اسكتش  المرايا

"فَالَّذِي يَسْمَعُ الْكَلِمَةَ وَلاَ يَعْمَلُ بِهَا، يَكُونُ كَمَنْ يَنْظُرُ إِلَى الْمِرْآةِ لِيُشَاهِدَ وَجْهَهُ فِيهَا. وَبَعْدَ أَنْ يَرَى نَفْسَهُ، يَذْهَبُ

 فَيَنْسَى صُورَتَهُ حَالاً. أَمَّا الَّذِي يَنْظُرُ بِالتَّدْقِيقِ فِي القَانُونِ الْكَامِلِ، قَانُونِ الْحُرِّيَّةِ، وَيُوَاظِبُ عَلَى ذَلِكَ، فَيَكُونُ كَمَنْ يَعْمَلُ بِالْكَلِمَةِ لاَ كَمَنْ يَسْمَعُهَا وَيَنْسَاهَا، فَإِنَّ اللهَ يُبَارِكُهُ كَثِيراً فِي كُلِّ مَا يَعْمَلُهُ.” (رِسَالَةُ يَعْقُوبَ 23:1-25).

سوزيت : نورتينا ... دا إحنا نتشرف بيكي ...

شخص 1 :  النظام فوق أي حاجة ... أنا أسف .......اتفضلي اطلعي برا .. ! 

------------------------------------------------------------------------------------------------------

مينا :  هههه بحب جدا طريقة تفكيرك  في المناقشة .. و أسلوبك في الإقناع ...

شخص 2: أنت إزاي قادر تقول  الكلام ده .. مش عايز أشوفك بتتكلم تاني ..

عواطف : ايه ...مالك ..

غرائز : زعلان.

عادات : و أنت  ...شكلك تعبان .

يوسف : مش عارف .

انجي : مش قادرة .

سامح : مش عايز .

اتجاهات : ليه بس كدا ...

عواطف : حاسس بإيه ..

يوسف  : ما قولتلك مش عارف .

سامح : مش عايز..

انجي : مش حاسه بحاجة خالص ..

عواطف : أقولك أنا . عواطفك داخله كلها علي بعضها .... حاسس بضعف مع كره ... بعجز  مع حقد ....

اتجاهات : .. ماحدش قابل تفكيرك ... و لا اتجاهك (ليوسف ) .... متملكك حب الذات .... ( لسامح )  ... ولا ماحدش بيحبك ( لإنجي ).....

عادات :  بتفكر .. و تقول لأ ...في زمن لازم الكل يقول أه و بس ... شافوك مختلف ( ليوسف )

معلش .. أعذرهم ... دي عاداتهم ...

عارفه ليه ...اتعودوا عليكي ... شافوكي عيلة ...صغيرة ..  (لإنجي ) ...

 اتجاهات :  عشان شايف كل حاجة حواليك غلط ....... واللي حواليك مالهمش دور ...  ( لسامح )

أنجي : أيوه .. محتاجة...

غرائز : أيوه .. محتاجة... محتاج حاجة تسندنى ... وتشبع جسدى

أنجي : تسندنى ... وتشبع جسدى

عادات: محتاج حاجة تسندنى ... وتشبع نفسى ..

سامح: تسندنى ... وتشبع نفسى ..

عواطف : محتاج حاجة تسندنى .. وتشبع فكري ..

يوسف : تسندنى .. وتشبع فكري ..

اتجاهات: محتاج حاجة تسندنى .. وتشبع ذاتى

الجميع :  تسندنى .. وتشبع ذاتى

غرائز : إنزل و دور عليها ....

عادات : دور و شوف ... حاجة جديدة .. تكسر كل  القيود ..كل تقليد .. تبتكر كل يوم جديد

يوسف : أيوه .. أدور فين .

اتجاهات : في الحياة ... أحلي حاجة الحياة ... كل حاجة تقدر تلاقيها ..

أنجي : أعمل إيه ...

عواطف : حبي.. حبي و أتحبي ...  مهما كان مين ..

