اسكتش آل المش داريانيين

اسكتش آل المش داريانيين 

المشهد الأول       

 

المذيع     أهلاً بك أعزائي المشاهدون في نشرة أخبار نجع آل المش داريانيين ... ونبدأها بالعناوين الرئيسيه ... إستمراراً وتكميلاً لمشاريع النهضه الحديثه التي يقوم بها عمدة نجع آل مش داريانيين ... فلقد إفتتح اليوم مدرسه ومصنع ومستشفي في شمال جنوب المنطقه وتحديداً خلف نخلة النجع الكبيره وإنت داخل علي الترعة من بيت صميده بتاع العيش ...

المذيعه   ولقد فاز المنتخب الوطني ! عزراً ... لقد فاز منافس المنتخب الوطني علينا 120 صفر في بداية تصفيات المجموعه الأولي لكاس النجوع في كرة القدم ...

المذيع     وأخيراً يتظاهرأهل النجع أمام نخلة النجع معلنين رفضهم الكامل لبرنامج مخلص الذي علي قول سيادته أنه سوف يؤدي إلي تقدم وتطور البلاد... والأن إلي تفاصيل النشره.

المذيعه   تكميلاً لمشاريع النهضه الحديثه التي يقوم بها عمدة النجع...إفتتح اليوم مدرسه ومصنع ومستشفي في شمال جنوب المنطقه ...( يدخل الغفر وشيخ الغفر وهاني المذيع) ومن ارض الحدث كان معنا هاني لتغطية الحدث بالكامل... نعم هاني حدثنا عن اجواء المنطقه هناك.

هاني       نعم سميحه ... ( تعبير للفرحه) الكل هنا في قمة سعادته لما انجزه العمده اليوم ... ومعنا الأن شيخ غفر النجع ... مساء الخير حدثنا عن المشاريع التي إفتتحها العمده اليوم.

ش.الغفر  قدرنا اليوم .. نطبق إلي وعدنا بيه ... إحنا وعدنا ووفينا .. قلنا هنعمل مستشفي عملنا مستشفي قلنا هنعمل مدرسه عملنا مدرسه قلنا هنعمل مصنع وعملناه.

هاني       سيدي تختلف الأراء وتعددت وجهات النظر حول المساحه التي تم البناء عليها ..فلقد تم البناء في مساحه صغيره المشاريع الثلاثه علي مساحة 5 متر مربع ... رد حضرتك.

ش.الغفر  هنا يكمن مصدر الإبداع ... حضرتك سمعت عن الإتوبيس أبو دورين .. سمعت عن التروماي أبو دورين ... وأكيد نمت علي سرير بدورين .. إحنا هنطبق فكرة الدورين برده في المرسه دكه بدورين .. في المصنع مكن بدورين .. في المستشفي ... أ أ أ دورين ... كله دورين.

هاني       متي سوف يتم تطبيق الفكره.

ش.الغفر  شوف إحنا خدنا 10 في البنا .. والفكره برده مش هتذيد عن كده .. شكراً

هاني       شكراً لحضرتك ... هاني النجع قطاع الأخبار.

المذيعه   شكراً هاني ...

المذيع     لقد فاز منافس المنتخب الوطني علينا 120 صفر في بداية تصفيات المجموعه الأولي لكاس النجوع ... كان معنا هاني من قلب الحدث فإلي هناك.

هاني       نعم سميح .. لقد تأكدنا من صحة خبر الهزيمه ولكن لم نحدد النتيجه إلي الأن (يدخل مرشدي) ومعتا الأن كابتن مرشي أحد لاعبي منتخب النجع.. عفواً مرشدي كم من الأهداف قد دخلت مرماكم اليوم

مرشدي (أعمي) أنا يبني إنت فين ... أه .. أنا يبني بعد الجون ال15 مبقيتش أعد... لكن أحنا لعبنا برجوله .. وشرف.

هاني       حضرتك بتلعب معاهم.

مرشدي   يابني أنا الجون بتاعهم.

هاني       عزرا ... حضرتك ... حضرتك أعمي.

مرشدي   منا عارف يبني .. بس ده دخله إيه بالموضوع.. اللعيبه هي إلي نامت في الماتش ... والمدرب راح يتغدي .

هاني       ( ينظر له 5 ثواني) هاني النجع قطاع الأخبار.

المذيع     شكراً هاني

المذيعه   يتظاهرالأن أهل النجع معلنين رفضهم الكامل لبرنامج مخلص ... وكان لنا هذا الحوار مع مخلص  فإلي أرض الحدث.

صوت     (يسقط يسقط ... حكم مخلص ... يعيش يعيش حكم العمده)2

هاني       مخلص تعليق حضرتك علي رفض الجميع ليك.

مخلص    أنا بحاول ... أقول

هاني       (مقاطعاً) البرنامج إسمه إيه.

مخلص    إسمه الكمال .. وبيحكي عن

هاني       مش مهم .. ردك إيه علي المتظاهرين.

مخلص    أنا معملتش حاجه وحشه لحد .. والمتظاهرين دول هما غفر العمده  وأعوانه.

هاني       إنت ضد سياسة النجع ومش بتطبق قراراته.

مخلص    وإيه هي سياسة النجع.

هاني       مش عارف .. مش عارف ... سياسة النجع ... سياسة النجع .. ( يعمل حركه للمذيع معناها إقطع)

المذيع     في إيه

المذيعه   عطل فني أعزائي ... وهنا تنتهي نشرتنا الإخباريه ... دمتم علي خير وتصبحوا علي خير.

 

المشهد التاني         دخول الشباب إلي المدينه .. تعريف أكثر بالمدينه

 

(صوت شخير جامد جدا)

بولس     مين .. مين .. أنا فين .. أنا فين ... أنا إيه إلي جابني هنا.

حنان      (تتكلم بعنف) إيه المكان الغريب ده ... أنا إيه إلي جابني هنا.

بولس     هوه حضرتك مين ...

حنان      وإنت مالك ... إنت عايز مني إيه .

بولس     أنا بولس ... من كنيسة الملاك ميخائيل ... ومش عايز من حضرنك حاجه ...

