ألقوها ارضا .. يجمعها بمكنسته و جاروفه .. وهو يردد )
عم صابر	ماسخ و لا حادق حتى ... المهم  نلم خوفنا و رعبنا ونرميه فى الزباله ...
	( يجمع الكمامات ... و يضعها جميعا فى سلة المهملات .. ليتحرك إليه شاب واحد ... معجبا بما قال .. يرتب على كتف صابر ... )
شاب 2	إيه الفلسفه والحكمه دى كلها ياعم .....
عم صابر	صابر .. إسمى صابر ...
شاب 2	دا إسم دا ... ولا صفه ...
عم صابر	إسم ولا صفه .. مش مهم .. المهم مايكونش كدبه ...
	(فى هذا الوقت يتحرك الجميع الى تجمعات ثنائيه وثلاثيه)
فتاه1	لااااا ... دى حاجه بارده فعلا ... مش وقت هزار دا أبدا ..
فتاه3	إيه دا ... كل حاجه هزار .. هزار ...( للفتاه التى أمامها ) هاى .. نهى ..
فتاه1	أهلا ... عفاف ...
شاب 2	إحنا كده ... دايما نخلط الهزار بالضحك ....
شاب3	ومش ناقصه غير بتاع النضافه دا كمان ...
	( يتحرك صابر وهو ينظف المكان بمكنسته )
عم صابر	( ضاحكا)  30 سنه وأنا فى المطار .. الصاله من دول تبقى زى الفل .. تتملى ناس زيكم .. ويسيبوها ..( يرميهم بنظره قويه)  ويسيبوا زبالتهم فيها ..
شاب 1	إنت ... إنت قصدك إيه ....
عم صابر	( ضاحكا متهربا) لا قصدى ولا حاجه يابنى .. أنا حتة عامل نضافه ... ( يبتعد يمارس عمله فى نظافه المكان )
شاب 2	( غاضبا) تعطيل .. تعطيل .. تعطيل ... كل حاجه فى البلد دى متعطله .. وحتى وأحنا سايبينها بتعطلنا ...
شاب 3	مش مهم ... خلاص .... هانت و نشوف الدنيا اللى بجد ..
شاب 2	أنا خلاص ... إتخنقت ... ولو قعدت يوم واحد تانى فى البلد دى هاموت  ...
شاب 1	( مطاردا الفتيات بعينيه ) ليه بس ... ما القاعده حلوه وأموره ودمها خفيف أهه ...
فتاه1	هو دا اللى فالحين فيه ... الكلام الفاضى وبس ...
فتاه 2	أمال أنا مهاجره ليه يا بنتى ... أى حته هتلاقى فيها بنى ادمين بجد ... مش كل حياتهم تهريج ...
فتاه3	أى مكان تانى هتلاقى اللى يحترم عقلك ويحترمك ... مش يتريق عليك ...
فتاه 1	هتعرف تحقق حلمك ... وهتلاقى اللى يساعدك ... مش اللى يهدك ....
	( و هنا يتحرك صابر كانسا الأرض بمكنسته .. مرددا )
عم صابر	أوعى تسمح لحد فى يوم يخنق حلمك ... يقتل بكره جوا عينيك  .. صدقنى يومها يبقى العيب منك .... وإنت اللى سلمته نفسك يإيديك ...
الجميع	و إذا إتجمعت عليك كل الدنيا ... هاتعمل إيه ... قولنا إيه اللى فى إيديك ....
شاب 1	دا أحنا من يوم ما بنتولد ... و كل حاجه معاندانــا ...
	( تتحول الأضاءه الى أربعة بؤر ضوئيه ...   ثم يدخل اب 1 وأم 1 من ناحيه ثم اب 2 وام 2 من الناحيه الأخرى تقف الفتيات بجانب بعضهم على جانب وحولهم اب 2 وام 2 والشباب فى الجانب الأخر وحولهم اب 1 وام 1 )
أب	إبن الطاعه ليه الجنه ....