انجي : حبي يا إنجي .. حبي واتحبي .. مهما كان مين .. أيوه بس مش سهل كده  .. الحب ليه  شروط ... و انا ما ينفعش احب اي شخص ...

عواطف : بيقولوا الحب أعمي . لا ليه لا اسم و لا لون و لا دين .. أجمل حاجة في الكون ... بيقولوا ان عمرالحب ما كان ليه شروط و لا حتي قيود ... اللي بيحبك هيسيب الدنيا عشانك .. حبي.. حبي و اتحبي ...

انجي :  بحبك ...

كمال : و أنا كمان ..

عادات : كمان أنت راجل خادم يا سامح ... شماس .. عارف يعني ايه كلمة خدمة و كلمة نظام ..

سامح : أيوه .. النظام ..

عادات :...خليك راجل نظامي  .. و انسى أي حاجة تاني... خلي القوة في إيديك ... الكلمة بتاعتك ...كل حاجة تحصل بإذنك أنت ... أخدم كتيير و بنظام ... هيبقالك حياة ...

سامح :  خدمة ..ونظام ...وحياتي .. حياتي أنا لمين  ؟

عادات : حياتك ليك وبس ... عيش لنفسك .. لذاتك .. أبقي أقوي و أقوي .. و بعدين أدي االي حواليك ...

+++++

عادت: زي ما اتعودت .. ابدأ اليوم بالمزمور ..

سامح : فرح نفس عبدك ...أعط عبدك قوة و خلص إبن امتك . . لأني صرت كرجل لا قوة له ...

أمجد :  صباح الخير يا أستاذ سامح ..

سامح : يا أهلا .

أمجد :  سمعت ان حضرتك كنت عايزني .

سامح : أيوه ... أنا جالي شخص أمبارح من أخوة الرب ... و طلب مني مبلغ .. باعتبار ان أنا أمين الخدمة .. طلبت منه زي ما أتعودنا في إجراءتنا الرسمية انه يقدم طلب بشكل الحالة ..و إحنا هنبقي نشوفه .

امجد : تمام قوي ...

سامح : أستاذ أمجد .. انا مش نايم على ودانى  .. الراجل ده جالك بعد ما طلع من عندي ... و حضرتك أديته فلوس ..

أمجد : أيوة .. حصل ... بس الراجل ده ظروفه وحشه قوي..أبنه في المستشفي و حالته خطيرة ... و ممكن يموت

عادات: ما تتنرفزش .. صحيح انت متعود على النرفزة .. لكن ما تنساش انت في الكنيسة

سامح : أستاذ أمجد .. في حاجة أسمها نظام ... اللي عملته دا غلط ...حضرتك بعملتك دي بتلغى وجودى          و أكنك أخدت مكاني بالظبط ...

أمجد : أنا أسف يا فندم صدقني مش قصدي... بس الواد كان هيموت ..

     والكتاب المقدس بيقول " أُرِيد رَحْمَةً لاَ ذَبِيحَةً "

عادات: طبعاً .. ما هي دي عادته .. يقعد يجيبلك آيات من الإنجيل وخلاص مالهاش علاقة بالموضوع عشان يسكتك وخلاص .. ويخليك تفوت الغلط اللي هو عمله !

سامح : ما يهمنيش ..يموت ولا يعيش ... أنا  يهمني االنظام .. النظام وبس .الهنا آله نظام وترتيب  ... ولا انت نسيت يا استاذ امجد ...وعقاباً لحضرتك أنت موقوف عن الخدمة لمدة شهر ...

امجد : أستاذ سامح .. دى مبقيتش خدمة و بعدين أنا أديته من مالي الخاص .. مش من الكنيسة ..

سامح : مالك الخاص مالك العام ما يهمنيش ... أي حاجة في خدمتى تحصل بإذني... سامع ... يلا اتفضل ..عشان ورانا عشية هتبتدي ....مش عايزين نتأخر عليها ...

+++++

 

اتجاهات  : أقرا يوسف .. مرة  و اتنين و مية .. خليك دايما أكتر  واحد فاهم  في المكان ..أقرا .

