اسكتش احكي يا شهرزاد للاطفال

فى البدايه مجموعه اطفال يغنون اغنيه احكى يا شهرذاد ثم مشهد شهرذاد تحكى لشهريار

شهرذاد/ بلغنى ايها الملك السعيد ذو الراي الرشيد بان كان هناك ملك عظيم دائما كان سعيد وكان يعيش في قصر كبير وبينه الخدم والحشم كثير وفي ذات يوم ظهر ولد جميل وبنت اجمل من كل بنات العالم

سفروته تدخل ملابسها ممزقه هى وسفروت

سفروته/ ولا يا سفروت تعالي يالا متخافش

سفروت /اجى فين انتى عارفه احنا فين احنا في قصر الملك

سفروته / هو ده احسن مكان نشحت فيه

سفروت/ يعنى ممكن يشحتنا حته لحمه

سفروته/ لحمه بس يا واد ده ملك يعنى هيشحتنا لحمه وفراخ وحمام وبط يالا بقي نشوف شغلنا

سفروت وسفروته/ حسنه قليله تمنع بلاوي كتيره

سفروته/ عشا الغلابه عليك يا رب

سفروت/ حسنه قليله تمنع بلاوى كتيره

يدخل عكرود

عكرود/ امشي يا واد انت وهى روحوا اشحتوا بعيد عن القصر هاروش ميه امشوا من هنا

سفروت/ ربنا يخليك وتبقي وزير ادينى حته لحمه

سفروته/ يا رب اشوفك غفير قصدى ملك ادينى ورك فرخه

عكرود/ طب امشوا دلوقتى وتعالوا بعدين الملك زمانه جاي

سفروت/ خلاص احنا هنستنا الملك ونشحت منه احسن

سفروته/ على الاقل ده ملك ومعاه فلووس كتير

عكرود/ يا عيال امشوا وتعالوا بعدين

سفروته/ مش هنمشي غير لما نشوف الملك

استعراض

وسع انت وهو وهى وسع للملك تحيه للملك شرفه قصرك يا مولاى نورت قصرك يا مولاي انت ملكنا الهمام انت كبيرنا يا مولاى

سفروت/ مولاى احنا غلابه من شعبك يا مولاى

سفروته/ وجعانين اوووى يا مولاى عاوزين ناكل

سفروت/ يا رب تبقي ملك اكلنا

سفروته/ ماهو ملك يا واد

الملك/ انتم اسمكم ايه

استعراض

سفروت وسفروته/ انا انا انا انا سفروت وانا وانا وانا انا سفروته هو اخويا لا لا لا هى اللى اختى

الملك/ وفين بابا وماما

سفروت وسفروته/ بابا وماما راحوا اسما ومالناش حد في الدنيا غير ربنا

الملك/ طب ايه رايكم اعرض عليكم عرض مش بطال

سفروت وسفروته/ تعرض علينا عرض مش بطال

الملك/ انا الملك ماعنديش اطفال عندى فلوس ودهب اطنان اطنان

سفروت وسفروته/ فلوس ودهب اطنان اطنان واوووووووووو

الملك/ ايه رايكم تعيشوا هنا والقصر ده يبقي ملكم

ينتهي الاستعراض

سفروت/ انت بتقول ايه يا مولاى

سفروته/ عاوزنا احنا نيجى نعيش في القصر ده بهدومنا واشكالنا الوحشه دى

الملك/ انا ماليش اولاد وانا حبتكم اوووى ايه رايكم تعيشوا في القصر معايا وتبقوا اولادى

سفروته وسفروت/ نفكر

سفروته/ ايه رايك يا سفروت

سفروت/ ولما نعيش معاك هتلبسنا لبس نضيف

سفروته/ ايوه صحيح وهتاكلنا كل اللى احنا عاوزينه

الملك/ كل اللي انت عاوزينه هاعمله

سفروت وسفروته/ خلاص احنا موافقين

الملك/ يا عكرود

عكرود/ مولاي الملك

الملك/ خد سفروت وسفروته لبسهم احلي لبس واكلهم احسن اكل من النهارده سفروت وسفروته بقوا اولاد الملك واقيموا الافراح في كل البلاد وعلقوا الزينه في الشوارع واضيئوا الانوار اربعين يوم واربعين ليله