أم	والبنت الباره هى المطيعه لأمها..( يلكزها الأب مُذكرا ) و أبوها ...
أب	و براحتك خالص ... حب اللى تحبه ...
أم	و أعملى اللى إحنا عاوزينه ...
أب	لعب فى الشارع لأ ...
أم	رجوع بعد 9 لأ .....
أب	تروح تلعب عند أصحابك دول .. لأ ...
أم	و البنات صاحباتك يزوروكى لأ  ... ( يدور الأباء والأمهات حول الأبناء والفتيات ... الذين ينكمشون  فيما بينهم و هم جلوس ... يحاولون التحدث ولو بكلمه .. ولكن يقاطعهم الأباء والأبناء دائما ..)
شاب 1	طيب ...
الإثنان	لأ ....
فتاه 2	أنا كنت عاوزه ....
الإثنان	لأ ....
شاب 3	طيب ممكن ...
الإثنان	لأ ....
فتاه 3	أو حتى ....
الإثنان	لأ ....
الأباء والأمهات	لأ .... لأ ... لأ
( ثم ينهض الجميع.. يصطفون.. يدورون حول أنفسهم ..)
الجميع   عم صابر الجميع	مليون لأ .. ولأ ...  إتولدنا وإتربينا عليها ... فيها الصح وكتير منها غلط ..   أكرم أباك وأمك ... الكتاب قال كده ... لا تـــغــيــظــوا أبــنــائــكم ...  م الكتاب برضه قال كده ...
عم صابر	غيظ إيه ياهـِـبل إنتوا ... الأب والأم دايما بيبقوا خايفين على ولادهم ...
الجميع	مش كل الخوف اللى يربى ... مش كل الخوف اللى ينجى ..
عم صابر	الكبير بيفهم أكتر ...
الجميع	من وجهة نظره.. من شباكه .. واللى أوقات كتيره بيكون شباك قديم .. بيبص على منور ولاحيطه من غير نور.
عم صابر	كل أب وأم عاوزين ولادهم أحسن ناس ... عاوزين ولادهم كاملين ...
الجميع	كاملين أزاى وإحنا من صغرنا وإتقفل علينا ... وأحنا من صغرنا وأتحط مليون سور ورا سور حوالينا ...
شاب 1	و لما كبرنا ... لقينا نفسينا فى غابه ...
فتاه 1	لقينا نفسنا فى سيرك كبير ...
شاب 2 فتاه 2	سيرك ولازم تبقى فيه بلياتشو ...  حاطط على وشك مليون وش ..
شاب 3 فتاه  3   الجميع	تتكلم بكل لسان .. و تضحك فى كل الوشوش ... ترقص وتنط على الحبل .. ومليون حبل ..   ترمى كل اللى أتعلمته .. وإتربيته ... و تبقى مــســخ ..

 

	اللوحه الثالثه المدير   ( إظلام على الجميع .. إلا من بؤرة ضوء على مجموعه من الأفراد يلتفون حول المدير ... الجميع يتملقونه .. الجميع فى أياديهم الهدايا ... تقدم الهدايا للمدير الذى يأخذها مبتسما .. ثم يضعها على يد للساعى .. الذى مد يديه أمامه مستعدا.. و هكذا .. الهديه تلو الأخرى )
فرد 1	ألف مبروك يا أفندم ... حمدلله على سلامة المدام ...
فتاه  1	أكيد النونو قمر ... شبه مامته .. هاهاهاها ...
فرد 2	أنا هاطير م الفرح يا أفندم .. كأنى أنا اللى خلفت ..هاهاها..
فتاه 2 فرد 1	عقبال ما تخاويه يا أفندم ... هيهيهيهيهيه ... عقبال ماتشوفه مدير شركة سياحه قــد الدنيا ...