حنان      كنيسه ... أخ يعني

بولس     يارب لأ ... أقصد هوه حضرتك من كنيستنا .

حنان      أنا حنان ... من كنيسة العدرا ...

بولس     تشرفنا.

حنان      من فضلك من غير كلام كتير ... أنا اوزه إمشي.

بولس     ياريت ... أقصد انا مش ماسكك ... مع السلامه

حنان      إيه الصوت الفظيع ده.

بولس     مش عارف إظاهر إننا قريبين من مزرعة ... (الصوت يقف) إيه ده إستني ده خلص ...

فادي      أماي ... أماي ... القله فين يا ماي ... إماي ... القله .. مساء الخير ... إماي فين ... طب القله فين ... طب أنا فين ... إنتوا مين.

بولس     ده شكله تايه زينا.                                      فادي      لع .. أنا إسمي فادي ... فادي عبد المسيح ...                   

بولس     إحنا يا إمه تايهيين ... يا مخطوفين.                    فادي      مخطوفين ... مين إلي خطفنا .. مين؟                  

بولس     مجهول                                                    فادي      مبلول كيف يعني .. مين إلي بله.                                 

حنان      بولس يقصد مجهول ... حد منعرفوش.               فادي      إيوه... مين حضرتك ...                                 

حنان      وإنت مالك ...                                           فادي      عاشت الأسامي ... وده معناه إيه ديه؟

بولس     يا فادي .. دي إسمها حنان                             فادي      حرام                                                                 

بولس     حنان ... هوه إنت عندك مشكله في ودنك          فادي      أقصد حرام دي يكون إسمها حنان ...

رجاء      (صوت من الخارج ينادي علي مخلص) .. مخلص .. مخلص .. مخلص.

بولس     فيه حد جاي .. تعالوا نستخبه (يستخبوا ورا الكرسي)                    

حنان      وانا هستخبه فين إنشاء الله

فادي      إنت إستخبي بعيد .. أقولك إقفي متطرحك وقولي أنا شجره.

بولس     ياخي حرام عليك .. تعالي يا فندم  في مكان

فادي      خليهم يخطفوها .. عاوزين نخلص منيها

حنان      خش شويه ... ومتقربش

فادي      انا قربت .. منا بعيد عنك أهوه ... ياساتر. (تدخل رجاء)

رجاء      مخلص .. مخلص .. مخلص.

بولس     يارب تكون دي إلي خطفانا

رجاء      رحت فين يا مخلص.

فادي      يا ريتني كان إسمي مخلص. ( يدخل مخلص)

مخلص    رجاء ... أنا بدور عليكي بره سدئيني ... إتأخرت عليكي.

رجاء      كنت فين؟

مخلص    ها لأ مفيش

رجاء      رحت اشوف المظاهرات إلي ضدتك ...صح ؟

مخلص    الحقيقه أه ..

رجاء      وشفت أبويا طبعاً هناك

مخلص    أه

رجاء      أبويا كده عمره ما هيجوزنا لبعض .. وهيقف في طريقنا للأبد

بولس     يااااااااااااه ... المشكله دي حصلت معايا.

مخلص    أنا عندي خطه تقوم الناس من غفلتها ... لازم أكون هناك ... لازم اناقش الناس ... لازم الناس تتغير وتسيب الغفله.

رجاء      وإذا كانوا هما حابين الغفله دي.

مخلص    لحاد إمتي هنفصل مستريحين ... لحاد ما المرض ياكل عيالنا ونقول مستريحين  ... بلاش المرض الجهل .. إلي مالينا ومخلينا منعرفش أي حاجه واصل .. بلاش الجهل الأرض إلي عماله تبور وتجف ... بعد كده مش هنلاقي ناكل وتقوليلي مسترحيين.

رجاء      أنا بس خايفه عليك ... تروح في سكة إلي مبيرجعوش .. إنت بقالك 3 سنين عمال تنادي وتشتري في عداوة العمده ومرات العمده وغفر العمده ... وشيخ الغفر أبويا.

مخلص    ( بحزن) أنا مش بعاديهم ... هما بس إلي مش عايزين يدوني فرصه.

رجاء      أنا دايماً معاك هشجعك ... وهفضل مأيداك للنهايه

مخلص    أنا من غيرك كنت هعيش من أمل ... أنا من غيرك كنت هبقي ضايع ... إنت رجائي إلي دايماً بتساعدني وبتخليني واثق وثابت.

فادي      يا سلاااااااااااااااااااااام ... (ينظر إلي وجه حنان المتشائم) ... حاجه تقرف ... مالك ياحنان.

حنان      ده غلط .. غلط غلط.

بولس     تعالي هنا.

فادي      ياعم سيبها ... سيبها ... ده بكره عليتنا تبعتلنا جواب شكر عشان إتخطفت.

بولس     فيه إيه مالك يا حنان.

حنان      ده غلط وإنت كمان غلط إنك تناديني بإسمي.

فادي      ده مين إلي غلط

حنان      (تشاور علي رجاء ومخلص) ده

فادي      إلي هوه إيه.

حنان      حرفين

فادي      طب قديم ولا جديد.

حنان      يأخي ح ب

فادي      مكسوفه تقولي حب

حنان      طبعاً .. لأنه غلط .. غلط .. غلط.

فادي      مش غلط ياحنان .. بس يكون في الوقت السليم

مخلص    إنتوا مين؟

بولس     أحب أعرفك بنفسي بولس ... فادي .. حنان ... أنا معجب بيك جداً.

مخلص    شكراً

بولس     ومعجب بيكي جداً ... جداً

مخلص    خلاص يإستاذ.

حنان      ( تذهب إلي رجاء) بقولك إيه ... ده ممكن يضحك عليكي ... ويخدعك .. ويمشيكي في طريق الموت ... سيبيه ..سيبيه

مخلص    الاه وبعدين .. وبعدين.

فادي      أنا أسف .. إنت مالك إنتي .. إنتي مالك .. ماتسبيهم.

حنان      بنصحها... قبل ماتقع الفاس بالراس

فادي      أنا أسف يإستاذ مخلص ... إيه الجونتي إلي في إيدك ده.

