اسكتش توني و السامري الصالح للاطفال

 توني و السامري الصالح

 

نفس الخلفية المستخدمة من الدرس الثاني ، الالة في خلفية المسرح 

داخل الصندوق يوجد :

ـ الكتاب المقدس

ـ نظارة

ـ قلب ورقي كبير

ـ زوج من الجوارب

كوتش

ازيكم يا ولاد فرصة رائعة جدا اني اشوفكم تاني و احنا بنكتشف احنا موجودين ليه هنا على الارض. ممكن ننادي على توني دلوقتي و ممكن تساعدوني .

الاولاد

 ت ت ت تو و و و ن ن ن ي

كوتش

اهلا بيك يا توني احنا متجمعين عشان نسمع اجابة الله عن سؤال "ليه انا موجود هنا؟"

بما انك يا توني بقالك اسابيع بتتعلم عن سبب وجودك على الارض . دلوقتي ممكن تجاوب بايه على سؤال "ليه انا موجود؟"

توني

انا عايز اكسب في الكورة و الفولي و العاب الجري

كوتش

لا يا توني مش معقول

توني

بص انا ما فزتش في اي لعبة مع مجموعتي .. و ممكن افوز عليك لأني لما بالعب مع ناس ابطأ مني زيك اغلبهم بسهولة

كوتش

يا توني مش باهزر دلوقتي . كل واحد لازم يعرف اجابة السؤال "ليه احنا موجودين هنا؟"

توني

الله خلقنا عشان حاجات مهمة و احنا لازم نعرف نعملها

كوتش

تمام . خلينا نراجعهم مع بعض ... كان معانا الآلة المدهشة ديه و كانت كل مرة تطلع صندوق يساعدنا نعرف "ليه احنا موجودين هنا؟"

توني

انا فاكر الاهداف ديه

كوتش

طب كويس يعني لو حد سألك في الاسبوع الاول "ليه انت موجود على الارض" هاتكون الاجابة عشان عبادة الله لكن ايه معنى العبادة؟

توني

ده معناه اننا موجوين هنا عشان نحب الله

كوتش

مظبوط احنا بنحبه عشان هو بيحبنا

و الاسبوع اللي بعده كانت الاجابة عن سؤال ليه انا موجود هي الشركة يا ترى عارف يعني ايه شركة ؟

توني

ده معناه اننا موجودين هنا عشان نكون من ضمن عائلة الله.

كوتش

مظبوط وقلنا اننا زي الاجزاء المختلفة في الجسد الواحد

و الاسبوع اللي فات كانت الاجابة عن سؤال ليه انا موجود هنا هي التلمذة . يا ترى فاكر ده معناه ايه؟

توني

هي حاجة كده قريبة اني اكون تلميذ انا مش فاكر بالظبط

كوتش

طب فاكر لما لقينا في الصندوق السري قزازة بلاستيك اللي اتملت بالمية اللي هو الروح القدس و بالتالي نكون شبه المسيح.

توني

هي ديه احنا هنا عشان نكون على شبه المسيح

كوتش

دلوقتي جه الدور اننا نجاوب على السؤال "ليه انا موجود هنا" عشان ربنا يعرفنا الهدف الرابع من حياتنا

توني

كان عندنا العبادة و الشركة و التلمذة .... يا ترى ممكن يكون ايه؟

كوتش

ممكن نشوف الآلة هل عندها صندوق تطلعه لينا النهاردة نشوف فيه الاجابة.

نفس المؤثرات الصوتية و الضوئية و المرئية المستخدمة في الاسكتشات السابقة في لحظة ظهور الصندوق

توني

مدهش! ايه اللي نزل المرة دي ؟

كوتش

ها بص اه .. في بعض التعليمات ( يمسك كل جزء يتكلم عنه)  في الصندوق السري فيه كتاب مقدس .. كوبايتين .. قلب كبير .. جوانتيات و كمان التعليمات، خلينا نشوف بتقول ايه

ممكن تستنى شوية يا توني لغاية ما اقرأ المكتوب في التعليمات لاصحابي

توني

هارجع اول ما تخلص

السامري الصالح

عرض تقديمي

كوتش

التعليمات بتقول اننا لازم نمثل مثل السامري الصالح اللي حكاه يسوع .. ممكن يساعدك 7 اطفال و واحد كبير بحيث يسمعوا و يمثلوا المثل.. ممكن تطلب دلوقتي من الممثلين انهم يطلعوا و تساعدهم بملابس و الادوات اللازم