المدير	شكرا على مشاعركم الجميله دى ... و بمناسبة المولود الجديد هاصرف نص شهر لكل واحد جاب هديه ..آآ .. قصدى ... لكل واحد فى الأداره ..
	( وهنا يدخل أحدهم مسرعا.. يبدو عليه الأرهاق والتعب )
الموظف	مصيبه يا أفندم ... مصيبه ...
	( ويلتف حوله زملائه غاضبين )
فرد 1	إيه يا جدع إنت الألفاظ دى ...
فرد 2	إنت ما عندكش ذوق ...
فتاه 1	ما عندكش نظر ....
فتاه 3	ماعندكش إحساس ..
الساعى	ماعندكش هديه ....
الموظف	ياجماعه أسمعونى .. بطلوا تضييع وقت ..
فرد 1	إنت اللى بطل قلة ذوق بقى ...
فرد 2	دا النهارده يوم تاريخى ...
فتاه 1	( هامسه ) وإنت جاى كده ... إيد ورا وإيد قدام ...
فتاه 2	لأ .. لأ ... ما عندكش حق ...
المدير	مالك ... فيه إيه ... ؟؟
الموظف	الناس اللى كان مفروض يسافروا النهارده مسافروش .. والتذاكر راحت عليهم .. وكلهم جايين ورايا على الشركه ..
المدير	إواى دا حصل ... ؟
الموظف	كان مفروض يتعمل لهم تأكيد حجز.. وماحدش عمل حاجه .
المدير	و مين المسئول عن الفوضى دى ...
الموظف	الأساتذه اللى قدام حضرتك كلهم مسئولين ..
فرد 1	أنا .... كنت بجيب الهديه للمدام ...
فرد 2	و أنا اللى وصيت على الورد ...
فتاه 1	و أنا اللى لفيت الهدايا ...
فتاه 2	و أنا كنت معاها فى المستشفى طول اليوم ...
المدير	أمرك عجيب يا أخى .. ما كلهم مشغولين أهه ... أمال أنت كنت بتعمل إيه ....؟
الموظف	أنا بقالى 3 أيام فى الشارع ....
فرد 1	وكمان بتقولها كده عينى عينك ...
فرد 2	ياعينك يا أخى ..
الموظف	هو أنا كنت نايم فى بيتنا ... أنا كنت بخلص شغلنا .. خلصت 150 تأشيره.. و 200 تصريح ..غير 100 بوليصة شحن ..
المدير	و طبعا نسيت تأكد حجز التذاكر بتاعة الناس و أتسببت فى المصيبه اللى حصلت ..
الموظف	أنا .... ؟
الموظفين	أيوه .....
المدير	يا أخى ... حرام عليك ... إعمل بالمرتب اللى بتاخده ...
الموظف	أنا .... ؟
الموظفين	ايوه ....
الموظف	طب ودول ..( مشيرا للموظفين ) ..
المدير	مالكش دعوه ... كل واحد من دول جاب هديه .. قصدى .. كل واحد من دول شايف شغله ... أنت سبب الفساد ...
الموظف	أنا ...؟؟
الموظفين	أيو .....
المدير	و علشان كده ... لازم تسيب الشغل .. و فورا ....
الموظف	أنا .....؟؟
الموظفين	أيوه ......
	( إظلام على الموظفين و إضاءه فى الخلف .. على باقى الفريق ... يحادثون صابر ....)
الجميع	و آدى النتيجه ... تشتغل أكتر ... تبقى الضحيه .. واللى بيلعب هو الكسبان ...
عم صابر	مكسب إيه اللى بتتكلموا عنه ياهبل ... إيه فايدة تكسب كنوز الدنيا وتخسر نفسك ...
الجميع	و الشريف اللى أنطرد فى الشارع  وخسر شغله ...
عم صابر	بس كسب نفسه ....