مخلص    أصل صباعي الكبير في إيدي اليمين مقطوع ... فلابس جونتي .

بولس     حنان عندها حق .. ادام أبوها هيرفض .. ( بتأثر) يبقي خلاص مش مكتوب عليكم تكملوا إسألوني أنا ..

فادي      الله الله علي الخبره.

بولس     ما أنا كنت بقول زيك كده ... لحاد ما في يوم كنت بكلمها في التليفون ... ألو صوفيا ... عامله إيه ... مش هشوفك بقي ... اليوم ده هي كانت بتكلم بطريقه مختلفه ... ابوها خطف منها سماعة التليفون وقالي.

فادي      (في دور صوت الأب) بص يابني إحنا صعايده ومش بنحب الحال المايل ... عشان كده رقم التليفون ده تمسحه من تليفونك أقولك .. أنا هجيبلها رقم جديد ... من النهارده متكلمهاش ... ولقد اعذر من أنذر .

رجاء      يااااه ... معلش يا إستاذ بولس ... حاول تاني مع أبوها.

مخلص    هوه إيه سبب رفضه.

رامي      عشان لسه صغير.

مخلص    مش مشكله تكون صغير

بولس     شفت ... شفت الناس إلي بتفهم ...

مخلص    المهم تكون بتشتغل ... إنت عندك شغل

بولس     لأه لسه ماعنديش.

مخلص    طب عندك شقه.

بولس     لأه لسه ماعنديش.

مخلص    طب خلصت دراستك

بولس     لأه لسه.

مخلص    طب إنت عندك أب غني.

بولس     أنا عندي أب ... بس معنديش غني.

فادي      أه ... إنت داخل تتعشي بقي مش شيل مسؤليه.

مخلص    إمال حضرتك يعني غاوي تعزب بنات الناس ... إنت معندكش أي حاجه ... تخليك مؤهل لخطوه زي دي ... وأنا كده الثراحه بعذر الأب.

بولس     مإحنا هنكافح.

مخلص    إنت كده كده هتكافح وهي معاك .. بس لازم يكون إسس ومبادئ ... عشان الكل يكون مطمن

حنان      شفت غلط ... غلط ... غلط.

مخلص    التفكير في حد زاته مش غلط .... أفكر إن يكون لي مستقبل وطموح مش غلط ... لكن الغلط إن تفكيري ينسيني المهم والمفروض ... و أجري ورا احلام واوهام وابعد عن الواقع.

فادي      كسفتوني ... كسفتوني ... إحنا عايزين نروح.

مخلص    إطلع من هنا .. هتلاقي نخله إمشي علي طول هتلاقي ترعه .. إمشي أكتر ... هتلاقي بيت العمده.

حنان      العمده ... طيب ممكن تقلنا علي أقرب كنيسه نروحها إزاي.

فادي  (مخلص ساكت) مترد يا مخلص                                        رجاء      أقرب إيه

فادي      أقرب كنيسه نروحها كيف؟                                       مخلص    يعني إيه

فادي      هوه إيه إلي يعني إيه .. هقول السؤال تاني ... الكنيسه اروحها كيف؟.

مخ/رج    يعني إيه كنيسه ؟

حنان      يعني إيه كنيسه ! ... المكان إلي بيصلي فيه المسيحيين.

مخ/رج    يعني إيه مسيحيين

بولس     هوه مبتسم ليه كده ... مسيحيين ... الناس إلي بيؤمنوا بالمسيح المصلوب.

مخ/رج    يعني إيه مصلوب.

فادي      لأه إحنا بنكلم مجنون يإخونه ... بينا علي بيت العمده وأنا اعرف أتكلم معاه.

حنان      إستنه بس ... مصلوب زي الصليب ده .. أله فين العقد بتاعي.

بولس     أنا كمان برده صحيت وملقتش الصليب بتاعي.

فادي      أله .. فين الصليب إلي كنت دقه علي إيديه.

بولس     وأنا كمان برده مش موجود                                                    حنان      وانا.

فادي      فين الصليب .. فين الصليب ...  أنا إبتديت أخاف.                         مخ/رج    يعني إيه صليب.

حنان      الصليب ده خشبه بيتعلق عليها كل المجرمين                              رجاء      مجرمين ... أيوه بيقبض عليهم أبوي.

حنان      الصليب علامة الخلاص إلي إدهالنا السيد المسيح .                                    مخ/رج    مين ده ..

بولس     السيد المسيح هوه إلهنا

مخ/رج    يعني أيه إلهنا

فادي      الإله ... هو الخالق ... هو سبب وجود كل الناس ... وكل شئ

مخلص    أنا أول مره أعرف الكلام ده                                                   رجاء      وأنا كمان

بولس     السيد المسيح هوه إلهنا العظيم ..القوي .. إلي يقدر علي كل شئ .. بيشفي المرضي وبيقوم الموتي  وبيعمل معجزات كتير.

مخلص    انا اعرف واحد اسمه مرشدي اعمى .. ممكن بشفيه.                      حنان      طبعاً ده هو إلهنا القادر علي كل شئ.

مخلص    واضح إن الهكم ده عظيم قوي ...

فادي      طبعاً ... ده من عظمته إتجسد ونزل من السما مكان عرشه عشان عاش معانا علي الأرض .. وعلمنا دينه ووصانا وصايا عظيمه.

رجاء      ياااااااااااااااه .. ده بيحبكوا اوي ... طب وإنتوا عملتوا معاه إيه

حنان      (بتأثر) مسكناه وعلقناه علي الصليب.               رجاء      بتاع المجرمين

حنان      أه                                                          مخلص    حطيتوا إلهكم علي الصليب .. وهوه إستحمل يبقي مجرم.

حنان      هوه مش مجرم .. هوه كان لازم يتصلب ..                      مخلص    ليه                                                       

حنان      عشان يفدينا ... ويخلصنا من كل عيوبنا                          رجاء      أنا لازم اروح دلوئتي.                      

مخلص    ماشي يارجاء خلي بالك من نفسك .. يعني إيه دين و يعني إيه فداء ... يا جماعه فهموني.

