اسكتش التعويذة
الفصل الأول
تفتح
الستارة علي ترابيزة فاضية و حواليها 5 كراسي و يدخل الشيطان
ش1
(بنرفزة ) : ايه ده ؟؟... دا تهريج .......... مفيش ولا شيطان جه لغاية دلوقتي ؟؟
.............. دا يبقي اسمه لعب عيال مش شغل شياطين ده ......... فين السكرتير
بتاعي فين .......... يا شاطو يا شاطو .........
(يدخل
شاطو موطي و مفزوع )
شاطو
: سعادة رئيس وزراء الشيطنة هنا ؟؟ ..... محدش قال لي إن سعادتك جيت .... دي
الدنيا ضلمت يافندم ... أهلاً أهلاً
ش1 :
إنت نايم علي قرنك ... إحنا مش عندنا هنا اجتماع مجلس الوزراء من 3 أيام ..... من
3 أيام و مفيش ولا وزير من وزراء الشيطنة جه .... أجي أنا أول واحد في معادي
....... دي مهزلة
شاطو
: كلهم علي وصول يافندم .... كلهم علي وصول ... هي بس المواصلات اخرتهم شوية
ش1 :
انا هشيل وزير المواصلات الشيطانية خالص ... أنا هاوريهم كلهم
(يدخل
4 شياطين جري ورا بعضهم و يتخانقوا علي الكراسي و يزقوا في بعض و يطنشوا الرئيس
خالص و كل واحد معاه شوية ورق و ينظر لهم الرئيس قليلاً ثم يبدأ يزعق و يشخط فيهم )
شاطو:
فيه ايه يا شيطان إنت و هو .... إنتوا مش شايفين الريس والا إيه ؟ ........... مش
محترمينه ياله إنت و هو؟
وزير
الشيطنة الإعلامية : لا مؤاخذة يا كبير ............. ماهو إحنا لو احترمناك مش
هنبقي شياطين
ش1:
جرررررررررررررر ........... طب اتفضلوا اقعدوا......... قصدي ... اترزعوا في
أماكنكم بدل ما اطلع شياطيني عليكم ........... إنتوا عارفين لو طلعوا مش هيدخلوا
بالساهل
الجميع
: ماشي يا ريس
(يقعدوا
و يقف شاطو ورا الريس )
شاطو
: فتحت الجلسة .... دلوقتي مطلوب تقارير
السنه اللي فاتت .....عشان نقدر علي أساسها نحط خطتنا للسنه اللي جاية... الأول
.... سيادة وزير الشيطنة الإعلامية
و1:
أنا يا فندم ولا مؤاخذة مش هتلاقي زيي ... محقق خطتي و بزيادة كمان
ش1:
طبعاً ... طبعاً انا متابع قنوات الأغاني كويس
و1:
شفت حضرتك أخر كليب للراقصة الفظيعه سنية الخليعه ....
ش1
(يتنحنح و يرتبك) : خلاص ...شفته ...عيب مش كده .... غير الموضوع ... المجلس كده
أعصابه هتتعب ... و خطتك ايه للسنه اللي جاية ؟
و1 :
أنا خطتي واضحه و صريحه ... و كمان بسيطة .... الكام كليب اللي الناس لسه لابسه
فيهم ... بعون الشيطان هنخليهم يقلعوا .... و اللي مش عاوز يقلع ... يورينا عرض
كتافه .. دا غير طبعا باقي المسلسلات و الأفلام و الذي منه
ش1:
تمام كده ... انا اطمنت عليك
(و1
يقفز فرحاً )
و1:
شكرا يا ريس
ش1: اللي
بعده
شاطو
: سيادة وزير الشيطنة المدرسية
و2
(بطريقة عسكرية ) : تمام يافندم ... انا خطتي ماشية مية مية في جميع الاتجاهات ...
بالتعاون مع صديقي وزير الشيطنة الإعلامية ... طفشنا تلات اربع العيال من المدارس
و المذاكرة و التعليم و كله
ش1:
و الربع الباقي هتعملي فيه ايه يا هانم ؟..... و ازاي ساكته عليه لغاية دلوقتي ؟
و2 :
لا يافندم انا مش ساكته دا أنا مجهزة حتة خطة متخرش المية لزيادة عدد الكافيتريات
و القهاوي و البلاي ستيشن و السيبرات جنب المدارس ... وزي النهارده السنه الجاية
هتلاقي الناس بتتخانق علي مكان في الحتت دي و مش لاقية
ش1:
أيوة كده يا شيخة فرحيني .... برافو برافو
(تتفطط
الوزيرة و تخبط الشيطان اللي جنبها و تحدث هرجلة و يشخط فيهم ش1و يشاور لهم شاطو
يقعدوا)
ش1:
اترزع مكانك ياشيطان انت هو خلينا نخلص
(يجلسوا
مرة تاني )
شاطو
: سيادة وزير الشيطنة المنزلية
و3(تبدو
عليه الفلسفة و يلبس نضارة ) : أنا يا سيادة الشيطان ماشي في خطتي بناء علي تنظيم
دقيق ومن خلال عدة محاور ألا و هي .........