يوسف : بس انا ما ينفعش أقرأ لده ... ده ملحد .. أنت بتقول كدة عشان مش عايزينك تفكر ..

اتجاهات : مش عايزينك تفكر .. اقرا لده و لده و لده .. عربي أجنبي .. أقرا و انت اللى تحكم .. مش أي حد تاني  ... ما تخليش لعقلك حدود ..كل ما تقرا كل ما تعرف كل ما تبقى اقوى واقوى ..

++++

مينا: مساء الخير

يوسف : أهلا يا مينا .. اتفضل اقعد ..

مينا : اتفضل أقعد ... ماشي .  ماحدش شايفك ليك مدة كبيرة .. لا بترد علي تليفونات ..و لا رسايل و لا حاجة خالص .. أحنا قلنا سافرت ..

يوسف : ( ممسكا الكتاب ) معلش ..

مينا : هو فيه ايه بالظبط يا يوسف .. أنت ليك مدة مش مظبوط كدة .. قولي يمكن أقدر أساعدك

الاتجاهات : كان فين من زمان ...

يوسف : مافيش حاجة ..مشغوول حبة ..

مينا : مشغول .. عليا انا الكلام ده ..انت فيك حاجه متغيرة  .. داحنا عشرة عمر .. هتخبى عليا انا  ..و بعدين أنا بكلمك ... سيب الكتاب الي في ايدك ده و كلمني ... إيه ده

يوسف : فيه إيه ..

مينا : تشارلز دوكينز .. و بيتر آتكيز .. انت من أمتي بتقرا للناس ديه ...الناس ديه ...

يوسف : ملحدين ... و فيها اي يعني .. يااخي بتثقف ..بقرا عشان ماحدش بعد كدة يقول عليا جاهل .. مش فاهم ......و لا انت بس مش عايز حد يكون فاهم اكتر منك .

مينا : لا الموضوع مش كدة .. دول بيقولوا يا يوسف ان الله مش موجود .. (صمت) .. واضح ان قلة حضورك للقداس سابت فيك أثر مش كويس .. على العموم .. لو عايز تقرا .. إقرا .. ده حقك .. بس لازم يكون ليك حد تستشيره .. مرشد روحي ..

اتجاهات: بيشكك فيك و في قدراتك ..عايز يقولك انك لوحدك ولا حاجة ... ولا حاجة .. كل اللي قريته . كل اللي فهمته كان غلط ..

يوسف: لا شكرا جدا .. أعتقد أني وصلت لمستوي يؤهلني كويس قوي أني أميز بين الصح و الغلط ... مش مستني حد يقولي حاجة .. و خاصة لما يكون حد مستواه اقل مني ...

مينا : أنت ايه اللي غيرك للدرجة دي ..

يوسف : أنت اللي مش عايش في الدنيا. المقاييس اختلفت. القوة بقيت في العقل .. كل ما هتعرف اكتر كل ما تبقي أقوي .. وعن اذنك بقى عشان عندي مقابلة دلوقتي ...

مينا : و أنا مش هعطلك ..بس أبقا لاحظ لنفسك كويس وشوف انت وصلت لفين .. وانا هصليلك ربنا يفتح بصيرتك وينور قلبك

++++++

 ( مرايتي يا مرايتي .. هحكي ليكي حكايتي .. قوليلي أنا مين .. أنتي أنا و أنا أنتي ...مهما كبرتي و اتغيرتي ..)

سوزيت : ازيك يا انجي ..

أنجي : تاسوني ...

عواطف : لالا مش كدا .. أثبتي انتي مش عارفه أنتي مين دلوقتي و لا أيه

أنجي : أهلا ..

سوزيت  :إيه .. معقولة نسيتيني بالسرعة ديه ..

انجي : أبدا .. بس مش فاضية صدقني ..عايزة إيه

سوزيت  : ولا حاجة يا بنتي ..كنت جاية أطمن عليكي ..وحشتيني ...

أنجي : (في سرها )** و أنتي أكتر ....