 

( لاختصار الوقت يمكنك ان تجهز الاولاد بوقت كافي

الشخصيات الممثلة :

المسافر: يلبس رداء و مع حقيبة نقود

اثنان سارقين: يلبسون قناع

كاهن : يلبس رداء اكثر اناقة

اللاوي: يلبس عمامة على رأسه و رداء له حزام

السامري: يلبس رداء عادي ، حقيبة نقود ، صندوق اسعافات اولية

صاحب الفندق : رداء عادي

حمار: شخص ناضج يقوم بشخصية الحمار بشكل مرح و يلبس اذنان لهم شبه بالحمار

 

كوتش

في راجل جاوب على يسوع " تحب الرب الهك من كل قلبك" " واما هو فاذ اراد ان يبرر نفسه قال ليسوع ومن هو قريبي" فقام الرب يسوع بالاجابة على سؤاله و حكى له قصة تبين اننا موجودين هنا عشان خدمة الاخرين

و عشان نتخيل القصة صح ها نفترض انه ده الطريق من اورشليم لاريحا و الحرامية دايما يستخبوا في الطريق ( حرك اللصوص في اماكنهم)

 

كان مرة في واحد مسافر من اورشليم لاريحا و الحرامية طلعوا عليه عشان يسرقوه ( قل للصوص ان يخلعوا رداء الرجل المسافر) و ضربوه ( يتظاهر اللصوص بضرب الرجل المسافر) و سابوه كأنه ميت ( يتظاهر المسافر بالموت)

 

بالمصادفة كان في كاهن مسافر في نفس الطريق و الكهنة دول ناس متدينين قوي و مهمتهم انه يساعدوا في خدمة الله اقرب للقسس النهاردة

 

( الكاهن يدخل و يعبر بجوار المسافر) عندما يرى الرجل يذهب لرؤيته و يكمل مسيره كما كان . حاجة صعبة قوي هو حس ان الراجل ده متعور و مضروب . اكيد لكنه ما داش اي اهمية . هل شعر بالاسف على الرجل اللي واقع على الارض شبه ميت؟

 

استنى شوية الظاهر في صوت واحد بيتألم من الراجل اللي نايم على الارض . انا باقول انا سامع صوت حد ( اخبر الممثل ان يتأوه) طب تفتكروا الكاهن حس بالاسف لم سمع صوته . ابدا ما كانش عايز يحشر نفسه في الموضوع . مش عايز يلوث ايديه.

 

و بعدين في لاوي جه للمكان . اللاوي ده واحد ليه وظائف دينية مهمة . ممكن يعمل شوية تصليحات في الهيكل و حاجات كتير ليها علاقة بالديانة اليهودية. تفتكروا اللاوي ده هايشوف المسافر

تفتكروا هايحس بحاجة او يعمل حاجة؟ خلينا نشوف.

 

( يتحرك اللاوي بقرب المسافر) عندما يرى الرجل ، يدور حوله و يكمل مسيره بعد ذلك ، استنوني لحظة انا لازم اقابل الراجل ده

 

لو سمحت يا استاذ ، هو حضرتك اعمى ؟

 

اللاوي

لأ

كوتش

شوفت الراجل المضروب ده؟

اللاوي

ايوة

كوتش

هل حسيت باي نوع من الاسف عليه ؟

اللاوي

مافيش مشكلة

كوتش

انت قلبك حجر ، حد فيكم يا ولاد حاسس باي نوع من البرود ، انا كمان مش قادر اعبر عن الاستغراب

 

وريني كده يا استاذ لاوي اي صباع في ايدك اتحرك لمساعدة الراجل ده. ما فيش. مش عارف ايه رأيكم يا ولاد في الراجل ده

لكن كان في واحد سامري مسافر على نفس الطريق . مش عارف انت سمعتوا عن السامريين قبل كده و لا لأ

انا اقولكم اليهود كانوا بيعتبروا السامريين عبارة بقعة سودا و انهم اقل من اليهود بكتير.