الجميع       الزوجه الموظف الزوجه   الموظف الزوجه الموظف الزوجه الموظف الزوجه الموظف الزوجه الموظف الزوجه الموظف الزوجه الموظف الزوجه الموظف الزوجه الموظف الزوجه   الموظف الزوجه الموظف الزوجه الموظف الزوجه           طفل 1 طفله 1 الموظف طفل 1 الموظف طفل 1   الموظف طفل 1 الموظف طفله 1 الموظف طفله 1   الموظف طفله 1   الموظف طفل 1 طفله 1 الموظف طفل 1 الموظف طفله 1       الموظف         طفل 1 الموظف       فتاه أعلان       فتاة اعلان         فتاة إعلان                               الجميع	وأما يحب ياكل ولا يشرب .. هايعمل إيه ...؟   ( أظلام على الجميع ... وفرد 3  يجلس مهموم على كرسى فى منزله .... تدخل عليه زوجته .....)   من ساعة ما رجعت من الشغل وأنت قاعد لوحدك ... فيه إيه ...؟؟؟ لا ... ولا حاجه ...   طب مش عاوز تتكلم معايا شغل التليفزيون أهو يسليك ...   أنا عاوز أقعد فى هدوء شويه... طب ما تنساش ... بكره تسيبلى أيجار الشقه ... حاضر ... و الجمعيه ... حاضر .. وقسط التلاجه .. والغساله ... حاضر .. و بالمره مصاريف الشهر ... بغضب - حاضر ... حاضر... حاضر ايه فى ايه ؟؟ انا سبت الشغل نعم ؟؟ يعنى ايه ؟؟ ازاى ده حصل المدير رفدنى ... ورفدك ليه عشان مش بعرف اعمل زيهم .. مش بعرف انافق واكدب واغش يا فرحتى ... اهو ده الى كنت عامله حسابه والى حسبته لقيته عاجبك كده ؟؟ مبسوط ؟؟ وانا زنبى ايه زنبك انك عاملى فيها مثالى ... منا ياما قلتلك مشى امورك وكل عيش وانت مش راضى وادى اخرتها يعنى عايزانى ابقى منافق ؟؟ اطبل زيهم ؟؟ اخالف ضميرى ؟؟ لا خليك محترم وامين وشريف .. بس اول كل شهر بقا ابقى اكلنا امانه ولبسنا شرف وادفع الايجار ضمير ... حرام عليك يا اخى زنبى ايه انا وعيالك ... قعدت فى البيت وارتحت ؟؟ مشيت عدل ؟؟ ادى اخرة العدل .... انبسط بقا واحنا بنشحت وربنا ؟؟؟ اخالف ربنا عشان ارضيكى وارضيهم واهو ربنا عملك ايه ؟؟ رقاك ؟؟ زودلك مرتبك عشان مش بتكدب ؟؟ فين ربنا من الى احنا فيه تقدر تقولى ؟؟ فين ربنا ؟؟ رد عليا حرام عليك ( تخرج الزوجه ... ليدخل طفل و طفله ...و الحزن يظهر عليهما ..... فيناديهما فرد 3 )  ( يمسك الطفل بالريموت كنترول .... و يضغط عليه ... ليعم الأظلام  .... و داخل بؤرة ضوء ... تظهر الأعلانات أمام الجميع ...)   فى ايه يا بابا انت وماما بتزعقوا ليه لا مفيش يا حبايبى مفيش حاجه انتو عاملين ايه فى المزاكره انا زى ما اتفقت معاك هجيب نمر حلوه قوى عشان تجيبلى الى اتفقنا عليه الى اتفقنا عليه ؟؟ الكمبيوتر انت نسيت ولا ايه ؟؟ مش اتفقنا لما اجيب نمر حلوه هتكون انت قبضت الى اسمها ايه ايه – يفكر - ... اه الحوافز وهتجيبلى بيها الكمبيوتر يفكر فى حزن – اه اه افتكرت اوعى تكون ناوى ترجع فى كلامك ها ؟؟ لا لا يا حبيبى زى ما اتفقنا خلص انت بس وهات نمر حلوه وانا هجيبهولك وانا بقا نسيتنى ولا ايه نسيت ايه ؟؟ اوضتى الى اتفقت معايا لما انجح هنجددها وندهنها من اول وجديد وتجيبلى سرير غير الى عندى .. مش اتفقنا هنعمل كده فى الأجازة لما يبقى معاك فلوس اه افتكرت ... من الحوافز بردو ايوة صح ... انا خلاص وريت ماما السرير واخترت لون الحيطه اول ما اخلص امتحانات وانت تقبض نعملهم على طول حاضر يا حبيبتى .. حاضر بابا صحيح فلوس الدروس المفروض تتدفع الأسبوع ده عشان اخر حصه ايوه صح وانا كمان حاضر ..... ومتنساش بقا انك وعدتنى هتزودلى المصروف من اول الشهر الجاى حاضر من عنيا وشوف فاضى امتى عشان ننزل نبص على لبس العيد بدرى قبل الزحمه   ( الموظف يقف جانبا وتضاء عليه بؤرة ضوئيه مع اختفاء صوت الأطفال )   يعنى يرضيك كده ؟؟ قولى اعمل ايه ... هجيب منين ... طول عمرى وانا ماشى معاك وبسمع كلامك ... الناس كلها بتكدب وانا لا ... كلهم بيشرقوا ويغشوا وانا لا ... انا غيرهم انا ابنك وفى الاخر اترفد ... تتكسر عينى قدام مراتى وولادى عشان مش لاقى ؟؟ انت مبسوط كده ؟؟؟ يرضيك كده ؟؟ رد عليا رد عليا متسيبنيش كده ... لو انت الهى رد عليا ... انت الهى ؟؟ انت مين ؟؟؟ قولى انت مين انا هموت ( يضاء النور والأطفال يعودوا للكلام ) بابا انت مش سامعنا ولا ايه يفيق- ايه ؟؟ لا لا سامعكم  حاضر هعملكم كل الى عايزينه ... يلا  ..... يلا روحوا العبوا ولا اعملوا اى حاجه   ( الطفل يمسك بريموت ويضغط عليه فتظهر فتاة الإعلانات )   مالك .. حزين كدا ليه .... مصاريف البيت .. والعيال .. والمدارس ... ولا يهمك ... إتصل الآن .. المسابقه الكبرى .. من هو بطل فيلم اسماعين ياسين فى مستشفى المجانين محمد هنيدى .. أحمد آدم .. اسماعين ياسين .. إتصل على الرقم الموجود على الشاشه ... جايزه فوريه .... 30 الف دولار .. عاوز شقه ... عربيه ... موبليا ... مستقبلك فى العلبه ديا ... جمع غطيان عشر أزازات .. و إوعى تتحرك من البيت ... لاتروح شغلك .. و لا تزور أهلك ... الحظ خلاص أهو جايلك ....مندوبنا هايكون عندك ... و3 جوايز فوريه ... شقه ... موبليا ... عربيه .. أووووووووووووعى تتحرك ... ياله .... فرصة العمر .... كمل المثل .. و حقق الأمل .... ياما فى الجراب يا .. مامى .... يا سامى ... يا حرامى .. صعبه شويه ... بس هاتعرف الأجابه لو ركزت شويه ... و مش خساره فى جوايزنا .... 90 ألف يورو .. إتصل بسرعه ... واحنا معاك ....   -         إتصل الآن .... 30 ألف دولار ... -         عربيه ... شقه .. موبليا ... -         السابقه الثقافيه ..... -         جمع أزايز ... تكسب زى ما أنت عايز ... -         ياما  تحت الجراب يا إيه ... -         إيه ..  -         أيه .... -   إيه ....   كل حاجه حوالينا بتخلينا يا نسرق يا نبقى مسخ ... ولسه جاى النهارده تقول أيوب ... ياصبر أيووووب ....