بولس     بص دين .. ده التعليم إلي سابه ربنا في كل شئ ... فداء ... يعني واحد يضحي بنفسه عشان خاطر رسالته تعيش في شعبه وينقذهم.

مخلص    يعني المسيح كان إله قوي ... بيشفي الناس .. وساب دين .. وفدي كل الناس عشان ويخلصهم من عيوبهم.                

حنان      بالظبط ... أنا شايفه إننا نروح عند العمده .. ونسأله علي طريق الرجوع.

مخلص    وانا هوصلكم ... وبالمره أعرف منكم شويه معلومات أكتر عن دينكم.

 

المشهد الثالث       بيت العمده

 

ش.الغفر  غفر صفا ... غفر إنتباه ... غفر صفا ... غفر إنتباه ... غفر تعظيم سلام ... إعتدال ... دوران لليمين لليمين لف ... يمين سا واد منك ليه ... دوران للشمال للشمال لف ... شمال .. شمال يا وله ... ( تدخل زوجة العمده انصاف) ... مساء الخير يمرات جناب العمده.

علوان     ( تلعب بعروسه) هي مالها يا شيخ الغفر

ش.الغفر إبنها وهوه صغير تاه .. ومعرفوش يجيبوه... قلبنا القريه كلاتها وملجنهوش ... قلنا يبقي وقع في الحفره ومات.

علوان     وبعدين

ش.الغفر  الست مقدرتش تستحمل ... فإجننت ...

علوان     بس أنا سمعت إن العمده هوه السبب

ش.الغفر  بس يا واد كتم علي الحديث دي ... قفل خاشمك.

علوان     طب مافيش صوره للولد ده .

ش.الغفر  كل إلي ننعرفه عنيه .. إنه عنده صباع مقطوع في أيده اليمين .. عارف الولد ده لو حي ... كان زمانه هوه العمده ... مش الراجل الجديد ده ... العمده القديم ... كان كبير علي حق ... مش ديه ... ده  حتي لكنته مختلفه عنينا (علوان نام) علوان ... خش في الصف مع الغفر.

أنصاف    إنتوا بتقولوا إيه.

ش.الغفر  إحنا ... إحنا مش بنقول حاجه.

أنصاف    مين ... مين ... مين .. يجي معايا.

ش.الغفر  روح يا علوان

علوان     أنا مالي ... ده مش إختصاصي ... ممكن تعديني.

ش.الغفر  هوه الجنون عدوه ياوله.

أنصاف    مين المجنون ده... متيجي إنت معايا.

ش.الغفر  اه رجلي... رجلي ... رجلي منمله.

أنصاف    هاهاهاها ... هوه فيه نمل يخش رجل.

ش.الغفر  لأه منمله مش مأمله .. فيه فرق... منمل ومأمل.

أنصاف    إسكت ... إسكت .. إسكت

ش.الغفر  منا سكت أهوه.

أنصاف    كده تصحي فوفو.

ش.الغفر  فوفو .. فوفو مين

أنصاف    فريد إبني.

ش.الغفر  أه صح .. معلش يا سي فوفو

أنصاف    إتفضل نيمه.

ش.الغفر  أنيمه ... هوه .. هوه ..هوه ... ياله نام ... أدبحلك جوزين حمام ... نام يا فوفو

أنصاف    إنت مجنون ... فوفو مش هنا

ش.الغفر  إمال فين.

أنصاف    ( الغفر وحب الإستطلاع) هناك أهو ... إمشي شويه ... كمان .. كمان .. حاسب هتدوس عليه ... ياله غني بقي ... إغنيه هاديه.

ش.الغفر  مش حافظ

أنصاف    أنا هقولك وإنت تقول ... تقول ورايا ... ماشي

ش.الغفر  مابلاش اني صوتي وحش.

أنصاف    لأه ... لازم تقول ... عشان خاطر فوفو ..جاهز ... (هاه) ... جاهز

ش.الغفر  إحنا كلنا جاهزين ... جاهزين يا غفر

الغفر      جاهزين

 

 

أنصاف    (لما الشمس تروح وتيجي بدلها نجوم يبقي الوقت ده إيه ... يبقي دي وقت النوم)2 ...نامي يا عصفوره ونام يا عصفور ... ياله بينا ياله .. ياله نطفي النور... ياله بينا ياله .. ياله نطفي النور .. و نامي يا عصفوره ونام يا عصفور ...قولوا

الغفر      (لما الشمس تروح وتيجي بدلها نجوم يبقي الوقت ده إيه ... يبقي دي وقت النوم)2 ( تخرج في المنتصف ويدخل العمده)

العمده    إيه ديه ... بتعمل إيه يا شيخ الغفر.

ش.الغفر  بنيم سي فريد بيه ...

العمده    مين فريد بيه ده.

ش.الغفر  أصل المدام كانت هنا ... وإحنا

العمده    فهمت خلاص إيه أخبار البلد

ش.الغفر  لا تسر عدو ولا حبيب ..الواد حمدان وعوضين حبو يعملو مزرعة كتاكيت .. راحو حفروا الأرض ورشوا السماد وسقوا الكتكوت ..وبرده شجرة الكتكوت مطلعتش راحوا بعتوا لعلوان إبن خالتهم في أمريكا. جالهم إبعتولي عينه من التربه.

العمده    ياسلام .. للدرجه دي .. هوه علوان راح امريكا ليه.

ش.الغفر  عنده مشروع حديث للطياره الهيلوكوبتر ... ناوي يشيل المروحه ... ويحط مكانها تكييف.

العمده    طب وإيه أخبار العلاقات الإسريه.

ش.الغفر  لا تسر عدو ولا حبيب ...حمدان راح يجيب لمرته جزمه .. فقال للجزماتي ... عاوزها خفيه ومن غير كعب ... جامت خناقه بين حمدان ومرته ... مرته عايزاها بكعب ... الجزماتي إدايق ..راح جال .. متجبهلها بكعب ... هوه إنت إلي هتلبسها .. قله قلتلك خفيفه من غير كعب هوه إنت إلي هتضرب بيها.

العمده    يا خبر.. أخبار مزعجه ... وغير مضحكه ..الحمد لله إن مافيش وافيات.

