اسكتش القيامة للاطفال
تاسونى: عارفين ياولاد احنا جايلنا مين انهارده ؟ مين
مين الاراجوز
اذيك يا اراجوز
الاراجوز : ازيكوا ياولاد وحشتونى اوى
تاسونى : عامل ايه يا اراجوز انت عارف احنا متجمعين
ليه انهارده
الاراجوز : ايوة طبعا اصلى انا اخدت الاجازة علشان
كده احنا كلنا فرحانيين
تاسونى :اجازة ايه يا اراجوز احنا متجمعين علشان
العيد
الاراجوز : عيد اه اه انا بسمع لكن مليش دعوة
تاسونى : يعنى يا اراجوز متعرفش انت بتجيب
لبس جديد ليه وبتروح الكنيسة ليلة العيد ليه
الاراجوز : انا مالى انا مبسألش على حاجة
المهم البس واكل لحمة وفراخ وحمام
تاسونى : متعرفش ان بابا يسوع قام
الاراجوز : ليه هو كان نايم وحد قومه
تاسونى : لا بابا يسوع اتصلب على الصليب ومات
وقعد تلات ايام فى القبر
وبعدين ( تتخن فى صوتها وتعليه ) قام ونور نور
جامد اوى
الاراجوز : كل ده حصل وانا مش عارف حاجة .
قوليلى يا تاسونى هو قام من
الموت ليه ؟ خلاص انا عارف اكيد كان جعان
علشان كده قام علشان ياكل
تاسونى : يا اراجوز هو انت مش بتفكر فى حاجة
غير الاكل لا طبعا هو قام علشان لما
نيجى نطلع السما يفتح لينا باب الالسما
ويستأبلنا وياخدنا فى حضنه
الاراجوز : الله ايه الحلاوة ديه وهياخدنا فى
حضنه الله بس انت بتقولى حاجة غريبة
شوية هو باب السما كان مقفول وبابا يسوع راح
علشان يفتحه
تاسونى : ايوه طبعآ اصل زمان ادم وحواء ربنا
قال ليهم اوعوا تاكلوا من الشجرة ولو
عملتوا كده هتموتوا
الاراجوز : يالهوى يموتوا اوعى يكونوا مسمعوش
كلامه
تاسونى : اه تصدق علشان كده السما اتأفلت لكن ربنا قال انا بحب ولادى وكل الاولاد
اللى هييجوا من ادم وحوا ومش عايزهم يموتوا
الاراجوز : وعمل ايه ؟ ديه مشكلة !
تاسونى: بابا يسوع قال انا هنزل واموت بدل
اولادى كوووولهم واقوم من الموت
وافتح باب السما علشان كل ولادى يدخلوا السما
الاراجوز : الله ده بابا يسوع ده حلو اوى انا
مكنتش اعرف ان العيد علشان بابا يسوع
راح يفتح باب السما
تاسونى : يعنى مش علشان انت يا اراجوز اخدت
الاجازة
الاراجوز : خلاص عرفت ده انا هروح اقول لكل
اصحابى
تاسونى : تعرف تقول اخرستوس انستى اليسوس
انستى
الاراجوز : يعنى ايه ديه كمان
تاسونى : يعنى المسيح قام بالحقيقة قام تعالى
نحفظها مع بعض ( تقولها مع الاولاد
كام مرة ) وتقول يالا يا اراجوز نقول لاصحابى
باى باى باى باى
لتنزيل الاسكتش للطباعة بصيغة ال word
0 Comments