عم الصابر	فاكرين بالشطاره هاتكسبوا .. طب ما النمله فى قلب الصخره بتاكل .. مين اللى رزقها ..
الجميع	أى واحد ممكن يدوس على النمله بجزمته ...
عم صابر	و مليون نمله عايشه ... مين اللى حاميها غير ربنا ...
الجميع	ييه ... زهقتنا بكتر الأغانى ... وبكلام ماعادلوش طعم ..
فتاه 1	كلام من صغرنا سمعناه ...
فتاه 2	كلام من صغرنا عرفناه ...
الجميع	و لما نكبر ... نشوف ونسمع كلام تانى خالص  ..
	( و بسرعه .. تنتشر المجموعه الى مجموعات عديده .. ثنائيه .. ثلاثيه .. رباعيه .. فرديه .. مختلطه .. فتيان وفتيات ..كل منهم يقول مثل شعبى .. ومع تمثيل حالة المثل )
شاب 1 شاب2 فتاه 2 شاب2 فتاه2 شاب1 فتاه2	البعد عن الناس غنيمة ... ( كأنه أب عجوز ) يعنى مالكش دعوه بحد .... ( كأنها أم عجوز ) يتكلموا كده ولا كده .. مالكش دعوه .. ( الأب العجوز ) سياسه لأ ... ( الأم العجوز) إنتخابات لأ ... ( الأب العجوز ) ترفض حاجه فى شغلك لأ ... ( الأم العجوز ) توافق على حاجه برضه لأ ...
شاب 3	الباب المقفول يمنع  القضا المستعجل ...
شاب 1	إن قعدت مع الأعمى كل عشاه .... مش هاتكون أرحم م اللى عماه ....
شاب2	إن جالك الطوفان ... حط إبنك تحت رجليك ...
شاب3 شاب1 شاب3 شاب1 شاب3 شاب1 شاب3	أربط الحمار مكان ما يقولك صاحبه ... ازاى بس .. أحنا مفروض نفهمه ... و إحنا مالنا ... يمكن مش واخد باله ... مالناش دعوه ... أمال عايشين مع بعض ليه ... كل واحد عقله فى راسه يعرف خلاصه ...
فتاه 1	ضل راجل ولا ضل حيطه ....
فتاه 2	اللى تتجوز الأربع على بيت أبوها ترجع ...
فتاه 3 فتاه 1	اللى تتجوز الجمعه ما تنشفلهاش دمعه ... اللى تتجوز الحد ما يعلاش عليها حد ...
فتاه 2	اللى عاجبه الكحل يتكحل .. واللى مش عاجبه الكحل يرحل.
شاب 1	أصرف مافى الجيب .. يأتيك مافى الغيب ...
شاب 2	يا واخد قوتى ... ياناوى على موتى ....
شاب 3	إمشى سنه ... ولا تخطى قــنـــــا ...
شاب 1	إمشى فى جنازه ... ولا تمشى فى جوازه ...
شاب 2 شاب3 شاب 2 شاب3 شاب 2 شاب3 شاب 2	إن كان لك عند ال – الجميع - ( تيييييييت )  حاجه ... قوله يا سيدى ... يعنى أبقى منافق ...؟ و أيه يعنى ... كداب ...؟ و إيه يعنى ... كل ده علشان إيه ...؟ علشان تعرف تعيش ...
فتاه 1	الباب اللى يجيلك منه الريح ... سده وإستريح ...
فتاه 2	تراعينى قيراط .. أراعيك قيراطين ... وتشوفنى بعين .. أشوفك بأتنين ..
شاب1 شاب2 شاب3 شاب1 فتاه 3	(للموظف) عاوز أعمل توكيل ... ( يضع نقودا فى يده ) ( للموظف) عاوز أعمل بطاقه ... ( يضع نقودا فى يده ) ( للموظف) شهادة ميلاد للواد .... ( يضع نقودا فى يده ) ( للموظف) بجنيه عيش يابركه ... ( يضع نقودا فى يده ) شايف ... قيراط بخت ولافدان شطاره ...