ش.الغفر  يا جناب العمده ... أن مش عايز احكيلك

العمده    لأه إحكي

ش.الغفر  أبو علوان مات إمبارح ... حط إيده في برميل مية نار فمات.

العمده    هوه إلي يحط إيده في برميل مية نار يموت.

ش.الغفر  أصلو لما ملقهاش ... دخل راسه يدور عليها.

العمده    ياسلام .. ياله .. هوه طول عمره عنده حب إستطلاع..

ش.الغفر  وأبو حمدان مات أول إمبارح .. وقع في الحفره إلي في أول النجع .. ولاد الحلال نزلزله حبل... عشان ينقذوه

العمده    أمال مات إزاي

ش.الغفر  ما أصله ربطه علي رقبته.

العمده    وهوه إيه الي نزله الحفره العميقه دي

ش.الغفر  أصله حب يفكر بعمق ( الغفر بتضحك)

العمده    هي دي إلي ... كويسين الغفر دول

ش.الغفر  أذكي ناس في البلد

العمده    مين دول

ش.الغفر  حمدان وعوضين وعلوان.

العمده    هما دول ... خيرة شباب النجع ... أذكي شباب النجع ...

ش.الغفر  ده ليهم قصص ومغامرات

العمده    ]وه أناعارف مش عوضين ده إلي سرق فلوس كتير وحفر خفره فر أرضه وخباها وكتب علي الحفره هنا مافيش فلوس .. قوم حمدان عرف مكان الفولس وخدها وكتب علي الحفر حمدان مخدش فلوس ... مش هما دول ... حفظتهم النشيد ... دي أهم حاجه مش عايز مراتي انصاف تتضايق.

ش.الغفر  أه طبعاً

العمده    إيه أخبار مخلص.

ش.الغفر  مافيش جديد ... أهو عمال يتكلم وخلاص ... بيقولك الكمال ... التعاون ... المحبه ... كلام كده مش فاهمينه.

العمده    الكلام ده جه من مين ... هوه في فيه حد في النجع هنا بيفكر.

الغفر      إحنا.

العمده    بس يا خويه ... بس يبتاع الكتاكيت ... ( تدخل مراة العمده)

م.العمده             مالك بتزعق ليه يا عمده

العمده    إنت جيتي يا أنصاف ... إخرج دلوئتي يا شيخ الغفر.

ش.الغفر  حاضر .. غفر للشمال در .. ( نصهم يمين ونصهم شمال) ... إعدل .. معتدل مارش.

م.العمده             متزعلش نفسك ... لسه شاغلك برده مخلص ديه

العمده    إلي مستغربه جاب المصطلحات دي منين ... وصلتله إزاي

م.العمده             يمكن رافض يعيش معانا.                               العمده    ياريت ... ياريب يسيبنا ويرحل.

م.العمده             فعلاً ياريت تجيله نصيبه ويرحل.                     العمده    تقصدي إيه.

م.العمده             أقصد ... إقطع العرق وسيح دمه ... عاوزين نخلص منه.

العمده    إزاي.

م.العمده             سيبني أنا هعرف شغلي معاه ... المهم إنت خليك علي سياستك ووصل رسالة آل المش داريانيين. . لكل العالم(يدخل شيخ الغفر)

ش.الغفر  إلحق يا جناب العمده ... مخلص ... ومعاه 3 كده اول مره اشوفهم.

م.العمده             دخلهم.                                                   العمده    هتعملي إيه ... مش عاوز عصبيه

م.العمده             متخافش ... هكلمه بالحسني ... يمكن يعقل ويرجع. (يدخلون)

مخلص    مساء الخير ياعمده

العمده    مساء الخير ... يامخلص ... هما دول .. هما دول يامخلص إلي خلوك تعصي سياسة النجع.

بولس     واضح إن مخلص فيه مشكله بينه وبين العمده.

حنان      ربنا يستر.                                                             مخلص    إيه سياسة النجع يا عمده.

العمده    ا أ أ ا أ.                                                   م.العمده             الراحه ... إحنا عاوزين الراحه للجميع.

مخلص    الراحه ... طب إنتوا ليه عايزنا دايماً نايمين ... مش عاوزنا نصحي أبداً.

م.العمده             ما إنتوا عشان تستريحوا ... لازم تناموا ... ولا كلامي مش منطقي.

فادي      البابا شنوده الله ينيح نفسه (م.العمده تتفاجأ) ... بيقول ... في نوعين من الراحه ...راحه بتيجي بعد تعب /شغل/ كفاح ... ودي بتبقي راحه جميله ومتعتها كبيره ... وفي راحه راحة كسل ... ودي مبيجيش من وراها غير التعب والفكر البطال.

العمده    واضح كده إن ... إن الموضوع ... أ أ ا .. هوه مين البابا

م.العمده             إسكت .... إنتوا مين.

مخلص    دي فادي ودي حنان .. ودا بولس ... مش من هنا ... لكن إتعلمت منهم حاجات كتير ... إتعلمت منهم الدين .

العمده    مين ده كمان                                                                     م.العمده             إسكت ... دين مين .

مخلص    السيد المسيح ...                                                                 العمده    مين بقي المس

م.العمده             إسكت ... إنتوا جيتوا هنا إزاي.

حنان      إحنا جايين هنا نسأل نفس السؤال ... إحنا مش عارفين جينا هنا إزاي ولا ليه ... ونفسنا نمشي من هنا.

م.العمده             أنا همشيكم من هنا ... وفي أسرع وقت ممكن.

مخلص    لأه ..لأه ... متمشوش ... البلد كلها لازم تعرف السيد المسيح .. لازم تعرف قصة الفداء ... لازم تعرف قيمة التعب والدين.                                                                                    العمده                أنصاف ... مين بقي إلي

م.العمده             إسكت ... مستحيل ده يحصل ... مش ممكن كل إلي عملته يتهد في لحظه ... مافيش حاجه إسمها دين ... ولا فداء ... ولا إله ... ولا كنيسه ... كل إلي موجود نوم .. نوم ... نوم ...يا عمده سمعهم النشيد الجديد

العمده    حاضر ... يا غفر ... تعالو قولو النشيد ... (يدخل الغفر وشيخ الغفر) ...