ش1:
نعم ياخويا ... إنت هتخطب .... هات م الآخر ... ياللا أنا مش فاضي لك
و3(بزهق)
: بالمختصر كده ... الوزارة بتاعتي مقومة الأهالي ع العيال و العيال ع الأهالي و
الأهالي علي بعض
ش1:
و ايه يعني .؟؟؟........ ماهم كده كده قايمين علي بعض هي دي محتاجه شيطان يعني ؟
و3 :
حضرتك مش هتعرف قيمتي الا لو نا اخدت اجازة يومين .... و شفت البيوت كلها عايشة في
سلام من غير خناقات
ش1:
لا ..لا ... لا .. سلام ايه ..انا الكلمة
دي محبش اسمعها هنا خالص ... المهم ... قول لي .. ايه خطتك للسنه الجديدة ؟
و3 :
عاوزين لو تشاء حضرتك يعني ... نزود شويتين حالات طفشان العيال من البيوت ... يعني
واحده تحب واحد و تهرب معاه ... واحد يزهق من البيت و يسيبه كده يعني .... و كمان
نزود الطلاقات شوية
ش1: عفارم
عليك ... أهو ده الكلام و الا بلاش .... ياللا اللي بعده
شاطو
: سيادة وزير الشيطنة الدينية
ش1:
... ايه الأخبار عندك ؟
و4:
زي الفل ......... ميه ميه
ش1 :
إزاي ؟ ولا زي الفل و لاحاجه خالص ... ما إنت شايف أهه الكنيسة مليانه ع الآخر في
رأس السنه ........ و مش دي بس ........... كل الكنايس كمان
و4:
ميهمكش حاجه من العدد يا ريس ...... العدد في الليمون ... المهم كام واحد منهم
مركز في اللي بيسمعه ..... و كام واحد منهم (يقولها بذكاء ) هيخرج زي مادخل ؟؟
ش1:
آآآآآآآه قلت لي .... طب و ناوي تركز علي ايه في الخطة بتاعت السنه الجديدة ؟
و4:
أنا بقي يا سيدي ناوي اركز السنه دي علي كام حاجه كده ........
ش1:
إزاي يعني وضح ؟
(
و4يفتح شوال كان حاطه جنبه ويطلع منه كتاب مقدس ويقول) : أنا ها استخدم ده
(تسود
حاله من الهرج و المرج وتتفطط الشياطين و هو يصرخون )
و1:
ايه ده ...... كتاب مقدس
و2:
يا نهار اسود شيلوه
و3:
كلمة ربنا في المجلس ده ... لالالالا
(كلهم
يحاولوا يستخبوا )
ش1(يضع
يده علي قلبه ) : آه ... آه الكتاب ده لما بشوفه بيجيلي مغص في ضميري ......آه
و4 :
لا مؤاخذه يا ريس ... ماكنتش اعرف انك عندك ضمير اصلا
شاطو
: طب اخلص بقي و ارميه بعيد .... حرررررررااااام عليك
و4 :
ماتقلقوش ... دا فاضي (يفتحه امام
الجميع فيجدونه فاضي)
(يتعدل
الرئيس و يتنهد و كله يرجع مكانه )
و1 :
حرام عليك يا اخي .. هتبقي انت و البني ادمين علينا
و2 :
دا انا ياللي اسمي شيطان اترعبت
و3 :
بلاش المقالب الرخمة دي وحياتك تاني
و4 :
معلش يا جماعة و لامؤاخذه
شاطو
: اشرح بسرعه ايه اللي هتعمله بالكتاب ده ... اتكلم
و4 :
هاشرح لكم ... بس استنوا لما تشوفوا باقي العدة بتاعتي .... لسه معايا صورة كبيرة
للمسيح و كمان صليب
و1:
ايه بتقول ايه ؟
و2:
المسيح و الصليب في مجلس الشياطين
و3:
انت مالكش قعده معانا هنا في المجلس ... انت بقيت شيطان مؤمن
ش1 :
اصبروا يا جماعة .......... (يصمت الجميع) احنا مستنيين انك توضح لنا
و4:
انا ها اوضح لكم حالا بمثال عملي ........... تعالوا معايا
الكل
: ياللا بينا
(تقفل
الستارة )
(تفتح
الستارة علي حجرة فيها 2 جالسين و نسمع صوت و4 من ورا الستارة )
و4 :
ده بيت زي اي بيت فيه اتنين الصغيرة اخوات ميمي واما الأخ الأكبر دودو ... واد روش
انما ايه ... أستاذ ..