فتاه 2	ياختى..المنحوس منحوس .. ولو علقوا على راسه فانوس..
فتاه 3   شاب1	نهيتك ما أنتهيت و الطبع فيه غالب و ديل ال – الجميع - ( تيييييييت ) ما ينعدل لو علقوا  فيه قالب... ياجماعه ... عمر الدم ما يبقى ميه ...
الجميع	لأ ...  ان كنتم اخوات ....  اتحاسبوا ....  ( الجميع يتقاتل ثم تدخل ترنيمة انت مين مع اداء حركى منهم على الترنيمة  )
صابر	يدخل صابر وهو يصفق بيده بشكل مسرحى – هايل ... خلاص خلصتوا ؟؟ ... عملتوا المحكمه واترافعتوا وحكمتوا .... مستنني ايه ... متنفذوا الحكم ... مش خلاص حكمتم على ربنا انه ظالم ... وبيعذبكم ويتعبكم
فتاه	والى احنا فيه ده تسميه ايه
فرد	لما حد يخسر شغله من غير زنب مش ظلم ؟؟
فتاه	لما حد يخسر حتى حياته من غير جريمة مش عذاب ؟؟
فرد	لما حد يلاقى كل الى حواليه احسن منه وبيعلوا ويكسبوا بالغش والكدب وهو فى مكانه مش تعب ؟؟؟
الجميع	مترد علينا
صابر	لا مش تعب ولا عذاب ولا ظلم .. ده عمى
الجميع	عمى ؟؟
صابر	اه ...عمى بس مش عمى بصر ... عمى بصيرة .... عمى البصيرة الى خلاكم تسألوا سؤال واجابته جواكم
الجميع	يعنى ايه ؟
صابر	مش انتو بتسألو انت مين ؟؟
الجميع	ايوة بنسأل ومن حقنا نسال
فتاه	من حقنا نسال انت مين يالى سايبنا وسط كل ده
فرد	من حقنا نسأل انت مين يالى سايب الظالم يعلى والمظلوم ينزل لسابع ارض
صابر	وفاكرين ان فى حد هيقولكم هو مين ؟؟ تبقول غلطانين الإجابه جواكم
الجميع	يعنى ايه
صابر	السؤال مش هو مين ... السؤال انت عايز تشوفه مين
الجميع	تانى الغاز ... كفايه
صابر	مساكين ... الموضوع مش لغز ولا فزورة بالعكس ... دى اوضح حقيقه .. بصوا حواليكم ... هتلاقوا الناس كل واحد فيهم شايفه بشكل ... الى شايفه حنين والى شايفه صارم والى شايفه معندوش رحمه والى شايفه وهم وخيال مش موجود اصلا مع ان هو واحد ... عارفين ليه
الجميع	ينظرون لبعضهم وملامح الحيره عليهم - …. ليه ؟
صابر	عشان كل واحد منهم شايفه زى ما هو عايز يشوفه ... زى ما مرايته بتوريه مش زى الحقيقه ...وهو ده الى بيفرق .... البصيرة
	( ينظرون لبعضهم وقد بدا على البعض التفكير والبعض الاخر مازالت ملامح الإصرار على وجهه )
صابر	وبالنسبه بقا للمحكمه الى عملتوها دى فمعلش اسمحلولى اقولكم انها محكمه باطله وناقصه .....