م.العمده             واحد  إتنين تلاته

العمده    (ننه هو .. ننه هو .. ياله نام ... ياله نام ... نام كتير ... كتير كتير ... نام ياله يا جميل)2

الغفر      ننه هو .. ننه هو .. ياله نام ... ياله نام ... نام كتير ... كتير كتير ... نام ياله يا جميل.

العمده    أوعي تصحي تصحي ليه ... خليك نايم ... في العسل ... إحنا جنمبك .. يبقي إيه  ... يسوي سهرك يا جميل.

الغفر      ننه هو .. ننه هو .. ياله نام ... ياله نام ... نام كتير ... كتير كتير ... نام ياله يا جميل.

العمده    شغل إيه ... مجهود إيه ... تتعب إنت ... قولي ليه ... يعني إيه ... وإحنك جمبك .. يسوي تعبك يا جميل.

الغفر      ننه هو .. ننه هو .. ياله نام ... ياله نام ... نام كتير ... كتير كتير ... نام ياله يا جميل.

م.العمده تصلي ليه ... يعني إيه ... تطلب الغالي القدير .. وإحنك جمبك ... نتمني قربك ... تصلي ليه يا جميل.

الغفر      ننه هو .. ننه هو .. ياله نام ... ياله نام ... نام كتير ... كتير كتير ... نام ياله يا جميل.

م.العمده فادي إيه .. فادي ليه ... فادي مين يا صغنن ... ياله إنسي ... وإنسي تاني .. عيش في غفله يا جميل.

العمده    إيه رأيك

مخلص    إسكت ... إسكتوا ... بالزمه مش مكسوفين من نفسكم ... أنا حر ..إلي خلقني حر ... مش عاوز أعيش في غفلتكم ... أنا النور نور عنيا لما عرفت المسيح ... وناوي أكلم كل الناس إلي بيحبوني عن المسيح عن الدين عن الفداء .. عن الكنيسه.

م.العمده يعني مش هتنام ياجميل.

فادي      إيه الدلع الماسخ دوه ... بقولك إيه ... سيبي الولد يعيش مع المسيح ... علي الأقل هيلاقي شئ له قيمه يعيش عشانه .. مش ننه هوه ننه هوه .

حنان      ياربي أنا سمعت الغفله دي في وعظه قبل كده

بولس     مظبوط دي أحد أسباب الوقوع في الخطيه ...الشهوه ... النسيان ...و الغفله ... بس إيه إلي جاب الخطيه هنا ... هي الراحه خطيه

حنان      وارد ... لأن بدون ثمر الواحد مش هيخش ملكوت السموات ... أنا حسه موضوع وجودنا هنا له علاقه بالخطيه والمسيح ... يمكن يكون ربنا بعتنا نبشر بيه.

بولس     والصلبان إلي إختفت من إيدينا ... والعالم إلي مفهوش كنيسه ... لأه .. إحنا ممكن نكون إتخطفنا فوقعنا هنا بالغلط ودي بلد معندهاش فكر بالمسيح .

فادي      إنتي ياست ... هي مش بتردي ليه ... إحنا ليه كل ما نجيب سيرة المسيح ... تبقي مش علي بعضك ... إنت يا ست.

مخلص    معلش خليكم معانا شويه .. أنا مؤمن بإلهكم إلي إتصلب زي المجرمين والخطاه عشان يفدينا ويمحي خطايانا ... عشان يكوِن لينا حياه .. عشان نتغير  ... يا يسوع المسيح .. ساعدني وقويني  وإرشدني (تخرج أنصاف السكينه وتقتله)

أنصاف    كفايه

العمده    إيه إلي عملتيه ديه... يادي المصيبه ...

أنصاف    إسكت ... إسكت لتحصله ...ريحتك منه  ... قي حد تاني عاوز يتكلم عن الدين.

بولس     لأه .. لأه ... أحنا ماشوفناش حاجه ... إحنا هنروح ... إحنا عاوزين نرجع مصر.

مخلص    فادي ... فادي ... تفتكر ربنا هيقبلني عشان أمنت بيه .. ولا هيقول إني إتأخرت.

فادي      حد يتصل بالمستشفي ... متقولش إنك هتموت ... إمال مين هيكرز بإسم المسيح ... هتقوم وهتبقي زي الفل.

مخلص    هيقبلني.

فادي      طبعاً .. إنت دلوقتي مت علي إسمه ... أكيد هيقبلك ... يا خوَنّه .. حد يغيت الراجل ...

مخلص    حنان .. انا كده طبقت الأيه إلي قلتهالي احملوا نيري عليكم و تعلموا مني لاني وديع و متواضع القلب فتجدوا راحة لنفوسكم (مت  11 :  29) ...أنا إتعلمت منك الفداء ... أنا هموت عشان دينك وإيماني بيك .... أنا كده هرتااااااااااااااااااااااااااح

فادي      إيه ديه ... إيديه مدقوق عليها صليب ... مبروك ... المسيح قبلك .. بقيت مسيحي ... مخلص ... مخلص .. مخلص ... الولد مات .. مات ... مات

المشهد الأخير       

 

المذيع     أعزائي المشاهدين ينقل لكم سميح وسميحه وهاني من أرض الحدث نشرة اخبار النجع.

المذيعه   نحن الأن أمام محكمة النجع ... فبعد موت الشهيد مخلص ... دفاعاً عن قضيته ... لقد تولت شخصياً حرم عمدتنا العظيم  أنصاف .. هذه القضيه كي تجد المسؤل عن وفاته.

هاني       ولقد إنتشر في اجواء المدينه ... ما يطلقون علي أنفسهم المبشرين الثلاثه ... وهم بولس وفادي وحنان ... حيث ظهروا بعد موت مخلص مباشرةً مبشرين بما يدعونه ملكوت السموات.

المذيع     أين هي الحقيقه أعزائي المشاهدين ... وما سر هذا الدين الجديد الذي يدعوا به المبشرين الثلاثه.