(دودو
يبدأ في الوقوف و الرقص علي نغمة أغنية )
و1:
عارفه عارفه كان بيقدم لي مساعدات كتير في الشغل بتاعي ولا أجدع شيطان
و4:
ايوة مكانش بيخلي ولا واحد فيهم يستجري يفكر في ربنا
ش1:
ياعم اخلص ..... مش وقته نظام الأفلام التسجيلية ده
و4 :
المهم ... الوحش مايكملش ... أول مابتيجي أيام الإمتحانات بتجيله حاله غير طبيعية
هو واخته
ش1:
حالة ... حالة ايه ؟
و4:
هتشوفوا دلوقتي ... و هاوريكم انا بتصرف معاه ازاي لمصلحتي
(تبدأ
ميمي تتحرك و هي عاوزه تعلق صورة المسيح و دودو مستمر في الرقص)
م :
دودو ... دودو
(دودو
لا يرد لانه مش سامعها و تسيب الصورة و تشد السماعات من ودانه )
م :
دودووووووووووووو
د :
ايه يارزلة اللي بتعمليه ده
م :
تعال ساعدني اعلق الصورة
د :
صورة ايه دي وريني ؟ صورة المسيح (يمسك الصورة و يبوسها ) .. ايه الإيمان ده
يابنتي .؟ فين صورة شيرين و تامر حسني ؟
م :
شيرين ايه و تامر ايه يا دودو ... احنا في ايام الامتحانات
د :
ايه ؟؟ هي الامتحانات قربت ؟؟ طب مش تقولي لي يا ميمي ... كده تسيبيني علي عمايا ؟
(يرمي السماعات بعيد ) طب انا اعمل ايه دلوقتي ؟
م :
هتعمل ايه يعني ؟ هتعمل زي ماكلنا هنعمل ... نحاول علي قد مانقدر نلم الدنيا ....و
ربنا يستر
د : ربنا يستر ؟؟ مايتهياليش ... مش كل مرة
هنقول كده
م :
ياعم ده هو بيقول ادعوني في وقت الضيق انقذك .... بص كمان
(تطلع
من جيبها صليب)
م :
خد الصليب ده معاك .. حطه ع المكتب و انت بتذاكر هيباركك و يخلي المعلومات تثبت
علي طول
د :
فكرك كده ؟؟
م :
طبعا .. دي وصفه متجربة .... بص انا هخلي الصورة دي لما ارجع م الدرس اعلقها
د :
طب ماتعلقيها في اوضه تاني ... مش لازم
هنا
م : ماينفعش
... دي صورة المسيح ... لازم تبقي في نص الأوضة عشان تباركها
د :
عندك حق سيبيهالي و أنا أعلقها
م :
ماشي ... سلام (تخرج
ميمي)
د :
هه ياللا بقي نذاكر لنا كلمتين (يقعد ع المكتب ويبوس الصليب ) يارب نجحني السنه دي
الشياطين
من ورا الستارة : اااااااامين
د :
عديها علي خير المرة دي يارب
الشياطين من ورا الستارة : اااااااامين
و4 :
اسكتوا بقي خلونا نعرف نشوف شغلنا
(دودو
يفتح الكتاب و يبدا يذاكر )
و4:
دودو ... بوس الصليب 3 مرات ورا بعض تقوم الامتحانات تيجي سهلة و اللجنة مريحة و
المراقب مابيشوفش
(دودو
ينفذ التعليمات )
د :
انا هقرا مزمور 23 بتاع الرب راعي .. هو ده بتاع الامتحانات
و4(يشخط
) : اقفل الكتاب
د :
مين اللي بيتكلم
و4:
يابني ادم ... ده اسمه كتاب مقدس .... سامع ... مقدس .... فاهم يعني ايه .... يعني
بركه ... بوسه
د :
ايه ؟
و4:
هو انت كل شوية هتقول لي ايه ؟ بقول لك بوسه عشان تتبارك بيه
د :
صحيح انا شفت الناس بتعمل كده فعلا (ويبوسه ) وبعدين ؟
و4:
وبعدين ايه ؟ ... سيبه بقي ... رجعه مكانه ... انت مش خلاص خدت البركة
د :
يعني بلاش اقرا فيه ؟
و4:
وتقراه ليه يابني ؟ ... انت مش اخدت البركة خلاص ؟ اقرا حاجه من كتبك تنفعك بقي
د:
عندك حق ... أنا لازم اذاكر بقي .....
(يفتح
كتاب و يبص علي صورة المسيح و يقوم يبوسها )
و4:
برافو عليك أنا طول عمري أقول انك احسن من 100 شيطان
د :
انا هقوم أشوف مسامير متينة عشان اعلقها ... انا محتاج لكل بركة الايام دي (يخرج )
ش1:
أيوة كده هو ده الشغل والا بلاش .... استخدم سلاحهم ضدهم .... وخليه هو اللي يبوظ
حياتهم .... عايزك تعمل كده في كل الموجودين ... ماتسيبش حد ... ماترحمهمش ...
اديهم البركة اللي هم عاوزينها (يضحك بصوت
عالي ) بس البركة بتاعتنا احنا
(يضحك
الكل )
و4 :
امسكوه ....امسكوه .... الكتاب المقدس ... اوعوا تسيبوه .... اتباركوا بيه طول
السنه ..... بس اياكوا تفتحوه ... بوسوه .... احضنوه ..... وتحت المخدة ادفسوه
.........
ش1:
و كل سنه وانتوا متباركين .... بركتنا مش اي بركة تانية
(يضحكوا
كلهم مع بعض )
(تقفل
الستارة )
0 Comments