فتاه	لا مش ناقصه ولا باطله
فرد	وكفايه تبرير بقا
صابر	وهو محتاج تبرير !!! محكمتكم زى نظرتكم ... ناقصه بتغلطوا نفس الغلطه بتمسكوا جزء واحد من الصورة ... جزء صغير قوى وتخلوه هو القضيه كلها وتسيبوا باقى الصورة الكبيره الى لو شفتو كل تفاصيلها اكيد حكمكم هيختلف  ( تعرض صورة الولد الذى يتساقط عليه الحجاره وهو يتسائل اين الله ويظهر فى الصورة الكامله ان المسيح يقف ورائه ويتلقى عنه كل الأحجار والتى تصل اليه مجرد فتات )
فتاه	واحنا لسه هنستنى لما نشوف الصورة كامله
فرد	يا صبر ايووووب
صابر	ايووووووووووووووب ..... طيب حتى ادوا نفسكم فرصه واحكو قصته للأخر كملوا الحكايه عشان تحكموا صح و بارك الرب اخرة ايوب اكثر من اولاه و كان له اربعة عشر الفا من الغنم و ستة الاف من الابل و الف فدان من البقر و الف اتان , و كان له سبعة بنين و ثلاث بنات , و عاش ايوب بعد هذا مئة و اربعين سنة و راى بنيه و بني بنيه الى اربعة اجيال , ثم مات ايوب شيخا و شبعان الايام ( تعرض الأيات مع صور لايوب ) شفتوا بقا انكم بتشوفوا الصورة ناقصه
	( ينظرون لبعضهم فى توتر )
صابر	الموظف صحيح اتظلم وساب شغله من غير ذنب بس مين قالكم ان فى اخر القصه مش هيلاقى شغل احسن من الى سابه .. ومين قالكم اصلا ان وجوده فى الشغل ده وسط الناس دى فى مصلحته مش يمكن كان يضعف ... مش يمكن لو كان كمل كان هيتغير ويعمل زيهم ... ومش يمكن ربنا شايله مكان احسن بفلوس احسن ومع ناس قريبين من ربنا زيه مش بيغشوا ولا بيكدبوا ... لو بصينا بس على انه اترفد هيبقى ربنا ظالم ووحش بس لو شفنا الصورة كامله ممكن راينا يختلف . ( تعرض صورة ماسح الأحذيه الذى يعلق بجانبه شهادة ليسانس اداب  )
صابر	صحيح اهالينا ساعات بيبقى دمهم تقيل وبيكتفونا وعشان بشر بيبقوا ساعات كتير غلطانين انا بقا مش هقولكم انهم عملوا كتير كويس ولا ان فى قصاد كل حاجه وحشه مليون حاجه كويسه ... انا هقولكم بس شوفوا اى حد تعرفوه يكون اتحرم من ابوه او امه او من الاتنين واحكوله مشكلتكم معاهم وشوفوا هيقولكم ايه .. هتلاقوه عنده استعداد انه يعيش مع اب وام اوحش بكتيييييير من الى مضايقنكم بس يبقى عنده اب وام .. ( تعرض صورة الطفل الذى ينام بين قبرة ابوة وامه )
صابر	القضيه مش قضية انت هتعيش مبسوط ولا لا .. عشان هو كده كده قالها بصراحه ان العالم ده مش بتاعنا واننا هنتعب فيه .. القصيه الأهم انت هتعيش فى العالم بقانون مين .. بدستور مين .. دستور العالم ؟؟ يبقى ريح دماغك واكدب واسرق ونافق وعيش ملك ... ولا بدستورة هو الى ممكن يظلمك وبتعبك فى النص بس فى الاخر هتطلع كسبان ... شوف عايز تعيش بقانون مين وانت تعرف هو مين ولو كان على أيوب احب اقولكم " إن صاح ايوب كان النداء .. لك الحمد يا راميا بالقدر .. تحجب عنى وجه السماء وتجلوه تحت بكاء القمر .... وياكاتبا بعد ذاك الشفاء
	( تدخل الترنيمة الأخيره تدريجيا مع كلامه وينخفض صورته تدريجيا مع ارتفاع صوت الترنيمه وانخفاض الإضاءة حتى الإظلام الكامل ) النهايه تـــــــــمــــــــت بــــنـــــعـــــــمــــــة المـــســــيــــــح

 لتنزيل المسرحية للطباعة بصيغة ال word

 أضغط هنا