المذيعه   أيها الساده قد جائنا البيان التالي ... لقد أمسك ش. الغفر ومعاونيه ... بالمبشرين الثلاثه ... ملقين عليهم التهم التاليه. تحريض الشعب علي التوجه للإله الحي الذي يدعونه بالسيد المسيح. (يدخل العمده)

المذيع     وفي حوار للعمده ياعمده عاوزين نأكد صحة خبر المبشرين

العمده    إحنا شعبنا ميه ميه ولا يحتاج لدين أو إله كي يكمل نومه.

المذيعه   مما لا شك فيه أنه نتيجة للإتهام الأول ... فقد إتهموا بتحميل أهل آل مش داريانيين ... حمل الجهد والتعب بعدما كانوا متبعين سياسة النوم والخمد.

هاني       هذا وقد تضاربت الأقوال حول مفهوم الراحه الجديد الذي يقوم بنشره المبشرين والذي لا تدعوا إليه سياسة قفرنا العظيم.

المذيعه   ولقد إتهموا أيضاً حديثاً بواسطه السيده أنصاف ... بأنهم السبب في موت مخلص الذي أضافت وقالت عنه ... الشخصيه المحبوبه والمفضله لديها (يدخل الحاجب)

الحاجب  محكمه(يدخل القضاه في زي بيجامه أو جلبيه نوم + الوشاح ، في دور النيابه انصاف ، المتهمين في القفص)

القاضي    كل دي ناس ... هي الناس دي مش نايمه ليه ... صاحيين بدري ليه ( الحاجب يكلمه) فيه أكل بعد المحكمه أه .. طب إبقي إحجزلي طبقين معاك ... نبدأ الجلسه ... هدوء في قاعهة المحكمه ... هدوء في قاعة المحكمه ... عاوزين ننام .. نبدأ المحكمه ... نادي يابني علي القضيه (نام) ... إنت لحقت يا خويه ... دحنا لسه بنقول يا هادي ... قوم قول القضيه.

الحاجب  ( يقولها وهو يتاوب وبكسل شديد) القضيه رقم 1 قضيه قتل الإستاذ مخلص.

القاضي    مجيبلك مايه وتستحمه وتغسل وشك وإنت واقف جمبي .. احترم نفسك وأقف ..النيابه تقول كلمتها

فادي      مظلومين يابيه .. مظلومين يا سيادة القاضي ... مظلومين ... إحنا مقتلناش حد.

القاضي    إسكت يا ولد لحبسك.

فادي      إمال انا دلوئتي فين بتفسح في الجنينه .. ما أنا محبوس.

القاضي    إسكت ... النيابه تتفضل.

النيابه     لقد أثبتنا جلالتك (القاضي يفرح) ... بالدليل القاطع ... أنهم هم القتله ...

بولس     فين الدليل.

القاضي    وبعدين ! .. انا هنا إلي بسأل ... هه مين قطع الدليل.

النيابه     قطع الدليل

القاضي    مش بتقولي قاطع.

فادي      يا نهار أبيضد ه مش عارف الفرق بين قاطع ... ومقطوع ... قاطع يعني لا شك فيه يا جناب القاضي.

القاضي    قاطع يعني لا شك فيه ... العلام حلو.

فادي      علام ... لهو حضرتك مكملتوش ولا إيه.

القاضي    وبعدين !

حنان      إسكت يا فادي ... ربنا يستر.. يا فندم كنا عايزين نعرف الدليل.

النيابه     أهوه .. أهو ... تموين الطبيب الشرعي.

بولس     تموين ... تقرير ... لا إحنا كده متنا ... مافيش حد يدافع عننا في البلد دي.

النيابه     أثبت التموين ... إن البصامات إلي علي سكينة القتل ... متشابهه بالكامل مع بصامات المتهمين.

القاضي    يا سلام ... دليل قاطع... فين المحامي بقي. ( محدش يرد) إتاخر ليه ... المواصلات برده ... طب المتهمين يتكلموا .. بس بنظام ... الحاجب مش عارف ينام.

حنان      حضرتك إحنا مقتلناش حد.

بولس     هي إلي قتلت .. وعايزانا نتشنق مكانها.

القاضي    هي مين

بولس     النيابه ... مدام أنصاف...

القاضي    النيابه هي إلي قتلت ... إيه الجبروت ده ... بتتهم النيابه ... يابني إنت لو فلت من تهمة القتل مش هتفلت من التهم التانيه ... إنتوا متهمين بتحريض الشعب علي العمل والهدف ... علي الصحيان ... وإحنا سياستنا الراحه المرحرحه ( يشخر الحاجب) ... أهوه شفت .. راحه مرحرحه.

فادي      فقط عيشوا كما يحق لانجيل المسيح حتى اذا جئت و رايتكم او كنت غائبا اسمع اموركم انكم تثبتون في روح واحد مجاهدين معا بنفس واحدة لايمان الانجيل (في  1 :  27)

القاضي    أيوه إيه السبب ... ما هو الفائده التي سوف تأتي بها من عملك وجهدك؟

بولس     عشان نسمع صوته وهوه بيقول

            2تي4: 7-8 قَدْ جَاهَدْتُ الْجِهَادَ الْحَسَنَ، أَكْمَلْتُ السَّعْيَ، حَفِظْتُ الإِيمَانَ، وَأَخِيراً قَدْ وُضِعَ لِي إِكْلِيلُ الْبِرِّ، الَّذِي يَهَبُهُ لِي فِي ذلِكَ الْيَوْمِ

القاضي    يوم إيه.

حنان      يوم الموت ... اليوم الأخير ... اليوم الذي اقف قدام الله ... وتعطي حساب عن وكالتك وتجارتك ووزنتك.

النيابه     كلام فارغ ... أصلاً إحنا معندناش رب ... إحنا عايشين في بساطه ووداعه بعيد عنه... إيه الإستفاده من وجوده ... إحنا ماعندناش رب ... ومع ذلك .. ناجحين جداً.

حنان      المسيح بيقول انا الكرمة و انتم الاغصان الذي يثبت في و انا فيه هذا ياتي بثمر كثير لانكم بدوني لا تقدرون ان تفعلوا شيئا (يو  15 :  5)

النيابه     وإحنا مش عايزين نفعل شيئاً ... إحنا بس بنام.