عواطف : وانتي أكتر .. بس لو كنتي وحشتيها كانت جاتلك من زمان ... لما كنتي ضعيفة ..مش دلوقتي لما بقيتي قوية ... وليكي حياتك ومسئولة عن تصرفاتك ..

سوزيت  : يا بنتي .وحشتيني بجد .... حرام عليكي اللي بتعمليه في نفسك ده ....أرجعيلنا  ..أرجعي لحضن كنيستك تاني .

عواطف : عايزه تخسرك الحاجة الحلوة اللي في حياتك ... حاقدين عليكي .. كارهينك ...مش عايزينك حتي تفرحي ..مش عايزينك تحققي حلمك ..

سوزيت  : يا بنتي ,, كنيستك عايزاكي تاني ,, بتحبك .. (صمت)  سامحيني يا بنتي  .. احنا جايز نكون فعلاً غلطنا وقصرنا فى حقك .. لكننا بنحبك .....

أنجي : مرسي جدا يا تاسوني .. بس خلاص .. مش عايزة الحب ده .. انا لقيت الحب بعيد عنكم .. ومش هضيعه من ايدى  

سوزيت : طب خلي بالك من نفسك يا بنتي ...وقبل مامشي .. هسيبلك الهدية دي .. أنا واثقة من قلبك ومن محبتك لرب المجد يسوع .. إقري حاجة تعزيكي يا إنجي .. افتحي الكتاب وإقري ولو كلمة واحدة تفيدك .. سلام

انجي :  مع السلامة يا تاسوني .. (بعد تردد تفتح الإنجيل وتقرأ) "يا ابني .. اعطني قلبك .. ولتلاحظ عيناك طرقي" ..(يرن الموبايل) أيوه.. دقايق و هكون عندك .. باي

" اهربوا من الزنا. كل خطية يفعلها الإنسان هي خارجة عن الجسد، لكن الذي يزني يخطئ إلى جسده. أم لستم تعلمون أن جسدكم هو هيكل للروح القدس الذي فيكم، الذي لكم من الله، وأنكم لستم لأنفسكم. لأنكم قد اشتريتم بثمن. فمجدوا الله في أجسادكم وفي أرواحكم التي هي لله"

 (1كو 6: 18-20)

+++++

أنجي : أنت ازاي تكلمني كده ..

كمال : نعم .. انتي نسيتي نفسك و لا  ايه .. دا انا جايبك من الشارع ... بقولك ايه اطلعي بره .. انا مش عايز اشوف وشك تاني ..

أنجي : ايه .. ايه اللي انت بتقوله ده ..

كمال : بصراحة كدا .. اللي انتي عملتيه معايا مش بعيد تعمليه مح حد تاني ...

انجي : دا انا سبت الدنيا كلها عشانك ..

كمال: بأرادتك و اللي يسيب الدنيا كلها ويسيب بيته وأهله وناسه ودينه عشان حد مرة .. ممكن يعمل كدة مرة واثنين وثلاثة واربعه..وانا ما جبرتكيش علي حاجة.. و لا ضربتك علي ايد .وبعدين انا ميشرفنيش ارتبط بواحدة زيك. .. اتفضلى اطلعى برا من غير مطرود . مش عايز اشوفك تانى ,اطلعى بره !

+++++

مذيعة : الايمان الديني ؟

يوسف : إيمان أعمي ليس له دليل ..

مذيعة : بمعني .

يوسف : بمعني اننا بندخل الايمان فقط في الاشياء اللي بيعجز العلم عن تفسيرها , و الباقي طالما قادرين نفهمها يبقي مش محتاجينه . ودا ضعف بينسب للعلم ..مش قوة للايمان ..

مذيعة : ممكن تشرح لنا وجهة نظرك أكتر ...

يوسف : طالما قدرت تفهم آلية عمل الكون ..من غير ما تدخل ربنا فيه .. يبقي نقدر نستنتج و بثقة .. انه لم يكن هناك إله صمم الكون و خلقه ...

مذيعة : يعنى ايه .