يدخل الاستعراض

علقوا الزينه في الشوارع نوروا نور البلاد الملك بقي ليه اولاد

زغرطوا وافرحوا النهارده عيد الاعياد

فرحه الملك مالهاش حدود

اسمعوا يا اهل البلاد سفروت وسفروته بقوا ملوك

يدخل سفروت وسفروته بلبس ملوك

سفروت/ شايفه العز اللي احنا بقينا فيه يا سفروته

سفروته/ انا مش مصدقه نفسي القصر ده كله بقي ملكنا

يدخل الملك

الملك/ صباح الخير يا سفروت صباح الخير يا سفروته

سفروت وسفروته/ صباح الخير يا احلي ملك في الدنيا

الملك/ اسمعوا انا رايح رحله وممكن اطول شويه

سفروت/ طب ما تاخدنا معاك

الملك/ ومين هيخلي باله من القصر ومن الحكم

سفروته/ قصدك ايه

الملك/ قصدى انكم هتبقوا مكانى يعنى انت الملك وانتى الملكه

سفروت/ بس احنا منعرفش نحكم

الملك/ خدوا الكتاب ىاده اقروه كويس واى مشكله هتقابلكم هتلاقوها في الكتاب ده ياالا بقي علشان انا هتتاخر يالا سلام

شهريار/ وكتاب ايه اللى ادهولهم ده

شهرزاد/ ده كتاب في كلام حلو اووووى كتاب اللي يقراه يعيش مبسوط علي طول ولو عنده مشكله يلاقي حلها في الكتاب ده

شهريار/ طب انا عاوز الكتاب ده

شهرذاد / اصبر يا مولاى لاخر الحكايه

سفروته/ ها يا سفروت هاتعمل ايه دلوقتى

سفروت/ اول حاجه هاعملها هاعمل ذى الملك معانا

سفروته/ مش فاهمه حاجه

سفروت/ مش احنا كنا فقرا والملك عطف علينا وادانا لبس واكل كتير وكمان خلانا اولاده

سفروته/ فهمتك يا سفروت قصدك اننا نعمل اللي اتعلمناه من الملك

سفروت/ اول حاجه منخليش في حد فقير او محتاج من الفقرا كلنا لازم نساعد الفقر والمحتاجين ذى ما عمل الملك معانا

يدخل عكرود

عكرود/ مولاى الحق يا مولاى مصيبه يا مولاى

سفروت وسفروته/ في ايه ايه اللي حصل

عكرود/ في ناس شريره اووووووى جايه يا مولاى وعاوزه تحربنا وتاخد المملكه مننا

سفروت/ مش معقول واحنا هنعمل ايه دلوقتى

سفروته/ والملك ماكنش عارف

عكرود/ لا طبعا الملك عارف

سفروت/ يعنى الملك عارف سفروته تعالي اقعدى جنبي وصوتى معايا

سفروت/ جت الحزينه تفرح مالقتش ليه ماطرح

سفروته/ جت الحزينه تفرح مالقتلهاش ماطرح يالهوى

سفروت/ طب سابنا ليه هو عاوز الناس الشريره دى تنتصر علينا

سفروت وسفروت/ انت فين يا ملك سبتنا للناس الشريره دى ليه هو انت مش بتحبنا ولا ايه

صوت الملك/ خدوا الكتاب ده واى مشكله هاتقابلكم هتلاقوا حلها في الكتاب ده

سفروت/ الكتاب ايوه الكتاب هو فين الكتاب

سفروته/ هات الكتاب بسرعه يا سفروت

استعراض

فين الكتاب هاتوا الكتاب وافتحوا بسرعه الكتاب

واجمعوا اهل البلاد وكلوا يقرا الكتاب

اقرا كويس قول الحل

استنى شويه يا مولاى

يالا بسرعه مفيش وقت كلنا لازم نقرا الكتاب

عكرود/ لقيت حاجه يا مولاي

سفروت/ ايوه لقيت الحل

سفروته/ وانا كمان لقيت الحل في الكتاب

بنت 1/ وايه الحل

بنت2/ قولونا بسرعه/

ولد 1/ يالا يا مولاى الناس الاشرار زمانها جايه

ولد2/ ها يا مولاى الكتاب بيقول ايه

سفروت/ طبعا انتم مبتعرفوش تقروا

سفروته/ علشان كده مش عارفين ايه الحل ولا الكتاب بيقول ايه

عكرود/ بيقول ايه يا مولاى

سفروت/ علشان كده الناس الاشرار جايه عاوزه تحاربنا

كلهم/ مش فاهمين حاجه

سفروته/ الناس دى لما عرفت انكم جهله ومش متعلمين فعرفوا انهم سهل جدا ينتصروا عليكم