فادي      والناس إلي بتموت ... من غير ماتساعدوها .. والمحاصيل إلي كلها بور وقشف ... والجهل .. والصحه ... دي حتي اللبس مش بتهتموا بيه .. لو مافيش عمل تتهتموا بيه ... يبقوا كانكم عايشين أموات بلا هدف ... بس نايمين..

النيابه     وهوه ده المطلوب .. ثم إنتوا مالكم ... خليكم في إلي إنتوا فيه .. إلا أذا كنت غيرانين مننا .. وعاوزين تقلدونا.

بولس     دي رسالة مخلصنا ... انا مجدتك على الارض العمل الذي اعطيتني لاعمل قد اكملته (يو  17 :  4)  ... هتمجدي ربنا إزاي وإنتي نايمه .. وإنتي خاطيه بعيده ... لازم يكون فيه أعمال ... عشان تثبتي بيها إيمانك لإلهك.

النيابه     إلهي ... هاهاهاهاها ... طب مات ليه ... و إشمعنه الصليب بالذات يموت عليه

حنان      مات عشان يخلصنا من الموت إلي كان مكتوب علينا ... بسبب الخطيه

بولس     مات عشان يخلق طريق جديد للتوبه والغفران.

فادي      مات عشان يكون لينا حياه ...  لانه جعل الذي لم يعرف خطية خطية لاجلنا لنصير نحن بر الله فيه (2كو  5 :  21)...

النيابه     إحنا مش عايزين حياه ... ولا موت ... النوم أهم حاجه عندنا

بولس     قد هلك شعبي من عدم المعرفة لانك انت رفضت المعرفة ارفضك انا (هو  4 :  6)

النيابه     طب جاوبوني .. لو كان هوه الله ... إشمعنه هوه إلي قرر يتصلب ويفديكم ... ليه بالذات هوه.

حنان      خطية ادم كانت قدام الله الغير محدود ... عشان كده  الخطيه كانت غير محدوده ... و ما كانش ينفع إنسان محدود هوه إل يكفر عنها

بولس     إتحد اللاهوت بالناسوت وتجسد الله من أجل عمليه كبيره إسمها الفداء والخلاص

فادي      وكان لازم يكون بار ومن غير خطية ، لأن مش معقول إنه يكون خاطئ وإلا ، كان الأولى إنه يموت عن خطاياه الشخصية ... فكان لازم التجسد يحصل لأن مفيش بار علي الأرض حتي لو كانت يوم واحد علي الأرض.

بولس     كمان الله هو اللى لعن الأرض وعلشان كدة كان لازم هو اللى يفك اللعنة بنفسه وحط الشروط إلي قلنهالك

حنان      يكون إنسان

فادي      يكون بار بلا خطيه

بولس     يكون بطبيعته قابل للموت

حنان      أن يكون غير محدود ( الكل نائم ويشخر)

النيابه     هاهاهاها ... معلش محدش فهم الكلام بتاعكوا ... أصلهم ناموا وإستسلموا للراحه شويه هاهاهاهاهاها... مفيش فايده ... ومالوش لازمه ... الغافر الكبير القدير ... إحنا مش عايزينه .. هتموتوا النهارده .. وهتبقوا زينا عايشين لكن ميتين ... إنتوا لسه قدامكم الفرصه ... يا تختاروا تعيشوا زينا ... يا تموتوا وميكنش ليكم وجود أصلاً

الجميع    لاننا ان عشنا فللرب نعيش و ان متنا فللرب نموت فان عشنا و ان متنا فللرب نحن (رو  14 :  8)

النيابه     هاهاهااهاهها ... ماشي ... إنتم عايزين تموتوا ... هموتكم ... إذا كان ده رغبتكم ... إحنا عاوزين  (صوت مخلص)

مخلص    عايزين الناس تعيش مغيبين ... عايزينهم .. يعيشوا ميتين ... عايزنهم بعاد محتاجين للراحه وهما مش عارفين إن راحتهم في تعبهم وبعدهم عن آل المش داريانيين.

بولس     مش ممكن ... ده صوته.

النيابه     إيه ده ... إنت مين.

فادي      (القاضي نائم) حد يضرب القاضي ديه ... حد يقومه ... إصحي ياخويه ... إصحي ... الولد رجع ... المسيح قومه من الموت ... فين لسانك يا نيابه ... كله الكتكوت ولا إيه. ( يدخل مخلص ويستيقظ الجميع)

مخلص    سيدي يسوع المسيح ظهرلي وفهمني وقومني من الموت عشان اجي وأبطل حيل الملعون.

النيابه     أنا همشي.

مخلص    متمشيش لسه الحكايه منتهتش ... ومش بسهوله هتهربي ... الرب الإله الحنان ... تواضع وإتجسد وعاش وسطينا ومات من أجلنا ... عشان يكون لينا حياه أفضل ... تقومي إنتي عاوزه بنومك وغفلتك ... تبعدينا عنه .. إنتي بتحلمي.

النيابه     أنا بحلم .. أكيد أنا نايمه وبحلم ... مش ممكن تكون إنت .. مخلص.

فادي      بتحلمي ... ده اني هخليكي ... تشوفي أسوأ كابوس في حياتك.

مخلص    بسم يسوع المخلص ... موت أيها الملعون

النيابه     أاااااااااااااااه .. لااااااااااااااا... لاااااااااااااا ... ( يموت)

حنان      مخلص ظهرله المخلص وخلصه... إيه ده الصليب رجع تاني في إيدي ...

مخلص    من الأول وهوه كان علي إيدك ... من الأول وهوه موجود ... بس إحنا إلي كنا مش داريانيين بيه .. بسبب الغفله.. قوموا من غفلتكم .. وإفعلوا ثماراُ تليق بالتوبه ... فتوبوا و ارجعوا لتمحى خطاياكم لكي تاتي اوقات الفرج من وجه الرب (اع  3 :  19).

 

النهايــــــــــه

ولربنا المجد الدائم من الأن وإلي الأبد أمين

 لتنزيل الاسكتش للطباعة بصيغة ال word

 أضغط هنا