يوسف : يعني مافيش إله .. وحتى ان كان موجود .. فأنا لا أؤمن بيه !

القداس الباسيلي: عال فوق كل قوة النطق، وكل فكر العقل، غنى مواهبك يا سيدنا .. لأن ما أخفيته عن الحكماء والفهماء، هذا أعلنته لنا .. نحن الأطفال الصغار ..

+++++

سامح: بابا يسوع بيحب الأولاد والبنات الشاطرين .. وما يحبش البنات اللي بتعمل شقاوة .. وبيزعل خالص من اي حد يعمل دوشة .. لازم نقعد في الكنيسة بكل احترام ..

لارين: عمو عمو ..

سامح: انا لسة ما خلصتش كلامي .. نعم .. عايزة ايه ؟

لارين: يا عمو أنا ماما قالتلي .. ان بابا يسوع بيحبني وعمره ما هيزعل مني أبداً .. بس هو بيزعل على الحاجة الغلط

سامح: يا سلام .. وايه الفرق بين الاتنين .. ها .. وقالت لك ايه كمان الست ماما .. ما قالتلكيش ازاي تحترمي الكبير وما تقاوحيش معاه ..

لارين: عمو عمو .. هو مش زي ما انت قلت .. بابا يسوع بيزعل مننا لما نعمل حاجة غلط ..

سامح: ايوة .. بيزعل مننا..

لارين: طب يا عمو ما انت بتزعق .. والزعيق حاجة غلط .. يقى كدة بابا يسوع زعلان منك ..

سامح: (بزعيق) انتي ازاي تتكلمي معايا كدة .. ازاي تتكلمي كدة مع اللي أكبر منك .. أنا هتصرف معاكي ومع ولي أمرك كويس ..

صوت: يقول القديس أغسطينوس

القديس أغسطينوس:  ليكن صوتك في نغمات التخويف كصوت الأطفال .. لتكن روح المحبة والوداعة ثابتة داخلك .. إن الجلاد إذ يضع إنسانا ليقتله .. لا ينظر فى ضربه إلى المفاصل .. لكي ما يقطع كل عضو من مكان مفصله .. بل يضرب بساطوره بلا تمييز اللحم .. ويكسر العظام بقساوة ضربه .. أما الجراح .. فإذا أراد قطع عضو .. فإنه يأتيه من مكان مفصله متأنيا .. لأن هدفه أن يشقي لا أن يكسر .. هكذا يلزم للخادم متى وبخ يقصد من التوبيخ والتأديب شفاءه لا ضروه

 

 

 

 

إنجي: حاسة بوجع ..

يوسف: حاسس بخوف ..

سامح: حاسس بضعف ..

إنجي: أشبعت جسدي لكن روحي عطشانة ..

يوسف: أشبعت فكري لكن نفسي تايهة ..

سامح: عاداتي غلبتني ..

إنجي: علاقاتي كانت مش صح ..

يوسف: لقيت نفسي في الآخر خاوي من الداخل ..

إنجي: الحب كان مزيف ..

يوسف: والعقل كان بيزيد حيرة ..

سامح: مبقيتش شايف قدامي ..

إنجي: فين الحب .. ؟

يوسف: أين أنت ان كنت موجود .. !

سامح: إلى متى يارب تنساني كل النسيان ؟ إلى متى تحجب وجهك عني

إنجي: هو انت موجود ..

سامح: لازم تكون موجود ..

يوسف: هو انت موجود ..

سامح: انت مش موجود أنت فين في حياتي ..

إنجي: انت مش موجود أنت فين في قلبي  ..

يوسف: انت مش موجود أنت فين في فكري  ..

سامح: أنت مش موجود ..

يوسف: أنت مش موجود ..

إنجي: انت مش موجود ..

"بالحقيقة نؤمن بإله واحد"

لَيْسَ لَنَا يَا رَبُّ لَيْسَ لَنَا، لكِنْ لاسْمِكَ أَعْطِ مَجْدًا ( مز 1:115)

 لتنزيل الاسكتش للطباعة بصيغة ال word

 أضغط هنا