 

السامري جه ناحية الراجل ... اكيد مش هايشوفوا انا متأكد من كده ( السامري يركع ليرى اليهودي) استنوا لحظة ده بيشوف المسافر محتاج ايه . ده حاسس بألم الراجل

 

راح للمسافر و نضف و ضمد جراح الراجل المسافر ... ايه اللي بيحصل ده

 

و بعدين يركبوا على الحمار بتاعه . ممكن نطلع الحمار لو سمحتوا ، افتكروا يا شباب الحمار بيمشي على اربع رجلين (اذهب لتعدل من مشية الحمار) كده مظبوط ممكن نحط الراجل المجروح ده عليه

 

ودى الراجل المسافر لفندق صغير و اعتنى بيه و تاني يوم السامري دفع قطعتين من الفضة لصاحب الفندق عشان يهتم بيه و قال للراجل "خد بالك منه و لو دفعت فلوس اكتر من كده انا هادفعها لك في رحلتي الجاية" ايه اللي بيحصل ده السامري بيدفوع فلوس لراجل ما يعرفش عنه اي حاجة

و بعدين الرب يسوع سأل " فاي هؤلاء الثلاثة ترى صار قريبا للذي وقع بين اللصوص."

 

انا عايز رأيكم انتوا مين فيهم يعتبر قريب الراجل المسافر ( احضر الكاهن و اللاوي و السامري امام الجمهور) اللي موافق على حد يقول "هيه" اللي معترض يقول "ييه")

الموافق على الكاهن؟

الاولاد : ي ي ي ه

الموافق على اللاوي ؟

الاولاد : ي ي ي ه

 

طب الموافق على السامري

الاولاد : هيه

 

فقال له يسوع اذهب انت ايضا واصنع هكذا

 

دلوقتي لو سألت نفسك انت ليه موجود هنا لازم تكون اجابتك عشان الخدمة ـ احنا هنا عشان نساعد الاخرين

توني و السامري الصالح

توني

الراجل سمسم ده عمل عمل عظيم في مساعدة الناس

كوتش

انت قصدك السامري الصالح

توني

ايوه سمسم ده شاطر قوي بس انا مش عارف ايه لازمة الحاجات اللي موجودة في الصندوق

كوتش

خلينا نشوف ( امسك النظارة) ازاي النظارة ديه تفكرنا باللي عملوا سمسم الصالح؟ مظبوط انه قدر يشوف الراجل المسافر

توني

فهمت. طب ايه لازمة القلب الكبير؟ انا متهيألي انا عرفت ان السامري الصالح حب الراجل و حس باحتياجه

كوتش

(امسك القلب) تمام لكن في حاجة كمان تخص القلب ده . لما يكون في حد مجروح او احتياج احسن حاجة تعملها انك تفهم ايه شعور الشخص.

توني

فهمت ، اول حاجة اني لازم اشوف الاحتياجات زي السامري الصالح ما عمل و بعدين احس بالشخص المجروح زي ما عمل السامري الصالح . يا ترى بقى ايه الحاجة التالتة. فيه جوانتي في الصندوق

كوتش

الجوانيتات هي الايدين . لازم نستخدم ايدينا في مساعدة الغير

توني

يعني الخدمة لما نلاقي حد متعور مثلاً لازم نقف نساعده

كوتش

بس مش هي دي بس الخدمة. كل واحد عنده موهبة من عند الله لازم يستخدمها في مساعدة الغير لكننا محتاجين التلات حاجات دول :

1 ـ محتاجين نشوف الاحتياجات ( امسك النظارة)

2 ـ محتاجين نحس بالناس اللي في احتياج ( امسك القلب)

3 ـ محتاجين نعمل حاجة عشان نساعد الناس (امسك الجوانتيات)

 

توني

انا فهمت احنا هانقدر نعمل ده اول ما نكبر و نبقى في سن السامري الصالح "سمسم"

كوتش

لا يا توني احنا نقدر نعمل كده من دلوقتي. كل واحد عنده مقدرة خاصة عشان يشوف احتياجات الناس و يحس بيها و يساعدهم هانتكلم عن ده في مجموعتنا الصغيرة ... يااللا نروح دلوقتي

توني

ممكن اصلي الاول؟

كوتش

اتفضل يا توني

توني

يا رب اشكرك لأنك خلقتناعشان يكون لينا خدمة نساعد بيها الناس. محتاجين نكون قادرين اننا نشوف احتياجات الناس . نحس بيهم و نتعاطف معاهم و بعدين نقدم ليهم حاجة انا مش عارف انا هاعمل ايه عشان اخدم الناس لكن ساعدني و وريني عشان اقدر انجزها عشانك لأني باصلي في اسم يسوع امين

                          لتنزيل الاسكتش للطباعة بصيغة ال word

 أضغط هنا