عكرود/ وطب ونعمل ايه دلوقتى يا مولاى

سفروت/ كلنا لازم نتعلم كويس ونبقي اشطر ناس في الدنيا كلها

سفروت/ لو قدرنا نعمل كده محدش هيقدر علينا

1/ من النهارده كلنا هنتعلم

2/ونروح المدارس

1ولد/ ونبقي اشطر ناس في الدنيا

2بنت/ علشان بالتعليم هنقدر نحافظ علي بلدنا اللي بنحبها

سفروت/ في حاجه تانيه بيقولها الكتاب

بنت1/ ايه يا مولاى في ايه تانى

سفروته/ بيقول ان في ناس منكم مش بيحبوا بعض

سفروت/ والناس الاشرار لما عرفوا كده كمان قرروا انهم يحاربوكم ومتاكيدين انهم هينتصروا عليكم

سفروته/ علشان مش بتحبوا بعض

بنت1/ طب انا هامشي

بنت2/ وانا كمان

سفروت/ استنوا

سفروته/ انتم اللي مش بتحبوا بعض مش كده

بنت1/ ايوه مش بحبها علشان هي عندها حاجات حلوه كتير وانا مش عندى

بنت2/ وانا كمان مش بحبك علشان انتى عندك اصحاب كتير وانا مش عندى

سفروت/ ربنا اداكى حاجات هي مش عندها

سفروته/ وانتي كمان ربنا اداكى حاجات هي برضه مش عندها

سفروت/ لو انتم حبيتوا بعض هتبقوا اصحاب

سفروته/ واللي مش عندك هى هتدهولك

سفروت/ واللي انتى مش عندك هي برضه هتدهولك

بنت1/ يعنى انتى ممكن تدينى من لعبك وحاجات اللي مش عندى

بنت2/ طبعا وليه لا

بنت1/ وانا كمان هاعرفك علي كل اصحابي ونبقي كلنا اصحاب

سفروت/ طول ما احنا بنحب بعض محدش هيقدر علينا

سفروته/ طول ما احنا بنحب بعض محدش هيقدر يقرب لبلدنا اللي بنحبها

ولد1/ انا مش قادر انا هاتكلم

ولد2/ وانا كمان لازم اتكلم

سفروت/ في ايه

ولد1/ احنا فلاحين عندنا ارض واحنا اخوات

ولد2/ ولينا اخ تالت وعنده ارض ذينا

ولد1/ بس ارضه احسن من ارضنا

ولد2/ علشان كده فكرنا ناخد منه الارض بتاعته

ولد 1/ في يوم بالليل روحنا ارضه

يتم تمثيل انهم بيحتوا كيس فلوس في الارض

ولد1/ احنا كده خبينا الفلوس في الارض

ولد2/ روح هات العكسرى ونقوله انه سرق فلوسنا

ولد1/ وجه العسكرى وقبض عليه وحبسوه

ولد2/ واحنا اخدنا الارض

سفروت/ معقوله كل الشر ده

سفروته/ ليه مفيش سلام في قلوبكم

ولد1/ احنا غلطنا يا مولاى

عكرود/ هات اخوهم من السجن

عكرود/ حاضر يا مولاى

يدخل اخوهم

الاخ/ اخواتى انا مبسوطكم انى شفتكم اذيكم عاملين ايه

ولد1// احنا اللي حبسناك

ولد2 / احنا اللي خدنا ارضك

الاخ/ وانا مسامحكم ده انتم اخواتى ومهما عملتوا معايا هتفضلوا اخواتى

1.2/ سامحنى احنا غلطانين

سفروت/ دلوقتى بس اقدر اقولكم ان محدش هيقدر علينا والناس الاشرار مش هيقدروا يقربوا من المدينه

سفروته/ طول ما احنا بنتعلم ونذاكر

عكرود/ طول ما احنا بنحب بعض

سفروت/ طول ما احنا بنسامح بعض

كلهم/ طول ما الكتاب ده موجود والعلم والخير والحب والسلام اللي جواه يبقي جوانا محدش ابدا يقدر علينا ده احنا اولاد الملك

استعراض

هاتوا المنادى ينادى في كل مكان

عاوزين نبنى سور كبير ضد الاشرار

لا بنخاف من سيوف ولا سلاح ولا اشرار

ده داوود كان في سننا وعلشان معاه ربنا قدر يهزم جليات

سورنا هو المحبه

وسلاحنا هو العلم

سورنا هو السلام

سورنا هو الخير سورنا هو كتابنا المقدس

بالمحبه والعلم والخير والسلام راح نبنى السور ضد كل الشرووووووووور

يكونوا اثناء الاستعراض بنوا سور وكل حجر مكتوب عليه

العلم

المحبه

السلام

الخير

يوضع من فوق الكتاب المقدس

اسكتش احكي يا شهرزاد للاطفال